مدى إعتمادية عربيات بروتون

[أبومعاذ]

متشكريين يا رجالة بروتون الوحوش اللى ردوا ... بس للأسف كنت متوقع مشاركات أكتر من كده عشان الموضوع يبقى مرجع للناس اللى عايزة تجيب بروتون... بس واضح إن الموضوع مش مهم ومالوش لازمة

أكرر شكرا يا رجالة ياللى كتبتم تقييمكم ومعلش أسفين على الموضوع الممل لبقيت الناس

كنت بس حابب أخدم :zb_sor1[1]:

يا باشا الموضوع مش ممل ولا حاجة بس بعض الناس وانا منهم مشافش الموضوع الا دلوقتي...جزاك الله كل خير

بصراحة يا جماعة أنا شوفت الموضوع ده فى قسم نيسان وإقترحه عضو فاضل هناك وشايف إنه موضوع ظريف إنه يتعمل عندنا فى قسم بروتون وممكن يفيد أى حد ناوى يشترى عربية بروتون.

كل فرد يمتلك عربية بروتون يدخل ويقول الاتى:

1. موديل العربيه وسنة الصنع 2009
2. نوع الجيربوكس مانيوال
3. العداد كام الف حوالي 15000
4. اهم قطع الغيار اللى تم تغيرها فى العربيه خلال فتره الاسخدام موتور فانوس امامي شمال
5. التكلفه السنويه للصيانه (يعنى تقريبا بتدفع كام فى السنة على العربية) بالتقريب: صيانة الألف بـ200 + الـ5000 و10000و15000 الواحدة بحوالي 300 يبقى كدا في السنة حوالي 1100-1200ج
   
   
6. يعطى تقييم عام عن مدى رضائه عن العربيه من حيث

• الموتور والسحب 8\10
• الاتزان والعفشه 8\10
• التكييف 8\10
• الكماليات 8\10
• خدمة ما بعد البيع 7\10

وأخيرا لو رجع بيك الزمن تانى هتجيب العربية دى تانى ولا لأ؟ ناوي ان شاء الله أجيب البيرسونا اليجانس اوتو

وممكن نجمع النتائج بعد كده ونعمل احصاء يدل على مدى اعتماديه كل نوع من العربيات المذكوره

وبعد النتائج ما تظهر ممكن لاى فرد عايز يشترى عربيه انه يكون صوره حقيقيه عن تكلفه تشغيل العربيه ومدى كفائتها مما يساعده على الاختيار الصحيح وتعم الفائده ان شاء الله

وشكرا للأستاذ noon_eg من قسم نيسان على الفكرة الممتازة

[M.almaghraby]

<b>كل فرد يمتلك عربية بروتون يدخل ويقول الاتى:

1. موديل العربيه وسنة الصنع persona 2009
2. نوع الجيربوكس manual
3. العداد كام الف 26000
4. اهم قطع الغيار اللى تم تغيرها فى العربيه خلال فتره الاسخدام مفيش حاجة اتغيرت خالص
5. التكلفه السنويه للصيانه (يعنى تقريبا بتدفع كام فى السنة على العربية) حوالي 1200 جنيه
   
6. يعطى تقييم عام عن مدى رضائه عن العربيه من حيث

• الموتور والسحب 9.5
• الاتزان والعفش 10 من 10
• التكييف 8
• الكماليات 9
• خدمة ما بعد البيع 7

وأخيرا لو رجع بيك الزمن تانى هتجيب العربية دى تانى ولا لأ؟ هجيبها تاني </b>

[Eng. Rafy Samy]

صباح الخير يا شباب .. اسمحولي اشترك معاكوا<b>

1. موديل العربيه وسنة الصنع : واجـــــــــا 2008 اليجانس
2. نوع الجيربوكس : مانوال
3. العداد كام الف : 10500 كم
4. اهم قطع الغيار اللى تم تغيرها فى العربيه خلال فتره الاسخدام : لا يوجد (الحمدلله)
   
5. التكلفه السنويه للصيانه (يعنى تقريبا بتدفع كام فى السنة على العربية) : بص يا سيدي حنقول تغيير زيت+فلتر مرتين في سنة يبقى 600 جم(داخل التوكيل) + حنقول بفول العربية مرتين في الشهر 2400 جم + (منظفات + جراج + تشحيم + إلخ ) 2000 جم يبقى مجموع الحسبة تقريباً 5000جم في السنة. (على فكرة دي اول مرة احسبها)
6. يعطى تقييم عام عن مدى رضائه عن العربيه من حيث

• الموتور والسحب : 9/10 بصراحة انا حابب فكرة المواتير الجديدة الـ 1400 تربو..!
  
• الاتزان والعفشه : 10/10 لا نقاش على الثبات والعفشة والاتزان العربية
• التكييف : 10/10 تقييمي ليه ممتاز جداً - يمكن في احسن منه او اقوي منه بس انا مبسوط وراضي جداً عن اداءة
• الكماليات : 8/10 كان نفسي يكون في شوية دلع اكتر بس بحكم موديل العربية - بس إن شاء الله حدلعها على الاخر لما تخلص الضمان بتاعها حخليها ( أليجانز ) بجد
• خدمة ما بعد البيع : 9/10 (فرع الاسكندرية محصلش معاه اي موقف بايخ قبل كده وكل الصيانات عدد على خير الحمدلله.

وأخيرا لو رجع بيك الزمن تانى هتجيب العربية دى تانى ولا لأ؟ 100% ايوة لأن حتى الان لا ارى لها منافس يضم كل الامكانيات الموجودة في الواجا في عربية عائلية واحدة ( أمان - قوة - كمليات - ثبات - سعر - اعتمادية - تكلفة تشغيل).

من الاخر حقول بروتون = صفقة رابحة

أ/ abo.mayyam
الف شكر على الموضوع الهايل ده اللي إن شاء الله يكون مرجع لكل الناس
اعتذر عن تأخيري في الرد
تقبل مروري وتحياتي
</b>

[A. Ibrahim]

في حد تاني معه بروتون في المنتدي و لا كدا خلاص

[Abo.Mayyam]

في حد تاني معه بروتون في المنتدي و لا كدا خلاص

ههههههههه شكلهم كده باعوها

فى إنتظار مزيد من المشاركات من وحوش بروتون

[alf2boshra]

ههههههههه شكلهم كده باعوها

فى إنتظار مزيد من المشاركات من وحوش بروتون

انا بس شهرين تلاته
ألفي بشرى

[MohabSaeed]

كل فرد يمتلك عربية بروتون يدخل ويقول الاتى:

1. موديل العربيه وسنة الصنع
2. نوع الجيربوكس
3. العداد كام الف
4. اهم قطع الغيار اللى تم تغيرها فى العربيه خلال فتره الاسخدام
5. التكلفه السنويه للصيانه (يعنى تقريبا بتدفع كام فى السنة على العربية)
6. يعطى تقييم عام عن مدى رضائه عن العربيه من حيث

• الموتور والسحب
• الاتزان والعفشه
• التكييف
• الكماليات
• خدمة ما بعد البيع

وأخيرا لو رجع بيك الزمن تانى هتجيب العربية دى تانى ولا لأ؟

شكرا عمرو باشا على طرحك للموضوع المهم

موديل العربيه : واجا .

سنه التصنيع : 2005 .

نوع الجيربوكس : منيوال .

العداد : 96800 كيلو .

اهم القطع التى تم تغيرها : مساعدين اماميه .

التكلفه السنويه للصيانه : تمن الزيت و الفلتر و الصيانه المعتاده .

تقيمى عن مدى رضائى عن العربيه من حيث :-

1- الموتور و السحب : 8/10

2- الاتزان و العفشه 9/10

3- التكيف 8/10

4-الكماليات 9/10

5- خدمه مابعد البيع 8/10


و اكيد لو رجع بيا الزمن كنت برده حجيب واجا ... هو فى غيرها !!

[د.محمود صلاح]

بالنسبة لسكان القاهرة الكبرى ,, اعتمادية

اما لسكان الأقاليم وبعدهم عن التوكيل والصيانة فغير اعتمادية

[alf2boshra]

بالنسبة لسكان القاهرة الكبرى ,, اعتمادية

اما لسكان الأقاليم وبعدهم عن التوكيل والصيانة فغير اعتمادية

ممكن تفاصيل
=======
تقبلوا مروري
ألفي بشرى