شكرا أ. محسن صالح وشكرا كثيرا لأيمن

[mo7hamedemad]

يا جماعة انا بكتب دلوقتى عشان اعطى واحد حقة لانة فعلا انساان زوووووووووووق
شكرا أ.محسن صالح جدا على اهتمامك وسرعة ردك علية
الموضوع من الاول انى انا كنت عمال اقارن بين الساجا واللوجان واخيرا كنت خلاص (بعد ما سمعت عن سوء التوكيل وسوء خدمة ما قبل البيع وما بعد البيع) قررت اشترى لوجان وقولت عربية انتشرت بالشكل دة اكيد هتبقى حلوة(وقولت جوة نفسى انها هتبقى 128 المستقبل) واسمع ان التوكيل حلو فرحت توكيل رينو وتفرجت ع العربية ولقيت فيها حجات حلوة (وللحقيقة ف حجات احسن من الساجا) قولت خلاص يومين وانزل اشترى وروحت دخلت ع النت واعدت اللعب فدخلت ع موقع بروتون وبعدت ليهم انى عايز اشوف العربية (وكنت بلعب)ونمت وخلاص انى هشترى اللوجان وفجأة صحيت ع تليفون (رقم غريب) قولت يارب استر يكون خبر حلو الو مين معايا :انا استاذ محسن صالح (مش فاكر حقيقة شغال اية بالظبط لانى كنت لسة صاحى وبينى وبينكم كنت فاكر نفسى بحلم)وبكل زوووووق حضرتك بعت امبارح تقول انك عايز تشوف العربية وتعرف كل حاجة عنها
حسيت بجد وقتها ان وجهة نظرى اتغيرت تماما لان حسيت ان الناس دى عايزة تعمل اقصى ما عندها عشان تدارى عيوب التوكيل
واخيرا شكرا أ.محسن صالح وان شاء الله هجيلك اليوم الى اتفق فية معاك ايمن(ارجل راجل انا شوفتة ف حياتى(هقبلة وهيجى معايا وهيوصلنى بعربيتة) )
بس سؤال هنا هوة ف حد زى أ.محسن ف خدمة ما بعد البيع

[Raul_7]

واللهِ هو بصراحة أستاذ محسن صالح محترم جدا واستقباله لينا في التوكيل كان قمة في الاحترام, وطبعا أيمن غني عن التعريف.

بنسبة للناس المحترمة في خدمة مابعد البيع, اللي معاهم العربية يفيدوك إن شاء الله, بس أنا أسمع إن المهندس امر الكوافي من الناس المحترمين وهو مدير خدمة مابعد البيع.

وللعلم, أستاذ محسن صالح مدير مبيعات بروتون قسم الصحراوي. (أو كل الاقسام الله أعلم).

[alf2boshra]

فعلاً أستاذ / محسن صالح من الناس اللي بجد حد محترم جدا .
وأنا كلمته وسألته على سعر الساجا والراجل كان قمة الذوق في اجاباته
وقلت له إني من طرف أيمن نايل موتورز وعاوز أعرف خصم الكاش كام
ولا أخفيك سرا إنه قالي فيه خصم 1000 بس إوعى يا mo7hamedemad حد يعرف ده في الأستخوبس سر يعني .
وعلى فكرة خصم الكاش زي خصم القسط واحد . توكل على الله اشتري وهي بجد عربيه تحفه .
ودا بشهادة كل اللي جابوها ، ومتشيلش هم خدمة ما بعد البيع .
فيه هنا موضوع مثبت عن الصيانات او اي استفسار ودا ماسكه م / آمر الكوافي .
إنت بتكتب سؤالك مع نوع العربيه ورقم الشاسيه وهو بيرد عليك.. ومبروك مقدماً .
أدينا بنعمل أحلى دعاية يا أستاذ محسن هههههههه
بس بجد بروتون تستاهل .
ألفي بشرى

[jisso82]

أنا مش هقدر أزود كتير على كلام الناس اللى أبدت رأيها بس بصراحة سواء الأستاذ محسن أو المهندس آمر الاتنين قمة فى الذوق والاحترام و عمرهم ما خذلونى فى أى حاجة لحد دلوقتى و إن شاء الله علطول و أيمن طبعا مش محتاج كلام أصلا

[ramyar]

يا جماعه من زمان ومن قبل ما اشتري بروتون وانا متابع شكاوي الاعضاء وشايف انها قلت بنسبه كبيره وده طبعا نتيجه تفاعل الاعضاء والنتيجه بتاعت المقابلات وتوجيهات الساده الاعضاء كمان التوكيل بقي زي الفل واحسن من توكيلات كتير وان شاء الله للاحسن دايما وربنا يبارك لنا في الرجاله بتاعت بروتون

[mohie777]

ايمن فعلا انسان خدوم ومحترم