المطلوب أروح فين ؟؟ :)

[AhmadWag]

السلام عليكم و رحمة الله و بركاته
كنت عايز اشتري ساجا ان شاء الله بس محتاج اقسط 20000 جنيه من تمنها
بس انا عايز تقسيط مباشر بصورة البطاقة و وصل الكهرباء و بس :)
ف لو ممكن تدلوني على معرض ثقة عشان انا مش حاقدر اشتري كده من التوكيل للأسف :(
و جزاكم الله كل خير جميعا و خاصة المهندس أيمن Ayman_52

[Raul_7]

متابع......

[AhmadWag]

لسه محدش جه ياخد بايدي؟
حنام في الشارع ولا ايه :)
يا رب يا كريم :)

[khpopo]

معلوماتى كونتاكت كار عنده تقسيط اسلامى وفى حد من الاخوه قال عن معرض العالميه وده فى شارع السودان قبل شارع سوريا بيقسط مباشر من المعرض وعقد اسلامى انتظر الردود واهلا بيك
ربنا يوفق

[AhmadWag]

جزاك الله كل خير
حشوف كدة كونتاكت كار
و حكلم العالمية
ان شاء الله

[Raul_7]

جزاك الله كل خير
حشوف كدة كونتاكت كار
و حكلم العالمية
ان شاء الله

يا رت يا باشا تقولنا وصلت ل ايه...وألف مبروك مقدما.

[ahmedez_88]

انا جبت ال ساجا من كونتكت كار
انتا بس هاتروح عز العرب و هما عندهم ال Application بتاع كونتكت
هاتدفع 1000 حجز - 100 App.
و انا قسط ال ساجا تقسيط اسلامى 100% من غير تأمين
لو محتاج اى معلومات ممكن تكلم التوكيل
Contact Us
و مبروك مقدما

[Raul_7]

انا جبت ال ساجا من كونتكت كار
انتا بس هاتروح عز العرب و هما عندهم ال application بتاع كونتكت
هاتدفع 1000 حجز - 100 app.
و انا قسط ال ساجا تقسيط اسلامى 100% من غير تأمين
لو محتاج اى معلومات ممكن تكلم التوكيل
contact us
و مبروك مقدما

ألف شكر عالرد, بس بنسبة للتأمين, هو مش فيه تأمين مش حرام, اللي هو تأمين تكافلي تقريبا أو حاجة ؟

[Abo.Mayyam]

ألف شكر عالرد, بس بنسبة للتأمين, هو مش فيه تأمين مش حرام, اللي هو تأمين تكافلي تقريبا أو حاجة ؟

فى شركة وثاق بس البهوات مبيتعاملوش مع عز العرب ولا وجيه أياظه

زائد إنهم بيصرفوا مبلغ رمزى جدا لو حصل فائض فلى الميزانية (100 - 150 جنيه على كلام المندوب هناك)

وفى بيت الـتأمين المصرى السعودى بس مش إسلامى 100% عشان البهوات إبتدوا الشركة يتأمين عادى عشان يعملوا فلوس وبعد كده قالوا إنهم هيشتغلوا تكافلى ويدو للناس جزء من الفائض ... بس لسة مإبتدوش

فسيبها على الله وقل لن يصيبنا إلا ما كتب الله لنا

[ahmedez_88]

ألف شكر عالرد, بس بنسبة للتأمين, هو مش فيه تأمين مش حرام, اللي هو تأمين تكافلي تقريبا أو حاجة ؟

انا راى إن التامين حرام.............خليها على الله و اعمل التقسيط الاسلامى علشان تبقى فى السليم و كونتكت كار محترمين أوى بصراحة ولا رشاوى ولا تبس ولا شاى ولا إكرمية
بتدفع اللى عليك و بس إبقى بص بصة على اللينك ده

ContactCars

[Raul_7]

و نعم بالله....ألف شكرا على ردودكم يا رجالة.

[AhmadWag]

الحمد لله انا رجعت بالسلامة بس لسة معملتش حاجة :)
لظروف خارجة عن الإرادة
طبعا حاولت مع كنتاكت كار بس مش لاقي حد استفسر منوا قبل مل اقدم طلب
السؤال للأخ ahmedez88 بصفتة الخبرة ربنا يبارك فيك :)
انت كنت بتتعامل مع مين في عز العرب؟
يعني عقد البيع بينك و بين مين ؟؟
و لو ممكن تقولنا التفاصيل بالضبط
و يا سلام لو فيه رقم تليفون لكنتاكت كار يبقى كتر خيرك
و جزاكم الله كل خير جميعا :)

[ahmedez_88]

السؤال للأخ ahmedez88 بصفتة الخبرة ربنا يبارك فيك :)

بصراحة الفضل كله يرجع للمنتدى بعد ربنا فى اختيار العربية التحفة ديه التى لاتقارن بكل العربيات اللى فى فئتها
مبدئيا كده:
كونتكت كار بقت شركة قابضة يعنى ايه؟.....لما تروح اى توكييل فى مصر هتلاقى واحد منهم او هتلاقى الApplication بتاعهم موجود.......انا بقى هاقولك انا عملت ايه بالظبط من الاول
1-روحت عز العرب اللى فى العجوزة هتلاقى اللى ماسك مبيعات بروتون إسمه "احمد مجدى" قولوه بس انا من طرف احمد حسن اللى لسه مستلم الساجا الفضى الاوتوماتيك هو فاكرنى كويس علشان انا صدعته تليفونات بصراحة :)

2-هاتدفع 1000 جنييه حجز 100 App بتاع كونتكت

3-بعد يومين كده هتلاقى واحد من كونتكت هيكلمك و يجييلك الشغل عشان الإستعلام تكون انتا بقى محضر HR Letter و صورة بطاقة و وصل نور هيدردش معاك شوية وبعدين يمشى (مش هيقولك بقى على إكرامية او حاجة زى كدة) آخره واحد شاى و شكرا :)

4-هيتصلوا بيك بعديها هيقولولك انتا Accepted

5-اول لما العربية تيجى من ماليزيا بالسلامة هتروح كونتكت اللى فى طريق مصر اسكندرية الصحراوى تدفع المقدم و معاك الورق المطلوب

6-هما هيجهزوا شيك و يشتروا العربية و بيعملولك تفويض عشان تستلم العربية

7-بعد يومين كمان واحد هيكلمك عشان يجييلك المرور عشان الترخيص و ده بقى راجل برنس
هتروح هتلاقيه مخلص كل حاجة فى المرور انا دخلت مرور العجوزة الساعة 12 خارج 12:30 بلا مبالغة

8-تكلفة الترخيص حوالى 490 من غير الطفاية (سنة واحدة )

لو فى حاجة مش واضحة قولوا متكسفووش انا وراكوو لغاية لما البلد كلها تركب ساجا :)

[Raul_7]

بصراحة الفضل كله يرجع للمنتدى بعد ربنا فى اختيار العربية التحفة ديه التى لاتقارن بكل العربيات اللى فى فئتها
مبدئيا كده:
كونتكت كار بقت شركة قابضة يعنى ايه؟.....لما تروح اى توكييل فى مصر هتلاقى واحد منهم او هتلاقى الapplication بتاعهم موجود.......انا بقى هاقولك انا عملت ايه بالظبط من الاول
1-روحت عز العرب اللى فى العجوزة هتلاقى اللى ماسك مبيعات بروتون إسمه "احمد مجدى" قولوه بس انا من طرف احمد حسن اللى لسه مستلم الساجا الفضى الاوتوماتيك هو فاكرنى كويس علشان انا صدعته تليفونات بصراحة :)

2-هاتدفع 1000 جنييه حجز 100 app بتاع كونتكت

3-بعد يومين كده هتلاقى واحد من كونتكت هيكلمك و يجييلك الشغل عشان الإستعلام تكون انتا بقى محضر hr letter و صورة بطاقة و وصل نور هيدردش معاك شوية وبعدين يمشى (مش هيقولك بقى على إكرامية او حاجة زى كدة) آخره واحد شاى و شكرا :)

4-هيتصلوا بيك بعديها هيقولولك انتا accepted

5-اول لما العربية تيجى من ماليزيا بالسلامة هتروح كونتكت اللى فى طريق مصر اسكندرية الصحراوى تدفع المقدم و معاك الورق المطلوب

6-هما هيجهزوا شيك و يشتروا العربية و بيعملولك تفويض عشان تستلم العربية

7-بعد يومين كمان واحد هيكلمك عشان يجييلك المرور عشان الترخيص و ده بقى راجل برنس
هتروح هتلاقيه مخلص كل حاجة فى المرور انا دخلت مرور العجوزة الساعة 12 خارج 12:30 بلا مبالغة

8-تكلفة الترخيص حوالى 490 من غير الطفاية (سنة واحدة )

لو فى حاجة مش واضحة قولوا متكسفووش انا وراكوو لغاية لما البلد كلها تركب ساجا :)

والله إنت راجل زي لفل, بس بنسبة لانهم بيقولوا عايزين تقرير بنكي حديث أو حاجة كده ؟ الكلام ده صحيح ؟ وبعد كده الدفع بيبقى بدفتر شيكات ولا كاش عادي ؟

[ahmedez_88]

والله إنت راجل زي لفل, بس بنسبة لانهم بيقولوا عايزين تقرير بنكي حديث أو حاجة كده ؟ الكلام ده صحيح ؟ وبعد كده الدفع بيبقى بدفتر شيكات ولا كاش عادي ؟

بص يا معلم
1- لازم يكون عند حساب فى البنك
2- بتروح البنك تتطلع دفتر شيكات بتحتاجه فى كونتكت
3- انتا بتكتب على نفسك شيكات بالمتبقى فى ثمن العربية بس مش ثمنها كلها
4- طرق الدفع بقا

• • تروح كونتكت نفسها و تدفع القسط + 10 جنييه مصاريف تحصييل
  • هما هيدولك طلب تقدمه للبنك و البنك يخصم القسط فى ميعاده و يحوله على حساب كونتكت و ديه احسن طبعا لو بتقبض على بنك