حد يقنعني أشتري الساجا

[HAKOOM1]

دولوقتي أنا محتار بين اللوجان والساجا

وبفكر جدياً أشتري اللوجان

خصوصاً أن في ناس كتييير بتشتم في توكيل الساجا


ياريت تقلولي أيه المميزات الموجودة في الساجا ومش موجودة في اللوجان

[mo7hamedemad]

اولا انا كنت زيك بالظبط من حوالى اسبوع
ثانيا صليت صلاة استخارة كتير
ثالثا عملت حاجة حلوة اوى روحت سوقت العربيتين
وقارنت بينهم ف كل حاجة
وهقولك ع مقارنتى بصراحة يمكن تقتنع والراى ف الاخر ليك :
اللوجان حلوة ومقدرش اقولك عليها اى احاجة بس تحس انها عائلية يعنى بتاعة راجل كبير وعيالة كبار مش بتاعة شاب لسة متجوز او على جواز او حتى مخلف (ازواق)
الساجا ف وجهة نظرى تحفة وانا حاسس ان شكلها احسن من اللوجان ةتحس ان العربية هية الى بتقربك ليها وبتقولك تعالى اشترينى (ف وجهة نظرررررررى)
اللوجان والساجا بتسمع عن توكيلهم البدع بس اقدر اقولك ان ف مصر محدش بيقتنع بالى ف ايدة كل واحد عايز الاحسن ودة حق مشروع
اللوجان حتى الان سمعت فيها حجات كتير وانا مش هقولها عشان اللوجانوية ميزعلوش منى انت خش قسم اللوجان وانت اقرا
الساجا حتى الان مسمعتش غير انها فيها علبة دريكسيون واولا بتروح التوكيل بيصلحوها فور فرى ولو انت اساسا متعرفش همة بقلولك ثانيا كل العربيات الى جاية متصلح فيها العيب دة ان شاء الله (على لسان التوكيل)
اللوجان والساجا قطع غيارهم واحدة متقاربة (فى السعر)
اللوجان انتشرت والساجا لا بس دى عشان الاعلانات الى مغرقة الدنيا على اللوجان ياراجل دنا هربت من الدنيا كلها ومن العربيات وروحت اكل من محل فول وطعمية لقيتة حططلى السندوتشات ف اعلان اللوجان (صحيح جامدة بس مبتطرش) انما الساجا مفيش اعلان واحد شوفتة (الشهادة لله شوفت علان قبل التوكيل ف الصحراوى (الصراحة عملين الى عليهم ))
انا عرفت الساجا بالصدفة واراهن ان كل الى اشترى الساجا او بيفكرو فيها عرفوها بالصدفة او من ملاكها
استهلاك البنزين الساجا اظن هتبقى اقل عشان 1300 وهتبقى اوفر كمان عليك لو انت ف مقدمة حياتك
اخر نقطة سعر اعادة البيع متحمش علية دلوقتى لانك كدة كدة مش هتفكر تبيع العربييتين دلوقتى قدامك بالميت 5 سنين والله اعلم بالغيب يعنى متقلوش سعر اعادة البيع للساجا واقع اصلك مش هتشتريها وتبعا علطول يعنى مثلا اقرب مثال ان نفس الكلام دة كان بيتقال ع الجين تو من اربع سنين بص بقة بعد اربع سنين الجين تو اخبارها اية
فنصيحة لو خايف من الساجا فحاجة بص ع الجين تو والساجا هتمشى نفس المسار
اتمنى اكون افتك واتمنى اكون نقلتلك الحياة الى كنت عايشها مع نفسى من اسبوع واتمنى ان محدش يزعل منى دى ارائ وكل واحد غير التانى
معلش طولت عليكم بس كنت حابب انقلك كل حاجة
ولو عايز وجهة نظرى ف الاخر انا اشتريت الساجا
بالتوفيق ان شاء الله

[mo7hamedemad]

نسيت حاجة بسيطة سعر اللوجان فول ابشن 68 الف
سعر الساجا نفس الكمليات مضافة كمان عليها (شنوط و سنسور بارك) ب 63900 وكمان بيتعملك تخفيض وبتبقى 63 الف فقط لا غير

ها بقة رقيك اية

[abdelrahman82]

في را ي المميزاتت اللي في الساجا مش في اللوجان
الشكل والفتيس الاوتو

[mo7hamedemad]

استاذ عبد الرحمن ازيك عامل اية انا نفسى اتعرف ع حضرتك من زمان
استاذ عبد الرحمن اول مالك للساجا

[nab!l]

انا مركبتش لا ساجا ولا لوجان
بس كشكل اللوجان تكسب بمراحل
ده رايى

[powerofhelll]

السلام عليكم ورحمة الله وبركاته

الموضوع مش موضوع اقناع شوف انت مستريح في الساجا ولا اللوجان و اعرف تفاصيل كل عربيه منهم و حدد اختيارك و دي كل حاجه عن الساجا

http://www.nilemotors.net/Nile/107765-new-saga-begins.html

http://www.nilemotors.net/Nile/132583-a.html

http://www.nilemotors.net/Nile/132769-iafm.html

[amr1973]

مساء الخير على كل اللى موجود
اولا انا من ملاك الساجا و قديم شوية
بص انا من وجهة نظرى لو عايز تعرف كل حاجة عن المميزات و العيوب تقدر تشوف الموضوع ده و تحدد http://www.nilemotors.net/Nile/13019...post3872429798

[khpopo]

في را ي المميزاتت اللي في الساجا مش في اللوجان
الشكل والفتيس الاوتو

+111 والسعر

ربنا يوفق

[abdelrahman82]

استاذ عبد الرحمن ازيك عامل اية انا نفسى اتعرف ع حضرتك من زمان
استاذ عبد الرحمن اول مالك للساجا

ازيك ياستاذ محمد انا مش عبدالرحمن اول مالك للساجا
اول مالك للساجا الاستاذ عبدالرحمن
" allo"

[wmz]

في را ي المميزاتت اللي في الساجا مش في اللوجان
الشكل والفتيس الاوتو

+11111111
فيه ميزه كمان للساجا فرق اربعه حصان لصالح الساجا
(بس وللمفارقه استهلاك بنزين اعلى للساجا الى هى 1300 عن اللوجان ا ل1600 )
بعد كده معظم الحاجات لصالح اللوجان وعن تجربه ملهاش مشاكل خالص الا مشاكل تافهه جدا وبتتحل فى التوكيل فورا زى سخونه فى الدواسه من مواسير التكييف والتوكيل بيركب عازل مجانا وفى بعض عربيات عضه فى المارشدير وبرضه بتتحل فورا ومفيش اكتر من كده فمع توكيل قمه فى الاحترام زى توكيل رينو يبقى ده كلام لا يذكر

[zkralla]

اللوجان حتى الان سمعت فيها حجات كتير وانا مش هقولها عشان اللوجانوية ميزعلوش منى انت خش قسم اللوجان وانت اقرا

على فكره الكام واحد الى ظهر عنده مشاكل فى اللوجان كانت مشاكل صغيره جدا واتحلت فى التوكيل وده حال أى عربيه فى الفئه ديه
الساجا كل الى اشتروها فى المنتدى حتى الان ميتعدوش 10( 9 ) واول واحده اشترها من فتره متعدتش شهرين
عاوز اقول المقارنه بين عيوب الاثين مش وارده دلوقتى خالص عشان لسه محدش جاب الساجا وجربها زى اللوجان


http://www.nilemotors.net/Nile/134118-a-4.html



فلسه مبنش المشاكل بتاعتها وعلى فكره فيه واحد من التسعه هيغير عليه دركسيون

عمرو محمد السيد
استلام تقريبا 15-1-2010
اللون اسود اتوماتيك
السعر 86000 جنية من المركز الرئيسى عز العرب بابورواش
عملت 1400 كم و دة لانى معايا عربية تانية
العيوب لا تذكر نهائيا و لكن سيتم تغير علبة الدركسيون غدا
العنوان باب الشعرية
رقم الموبيل 0126525352
الايميل a_abdelbake@yahoo.com

مش معنى كده أن الساجا عربيه وحشه واظن أنها حتقق انتشار فى الايام الجايه وشركه برتون شركه متميزه ولو عملت جين 2 بس يبقى كفايه عليها

[aelhossan]

بص العربيتين كويسين
ومفيش عربيه مافيهاش مشاكل
بس المهم انها بتتحل
الفاصل الحقيقي هوه الراحه النفسيه للعربيه
يعني انا مثلا استريحت للوجان نفسيا مع ان تفكيرى كان في الساجا
استخاره في اللذيذ كده وان شاء الله ربنا هيكرمك

[amr1973]

مساء الخير على كل اللى موجود بالمنتدى
اولا العربيتين كويسين جدا فى الفئة السعرية و ده شىء يحسب ليهم هما الاتنين و لكن ليا بعض التعليقات اتمنى ان الكل يناقشها بصدر رحب مع العلم ان اول واحد غير علبة الدركسيون برضوا مع العلم عدم ظهور اى مشكلة عندى و لكن ظهرت فى حوالى 6 عربيات و بالتالى تم تغير تقريبا كل علب الدركسيون الخاصة بالدفعة الاولى على ما اظن
1- المعلومة اللى اتاكدت منها ان اللوجان موتورها هو موتور الرينو الميجان موديل 1999 وده يعتبر افضل موتور و وخد جايزة فى السنة دى و طبعا انا شايف من وجهة نظرى ان شركة عريقة زى رينو كان لازم تستحدث مواتير جديدة لعربية موديل 2010
2 - اللوجان منها 2 موديل موديل رومانى و موديل مغربى و اتاكد ان قطع غيار الرومانى ماتركبش على المغربى و ده من مشاركة احد اعضاء قسم اللوجان
3- قطع الغيار غالية جدا مقارنة بعربية اقتصادية يمكن اغلى من الساجا لكن للاسف كل اللى حط اسعار حط سعر فوانيس و كلام من دة لكن فى مشاركة لاحد الاعضاء عندة لوجان و عمل حادث يكفينا و يكفيكوا الشر اسعار وهمية بجد لك ان تتخيل ان ماكينة زجاج خلفى تمنها 2475 جنية لا و بجد المشكلة ماكينة الزجاج الامامى ب 1465 جنية مش عارف الفرق اية و دى لستة باسعار القطع و الموضوع
و تفاصيل المقايسة كالتالي:

باب امامي شمال 1995 ج
باب خلفي شمال 2295 ج
باكتة باب امامي شمال 285 ج
باكتة باب خلفي شمال 240 ج
ماكينة زجاج باب امامي شمال 1475 ج !
ماكينة زجاج باب خلفي شمال 2460 ج !
كالون باب امامي شمال داخلي 460 ج
قلب كالون باب امامي شمال خارجي 550 ج
مفصلات باب خلفي شمال 300 ج
فرش باب أمامي شمال 2100 ج (بعد الفك)
فرش باب خلفي شمال 2100 ج ( بعد الفك)
قائم وسط شمال 465 ج
عتب شمال 500 ج
اكرة باب شمال امامي خارجية 115 ج

مصنعيات 6500 ج !
وده الموضوع نفسة
http://www.nilemotors.net/Nile/136651-a.html
ودى مشاركة تانية عن سعر الشبكة و العلامة سعر مبالغ فية 1800 جنية
http://www.nilemotors.net/Nile/137636-a.html
غير انى لاحظت بعض المشاكل فى اللوجان مثل الفتيس و على فكرة مشكلة ناس كتيرة و التوكيل بيقول ان ده طبيعى و الناس لاقيت حل انه يدى غيار على التانى و هو واقف و بعد كده يدى غيار المرشدير و على فكرة تم اختبار سيارة لوجان لسة صديق ليا مستلمها و كمان وجود سخونة عند الدواسات
اما بخصوص الصاج بصوا يا جماعه عشان ما نقعدش نتكلم كتير الصاج بيعتمد على التخانة او سمك الصاج و للعلم كل صاج العربيات 6 ملى فيما عدا الليفان الصينى المعفنة 8 ملى و مش انصح اى حد يشتريها الا لو مستغنى عن فلوسة

نيجى بقى للمميزات سيارة مرتفعة على الارض اداء موتور جيد مجربتش الثبات لان العربية كانت جديدة


طبعا الساجا مش ملاك و لكن توجد بعض العيوب مثل علبة الدركسيون تم حل الموضوع بالكامل فى الدفعة الاولى و الدفع التالية مش موجود اصلا
اسعار التوكيل برضو عالية شوية و لكن يوجد تخفيض حاليا 10 % لكل قطع الغيار مع 10% اخرى لحاملى استيكرز نايل موتورز و بالتالى الاسعار بقت معقولة بالنسبة لاسعار التوكيلات كما هو حال مصر العزيزة
موضوع ان عز العرب توكيل سىء اعتقد ان الصورة لازم تتغير دلوقتى وده لانه نزل عربية اقتصادية منافسة بكل المقاييس ولازم طبعا يديها اهتمام و بالفعل هذا ما يحدث حاليا و ان شاء الله هايتم افتتاح مركز جديد لسة المكان غمرة او العبور بالاضافة الى المراكز الموجود و وكلاء الصيانة زى امير وجوزيف وفرع المهندسين و المنصورة و ابو رواش
الساجا مشكلتها لحقيقة عدم وجود دعاية بالشكل الكافى لو بصيتوا على الاسبرانزا كمثال عربية كلها عيوب جوهرية و لكن الدعاية خلتها تحقق اعلى مبيعات فاقت الكورى مثل الهيونداى مثلا و الانوس مع العلم بوجود عين تصنيع فى الجير بوكس بالكامل مش بيعض لا بيبدا بعضة و يفصل خالص على فكرة عربية اخو مراتى اسبرانز 2008 16 الف كيلو الكبيرة 516 و دول اخين و عربيتين و نفس العيب و لسة ماتعملش فيهم اى حاجة

اعتقد لازم نصبر شوية عشان تبقى المقارنات معقولة من حيث الانتشار و توافرقطع الغيار و واهم جدا اللى يتخيل ان عربيات بقالها كام شهر انه يلاقى قطع غيار باسعار تنافسية ابيتسم انت فى مصر المحروسة
اما بالنسبة لعيوب العربيتين اعتقد ان دائما الدفعات الاولى بيكون ليها نصيب الاسد من العيوب و لكن التوكيل الكويس اللى يتدارك تلك العيوب بسرعة قبل العربية ما تتوصف بتلك العيوب حتى بعد الاصلاح يعنى التوكيل الكويس يحل العيوب بسرعة بدل ما العيب يبقى لازقة بغرا فى العربية و يسوا سمعتها
كامن اخر نقطة على ما اعتقد ان العربية اللوجان المغربى من ضمن اتفاقية اغادير يعنى معفية جمرك و بالتالى كان من المفروض انها تكون افضل من كده بمراحل يعنى مثلا لو بصينا على الساجا هانلاقى انها مدفوع عليها جمارك مش اقل من 25000 الف جنية و بالتالى لازم يكون فى شوية اقتصاد فى الخامات مع العلم انى مش شايف دة و طبعا اللوجان كان من المفروض ان كماليتها تبقى اعلى و تكنولوجيا اعلى و تكون ارخص لعدم وجود جمرك و لكن العكس اللى حصل ربنا يهدى كل التوكيلات يا رب
و اتمنى انى ماكونش ضايقت حد بكلامى

[maxayma]

استاذ عمر انا متابع مشاركاتك و الموضوع اللى انت عاملوا على الساجا علشان انا و احد من اللى عينهم عليها و عايرين يشتروا فمتابع اخبارها بس انا عندى حاجتين عايز اقولهم مادام بنتكلم على اللوجان و الساجا

1) اللوجان كل فئاتها زادت الف جنيه لسه قارى الموضوع ده النهاردة على كونتاكت كارز
2) بالنسبة بقى للساجا انا سمعت كتير ان استهلاكها للبنزين عالى و ده بصراحة اللى مقلاقنى منها دلوقتى دا غير ارتفاع سعر قطع الغيار و ان كان الاخير ليه عذره علشان هى لسه مش منتشرة لكن البنزين ده اللى غريب لان بروتون ماليزيا دايما بتكلم عنها و بتسوقها على انها عربية اقتصادية و بالذات فى البنزين و الكلام ده فكل حتة بتكلم عن العربية على النت و البرشور حتى اللى فى ماليزيا و على اليوتيوب كمان كل الريفيوز بتكلم على الموتور ازاى ان الماتور الكامبرو بتعاها متعدل فى حاجة علشان استهلاك البزين فهل ممكن يكون مشلكة البزين دى بس مرتبطة بمصر اهو بجملة المشاكل اللى عندنا