صيانة 10000 و استفسار

[M.Abdelshafi]

ازيكم يا شباب
انا عاوز اعمل صيانه 10000 و عاوز اعرف تكلفة الصيانه لو زيت 10000 مش 5000
و عندى استفسار على شوية حجات فى العربيه
انا عندى الفتيس بيعض فى الأول و التانى و فى صوت حاجه بتزن فى التابلو من ناحية اليمين و نور الصالون و الشنطه سعات مبيشتغلوش و السنتر غالبا مبيفتحش لمل ابطل العربيه و اخر حاجه الفانوسين اللى ورا بيعملو صوت تزييق لو ضغط عليهم و الموضوع دا من اول ماستلمت العربيه و كانو قالولى فى صيانة ال 1000 ان الفوانيس ناقصه double stick و مش موجوده و فى صيانة 5000 فى المنصوره بردو مش موجوده.
الحجات دى المفروض فى الضمان مش كده انا عاوز اعرف هو انا بدفع مصنعيه على تصليح الحجات اللى زى دى؟
و لو فى حد قابلتو حاجه من دول اتحلت ولا هيتعبونى معاهم؟
العربيه gen 2 2009 مانيوال
معلش طولت عليكم

[ramyar]

بص يا فندم صيانه ال 10000 بتغير فيها فلتر بي 45 جنيه وزيت 10000 بي 290 ولو زيت 5000 بي 96 وكبعا المصنعيات
وبخصوص التزيق والسنتر ولمبه الشنطه والصالون وانتا بتسلم العربيه قلهم علي الحاجات دي وهما هيعملوها ماتنساش ان المصنعيات بي الساعهه يعني الساعه بي 60 جنيه

[powerofhelll]

مش المفروض ان الضمان مش بيحاسبك علي المصنعيات

[M.Abdelshafi]

هو ده المفروض ياريت لو حد عمل حاجه تبع الضمان يقولنا اتحاسب على مصنعيه ولا لأ

[khpopo]

هو ده المفروض ياريت لو حد عمل حاجه تبع الضمان يقولنا اتحاسب على مصنعيه ولا لأ

+111
اى حاجه تبع الضمان ملهاش مصنعيه
ربنا يوفق