proton air bag & SRS

[ramyar]

موضوع جديد والهدف منه كالعاده اننا نتشارك المعرفه ونكون عارفين طريقه شغل الاجزاء المختلفه الي في العربيه الي بنسوقها نكون عرفين الاجزاء الي بنتكلم عنها شكلها ايه
ندخل في الموضوع
الاير باج او SRS
طريقه شغله
الاول يعني ايه SRS الي بتكون مكتوبه علي الدركسون
SRS اختصار لsupplemental restraint system
نيجي بقي للمهم
اجزائه المختلف
1- بالونه هواء او اتنين علي حسب الاوبشن بتاع العربيه لاكن في بروتون واحده او اتنين
والبالونه دي بتكون مصنوعه من النايلون الخفيف وده لان النايلون بيكون مساماته ضيقه جدا عشان تساعد علي انتفاخ البالون وايضا تفريغ الغاز بعد اداء النظام لوظيفته ومكان كيس الهواء ده بيكون في السنتر بتاع الدركسيون
والكيس التاني في منتصف اليمين من التابلوه طبعا ده عندنا في بروتون لاكن في عربيات تاني بيكون فيها 12 اير باج
جانبي وخلفي .... شغل كتير وتعقيد ناقص يحطوا الير باج في الشنطه كمان
ووظيفته انه كيس من ماده تسمح بلانتفاخ بسرعه جدا وتفريغ محتوياتها في وقت مسموح به علي
صوره الاير باج في عربيه بروتون جين2 وهوا مفتوح



ان شاء الله مانشوفش الاير باج مفتوح علي الطبيعه ابدااااااااااااا

2- الحساس او Crash Sensors
وهوا حساس التصادم وبيكون مكانه في الدعامه الي بيكون راكب عليها الاكصدام الامامي وممكن يكون اكتر من حساس والحساس ده بيشتغل بي الضغط يعني عباره عن كونتاكت بوين نقط تلامي بعيد عن بعضها بمسافه محسوبه معرفش ازاي وعند انضغاط الجسم الخارجي للحساس يتم توصيل النقاط لتعطي اشاره ليحدث انتفاخ للبالونه طبعا ده بيحصل في اقل من الثانيه
3- محور الدوران CLOCJ SPRING وده طبعا كلنا نعرفه لان من اكثر الاجزاء الي بنتكلم عنها في بروتون وبنغيرها
وهنا نقول وظيفته
هوا وصله مفصليه بيكون في محور عجله القياده وبتعمل علي توصيا الاسلاك بتاعه الحساس الي وحده فتح البالونه ودي صوره الكلوك اسبرنج
ودي صورته



وهقولكم علي سر مهم قليل من الناس تعرفه
من فتره شفت عربيه مقلوبه وكانت جين ولما سالت ازاي الاير باج مفتحش محدش رد عليا وبعد بحث طويل عرفت ان حزام الامان هوا الي بيشغل اليرباج يعني لو حزام الامان مش مقفول السيستم مش هيكون اكتف
لان ده من تصميم النظام ان الراكب لازم يكون في وضعيه مستقيمه لان البالونه لما بتفتح وانتا قريب من الدركسيون ممكن يحصل كسر في فقرات الرقبه من قوه رده فعل الانتفاخ
هسيبكم مع شويه صور



الصوره بتبين مراحل فتح البالونه الي بيتم في 3 ملي ثانيه



الوحدده الخاصه بتلقي اشاره الحساس ونفخ البالون بي النتروجين



توضيح للاشاره وعمليه الانتفاخ





البالون بعد اداء وظيفته وتفريغ الهواء



توضيح انظام الايرباج والحساسات
واخيرا اتمني ان الموضوع يعجبكم وفي انتظار ارائكم
وعلي فكره طريقه وضع اليد علي عجله القياده لازم تكون علي شكل الساعه 10.10 عشان تخلي البالونه تكون مواجهه لوجه السائف




تم تظهير الصور بواسطتى

مشرف القســم

[مصطفى_صديق]

تسلم ايدك بجد

انا بستفيد والله من مواضعيك جامد.....لأنك بتجمع الجزء النظرى مع الجزء العملى ....

شكرا على المجهود الجامد ده

[مصطفى_صديق]

أنا كان ليا سؤال بالمرة بقى

فى عربيات لما بتفتح الاير باج.....زبتحتاج تغيير التابلوه بالكامل....صح؟

وفى عربيات لا....أعتقد ان الجين تو ...لاقدر الله ومتنكتبش على حد....مش بتحتاج كده ...؟؟؟

طيب بالنسبة للواجا....زى الجين تو برده ولا ايه

[ابوهاشم]

الف شكر لحضرتك
والله انا اول مره اشوف صور الاير باج
كنت شوفتها مره زمان برنامج تكنولوجيا

[powerofhelll]

شكرا بارك الله فيك

[MohabSaeed]

معلومات غايه فى الاهميه , الف شكر يا زعيم على كل المواضيع المهمه و الرائعه الى بتفيدنا بيها
جزاك الله خير

[MuhammedSoliman]

أكثر من رائع تسلم الأيادي
وفرصه سعيده إني سمعت صوتك
تحياتى

[Abo.Mayyam]

تسلم يا رامى باشا الله ينور عليك

ويا رب يسترها معانا جميعا و محدش يشوف إيرباجاتو خالص

[ramyar]

اخواتي وحبايبي انا والله مبسوط جدا ان الموضوع عجبكم وان شاء الله ربنا مايكتب علينا ان نشوف الاير باج غير في الصور بتاعت التوبك
انا امبارح كنت مستعجل وانا بعمل التوبك ونسيت اشرحلكم اليه تشغيل النظام
الاول عايز اوريكم صوره شكل الاير باج في الجين لان امبارح حملت الصوره وعلقت عليها والنهارده اكتشفت انها الصوره الغلط



دي صوره بتوصح شكل الاير باج في دركسيون الجين
تاني حاجه صوره الوحده الي فيها البالونه الي بتكون داخل الدركسيون




نيجي للمهم ونعرف اليه عمل النظام
فاكرين حساس الاصطدام الي اتكلمنا عنه
طبعا زي ما قلتلكم قبل كده ده عباره عن كونتاك بوينت واثناء الاصطدام يحدث توصيل للاطراف الي داخل الحساس لتقوم بدورهل بقفل الدايره وتوصيل الطرف الارضي لوحده تحكم اليرباج وايضا وذلك للاهميه الطرف الارضي يتتم الدائره اذا كان حزام الامان مقفول
يعني كده نستنتج ان لو حزام الامان مش مستخدم ولا قدر الله حصل حادث الاير باج مش هيفتح
وهقولكم ليه
المهم هنعتبر ان الحزام مستخد والحساس وصل الاشاره بتاعته للكونترول يونت الي في الدركسيون
كده الدايره اكتملت وعن طريق الاشاره الكهربائيه يحدث احتراق بارد لمركبات كميائيه والتي بدورها تنتج غاز النتروجين الخامل ومعني غاز خامل انه لا يشتعل ولا يساعد علي الاشتعال
المهم النتروجين ده بيطلع بصوره سؤيعه جدا ليقوم بملئ البالونه والتي تنتفخ وتمنع اصطدام راس وصدر السائق في الدركسيون وذلك للحفاظ علي الاعضاء الحيويه لجسم السائق
طبعا المركبات الكميائيه دي والبالونه بيكونوا في وحده في حجم فلتر الزيت كده
ونفس الموضوع في الاير باج الخاص بي الراكب الثاني لاكن باختلاف حجم البالونه لان بالونه الراكب الامامي اكبر في الحجم
نيجي بقي لموضوع الحزام
تعالوا كده نتخيل الي بيحصل وقت الاصدام
طبعا احنا عارفين مكوضوع القوه الطارده المركزيه
بمعني ان لو معانا حاجه بوزن 25 جرام ومتوصله بحبل باي طول ولفينا الحبل طبعا بطبيعه الحال وبوزن الثقل هنلاقي القطعه الي بوزن 25 جرام دي بدور في دايره قطرها ضعف قطر الحبل
ولو فاجاه سبنا طرف الحبل الي في ايدينا ايه الي هيحصل
علي حسب سرعه دورام القطعه ستقذف في اي اتجاه بعيدا جدا
ده الي هيحصل اذثناء التصادم بفعل القوه الطارده سيقزم جسم السائق او الراكب الامامي ناحيه الامام وهنا لو فتح الاير باج بس السرعه الي قلنا عليها هيحصل كسر في الرقبه لان كده قوتين عكس بعض وجسم السائق هوا الي هيتحمل النتيجه
عشان كده تم تفعيل منظومه حزام الامان مع نظام الاير باج عشان نمنع حركه قذف جسم السائه الي الامام ويقوم الاير باج بحمايه الوجه والرقبه والجزء العلوي
اخيرا وليس اخرا اتمني اكون قدرت افيدكم وفي انتظار مشاركتكم واسئلتكم
والف مليون شكر للي قام باظهار الصور

[ramyar]

اي حد عنده اي سؤال قبل ما الموضوع يتنسي

[Ralliart]

أستـــــــــاذ
فعلاً موضوع الحزام ده مهم جداً بس للاسف معظم العربيات في مصر مبيبقاش فيها السلك اللي بيبقى متوصل من الحزام عشان يقفل الدايره

[ramyar]

أستـــــــــاذ :s_thum1[1]:
فعلاً موضوع الحزام ده مهم جداً بس للاسف معظم العربيات في مصر مبيبقاش فيها السلك اللي بيبقى متوصل من الحزام عشان يقفل الدايره

لا يا فندم السلك بيكون موجود لاكن مش ظاهر وعموما عندنا في بروتون الحزام الاساسي
الي بيوصل الدايره بتاعت الاير باج هوا حزام السواق بس وكمان السلك بتاعه موجود تحت الكرسي بتاع السواق

[okda]

الصور مش ظاهره عندى للأسف

[ramyar]

يا فندم الصور ظاهره وواضحه جرب تاني كده

[ahmad alshaaer]

شكرااااااااا