نيتروجين

[MohabSaeed]

جربته ... عند بريدج استون عباس العقاد ....

الفرق ... ( لا يوجد ادنى اختلاف ) ... فبعد فتره كبرت دماغى و رجعت ازود هوا .

التجربه على كاوتش كومهو اسكاتا 16 - 205 / 55

[ahmad alshaaer]

ميزتين فقط وليس الا هما

انه مش بينقص مع ترك السياره شهر او 2 الا درجه ونص بالكتير

والتانيه انه مش بيتمدد ولا يتقلص فبيقلل احتمال انفجار الاطار مع الحراره العاليه

ولكن في معلومه ذكرت غلط ان التيوبلس مش بينفجر

تحياتي

[vicogm]

أنا حطيت نيتروجين في صيانة ال 1000 عند أمير وجوزيف وكانت التكلفة 30 جنيه (7.5 جنيه للكاوتشة الواحدة) بعد كدة عرفت إنه السعر ده غالي وبيتعمل ب 20 جنيه في بريدجستون وأعتقد في خصم لإستيكر النايل موتورز في بريدجستون تقريبا التكلفة توصل 12 جنيه بس بصراحة مش متأكد من الخصم قد إيه.

والله أنا ماحسيتش بفرق كبير لأني مكنتش لسة ماشي بالعربية كتير بس اللي أنا ملاحظه إنه ماشاء الله لما بعمل check على الكاوتش مش بلاقي متغير ولو إتغير يبقي مش أكتر من درجة أقل وده مثلاً كل شهرين وأنا عامل بالعربية 27000 منهم رحلتين لدهب وشرم الشيخ


مميزاته:
بيحافظ على العفشة وأنعم مع المطبات
مابيزيدش أبداً زي الهواء العادي بالحرارة
يقلل من إحتمال إنفجار الإطار لا قدَر الله

عيوبه:
هو مالوش غير عيب واحد إنه مش منتشر (صعب تلاقيه في كل البنزينات وبتوع الكاوتش) بس دي برضوه مش مشكلة لأنك ممكن تزود هواء على النيتروجين عادي..

أنا شايف إنك تجربه وهو تكلفته بسيطة ومش حتخسر حاجة وياريت تنقلنا تجربتك لو قررت

تحياتي

فين جوزيف و امير ؟؟؟
و ممكن املى نيتروجين فين ؟

[mohamedowais]

انا جربته
مفيش فرق كبير
زي ما كل الناس قالتك انت بس مش بتختاج تزود العجل كل شوية
بيتعمل ب 20 جنيه
و موجود في بنزينة مصر اللي قدام شيراتون و قسم الدقي
و موجود عند نبيل للاطارات في العجوزه خلف كاربت سيتي

[das1328]

أنا جربتو في صيانة ال 5000
وبصراحة أنا شايف فرق وإنو أحسن من الهوا العادي خصوصا في ساعة الظهر والجو لما بيكون حر لأن درجة الحرارة مع إحتكاك الكوتش بالأسفلت بتزيد وبالتالي الهوا إلي جوا الكوتش بتمدد فالكوتش بينشف وبيبتدي يدبدب مع النقر وعين القط إلي في الطريق وبيبقى الكوتش عرضة للإنفجار لو مكنش بحالة جيدة
وممكن كمان يأثر على إتزان العربية مع الضغط الشديد على الفرامل في اللحظات المفاجئة

[das1328]

http://www.nilemotors.net/Nile/showt...D1%E6%CC%ED%E4