بروتون ويرا 1500 اتوماتيك 2005

[aYaBooY]

رايح اتفرج على عربية ويرا 2005 اتوماتيك
ارجوا تعرفونى بكل عيوبها و مميزات و نظام قطع الغيار و الصيانة و ليلة بتاعتها و التمن المعقول كام
و شكرا لكل مشارك مقدما

[aYaBooY]

طيب اي حد يقول اي حاجة

[Danda]

انا برضه بدور على ويرا 1500 اوتوماتيك

http://www.nilemotors.net/Nile/140196-a.html

[mby]

الويرا عربيه جميله كانت عندي موديل 2004 مانيول 1300 كانت فابريقه من الداخل والخارج وعامله 90000 كيلو متر وكل الصيانات كانت في التوكيل حتي غيارالزيت وبعتها السنه اللي فاتت زي اليومين دول بالضبط ب 42500 جنيه بس كانت حاله نادره وبعتها عشان اشتريت البرسونا اتوماتيك هاي لاين
المهم العربيه كلها مميزات وعيوبها قليله تتلخص في الاتي
1- العربيه منسوبها واطئ للارض يعني ممكن تحك في المطبات اللي معموله غلط الا اذا اخدت المطب بالعرض يعني تتطلع كل فرده عجله لوحدها وعلي مهلك
2- الاكصدام الخلفي غير مثبت بطريقه جيده مع السياره يحتاج تثبيته عند اي سمكري بيقع من اقل لمسه
3-مجموعه زراير الزجاج الكهرباء اللي راكبه بجوار شباك السواق كثيره الاعطال وممكن تعلق او تحرق موتور الزجاج
بخلاف كده انا الحمدلله لم اتعرض لاي مشكله حتي اسعار قطع الغيار لا اعلمها لاني الحمدلله لم احتاجها ماعدا التيل ولوازم الصيانه واكبر مره كانت صيانه ال80000 واعتقد صرفت حوالي 800 جنيه بس دي صيانه رئيسيه بيتغير فيها اغلب الحاجات
العربيه متينه ومتزنه جدا ( اعلي سرعه ممكن استخدمها وعند الضروره فقط 120 كيلومتر) عمري ماحسيت ان العربيه غير ثابته وكمان الشنطه بتاع العربيه كبيره وتكييفها والباور فيها كويس
الخلاصه اذا كانت اللي قدامك نظيفه اتكل علي الله والاسعار ممكن تعرف النهارده تساوي ايه من موقع كونتاكت كار وانزل اتفرج علي كام عربيه من المعروضين فيه وكده ممكن تحدد السعر المناسب للعربيه اللي انت شايفها قدامك وربنا يوفقك و مبروك مقدما

[dr_tamer_sh]

السلام عليكم د كان موضوع عامله الاستاذ سبعاوى عن تقييمه للعربيه وانا اعتمدت عليه قبل ما اشترى عربيتى الويرا 2006 وكان مفيد جدا بالاضافه لبعض الاراء التانيه برده"""""" اتمنى انه يفيدك ولو عاوز معلومات تانيه تحت امرك

المصنع: بروتون
الموديل : ويرا
المنشأ: ماليزيا
المحرك: 1500 سى سى، تصميم ميتسوبيشى
القدرة الحصانية: غير معلوم (فى حدود 90 حصان مقارنة بنفس المحرك فى سيارات ميتسوبيشى وهيونداى)
تغذية الوقود: حقن الكترونى متعدد النقاط
نقل الحركة: جيربوكس يدوى ذو خمسة سرعات امامية وواحدة خلفية، او اوتوماتيك ذور اربعة سرعات امامية وواحدة خلفية(السيارة محل الإختبار كانت يدوية)
الجر: امامى مبنى على محاور جر عرضية غير متساوية الطول ووصلات سرعة ثابتة(كبالن)
الشاسيه: تصميم ميتسوبيشى
الأصل الفنى: البروتون ويرا هى فى الأساس المتسوبيشى لانسر موديل 1994(البطة) بمعظم تقاصيلها الفنية، حصلت على كل ملامح هذة السيارة الناجحة مما مهد لها الطريق نحو النجاح

تجربة القيادة: نبدأ مع السيارة من الخارج وقبل فتح الأبواب، منظر السيارة التقليدى الى حد ما، لا يوحى بالأداء القوى الذى سنحصل عليه منها، فبيمنا حصلت على معظم المعالم الخارجية للانسر البطة اختلفت فقط معها فى شكل الفوانيس الأمامية والخلفية، الت لم تاتى بدورها مشجعة، ولكن لا داعى للعجلة، دعنا ندخل الى السيارة ولكن قبل الدخول دعنا نحصل على نقرتين هنا وهناك على صاج السيارة لنبدأ فى الحصول على مظاهر مشجعة، حيث ان صاج السيارة بالفعل متين ومشجع الى حد كبير.

نفتح باب السيارة وندخل الى داخلها، الصالون مريح الى حد كبير والكراسى ممتازة، ووضوح رؤية التابلوه ممتاز، المنظر العام للسيارة من الداخل تقليدى الى حد ما، الحاجة الوحيدة الى تحس ان تصميمها ثورى هى عجلة القيادة الحديثة
نبدا بإدارة المحرك: ظاهرة عامة نلاحظها فى سيارات بروتون هى ان المحرك صوته مرتفع وان كان ارتفاع من النوع الذي يوحى بالقوة وليس النوع الآخر الذى يوحى بأن المحرك يصرخ طالبا الرحمة، يعنى صوت من نوع الزئير وليس الأنين

بمجرد نقل عصا الفتيس الى الاول ورفع القدم اليسرى من على دواسة الدبرياج تعلن هذة السيارة عن مفاتنها، انطلاقة رياضية تخطف الأنفاس لا يملك المرء معها سوى ان يستخدم تلك اللفظة الشبابية (وااااااو)، انها سيارة من تلك السيارت التى تثير الغبار وترتفع عجلاتها الأمامية عن الأرض كما يفعل الحصان لتنطلق سابقة السيارات الموجودة حولها تاركها اياههن فى حالة من السعال متأثرات بما أثارت هى من غبار

مدى الغيارات واسع جدا والمحرك مرن جدا فى السرعات المنخفضة والسريعة، محركها يعطيك الإحساس انه صنع على مقاسك بالضبط، محرك يفهم ما تقول ويشعر برغباتك وينفذها لك ، لو حبينا نعطى للمحرك والجير بوكس درجة من عشرة هاديله 9 من عشرة علشان نخلى درجة فاضية للعربيات الفخمة

السيارة تتمتع بقاعدة عجلات عريضة ، تعمل الى جانب عدم ارتفاع السيارة عن الأرض بشدة على تثبيت السيارة بقوة على الأرض، الثبات على الأرض ممتاز فى السرعات العالية، توجيه السيارة يحده الى حد ما عرض قاعدة العجلات ، لكنه فى كل الأحوال اكثر من جيد ، لكن انا لى تجارب مع سيارات اخرى من نفس الفئة اسهل شوية فى التوجيه

عندما فتحنا الكبوت صوت الموتور فى السلانسيه مش ملحوظ تقريبا: فقط تسمع صوت السولينويدات بتاعة الرشاشات الذى سمع من جميع السيارات العاملة بنظام الحقن، لكن طباع نسمع زئير المحرك مع تزويد السرعة

السيارة مزودة بالكثير من الكماليات، مثل التكييف، والباور ستيرنج المميز والزجاج الكهربائى وعداد الrpm،

اكثر ما عجبنى فيها سحبها الغير عادى وثباتها الغير عادى على الأرض

انتقادى الوحيد عليها هو ان شكلها الخارجى اقل كثير من امكانياتها الرائعة التى لاتشعر بها سوى عنما تجرب السيارة

تيل الفرامل ب50 جنيه وواير الدبرياج ب75 جنيه ولو عايز أى معلومات أنا فى الخدمه .
قطع الغيار جميعها متوفره ولها أكثر من بديل وبالنسبه للسعر هتلاقى موديل 2004 لو حالتها ممتازه سعرها يتراوح بين 38000 حتى 45000 حسب الحاله والأستعمال وفبريكة الدهان و........
معظم قطع الغيار مثل العفشه والموتور ميتسوبيشى البطه والكريستاله بدون أى تغيير
عربيه جميله جدا وحماله اسيه ... وكل اللى معاهم العربيه بيشكروا فيها وانا واحد منهم..

[aYaBooY]

اشكر الجميع على الرد
عموما انا شوفت العربية امبارح و للاسف مرفوضة علشان واضح بدون فنيين انها طالع عينها عدادها عامل 25 الف و شكل العربية و الموتور ولا كانها قالبة عداد اربع خمس مرات قبل كدة الرخصة بتقول موديل 2005 و فبريكة بره بس هاتحتاج شغل رهيب اذا كمان مضريتش ازرجن الحوض عموما هيا دخلت معايا في نطاق البحث و الله الموفق و لو حد عنده معلومة عن الاتوماتيك بتاعها يا ريت لو يفيدني