جين تو !!

[Tarek Gen 2]

[overline]السلام عليكم و رحمة الله و بركاته
ازيكم يا اعضاء البروتون يا جامدين انا متابع معاكم هنا من فترة و قررت ان شاء الله انى اجيب جيت تو بأذن الله رغم سماعى للمشاكل اللى فيها و واجهت الاعضاء هنا بس انا واثق انها هتعدى ان شاء الله و حاجات مقدور عليها و كمان فى مئات الناس مش اعضاء هنا و مشتكوش منها

انا يا جماعة ناوى اجيبها اليومين دول ان شاء الله
انا هجيبها اوتوماتيك رغم انى بعشق المانيول بس المشكلة انى من القاهرة و الزحمة دى شئ صعب جدا
و لية بعد اذنكم كام سؤال كدة

1- ايه افضل مكان اشتريها منه ؟؟
2- انا ناوى اشتريها قسط هل ده يفرق فى حاجة؟؟
3- هل اقدر اجيب عليها تخفيض مع العلم انى هجبها قسط ؟؟
4- اذا كان حد ليه تعليق فى اى حاجة فى موديل 2010 يا ريت يقولى تقفيل وحش مشاكل اى حاجة بس عشان ابقى عارف؟
5- ايهما افضل اوتوماتيك ولا مانيول مع العلم انى مش بتاع سباقات يعنى انا سواقتى فالسفر 140 - 160 و جوة البلد مبجريش بمشى عادى يعنى
6- صيانتها توكيلها لسة صعب و فيه مشاكل ولا بقى تمام
7- شكرا لكم جزيلا مقدما و اتمنى ربنا يكرمكم فى عربيتكم و حياتكم و يبعد عنكم شرها و انا ان شاء الله هشتريها على حسب أرئكم اللى هطلع بيها من هنا
و انا حطيتها اختيار اول و بعدها نيو اكسنت و بعدها كيا ريو لو حد ليه تعليق
و اسف على اطالتى بس انا حبيت اعرف كل حاجة و مليش مكان اسال فيه بصراحة غير هنا و لو حد من ملاكها الجدد كدة يا ريت اقدر اتواصل معاه عشان يعرفنى عنها كل حاجة عن تجربة و ياريت اعرف مواصفاتها فيها ايه بالظبط
شكرا و اسف على الاطالة مرة تانية .[/overline]

[amir]

معلش الاخوه البروتونيين شكلهم نايم بدري بدري
ان شاء الله ملاك الجين يردو علي اسئلتك
غريبه انهم محدش رد
تفتكر يكونو باعو الجين و بيشترو صني؟

[Tarek Gen 2]

لا افتكر انا كدة مش هجيبها
انا عارف ان هنا منتدى جميل جدا و مستنر ردودهم و عارف انهم مبينفضوش واخد بال حضرتك مبينفضوشششششش
بس انا مستنى اما نشوف بقى
و شكرا لردك يا جميل

[Raul_7]

اولا ألف مبروك الاختيار وربنا يوفقك وتستلم على خير إن شاء الله.

بنسبة لاسئلتك.

[overline]
1- ايه افضل مكان اشتريها منه ؟؟ التوكيل, فرع الصحراوي.
2- انا ناوى اشتريها قسط هل ده يفرق فى حاجة؟؟ لأ خالص.
3- هل اقدر اجيب عليها تخفيض مع العلم انى هجبها قسط ؟؟ آه ينفع وبيبقى نفس الخصم بتاع الكاش.
4- اذا كان حد ليه تعليق فى اى حاجة فى موديل 2010 يا ريت يقولى تقفيل وحش مشاكل اى حاجة بس عشان ابقى عارف؟ مفيش مشاكل تقفيل من الانا قريته, اللي بس متأكد منه إن الاستهلاك بيبقى عالي شوية في أول 1000 كم, وبيبتدي يخف بعد كده, إلى ان يظبط تماما مع ال 10,000 كم.
5- ايهما افضل اوتوماتيك ولا مانيول مع العلم انى مش بتاع سباقات يعنى انا سواقتى فالسفر 140 - 160 و جوة البلد مبجريش بمشى عادى يعنى - بما إنك في زحمة وكده يبقى اوتو مع إني شخصيا بفضل المانيوال لنفسي.
6- صيانتها توكيلها لسة صعب و فيه مشاكل ولا بقى تمام - لأ أسيب ملكها يردو
7- شكرا لكم جزيلا مقدما و اتمنى ربنا يكرمكم فى عربيتكم و حياتكم و يبعد عنكم شرها و انا ان شاء الله هشتريها على حسب أرئكم اللى هطلع بيها من هنا
و انا حطيتها اختيار اول و بعدها نيو اكسنت و بعدها كيا ريو لو حد ليه تعليق - اختيارات كويسة, بس الجين في رأيي افضلهم.[/overline]

بالتوفيق.

[XXXMEMOXXX]

وعليكم السلام ورحمة الله وبركاته

اهلا وسهلا بحضرتك ,, ومبروك مقدما على جينا


بالنسبه للاسئله


1- ايه افضل مكان اشتريها منه ؟؟

افضل مكان التوكيل اللي في الصحراوي


2- انا ناوى اشتريها قسط هل ده يفرق فى حاجة؟؟

لو حضرتك قصدك تفرق في التخفيض ,فلأ لان انت بتقسط مع بنك مش مع التوكيل مباشرة , ومعانا ناس هنا جابوها قسط مع التخفيض .



3- هل اقدر اجيب عليها تخفيض مع العلم انى هجبها قسط ؟؟

نفس الاجابه



4- اذا كان حد ليه تعليق فى اى حاجة فى موديل 2010 يا ريت يقولى تقفيل وحش مشاكل اى حاجة بس عشان ابقى عارف؟

معظم مشاكل التقفيل قلت جدا من موديل 2009 ,وانا عن نفسي لحد الان مافيش مشاكل تقفيل والحمد لله .



5- ايهما افضل اوتوماتيك ولا مانيول مع العلم انى مش بتاع سباقات يعنى انا سواقتى فالسفر 140 - 160 و جوة البلد مبجريش بمشى عادى يعنى

انا ماجربتش الاوتوماتيك, وان شاء الله اصحاب الاوتو هيردو عليك في اي استفسار حضرتك عايزه ,, بالنسبه للمانيوال فهو ممتاز جدا , وانا عموما بحب سواقة المانيوال , بس طبعا لو حضرتك في القاهره يفضل الاوتو لان الحاله ..



6- صيانتها توكيلها لسة صعب و فيه مشاكل ولا بقى تمام
تجاربي مع التوكيل كلها كويسه ,ومافيش اي شكاوي من جهتي بالنسبه ليهم



7- شكرا لكم جزيلا مقدما و اتمنى ربنا يكرمكم فى عربيتكم و حياتكم و يبعد عنكم شرها و انا ان شاء الله هشتريها على حسب أرئكم اللى هطلع بيها من هنا

ان شاء الله ربنا يكرمك بيها , وتنضم لينا


و انا حطيتها اختيار اول و بعدها نيو اكسنت و بعدها كيا ريو لو حد ليه تعليق

اختيار موفق ان شاء الله

[elmadawy]

اختيار موفق والف مبروك مقدما

[khpopo]

كلام الاخوه مضبوط ميه ميه
اختيار موفق مش هاتندم عليه
التوكيل فى تحسن بس المهم عن اى توكيل انت بتعرف تاخد حقك فى الاخر مهما ان كان طالما انت صح وده مش سهل فى مصر عموما
الاوتو بتاعها كويس جدا عن تجربه من 2006
استخير ربنا وان شاء الله يرشدك للصواب

ربنا يوفق

[Mustafa_Farouk]

السلام عليكم
١٠٠٠ مبروك عليك، فعلاً العربية ما شاء الله كويسة جداً وحاول تجبها أوتوماتيك أفضل عشان الزحمة اللي في الشوارع على طول.
حضرتك ممكن تشوف كل المواضيع المثبتة عن الجن ٢

[amrmahamad]

هات من فرع العجوزه وروح لاحمد مجدي وقوله انا من طرف د محمود
بتاع المنوفيه اللي حياخد الجين تو السمرا ان شاء الله وحيوصلك سعرها ل88 الف

[Tarek Gen 2]

اولا شكرا ليكم يا شبابا على سرعة الرد انا استقريت بعد مشيئة ربنا انى اجيبها خلاص و رحت لحد اسمه استاذ وائل فى معرض بروتون ش شاهين العجوزة و قاللى 91000
لو عايز اجيب التخفيض اعمل ايه؟
و الاخ raul 7 بيقول اجيبها من التوكيل فى الصحراوى طب ازاى هقدر اخد التخفيض ؟؟
ولو ينفع من العجوزة هيبقى افضل عشان انا ساكن جنبها هناك بس لو مش هاينفع عادى بالنسبالى اروح الصحراوى بس حد يقولى فين تحديدا و اعمل ايه
ونا هشترى اوتو ماتيك ان شاء الله خلاص
و شكرا ليكم يا شبابا بجد و ربنا يباركلكم فى عربياتكم و يديكم خيرها و يبعد عنكم شرها
ونا ربنا يعلم ان حوالى 50 % من سبب شرائى ليها هو المنتدى و اعضاءه هنا
شكرا تانى يا شباب

[Raul_7]

و الاخ raul 7 بيقول اجيبها من التوكيل فى الصحراوى طب ازاى هقدر اخد التخفيض ؟؟

روح للأستاذ محسن صالح في توكيل عز العرب فرع الصحراوي قبل كارفور على طول, وقولوا إنك من طرف أيمن nilemotors وهو هيقوم معاك بالواجب على طول.

بالتوفيق.

[Tarek Gen 2]

روح للأستاذ محسن صالح في توكيل عز العرب فرع الصحراوي قبل كارفور على طول, وقولوا إنك من طرف أيمن nilemotors وهو هيقوم معاك بالواجب على طول. :s_thum1[1]:

بالتوفيق.

ماشى يا جميل ان شاء الله هعمل بكلامك و هقولك النتيجة ايه
و الف شكر على تعبك معايا ربنا يوفقك و يوفقنى ان شاء الله

[Tarek Gen 2]

انا الحمد لله يا شباب حجزت الجين تو نحاسى من العجوزة
هوافيكم بكل جديد لو فى اى حاجة جديدة عشان الكل يستفيد
و مبروك عليكم انا فى كبروتونى جديد
هى اوتو ماتيك نحاسى ب 89000
اى حاجة انا تحت امركم
شكرا ليكو ربنا يكرمكم يا شباب
وان شاء الله لو طلع فيها اى عيوب هاقولوكم و استفسر منكم

[Mustafa_Farouk]

انا الحمد لله يا شباب حجزت الجين تو نحاسى من العجوزة
هوافيكم بكل جديد لو فى اى حاجة جديدة عشان الكل يستفيد
و مبروك عليكم انا فى كبروتونى جديد
هى اوتو ماتيك نحاسى ب 89000
اى حاجة انا تحت امركم
شكرا ليكو ربنا يكرمكم يا شباب
وان شاء الله لو طلع فيها اى عيوب هاقولوكم و استفسر منكم

YEEEEEEEEEEEEEHHHHOOOOOO, Welcome to Proton World

[XXXMEMOXXX]

انا الحمد لله يا شباب حجزت الجين تو نحاسى من العجوزة
هوافيكم بكل جديد لو فى اى حاجة جديدة عشان الكل يستفيد
و مبروك عليكم انا فى كبروتونى جديد
هى اوتو ماتيك نحاسى ب 89000
اى حاجة انا تحت امركم
شكرا ليكو ربنا يكرمكم يا شباب
وان شاء الله لو طلع فيها اى عيوب هاقولوكم و استفسر منكم

الف مبرووووك ,, وتستلم على خير ان شاء الله
ومبروك علينا بروتوني جديد ينضم الى النمور البروتونيه
وان شاء الله مايطلعش معاك مشاكل
تحياتي