بعد طول غياب - الحل لاصلاح مشكله تعليق المالتي فانكشن

[ramyar]

االاول احب اعتذرعن تاخري في كتابه الموضوع
وطبعا خلال الفتره دي انا كنت بحضر الموضوع وبشوف انسب طريقه عشان اقدر اوصل المعلومه بطريقه سلسه وبسيطه
وطبعا شفت وقريت ردود افعال بعض الاعضاء الي معجبتنيش لاكن مش مهم
المهم
نيجي لمشكله المالتي فانكشن الي اعتقد اغلب الناس وهما بيشتروا بروتون بيكونوا متوقعين حصولها
لاكن احب اقولكم ان المشكله دي بتظهر بنسبه 10 % فقط وانا واحد من الناس معنديش المشكله
المهم تعالوا الاول نشوف المالتي فانكشن ايه وظيفته وطريقه تشغيله وتركيبه
لان عشان نعرف حل اي مشكله لازم الاول نعرف تركيب الاجزاء وطريقه التشغيل
المالتي فانكشن عباره عن ريموت كنترول لاكن متوصل بسلك يعني نفس الزراير الي في السي دس هي نفس الزراير بتلعت المالتي فانكشن زي كاتم الصوت ورافع وخاض الصوت
وزرار النقل بين السي دي والراديو
وتقديم وترجيع الاغاني او بحث الراديو
ولو جينا لتركيب المالتي فانكشن من جوه
هنلقي كارتع وعليها مقاومات فيوزيه ودايودات وعليها 3 بريسات وكل زرار من زراير المالتي فانكشن الي في الطاره بيوصل دايره معينه
وطبعا من اكثر المعادن توصيل للكهرباء النحاس لاكن ماينفعش النحاس لوحده لازم يضاف ليه معدن مقاوم للتاكل عشان يطول في عمر التشغيل
اذن نقاط التوصيل مصنوعه من سبيكه من النحاس والحديد
وطبعا الحديد لما بيتاكسد بينتجد عنه اكسيد الحديدوز واكسده النحاس هي الزرنيخ يبقي لازم يضاف للسبيكه قليلا من الالومنيوم وطبعا ده معدن مقاوم للاكسده
نيجي بقي لمشكله تعليق المالتي فانكشن
الي بيحصل اننا لما بنيجي نضغط علي زر معين لاداء وظيفه معينه نلاقي اوردر غلط وصل للسي دي
وده ناتج عن اكسده بعض الكونتاكات وبكده بتكون اقرب للتلامس مع الكارنه الموصله للسي دي
وطريقه حل المشكله دي اننا نشتري سائل تنظيف الالكترونيات وهنلاقي احسن 3 انواع اكاي او فيلبس او في نوع جديد اسمه ستار وده ممتاز
لاكن لازم ناخد بالنا ان في نوع جاف وفي نوع فيه مواد زيتينه احنا لازم تجيب الجاف dry
وهنلاقي اي نوع من ال 3 مكتوب عليه منظف للدوائر الالكترونيه والكونتاكات ولما نيجي نستخدمه ونرش هنلافيه زي التنر ساقع جدا وبيطير بسرعه جدا
المهم نيجي لطريقه فك المالتي فانكشن

لو بصينا للدركسيون بتاعنا هنلاقي مسمارين نجمه زي الي في الصوره واحد يمين وواحد شمال زي الي في الصوره


ادى شكل المسمار

طبعا هنجيب المفتاح النجمه المناسب وهنفك المسمارين اليمين والشمال

وده شكل المفتاح عشان كلنا نعرف شكله

طبعا بعد ما نفك المسمارين دول قدامنا اختيارين يا اما نفك علي كده ومعني كده ان هيكون الاسلاك بتاعت الاير باج والكلوك اسبرنج والمالتي فانكشن متوصله
والاختيار التاني اننا نفكهم ونحرر قلب الدركسيون عن باقي الطاره وطبعا لو حبينا نعمل كده هنلاقي جزي فيبر بي الشكل ده

ودي لما نفكها وطبعا بي الراحه جدا باستخدام مفك عاده بسن رفيع شويه
ودي صوره وانا بفكها

ودي صوره الفبره بعد ما فكتها

وهنشوف الاسلاك من جوه

وبعد كده القرار ليكم ولاكن اعتقد اننا لو سيبنا الاسلاك واصله هيكون احسن واسهل
المهم بعد ما نفك المسامير هنلافي القلب الي فيه الاير باج والمالتي فنكشن بقي حر
بي الطريقه دي

وده شكل وحده المالتي فانكشن بعد ما حررنا القلب هنلاقي انها كارته صغيره واحنا اديناها اكتر من حجمها

وهنا قداما اختيارين لو عايزين نفك الكارته بره او نرش المنظف من بره علي كده
لو عايزين نفك الكارتتين بره يبقي بمفك صليبه وهنفك ال 3 مسامير دول
بي الشكل ده

وبعد ما هنرش ال منظف هنجيب ورقه لاكن تكون تخينه شويه وي بتاعت علبه السجاير وهنمررها بين الكونتاكت (نقاط التلامس ) وبعد كده خلاص خلصت المهمه وهنركب تاني
ونربط المسامير الي علي شكل نجمه

اخيرا اتمني اني اكون قدرت اوصل المعلومه بي الطريقه المرجوه وقدرت افيدكم وللمره التانيه بعتذر عن التاخير واعتقد انكم دلوقتي عرفتوا سبب تاخري وان الموضوع مش سهل

--------------
تم تظهير الصور
مشرف القسم , ب8
10:34 am
15/4/2010

[Osama.shihata]

تسلم ايدك يا رامى
شرح دقيق ومفيد
جزاك الله خيراً

[ramyar]

اخويا اسامه
اخبارك ايه
لو سمجت ليا كام سؤال
ياتري الموضوع عجبك
ياتري الصور واضحه
ياتري طريقه الشرح مستوفيه
ياتري عندك اي تعليق

[مصطفى_صديق]

الله ينور عليك......مجهود جميل ورائع

بيعجبنى فمواضيك الحتة النظرى اللى بتبقى جنب العملى ...بتحسسنى انى فى معمل الكلية.....

بس ماكنتش خايف للاير باج تنط فوشك وانت بتفك ....؟؟؟....قول ماتخفش...محدش هايعرف غيرى

فى انتظار التجربة القادمة.....وجزاك الله خيرا

[ramyar]

زي ما اتعلمت من زمان المقوله الشهيره (اذا عرف السبب بطل العجب)
ولو حضرتك تابعت موضوعي الي فات بتاع الاير باج هتعرف ان الاير باج عمره ما هيفتح الا لو تم توصيا حساس الاصطدام ولو كان الحزام مقفول وفي حاله انك بتفك المالتي فانكشن الير باج عمره ما هيفتح لسببين اولا العربيه مش دايره ثانيا اني مالمستش الاسلاك الي جايه من الحساس لوحده الاير باج ونتظروا صور وشرح الاير باج للكره الثانيه وبطريقه اوضح

[MohabSaeed]

هايل هايل هايــــــــــــــــل بجد
تسلم ايدك يا رامى

بجد الموضوع ده يستحق افضل موضوع فى القسم

شرح وافى جدا جدا و اهم حاجه انه بالصور

بجد تسلم ايدك انتا كده وصلت لحل مشكله موجوده عند كتير من الناس

زي ما اتعلمت من زمان المقوله الشهيره (اذا عرف السبب بطل العجب)
ولو حضرتك تابعت موضوعي الي فات بتاع الاير باج هتعرف ان الاير باج عمره ما هيفتح الا لو تم توصيا حساس الاصطدام ولو كان الحزام مقفول وفي حاله انك بتفك المالتي فانكشن الير باج عمره ما هيفتح لسببين اولا العربيه مش دايره ثانيا اني مالمستش الاسلاك الي جايه من الحساس لوحده الاير باج ونتظروا صور وشرح الاير باج للكره الثانيه وبطريقه اوضح

تمام


بجد المره ديه يا رامى انتا تفوقت على كل مواضيعك السابقه

اهلا بيك فى جروب DIY

[ramyar]

ولسه يا مهاب باشا التقيل لسه موجود بس الصبر
تلميذك يا مهاب

[MohabSaeed]

ولسه يا مهاب باشا التقيل لسه موجود بس الصبر
تلميذك يا مهاب

تلميذ مين بقى .. انتا طلعت استاذ و رئيس قسم

احنا مستنين حل دائم لصوت الكنبه الى فى الجين2 و البيرسونا ... انا متأكد انك ان شاء الله حتخترعلها حاجه .

[A. Ibrahim]

الف شكر علي المجهود و المعلومه

ولكن انا عندي نقتطين
الاولي
انا فكيه امبارح و اخت في اعتباري ان المفتاح ميكنش راكب و ده لتجنب اي شورت في الدواير بتاعت الملتيفنكشن

ثانيا
بعد مفكيته و نضفته و ركبته اكتشفت ان انا ممكن انضفه من غير ما افك التاره لان البلاستك ممكن يتحرك من وري و عن طريق الوصله اللي بتركب في غلبت الاسبراي ادخلها و اعيش و نفعت و كانت شغاله

الاسبري ب 20 30 جنيه بتاع منظف الكترونيات من عند اي حد بتاع كمبيوتر و اطلب معاه الوصله و هي عمله زي الشفاطف بتاعت العصير

[hogo_9i]

بجد مجهود جبار ..... تحفه

[YoussefMostafa]

استاذ رامي انا مش معايا بروتون بس قريت الموضوع

وعجبني جدااااااااا وممتع اوي

الف شكر علي مجهودك يا باشا

[ramyar]

تلميذ مين بقى .. انتا طلعت استاذ و رئيس قسم :ta_clap[1]:

احنا مستنين حل دائم لصوت الكنبه الى فى الجين2 و البيرسونا ... انا متأكد انك ان شاء الله حتخترعلها حاجه .

وكمان حل صوت تزيق الكنبه عندي لاكن الصبر شويه عشان الموضوع يستوي وياخد حقه يا مهاب

[momenhamdy]

الف شكر ليك يا باشا علي المجهود المحترم

و علي الموضوع المتميز فعلاً و نتمنا لك مزيد من التقدم

تحياتي اخي الفاضل

[ehabsharaf]

رامى باشا الله ينور عليك اية الحلاوة دية والله مجهود جامد جدا وفدائية منك انك يجليلك قلب تفك التارة ياباشا انت طلعت جامد اوى المهم فين صورة التارة بعد ما ركبت اوعى ماتكونش عرفت تركبها هههههههههههههههههههههه
والله فعلا انا شايف ان دة من افضل مواضيع القسم ويمكن افضلهم على الاطلاق لانة فية تصميم ومجازفة كبيرة منك انك نفك الدريكسون

فاضل موضوع الكنبة والنبى اوعى تقرب من الموتور انا مستلم عربيتى معاك لو انت فاكر العربية مالهاش معانا 3 شهور ربنا يسترها علينا وعليك
مرة تانية الف شكر ليك ياباشا

[eslam_wega]