تيل fbk خنقني !

[mangere90]

السلام عليكم ورحمة الله وبركاته

انا غيرت تيل خلفي fbk ومطلع عيني كل مادوس فرامل اسمع صوت صفاره تثور
ولا اكني بوقف ماكنه صيني وفكيته وصنفرته وعاملت اللي مايتعملش مش عارف اعمل ايه تاني
انا لسه جايبه مابقلولش اسبوع , انا قلت اخر الشهر اروح التوكيل واركب تيل خلفي وارمي ده
وامري لله ....

[ramyar]

في حل لموضوع صفاره التيل لاكن مش هيعجبك

[mangere90]

في حل لموضوع صفاره التيل لاكن مش هيعجبك

السلام عليكم ورحمة الله وبركاته

ياريت طيب ماتقولي يأخي حتي لو مش هيعجبني !!!!!!!

[ramyar]

الحل عشان مشكله التيل الي بيصفر انك تفك التيل وتفتح مجري او اتنين في التيل بطول التيل وبكده زرات التيل النتاجه عن الاحتكاك والتاكل هتدخل في المجري الي اتعمل وبكده انسي تماما موضوع الصفاره ده وللعلم الموضوع ده انا جربته في عربيتي القديمه كنت لسه جايب تيل امامي جديد وبعد 3 ايام فقط بدء الصفاره
واستنيت الصوت يروح ابدا بي العكس الصوت مستمر وكل ما اغسل العربيه الصوت يروح مؤقتا المهم واحد حبيبي اقترح عليا الموضع ده وفعلا فكيت لقم التيل وعملت مجرتين بطول التيل وبعمق 2 ملي متر وانتهت المشكله نهائيا
وان شاء الله انا هشوف حل وهقولكم اي نوع تيل يركب علي البروتون

[mangere90]

السلام عليكم ورحمة الله وبركاته

السلام عليكم ورحمة الله وبركاته

انا متشكر جدا علي الفكره دي انا هجربها وهقولك علي النتيجه ان شاء الله بس ده مايكونش
ليه تأثير علي الديسكات !!!

انا باستخدم الأمامي ريمسا وتيل فوق الوصف في الخامه ناعم وبيخلي العربيه توقف من غير
جهد لا كن للأسف مش موجود خلفي ياريت لو تعرف حد بيبيعه خلفي
انا بجيبه من الحاج مصطفي محل المدينه في شارع دمشق في روكسي وقالي هاجيبه خلفي بس
لغاية الأن ماجبوش ....

[ramyar]

للاسف لاء
لاكن ان شاء الله في تيل تاني بتاع عربيه ياباني بيركب علي البروتون
مع العلم ان التيل الامامي غير التيل الخلفي

[m.3abdel3al]

انا عندي مركب fbk و مبيعملش حاجة الفكرة بتاعت رامير ممتاز جدا بس انا لو حصل و صفر بنضفه بالهواء و ما بيصفرش تاني

[ahmad alshaaer]

انا جربت كل الانواع والله
امامي وخلفي ولكن احسنهم امامي ريمسا
وخلفي مافيش غير الاف بي كيه
ولكن اانا مش بيصفر عندي

اخي الكريم تأكد ان الصفاره من الخلف مش من الامام


تحياتي

[mangere90]

انا جربت كل الانواع والله
امامي وخلفي ولكن احسنهم امامي ريمسا
وخلفي مافيش غير الاف بي كيه
ولكن اانا مش بيصفر عندي

اخي الكريم تأكد ان الصفاره من الخلف مش من الامام


تحياتي

السلام عليكم ورحمة الله وبركاته

انا متأكد طبعا انها من الخلف وانا مركب في الأمام ريمسا ودخل معايا في 10000 والحمدلله زي الفل.

[ahmad alshaaer]

يبقى اخي الكريم عليك وعلى الاصلي اللي في التوكيل
اللي ب 250 جنيه وأمرك لله


وربنا يسهل ان شاء الله ونلاقي بديل جيد