اليوم الاول مع الGen2

[kareem_aljamal]

موضوع السي دي ده جنني في الاول بس عرفت المشكلة ان الكاسيت مش بيشغل السي دي الي فيه فولدر
يعني حط الاغاني كلها من غير ما تقسمه folders
ok

[BlackBerry]

السلام عليكم

اهلا يا كريم

انا فعلا كنت منزل الملفات مباشرة على السيدي يعني من غير فولدرات وكان شغال تمام على اللابتوب بس مش اشتغل في العربيه

انا جربت برينكو وجيجا ماكس وايميشن شغالين تمام

بس قلت اجرب السوني تاني لان ازاي سوني مش يشتغل ! المهم عملت المره دي السيدي من خلال النيرو Nero 8 فيه اوبشن تختار منه نوع السيدي اللي عايز تعمله DATA ولا Audio انا قلت اجرب واخترت MP3 Audio Jetbox دا اسم الاوبشن واخترت 95 ملف نسخهم على السيدي وتمام وجربتهم في العربيه واشتغلوا من اول مره!!! المره الاولى لما جربت كنت عملت السيدي مباشرة من الويندوز لكن لما استخدم النيرو واختار نوع السيدي المراد نسخه تمام ظبط السيدي والسوني شغال.

تحياتي وشكرا لكم جميعا

[batoot556]

شباب انا بس عايز اسئل سؤال هو موضوع الجى بى اس دة بفلوس وكمان هو ممكن يشغل اغانى زى ما شفت بس كدة حيلغى الكاسيت وممكن نحطة فين فى العربية وكمان هل صوتة حلو زى الكاسيت

[BlackBerry]

الجهاز بفلوس الخدمه ببلاش, وممكن توصله بالموبايل لو خرائط البلد مش نازله عليه ويقرا من الجي بي ار اس , بس نزل خرائط البلد وريح نفسك, بالنسبه للجزء التاني من السؤال لو فيه ميديا بلاير اكيد هايشغل وانت ممكن تشغل الاتنين مع بعض عادي, انا ليا اصدقاء مشغلين 2 كاسيت مع بعض ههههه, الكهربائي لما يركب الجي بي اس هايوصله لك بالسماعات فالصوت هايكون من السماعات اكيد مش من سبيكر الجي بي اس فا انت تقدر تستخدمه وتقفل الباور بتاع الكاسيت الاصلي وخلاص يعني باختصار تستخدم واحد بس منهم في نفس الوقت, تحط الجي بي اس فين حسب, فيه اجهزه تيجي بستاند ممكن تحطه في المكان الفاضي في الجين 2 2010 فوق المكيف في النص او فيه اجهزه تيجي تلصق في الزجاج الامامي , بالنسبه للكهرباء الخاصه بالجي بي ار اس, ممكن تشغله من ولاعة العربيه, او ممكن تخلي الكهربائي ياخد له كهرباء من الزرار الفاضي اللي في الداش بورد فيها مكانين فاضيين لو عايز تضيف حاجه الخ

اتمنى يكون الرد في نطاق سؤالك واستفسارك

تحياتي

[M.almaghraby]

لما يركب الجي بي اس هايوصله لك بالسماعات فالصوت هايكون من السماعات اكيد مش من سبيكر الجي بي اس فا انت تقدر تستخدمه وتقفل الباور بتاع الكاسيت الاصلي

باشا حضرتك متاكد انه حيتوصل عالسماعات علي طول؟؟
ولا اصدك عن طريق ال aux ??

[BlackBerry]

والله يا دوك مغربي انا صديقي مركب كاسيت تاني تحت كاسيت اللاسنر بتاعته ومشغل الاتنين عادي وبيقولي الراجل عامله وصله!! فا حسب كلامهم ان ممكن تتوصل على السماعات, وعموما لو aux هايبقى افضل لنا اصلا لو حبينا نشيل الجهاز في اي وقت, لما استقر على جهاز واركبه ها اعرفكم ان شاء الله ايه اللي تم وازاي

تحياتي لكم