صيانة ال1000كم للواجا

[msallam]

السلام عليكم ورحمة الله وبركاته،

غدا بإذن الله ميعاد صيانة ال1000 كم للواجا (2009 FOM)
ممكن أعرف ايه الحاجات اللي هم بيعملوها تلقائيا في صيانة ال1000كم؟

وكان عندي ملاحظات على العربية من ساعة الاستلام:
1- العربية بتحدف يمين
2- مفيهاش فرامل تقريبا :)
3- الدبرياج واطي ومحتاج يعلى شوية
4- من 4 أيام بقيت أحس بتنتيش أو تقطيع كده في العربية لما أكون على نقلة أعلى من المطلوب
5- ساعات بسمع صوت خبطة أو رزعة كده في العفشة، وبسمعها برده لما أحود التارة على الآخر وانا واقف!!

ياريت أصحاب الخبرة يفيدوني بارك الله فيهم، لحسن قلقان من التوكيل من كتر المشاكل اللي سمعتها.
وطبعا لو حد من أعضاء Nilemotors هيكون هناك ممكن تكون فرصة جيدة للتعارف على حد من البروتوناوية

أنا معادي الساعة 9:30 إن شاء الله.

[MohabSaeed]

السلام عليكم ورحمة الله وبركاته،

غدا بإذن الله ميعاد صيانة ال1000 كم للواجا (2009 fom)
ممكن أعرف ايه الحاجات اللي هم بيعملوها تلقائيا في صيانة ال1000كم؟

وكان عندي ملاحظات على العربية من ساعة الاستلام:
1- العربية بتحدف يمين
2- مفيهاش فرامل تقريبا :)
3- الدبرياج واطي ومحتاج يعلى شوية
4- من 4 أيام بقيت أحس بتنتيش أو تقطيع كده في العربية لما أكون على نقلة أعلى من المطلوب
5- ساعات بسمع صوت خبطة أو رزعة كده في العفشة، وبسمعها برده لما أحود التارة على الآخر وانا واقف!!

ياريت أصحاب الخبرة يفيدوني بارك الله فيهم، لحسن قلقان من التوكيل من كتر المشاكل اللي سمعتها.
وطبعا لو حد من أعضاء nilemotors هيكون هناك ممكن تكون فرصة جيدة للتعارف على حد من البروتوناوية

أنا معادي الساعة 9:30 إن شاء الله.

صيانه الالف بتبقى تغير زيت و فلتر ..... و اصلاح اى عيوب او مشاكل ذكرتها فى امر الشغل .

قولهم على كل المشاكل الى عندك و ان شاء الله كل المشاكل تتحل ... وبلغنا بالنتيجه بعد الصيانه .

[ahmadelsaeed]

السلام عليكم ورحمة الله وبركاته،

غدا بإذن الله ميعاد صيانة ال1000 كم للواجا (2009 FOM)
ممكن أعرف ايه الحاجات اللي هم بيعملوها تلقائيا في صيانة ال1000كم؟

وكان عندي ملاحظات على العربية من ساعة الاستلام:
1- العربية بتحدف يمين
دى مهمة جدا تقولهم عليها فى صيانة الألف عشان ضبط الزوايا مجانا فى صيانة الألف
2- مفيهاش فرامل تقريبا :)
وضح أكتر ... لو قصدك الفرامل مشوارها بعيد فده عادى , لو ضعيفة قلهم عليها
3- الدبرياج واطي ومحتاج يعلى شوية
قلهم يعلوه
4- من 4 أيام بقيت أحس بتنتيش أو تقطيع كده في العربية لما أكون على نقلة أعلى من المطلوب
5- ساعات بسمع صوت خبطة أو رزعة كده في العفشة، وبسمعها برده لما أحود التارة على الآخر وانا واقف!!
مش قادر أحس بالصوت الصراحة ... بس حاول تطلعه و إنت هناك.
ياريت أصحاب الخبرة يفيدوني بارك الله فيهم، لحسن قلقان من التوكيل من كتر المشاكل اللي سمعتها.
وطبعا لو حد من أعضاء Nilemotors هيكون هناك ممكن تكون فرصة جيدة للتعارف على حد من البروتوناوية

أنا معادي الساعة 9:30 إن شاء الله.

[elmadawy]

حاول تقولهم علي اي حاجه وان شاء الله سوف يتم اصلاحها
والف مبروك

[msallam]

شكرا يا شباب على مشاركاتكم،
وغدا أخبركم بالنتيجة بإذن الله تعالى.

[jisso82]

1000 مبروك صيانة ال1000 و إن شاء الله كل المشاكل اللى قلتها تختفى و تتحل إن شاء الله

[msallam]

السلام عليكم ورحمة الله وبركاته،

للأسف الشديد كان يوم سيء جدا يا شباب ..
أنا رحت هناك في معادي بالضبط الساعة 9:30 وسلمت العربية الساعة 9:50
عارفين استلمتها متى؟؟؟
الساعة 5:15
يعني 7 ساعات تقريبا
انا زي ما وضحت قبل كده الحاجات اللي كنت عايز أضبطها في العربية
1- الزوايا
2- الفرامل
3- الدبرياج
4- التنتيش أو التقطيع اللي بيحصل وانا على غيار أعلى من المطلوب (يعني بدل ما العربية تصقف بتنتش)
5- زاد عليهم ظبط مستوى النور الواطي

انا سبت العربية الساعة 10 وقلت أرجع لهم الساعة 1 أو 2 مثلا أكيد تكون خلصت طبعا رجعت لا كانت خلصت ولا حاجة، وكان لسه بيعملوا الزوايا وقالوا أصل فيها مشكلة.

خير يا جماعة فيها ايه، محدش عارف حاجة.,
دخلت لمدير الفنيين تقريبا اسمه "سيد"
قالي ان في وردة بس بنظبط عليها في الجهاز عايزين نغيرهالك ومش هينفع النهاردة للأسف عشان لسه قطع الغيار اللي جتلنا في كراتينها ومترصتش !!!!!!!!!!!!!!!!!!!!!!
يعني العمل ايه مش فاهم؟
ان حضرتك تيجي تاني خلال الأسبوع الجي ونضبطلك الزوايا
طب أمال انتوا بتعملوا ايه من الصبح؟
عملنا صيانة 1000 والحاجات اللي انت طلبتها ومش باقي الا ضبط الأنوار،
ولما تخلص هطلع أجرب العربية مع حضرتك.

خلصوا وطلع يجرب العربية معايا،
1-الفرامل اتحسنت شوية بس مش اللي كنت منتظره
2-الدبرياج زي ما هو
3- التنتيش اتعملت ولله الحمد
4- النور بليل وعليك خير (بس الحمد لله تم ضبطه)

قلت له من فضلك اضبط لي الفرامل والدبرايج (عاليهم يعني)
قالي هعليهملك والعربية تتغسل وتخدها على طول ان شاء الله.

خدت العربية وما مشيت لقيت الدبرياج علي زيادة عن اللزوم،
والفرامل برده زيادة عن اللزوم لدرجة اني حاسس انها أفشه على العربية شوية وسحبها قل عن الأول
ناهيكم عن الزوايا،
بقيت أسوأ من الأول ألف مرة،
والحدفة زادت جدا

طبعا في موضوع برده اتعرضت له هناك
موضوع الEBD
المفروض ان العربية في مواصفتها abs و ebd
طبعا هناك المهندسة اللي استقبلتني قالت لي مفيهاش ebd
ودخلتني لسيد مدير الفنيي قال طبعا مفيهاش ebd وفيها abs فقط
قلتلهم انها بتتباع على أساس ان فيها ebd محدش رد علي
وأكدوا لي ان مفيهاش ebd !!!!!

معلش صدعتكم بالقصة الطويلة دي.
بس انا اليوم ده رجعت عيان من المشوار (رجعت العشاء)
ومقدرتش أكتب لكم عن الهم اللي شفته.

وان شاء الله هحجز المفروض على يوم الاتنين عشان موضوع الزوايا.

أسف مرة أخرى على الإطالة.

[mohamedhamam]

ألف مبروك و عقبال صيانة الـ 100000 و حاجة غريبة اللى أنا متأكد منه فنياً أن abs & ebd وحدة واحدة و ميكانيزم واحد بصفة عامة فى كل العربيات بإختلاف أنواعها تأكد من هذه المعلومة من متخصصى هذا القسم المحترم

[hesham_soaida]

معلش انت حتتعب شوية في الاول, وبعدين كل حاجة حتتظبت. العربية فعلا ممتازة ومش حتندم انك جبتها, وربنا ما يحوجنا لأي توكيل في مصر

[MohabSaeed]

حاول تطول بالك حبتين تلاته ... مافيش حاجه فى بلدنا بتمشى بالظبط زى ما الكتاب مابيقول من اول مره " للاسف " .

الى فاضلك ظبط الزوايا .... المره الجايه قبل ماتستلم العربيه جرب الفرامل و الدبرياج بحيث انهم يكونو مظبوطين زى ما انتا عاوز .

بالنسبه لموضوع ال ebd الى اعرفه ان الواجا الجديده فيها abs و ebd فالمعلومه ديه جديده بالنسبالى.

[M.almaghraby]

العربية فيها ebd - قال يعني التوكيل فاهمين قوي عشان يفتوا فدي كمان -

و متضايقش نفسك و كلوا حيبقي تمام

[momopersona]

السلام عليكم ورحمة الله وبركاته،

للأسف الشديد كان يوم سيء جدا يا شباب ..
أنا رحت هناك في معادي بالضبط الساعة 9:30 وسلمت العربية الساعة 9:50
عارفين استلمتها متى؟؟؟
الساعة 5:15
يعني 7 ساعات تقريبا
انا زي ما وضحت قبل كده الحاجات اللي كنت عايز أضبطها في العربية
1- الزوايا
2- الفرامل
3- الدبرياج
4- التنتيش أو التقطيع اللي بيحصل وانا على غيار أعلى من المطلوب (يعني بدل ما العربية تصقف بتنتش)
5- زاد عليهم ظبط مستوى النور الواطي

انا سبت العربية الساعة 10 وقلت أرجع لهم الساعة 1 أو 2 مثلا أكيد تكون خلصت طبعا رجعت لا كانت خلصت ولا حاجة، وكان لسه بيعملوا الزوايا وقالوا أصل فيها مشكلة.

خير يا جماعة فيها ايه، محدش عارف حاجة.,
دخلت لمدير الفنيين تقريبا اسمه "سيد"
قالي ان في وردة بس بنظبط عليها في الجهاز عايزين نغيرهالك ومش هينفع النهاردة للأسف عشان لسه قطع الغيار اللي جتلنا في كراتينها ومترصتش !!!!!!!!!!!!!!!!!!!!!!
يعني العمل ايه مش فاهم؟
ان حضرتك تيجي تاني خلال الأسبوع الجي ونضبطلك الزوايا
طب أمال انتوا بتعملوا ايه من الصبح؟
عملنا صيانة 1000 والحاجات اللي انت طلبتها ومش باقي الا ضبط الأنوار،
ولما تخلص هطلع أجرب العربية مع حضرتك.

خلصوا وطلع يجرب العربية معايا،
1-الفرامل اتحسنت شوية بس مش اللي كنت منتظره
2-الدبرياج زي ما هو
3- التنتيش اتعملت ولله الحمد
4- النور بليل وعليك خير (بس الحمد لله تم ضبطه)

قلت له من فضلك اضبط لي الفرامل والدبرايج (عاليهم يعني)
قالي هعليهملك والعربية تتغسل وتخدها على طول ان شاء الله.

خدت العربية وما مشيت لقيت الدبرياج علي زيادة عن اللزوم،
والفرامل برده زيادة عن اللزوم لدرجة اني حاسس انها أفشه على العربية شوية وسحبها قل عن الأول
ناهيكم عن الزوايا،
بقيت أسوأ من الأول ألف مرة،
والحدفة زادت جدا

طبعا في موضوع برده اتعرضت له هناك
موضوع الEBD
المفروض ان العربية في مواصفتها abs و ebd
طبعا هناك المهندسة اللي استقبلتني قالت لي مفيهاش ebd
ودخلتني لسيد مدير الفنيي قال طبعا مفيهاش ebd وفيها abs فقط
قلتلهم انها بتتباع على أساس ان فيها ebd محدش رد علي
وأكدوا لي ان مفيهاش ebd !!!!!

معلش صدعتكم بالقصة الطويلة دي.
بس انا اليوم ده رجعت عيان من المشوار (رجعت العشاء)
ومقدرتش أكتب لكم عن الهم اللي شفته.

وان شاء الله هحجز المفروض على يوم الاتنين عشان موضوع الزوايا.

أسف مرة أخرى على الإطالة.

للاسف ده اقل واجب

معلشى انا حاسس بيك بجد وتقريبا 80% مننا حاسس بيك وبتجربتك الشبه مكرره

على العموم انت عندك حل من اتنين
الاتنين متعبين لكن العربيه بتبئا 10/10 فى الاخر
1- تمشى ورا التوكيل للاخر وهاتروح بدل المره 10 لحد ماتاخد حقك فى ظبط العربيه
2- تسيبك من التوكيل خالص وتعمل صياناتك بره وليكن فى ورشة فيصل مثلا وهايكون اريح بكتير ولكن هاتخسر الضمان

على كل حال المشاكل اللى عندك تعتبر تافهه لكن للاسف عز العرب مابيصلحش ولا المشاكل الصغيره غير بعد محاولات كتيره

ابئا طمنا عليك عرفنا عملت ايه

[khpopo]

العربية فيها ebd - قال يعني التوكيل فاهمين قوي عشان يفتوا فدي كمان -

و متضايقش نفسك و كلوا حيبقي تمام

+111
معلش خليك وراهم لغاية عربيتك ماتضبط وبعد كده هاتنسى التعب فى التوكيل وعندك م/امر مدير خدمة الضمان انسان محترم لو فى حاجه روح له واستفسر على حقوقك
ربنا يوفق

[msallam]

ألف مبروك و عقبال صيانة الـ 100000 و حاجة غريبة اللى أنا متأكد منه فنياً أن abs & ebd وحدة واحدة و ميكانيزم واحد بصفة عامة فى كل العربيات بإختلاف أنواعها تأكد من هذه المعلومة من متخصصى هذا القسم المحترم

الله يبارك فيك يا باشا.
إن شاء الله هتأكد من المعلومة دي بالنسبة للواجا،
لكن هي بالنسبة للجين 2 الأخ أيمن أكد إن فيها ebd و إن الebd عبارة عن سوفت وير مخصص لتوجيه نظام الabs

معلش انت حتتعب شوية في الاول, وبعدين كل حاجة حتتظبت. العربية فعلا ممتازة ومش حتندم انك جبتها, وربنا ما يحوجنا لأي توكيل في مصر

أنا مقتنع بالعربية 100 100 بفضل الله،
لكن فعلا ربنا ما يوحجنا للتوكيل.

حاول تطول بالك حبتين تلاته ... مافيش حاجه فى بلدنا بتمشى بالظبط زى ما الكتاب مابيقول من اول مره " للاسف " .
الى فاضلك ظبط الزوايا .... المره الجايه قبل ماتستلم العربيه جرب الفرامل و الدبرياج بحيث انهم يكونو مظبوطين زى ما انتا عاوز .
بالنسبه لموضوع ال ebd الى اعرفه ان الواجا الجديده فيها abs و ebd فالمعلومه ديه جديده بالنسبالى.

الله المستعان،
إن شاء الله المرة اللي جيه هتأكد من كل حاجة،
وهحشر نفسي جوه الورشه كمان :)

العربية فيها ebd - قال يعني التوكيل فاهمين قوي عشان يفتوا فدي كمان -
و متضايقش نفسك و كلوا حيبقي تمام

إن شاء الله،
متشكر يا باشا.

للاسف ده اقل واجب

معلشى انا حاسس بيك بجد وتقريبا 80% مننا حاسس بيك وبتجربتك الشبه مكرره

على العموم انت عندك حل من اتنين
الاتنين متعبين لكن العربيه بتبئا 10/10 فى الاخر
1- تمشى ورا التوكيل للاخر وهاتروح بدل المره 10 لحد ماتاخد حقك فى ظبط العربيه
2- تسيبك من التوكيل خالص وتعمل صياناتك بره وليكن فى ورشة فيصل مثلا وهايكون اريح بكتير ولكن هاتخسر الضمان

على كل حال المشاكل اللى عندك تعتبر تافهه لكن للاسف عز العرب مابيصلحش ولا المشاكل الصغيره غير بعد محاولات كتيره

ابئا طمنا عليك عرفنا عملت ايه

تقريبا همشي مع الحل التاني،
1-لأن التوكيل ده باين عليه حالته صعبه أوي.
2-أنا أحب أشوف عربيتي بيتعمل فيها ايه واتابع مع الميكانيكي وافهم كل حاجة
عشان لا قدر الله يوم ما يحصل حاجة الواحد يكون فاهم و مخه شغال برده
لكن نظام أرتاح وأشرب شاي في الاستراحة عقبال ما يخلصوا ده مليش فيه خااااااالص
ممكن أصلا يحصل مصيبة في العربية ولا مين شاف ولا مين دري، وحضرتك عمال تشرب في شاي في الاستراحة والدنيا خربانة برة.
بس هي فين ورشة فيصل دي يا باشا؟
وبيفهموا ولا؟
3- أنا لي واحد حبيبي مسافر ماليزيا الأسبوع الجي واستأذنته لو حد من الشباب هنا هيحتاج حاجة نجبهالوا إن شاء الله.
ولي واحد حبيبي تاني تاجر سيارات، قالي شوف الشباب بردوا محتاجين ايه ولو كده نجيب كونتينر مليان قطع غيار للبروتون بأنواعها ولا الحوجة للتوكيل.
وطبعا في الحالتين الأسعار هتكون أرخص من التوكيل بكتييييير حتى لو الاتنين كسبوا في الحاجة اللي هيجبوها.

+111
معلش خليك وراهم لغاية عربيتك ماتضبط وبعد كده هاتنسى التعب فى التوكيل وعندك م/امر مدير خدمة الضمان انسان محترم لو فى حاجه روح له واستفسر على حقوقك
ربنا يوفق

ربنا ما يحوجنا لحد إن شاء الله.

[msallam]

أنا حجزت ميعاد بكرة الساعة 11:15 إن شاء الله عشان موضوع الزوايا.
ادعوا لي بالتيسير،
ولو حد من الشباب رايح ياريت يقول لي،
وطبعا لو حد من الخبرة يقدر يشرفني هناك يكون شيء عظيم.