الي كل من اتهمني باقتباس المواضيع (الحقيقه وراء مواضيعي ومصدر المعلومات)

[ramyar]

احب اطمن علي اخواتي البروتوناويه اخباركم ايه
معلش اني غبت عليكم بس للامانه بعد ردود افعال بعض الساده الاعضاء
حصلي حاله من الاحباط وبعدها قررت اني ما ادخلش تاني علي النايل وكمان مسحت كل معلوماتي
وبعد اسبوع فكرت تاني بهدوء وقلت لنفسي كل واحد حر في رايه وكلامه وانا الي بستفيده اني اعرف الناس علي مميزات عربياتهم
المهم راجعت نفسي تاني وقلت بلاش الفكره دي والنهارده انا جايبلكم مصدر معلوماتي وهوا كتاب بيشمل جميع اجزاء العربيه من اول فكره عمل الموتور لغايه الي عمرنا ما كنا نفكر فيه
وعلي فكره انا مش مضطر اعمل كده لاكن عشان الاخوه الاعضاء يكونوا عارفين وكمان في واحد صديق في ماليزيا بيزودني بي المعلومات وهوا كان ليه دور كبير في حل مشكله المالتي فانكشن وكمان ساعدجني كتير في موضوع الفرامل
هسيبكم مع الصور

صوره الكتاب
















وفي النهايه انا بترجم وبلخص الموضوع بطريقه سهله وفي نفس الوقت مفيده

[3ateef]

برضه ده مايمنعش ان الموضوع اللى انت كنت كاتبه كان زى ما يكون متاخد نسخ....لصق..

بالترتيب...مع تعديل طفيف (حذف كلمات فى النص)

[ramyar]

لو شفت الصور مش هتقول كده
وبعدين ده رايك وانتا حر فيه

[Ayman_52]

برضه ده مايمنعش ان الموضوع اللى انت كنت كاتبه كان زى ما يكون متاخد نسخ....لصق..

بالترتيب...مع تعديل طفيف (حذف كلمات فى النص)

حضرتك بتتكلم على اساس ايه دلوقتى ... ياريت حضرتك قبل ماتتكلم كلام ممكن يجرح او يضايق حد قدامك تفكر انه ممكن مايكونش صحيح

ا/رامى جاب المصدر بتاع الموضوع ... وهو كتاب ممكن اى حد يشتريه ويكتب نفس الكلام

------------------------

بجد شكر ا/رامى ... على حبك واهتمامك بمساعدتنا بالمعلومات دى ... وجهدك فى تلخيص وترجمة الكلام دا كله

ويامعلم ماحدش كان عاوز تاكدله مصدرك ... كفايه انك اول مابتعرف معلومه بتجرى تنزلها عشان تفيد الاخرين ... واكيد لو كنت قريت كلمه ضايقتك ... انا متاكد ان ماحدش كان يقصد حاجه تضايقك

كفايه اهتمامك بانك عاوز تعرفنا كل المعلومات الجميله دى

شكـــــــــــــــــــــــــرا ... وياريت ماتبخلش علينا بباقــى مواضيعك ومعلوماتك الكتيــر

تحيــــــــــــــــاتـــى

[Tarek Gen 2]

طالما انت مقتنع بنفسك متشغلش بالك بحد
المهم انتا
اللى يستفيد اهلا وسهلا و اللى لا ملكش دعوة بيه
و اللى انت بتعمله طالما مريحك و بيسعد واحد على الاقل و يساعده فده كفاية
و انا على فكرة معرفش حاجة عن موضوعك ده خالص بس انا اعرف موضوع اعداء النجاح و الحاجات دى
و استمر يا باشا
تحياتى
طارق

[mmffor]

برضه ده مايمنعش ان الموضوع اللى انت كنت كاتبه كان زى ما يكون متاخد نسخ....لصق..

بالترتيب...مع تعديل طفيف (حذف كلمات فى النص)

الاقتباس وارد و ثم بعدين الراجل معاه كتاب و معلم عليه بالاحمر! دع المخلوق للخالق. ممكن يكون اقتبس حاجه و اجتهد في حاجه تانيه بس ممكن غلطه انه مكتبش انه تم اقتباس بعض او معظم الموضوع و سيتم تداركها انما لو فعلا هوا كتب الموضوع ياريت نشكره على مجهوده اللي ممكن يكون في حد في اللحظه دي بيستفاد منه

[ahmed_h_g]

الله ينور عليك يا أستاذ رامى
الف شكر على معلوماتك الجميله
كمل ربنا معاك .

[3ateef]

حضرتك بتتكلم على اساس ايه دلوقتى ... ياريت حضرتك قبل ماتتكلم كلام ممكن يجرح او يضايق حد قدامك تفكر انه ممكن مايكونش صحيح

ا/رامى جاب المصدر بتاع الموضوع ... وهو كتاب ممكن اى حد يشتريه ويكتب نفس الكلام

على اساس انى شفت الموضوع اللى هو عمله والموضوع الأصلى....
انا مش بقول كلام فى الهوا....

[ramyar]

يا ساده يا افاضل انا لو هقتبس حاجه او هنقل اي حاجه
لازززززززززززززززم ولابد اني اقول

[3ateef]

الاقتباس وارد و ثم بعدين الراجل معاه كتاب و معلم عليه بالاحمر! دع المخلوق للخالق. ممكن يكون اقتبس حاجه و اجتهد في حاجه تانيه بس ممكن غلطه انه مكتبش انه تم اقتباس بعض او معظم الموضوع و سيتم تداركها انما لو فعلا هوا كتب الموضوع ياريت نشكره على مجهوده اللي ممكن يكون في حد في اللحظه دي بيستفاد منه

ولو كان هو اللى كتب الموضوع مكنتش حقولوا شكرا ؟؟؟!!!
اكيد كنت حقولوا زى ما بقول لكل اللى الاعضاء اللى بتجتهد فى مواضيع...


وفكرة انى اقتبس حاجة ومقولش انى مقتبسها....فأنا كده بضيع المجهود اللى غيرى تعب فيه...


وياريت تشوفوا الموضوع اللى هو كان كاتبه وتشوفوا الموضوع الاصلى...والحكم ليكم...


وياريت مفيش داعى للمواساة والطبطبة...الى غلطان يتقالوا انت غلطان,,,

ولو اتثبت ان هو اللى فعلا كتب الموضوع فأنا حعتذر ليه...

ولحين اثبات الحقيقة......فهو مقتبس من غير مايقول انه مقتبس...

[ahmed_h_g]

يعنى حضرتك لو دخلت القسم التعليمى هتكتب فى كل المواضيع الكلمتين دول .... ده من كلام حضرتك

[mnabil1980]

راجعت موضوع دائرة التزييت ووجدت أنه يبدو أن المواضيع الأخرى مترجمة من نفس المصدر ويبدو أن هذا سبب التشابه ولكن أيضا هناك اختلافات كبيرة يبدو أنها نتيجة الاختلاف فى اسلوب الترجمة. لا يبدو لى الموضوع منقول.

[momopersona]

خلاص يا جماعه حصل خير
ا.رامى مشكور على اى معلومه يفيدنا بيها وعلى مجهوده سواء بالاقتباس او التحضير

وياريت احنا ماندافعش عن حد لمجرد انه صديق ونكذب حد لمجرد انه بيكذب صديقنا
والحقيقه ماحدش يعرفها فينا كلنا غير ا. رامى فقط ولا داعى للدفاع عنه لاننا مش نتأكدين انه صادق لان هو اللى عامل المواضيع مش احنا والموضوع مجرد ثقه بالنسبالنا
ولا داعى لتحويل الموضوع لخناق

واعتقد لو كان ا.رامى بيقتيبس مسيره يبان انه مش فاهم حاجه وبينقل بس

لكن فى مواضيع و ردود رامى واضح جدا انه انسان فاهم الكلام اللى بيقوله (رأيى الشخصى)
وكمان لما اتكلمت معاه كان واضح بالنسبه لى انه فاهم حاجات كتير انا ماعرفهاش مثلا

ولكن بردو ماحدش فينا يقدر يكذبه ولا يقدر يكذب الاخ اللى بيهاجمو
وشكرا

[3ateef]

يا ساده يا افاضل انا لو هقتبس حاجه او هنقل اي حاجه
لازززززززززززززززم ولابد اني اقول

http://www.nilemotors.net/Nile/142362-a.html

الكلام باللون ده....الموضوع الاصلى
الكلام باللون ده...موضوع رامى

الغرض من عملية التزييت :

هو وضع غشاء رقيق من الزيت بين سطحين متلاصقين يتحرك إحداهما بالنسبة للآخر حتى يحول الزيت دون تلامسهما أثناء الحركة وتقل المقاومة الاحتكاكية التي تنشأ بينهما تلافياً للتآكل الذي يحدث حتماً إذا كان هناك تلامس معدني مباشر دون غشاء أو طبقة من الزيت بينهما ويؤدى إلى تلفهما ويفضل الزيت كأداة للتزييت بسبب خاصية تلاصقه مع السطوح وخاصية لزوجته حيث يتكون غشاء الزيت المتواجد بين السطحين من عدة طبقات تلتصق طبقاته الخارجية مع سطح المعدن المجاور لها بخاصية الالتصاق – بينما تتماسك طبقاته الداخلية مع بعضها بخاصية اللزوجة و التي تحول دون انفصال أو قطع أو شرخ هذه الطبقات عن بعضها عند ازلاقها أو تدحرجها فوق بعضها تحت ضغط أثناء حركة الأجزاء المتحركة كما تحول دون هروبه من بين الأسطح كما فى السوائل الأخرى
.

الغرض من عمليه التزيت هو : وضع غشاء رقيق من سائل لزج بين سطحين متلامسين واحد منهم متحرك والتاني ثابت وطبعا السائل ده هو زيت التزيت وده لمنه او لتقليل تلامس الجزئين مع بعض ومن التاكل الناتج عن الاحتكاك .

وظائف زيت التزييت:

1- التزييت : يحول الزيت دون احتكاك الأسطح المعدنية ببعضها فيمنع تآكل سطوحها أو حدوث خدوش عليها .
2- التبريد : يمتص الزيت الحرارة من الاسطوانات و المكابس وكراسي التحميل (الارتكاز ) وغيرها من أجزاء المحرك وينقلها إلى خزان الزيت بعلبة المرفق وهكذا يحول دون تمددها وتماسكها نتيجة لارتفاع درجة حرارتها .
3- الحبك و الإحكام : يملئ الزيت الفراغ بين الاسطوانات ومكابسها وبين حلقات شنابر المكبس ومجاريها وبذلك يحول دون تسرب غازات الاحتراق إلى الخارج .
4- التنظيف : يختلط الزيت بالكربون و التربة و المواد الصمغية وغيرها من المواد الغريبة التي تتكون داخل المحرك ويحملها معه إلي خزان الزيت بعلبة المرفق حيث تترسب الجزيئات الكبيرة فى قاعه ويتم التخلص من الجزيئات الصغيرة العالقة به بواسطة مرشح الزيت .
5- زيادة القدرة المستفادة : يعمل الزيت على تقليل القدرة المفقودة فى التغلب على الاحتكاك ومن جراء تسرب غازات الاحتراق .
6- ردع الصدمات : يعمل كوسادة تردع الأصوات الناتجة عن حدة الصدمات التي تحدث بين الأجزاء المتحركة من جراء التغير الفجائي فى الضغط عند الاحتراق مما يساعد على الأداء الهادئ للمحرك .


الهدف من التزيت :

1- بيمنع الزيت تلامس الاجزاء المتحركه والثابته اللي بدوره بيمنع الاحتكاك والتاكل وعدم حدوث خدوش .

2- تقليل درجه الحراره والتبريد حيث يمتص الزيت الحراره الناتجه من الاجسام المتحركه والي بدوره بيطول عمر الاجزاء المتحركه وكمان بيساعد علي عدم تمدد الاجزاء ونقل الحراره الي الجو وعشان كده دايما نلاقي ان حوض الزيت المسمي بـ(الكرتير) دايما بيكون اسفل الموتور في اتجاه مرور الهواء ولزياده سرعه فقد الحراره من الكرتير , دلوقتي الكرتير بقي مصنع من سبيكه الانتيمونيه وطبعا المعروف عنها سرعه فقد الحراره وخفه الوزن .

3- الاحكام وده عن طريق وجود غشاء رقيق من الزيت بين الاجزاء المتحركه والاجزاء الثابته .

4- التنظيف حيث تلتصق ذرات الكربون والمواد الصمغيه في الزيت الي بيقوم الزيت بنقلها الي الكرتير وبعد كده الفلتر بينقي الزيت من الشوائب قبل ما تتم دوره زيت جديده .

5- تخفيف الضجيج حيث يقوم الزيت بعمل وسائد لامتصاص الاصوات الناتجه عن الاحتراق والعمليات المختلفه داخل الموتور .

إضافات الزيوت :

1- إضافات مانعة التأكسد.
2- إضافات مانعة للرغاوى .
3- إضافات مانعة للشمعيات و الصمغيات .
4- إضافات مانعة للتآكل .
5- إضافات تحسين معامل اللزوجة.
6- إضافات التنظيف.
7- إضافات مانعة للصدأ.



: طيب ايه المواد والاضافات الي بتفرق الزيوت عن بعضها وبتخلي في فروق سعريه :

1- مانع الاكسده
2- مانع رغاوي
3- مانع شمع او صمغ
4- مانع تاكل
5- اضافات التنظيف واضافات تحسين معامل اللزوجه
6- وده الاهم مانع صدا

مكونات مجموعة التزييت:

1- وعاء الزيت : Oil pan

وهو الوعاء الذي يتجمع فيه زيت تزييت المحرك والغرض منه ان يعمل كخزان لكمية معينة من الزيت تبعا لمتطلبات المحرك والحفاظ على مستوى الزيت بحيث يكون ثابتا ومناسبا بالنسبة للمضخة اثناء هبوط او صعود المرتفعات لذا تكون قاعدته ذات مستويين مختلفين كما يحتوى على سدادة تفريغ فى ادنى نقطة فيه حتى يمكن تفريغ زيت المحرك بعد رفع او فك هذه السدادة .


2- مصفاة الزيت: Oil Strainer

هي عبارة عن شبكة سلكية معدنية دقيقة الثغرات توضع فى غلاف تربط اسفل مضخة الزيت بحيث تكون على بعد مناسب من قاع وعاء الزيت تفاديا لالتقاط الرواسب المعدنية الناتجة اثناء تشغيل المحرك و التي تتراكم داخل الوعاء وبالتالي تعمل المصفاة على تنقية الزيت من المواد الغريبة الكبيرة نسبيا من الوصول إلى ارجاء المحرك مع تيار الزيت .

3- مضخة الزيت Oil Pump

تستخدم عدة انواع من مضخات الزيت ضمن مجموعة التزييت لاجزاء المحرك مثل المضخة ذات الريش – المضخة الدوارة – المضخة ذات الساق الغاطس – المضخة ذات التروس وهى تستمد حركتها عادة على اختلاف انواعها من عمود كامات المحرك واحيانا من عمود المرفق و الغرض من المضخة هو سحب الزيت من الوعاء ثم دفعه فى موزع دائرة التزييت تحت ضغط معين يناسب الضغط اللازم لوصول الزيت لاجزاء المحركات المختلفة ويتم تزويد المضخة بمنظم للضغط (صمام امن) يركب معها عند فتحة خروج الزيت .


4- مرشح الزيت Oil Filter

يركب فى دوائر تزييت المحرك نوعان رئيسيان لمرشحات (منقيات ) الزيت والغرض منها هو حجز الشوائب الدقيقة العالقة بالزيت وتحول دون مرورها فى دائرة التزييت ليصل نظيفاً إلي اجزاء المحرك المتحركة فيقل تاكلها ويطول عمر تشغيلها.




- طيب ايه هي اجزاء دائره التزيت -

1- حوض الزيت او الكرتير وده مش اكبر من حوض لتجميع الزيت .
2- مصفاه الزيت وظيفتها تنقيه الزيت من الرواسب الي حجمها كبير .
3- طلمبه الزيت ودي عشان ترفع الزيت بضغط معين وبتقوم بضخ الزيت من الكرتير لاعلي نقطه في الموتور .
4- فلتر الزيت وطبعا ده عشان ترشيح وتنقيه الزيت من ادق واصغر الرواسب والجزيئات المصاحبه للزيت .

الأجزاء المتحركة التي تتطلب التزييت :-

- كراسي محاور المرفق .
- بنز المكبس .
- جدران الاسطوانات.
- كراسي عمود الكامات.
- عمود روافع الصمامات.
- ادلة الصمامات.
- تروس التوقيت.



1- عمود الكرنك والسبايك
2- البستم والبنز بتاعه
3- الشمايز او الاسطوانات
3- عمود الكامه والدلايل

[أبومعاذ]

بصراحة صدفة عجيبة لأني بالبحث لقيت فعلا موجود نفس الموضوع قبل كدا على منتديات تانية بس كون الأستاذ رامي جاب الكتاب اللي هو جايب منه المعلومات يبقى غالبا الموضوع راجع لتوارد الأفكار أو للصدفة والله أعلم