عندى مشكله فى برسونتى الفرامل بتترج عند ضغطها بقوة

[pedro732000]

انا برسونتى معملتش 400 ك بس لاقيت عند الضغط على الفرامل بقوة بسمع صوت طقطقه من الامام ودواسة الفرامل بتترج تحت رجلى
ممكن حد يقولى ده ايه واعمل ايه عشان انا قلقان جدا

[KHALED AYMAN]

لو فيها abs يبقى ده طبيعى و ده دليل على ان النظام سليم ..
لو مفيهاش يبقى فيها مشكله .
و مبروك عليك العربيه

[pedro732000]

معلش ممكن توضيح لان هى فيها abs

[ahmed_h_g]

فيها abs يبقى ده طبيعى
و مبروك عليك العربيه

[msallam]

الصوت ده ناتج من ردة فعل نظام الabs
وده دليل انه شغال كويس بفضل الله.
لا تقلق

[momopersona]

عادى ياباشا اى عربيه فيها abs كده مش بروتون بس
ودى طبعا ميزه

[pedro732000]

ياجماعه المشكلة انى بكون على سرعات عاديه مثلا 60كم\س او اقل كمان ده عادى ولا ايه

[msallam]

الصوت بيظهر لما تدوس على الفرامل فجأة وبقوة أيا كانت سرعتك،
وهو ده لازمة الabs
لكن لو بتدوس براحة وبيظهر ده كده موضوع تاني.

[Ayman_52]

انا برسونتى معملتش 400 ك بس لاقيت عند الضغط على الفرامل بقوة بسمع صوت طقطقه من الامام ودواسة الفرامل بتترج تحت رجلى
ممكن حد يقولى ده ايه واعمل ايه عشان انا قلقان جدا

صوت الطقه دى ممكن يكون مساعد او حاجه ؟؟؟

الرجه دى ممكن باردوا يكون ترصيص ... انا الصراحه مش عارف بالضبط بس بفكر معاك

ياريت حضرتك تحجز صيانه فالتوكيل افضل ... وان شاء الله كل حاجه تتضبط لا تقلق

تحيــــــــــــــاتــى

[jisso82]

لأ ده طبيعى جدا بالنسبة للabs زى ما قال لحضرتك باقى الأعضاء و أنا عندى نفس القصة بالظبط و الرجة دى بالنسبة للabs لأن الناس اكتشفت إن الفرامل أفضل أداء ليها لما تدوس عليها أكتر من مرة فى وقت قصير مش دوسة واحدة قوية و إن ده بيوقفها أسرع و بدون إزاحة و طبعا هم برده عارفين إن فى حالات الخطرو ضغط الفرامل فجأة ماحدش هيفكر يدوس أكتر من مرة و ماحدش هيبقى قادر يفكر من الأساس فى الوقت ده و عشان كده اتعمل النظام بالشكل اللى انت حسيته انت تضغط مرة واحدة قوية و الفرامل نفسها تدى انعكاس بإنك ضغطت عليها أكتر من مرة و هو ده سبب الطقطقة أو النبضات اللى بتحس بيها تحت رجلك و انت بتضغط عشان تحصل فى الآخر على أفضل أداء و فرملة بدون انزلاق بدل ما يقفل على العجل و يخللى العربية تكملها زحف.

[reamoz]

لأ ده طبيعى جدا بالنسبة للabs زى ما قال لحضرتك باقى الأعضاء و أنا عندى نفس القصة بالظبط و الرجة دى بالنسبة للabs لأن الناس اكتشفت إن الفرامل أفضل أداء ليها لما تدوس عليها أكتر من مرة فى وقت قصير مش دوسة واحدة قوية و إن ده بيوقفها أسرع و بدون إزاحة و طبعا هم برده عارفين إن فى حالات الخطرو ضغط الفرامل فجأة ماحدش هيفكر يدوس أكتر من مرة و ماحدش هيبقى قادر يفكر من الأساس فى الوقت ده و عشان كده اتعمل النظام بالشكل اللى انت حسيته انت تضغط مرة واحدة قوية و الفرامل نفسها تدى انعكاس بإنك ضغطت عليها أكتر من مرة و هو ده سبب الطقطقة أو النبضات اللى بتحس بيها تحت رجلك و انت بتضغط عشان تحصل فى الآخر على أفضل أداء و فرملة بدون انزلاق بدل ما يقفل على العجل و يخللى العربية تكملها زحف.

ممكن كمان أضيف لكلام حضرتك إن العجل لما يقفش بيكون مافيش تحكم في توجيه العربية نهائي مهما تكسر الدركسيون يمين أو شمال العربية بتفضل تزحف في نفس الإتجاه ميزة الـabs إنه مش بيخلي العجل قافش علطول وبيسمحله إنه يقفش ويتحرك مرات متعددة علشان تقدر تتحكم في إتجاه العربية وتفادي حاجة ممكن ماتلحقش تقف قبلها

[pedro732000]

طب ياجماعه هو الصوت اللى بيظهرالطقطقة يعنى ده تكون من ايه مع ان بكون على ارض مستوية

[KHALED AYMAN]

طب ياجماعه هو الصوت اللى بيظهرالطقطقة يعنى ده تكون من ايه مع ان بكون على ارض مستوية

ده صوت التيل و هو بيمسك على الطنابير و يسيب ..
وصوت رجه اجزاء الفرامل تحت ...
طبيعى جداااا
عندى فى الفيكترا ..
و فى الاوكتافيا ..
و مكتوب فى الكتالوج كمان ..
و لعلمك اى نظام الكترونى لما بيشتغل بيكون ليه اصوات مشابهه لدى .

[A. Ibrahim]

مبروك البرسونا حامل في abs

[mido_soliman]

مبروك البرسونا حامل في abs

هههههههههههههههههههههههههههههههههههههههههههه
اجمد تعليق