فرامل البروتون وطريقه عملها وحل مشكله طول مشوار الدواسه

[ramyar]

بسم الله الرحمن الرحيم
مش هحاول ادخل في تفاصيل كتير لاكن لازم نعرف الفرامل بتشتغل ازاي عشان نعرف ايه المشاكل وازاي نحلها

طبعا الفرامل من الاجزاء الي بنستخدمها علي طوووووووول من ساعه ما بنتحرك بي العربيه لغايه ما بنوقف بي العربيه
طيب حد سال نفسه ايه الي بيحصل لما بندوس علي دواسه الفرامل
اولا فكره عمل الفرامل هي ايقاف السارع عند اللزوم وده عن طريق استخدام قوه ضغط القدم ونقل القوه دي عن طريق سائل الفرامل وليه سائل لان طبعا كلنا درسنا في الفيزياء ان السوائل غير قابله للانضغاط
المهم وببساطه دواسه الفرامل متوصله بماستر فرامل عمومي وده زي اسطوانه مفرغه بيكون فيها من جوه بستمين اتنين وعليهم نوع خاص ومقاس معين من الجلد الي بي البلدي وفي السوق اسمه جلد الماستر
وده طبها لان الجلد مش بيسري
المهم وكمان في كوبايه الزيت الي بيكون فيها زيت الفرامل او بي البلدي كده زيت الباكم
وخارج من الماستر عدد من المواسير بيعدي فيها الزيت
يعني لما ندوس علي الدواسه بنتنتقل حرجه الرجل الي العمود الواصل بين الدواسه والي بدوره بيضغط علي البساتم الي جوع الماستر والي بدورها بتضغط الزيت الي قدامها وياعيني الزيت مابيلاقيش مكان يروح فيه غير المواسير الي خارجه من الماستر
وبعد كده المواسير دي عندنا في بروتون بتكون متوصله علي وحده ال abs


ال الصوره
دي من عربيتي
وطبعا زي ما احنا شايفين ان رقم 1 هوا الماستر العمومي ورقم 2 كوبايه الزيت و رقم 3 مواسير نقل الزيت ورقم 4 وحده ال abs
طيب تعالوا نشوف الي جوه الماستر ولو انه مش مهم بي النسبه ليكم بس من بتب العلم بي الشيء

ده شكل البساتم والجلود الي من جوه
طيب تعالوا نشوف شكل الدواسه وتوصيلها للماستر وده مهم جدا لان عندنا في بروتون ده الحل بتاع طول المشوار


كده خلص الجزء الي قدام نيجي بقي لبعد ال abs بيخرج من ال abs ماسوره زيت لكل عجله
وطبعا عند كل عجله بيكون في خرطوم لان المواسير مش طريه كفايه وطبعا العجلات بتطلع وبتنزل مع المطبات يبقي لازم يمون في وصله عباره عن خرطوم
وبعد كده في كل عجله بيكون راكب علي الطنابير ماستر التي لاكن اسمه ماستر فرعي ةده بيكون عبارع عن بستم كبير الحجم وبيكون راكب عليه لقمتين التيل الي بدورهم بيكونوا ملاصقين للطنابير

السهم بيوضح شكل الماستر والبستم الي حواه

صوره تاني للماستر والسهم بيوضح البستم وطبعا الفكين دول الي بيكونوا مثبتسن لقمتين التيل

شكل الطمبوره وراكب عليها الماستر والتيل وده ممكن نشوفه لو بصينا من بين فتحات الجنط

فاضل نشوف التيل







دي صور التيل الامامي وللعلم التيل الامامي اكبر من التيل الخلفي وعندي ليكم مفاجاه بخصوص ان في تيل بتاع عربيه ياباني بيركب عندنا في البروتون لاكن مستني لما اتاكد الاول
نيجي بقي للتيل الخلفي والي بيشتغل مع فرامل الرجل وكمان فرامل اليد









كده خلاص كلنا شفنا اجزاء الفرامل
ونقول مره تاني باختصار
اول ما بندوس علي الفرامل الدواسه بتنقل الحركه للبستم الي جوه الماستر العمومي والي بدوره بيضغط الزيت في المواسير ومنها الي ملستر الفرفعي الي علي كل عجله والي بدوره بحرك البستم الي راكب عليه التيل
والتيل بيكون ملاصق للطنابير الي راكب عليها الكاوتش وعن طريق تلامس التيل مع الطنابير والاحتكاك الناتج عنهم بيتم توقف العجلات او ابطاء السرعه علي حسب الضغط علي دواسه الفرامل طبعا كل ده بيحصل في ثواني

طيب ازاي نخلي الفرامل علي الشعره زي مابيقولوا
هنا الاجابه من خلال الكلام الي انا قلتع ان لازم مايكونش في مسافه بين التيل والطنابير وده بنتحكم فيه عن طريق حاجتين اتنين اولا العود الي بيوصل الحركه من دواسه الفراكل والي الماستر العمومي وطبعا ده مكانه تحت التابلوه علطول لو بصينا من تحت التابلوه هنشوفه وادي صورته

هنشوف في الصوره ان انا عامل دواير بي الالوان علي مكان المسمار ده



طبعا الصورتين التانين لنفس المسمار لاكن من زاويه تاني
المهم المسمار ده بنرجلشه بمفتاح 17 ومفتاح 14
وده بيخلي الخلوص بتاعه في حدود المسموح يعني مسافه ال 3 سنتي او ال 4 سنتي الي بنحس انها مش فعاله بيخليها تنقل الحركه علطول
مع مراعاه ان مانرجلش اكتر من الازم يعني واحنا بنعمل الموضوع ده لازم نكون رافعين عجله عن الارض ونشوف مره حريه العجله في الدوران بي الايد

الحلجه التانيه الي نعملها اننا نظبط رجلاش فرامل اليد وده عن طريق مسمار الواير بتاع فرامل اليد وده مكانه فين
فين
فين
محدش عارف طبعا
مكان المسمار ده في حته عمرنا ماكنا نتخيله
عارفين الجلده الي في نهايه فرامل اليد الي مغطيه اليد بتاعه الفرامل ونازله علي الكونسوله
دي راكبه بعدد 2 كلبس نرفع الكلبس لفوق وبعدين بحركع نصف دائؤيه لنحرك من تحت نلاقي الجلده دي طلعت وهنشوف تحتها المسمار ده





وطبعا بنجيب مفتاح12 وبنربط 3 او 4 لفات علي الصموله دي وبكده هنلاقي ان بل ما كنا بنشد فرامل اليد 3 او 4 او 5 سنات عشان العربيه توقف في وضع الركن هنلاقي ان العربيه بتوقف علي 2 سنه بي الكتير
وبكده نكون رجلشنا علي دايره الفراكل كلها
و كله تمام
انا ان شاء الله في المقابله الي جايه هتتفرجوا علي العربيه وتجربوا بنفسكم وتحسوا ان عربيتي فراملها مختلفه تماما عن اي عربيه بروتون تاني
يارب الموضوع يعجبكم وفي انتظار اي استفسارات
اعتقد ان كده الموضوع سهل وبسيط واتمني اكون قدرت اسهل الموضوع

[msallam]

تسلم يا باشا،والله ينور عليك.
جزاك الله خيرا.

[Osama.shihata]

شكرا يارامى على المجهود
بس يفضل سؤال طارح نفسه
ايه السر فى التصميم الى مخلى الدواسة مشورها بعيد
وليه عملينها كدة ؟
اكيد فى سبب علمى من وجه نظر بروتون ده الى محتجين نعرفه ان امكن
ومستنين نشوفك علشان نجرب الفكرة
وجزاك الله خيراً

[A. Ibrahim]

استاذذذذذذذذذذذذذذذ

تسلم ايدك

الله يكرمك ابعته لماليزيا اهو يفدهم بردو

[أبومعاذ]

رامي باشا تسلم ايدك
سؤال: هو الموضوع دا مش ليه تاثير على عمر التيل؟؟ في رأيي غالباً أه

[momopersona]

يانهار ابيض
............................* (استغفر الله العظيم)
العربيه عندهم بقالها 5 سنين مش عارفين يرجلشو مسمارين دواسات فرامل
اكيد مش لاقيين اماكنهم اساسا


والله العظيم حاجه تحرق الدم
قال وانا فاكر ان فى مشكله عندنا ولتكن فى الماستر العمومى ولا حاجه (مشكلة تصميم مثلا)

شكرا يا رامى بجد
افيد موضوع فى سنة 2010 والله بجد لحد دلوائتى يا كبير

-----------------------
لقد خالفت القاعده رقم 13 وجب حصولك على انذار

مشرف القسم , ب8
29/4/2010 - 09:00 am

[jisso82]

1000 شكر يا رامى و يا ريت ترد على سؤال أبو مريم لأنه جه فى بالى برده و انت بتشرح

[Ahmed.Ali]

يانهار ابيض
............................* (استغفر الله العظيم)
العربيه عندهم بقالها 5 سنين مش عارفين يرجلشو مسمارين دواسات فرامل
اكيد مش لاقيين اماكنهم اساسا


والله العظيم حاجه تحرق الدم
قال وانا فاكر ان فى مشكله عندنا ولتكن فى الماستر العمومى ولا حاجه (مشكلة تصميم مثلا)

شكرا يا رامى بجد
افيد موضوع فى سنة 2010 والله بجد لحد دلوائتى يا كبير

-----------------------
لقد خالفت القاعده رقم 13 وجب حصولك على انذار

مشرف القسم , ب8
29/4/2010 - 09:00 am

بجد بجد مش عارف ايه ممكن يتقالك غير ربنا يسامحك دي ناس بتشتغل مش بتعلب عشان اي واحد يجي يشتمهم كل شويه افرض ان ابوك بيشتغل في توكيل ترضي اي عيل صغير يشتمه ؟

رامي باشا فعلا مشكور علي تعبك الجميل معانا دا بس انا رايي زي ابو مريم اعتقد كدا هيأثر علي عمل التيل لان اكيد الخلوص الي سايبينه بين الطنبوره و التيل دا بتحسب ولا ايه رأيك؟؟

[مصطفى_صديق]

تسلم ايدك.....موضوع رااااااااااااااائع

أحييك على كرمك المعلوماتى وحبك لإفادة الغير....

بس الغريب ليه التوكيل مش بيعمل الحاجات البسيطة دى لما حد بيشتكى من المسافة الطويلة اللى فى بداية الدواسة ؟؟؟؟

جزاك الله خيرا

[momopersona]

بجد بجد مش عارف ايه ممكن يتقالك غير ربنا يسامحك دي ناس بتشتغل مش بتعلب عشان اي واحد يجي يشتمهم كل شويه افرض ان ابوك بيشتغل في توكيل ترضي اي عيل صغير يشتمه ؟

رامي باشا فعلا مشكور علي تعبك الجميل معانا دا بس انا رايي زي ابو مريم اعتقد كدا هيأثر علي عمل التيل لان اكيد الخلوص الي سايبينه بين الطنبوره و التيل دا بتحسب ولا ايه رأيك؟؟

ربنا يسامحنا جميعا يا رب
استاذ احمد
انا لو والدى بيشتغل فى اى مكان فى العالم ومابيتقيش الله فى الناس مش هازعل لو اتشتم
يعنى ايه ان واحد يشتكى من نفس العيب 3 او 4 مرات ويمشى بالعربيه بنفس العيب لمدة سنه على اساس ان المهندسين المختصين بيقولو ان فرامل بروتون كده وان مالهاش حل

وفى الاخر يطلع الحل بالبساطه دى
ويعنى ايه انهم ممكن يبئو سبب فى موت اشخاص بسبب اهمالهم وعدم معالجة العيوب
بالذمه دى مش حاجه مستفزه جدا
وعلى العموم انا ااسف على خروجى عن شعورى بالطريقه دى بس بجد الموضوع على قد ماهو مفيد جدا على قد مانرفزنى جدا وكرهنى فى المهندسين الماهرين اللى فى التوكيل
حتى ولو كان والدى منهم
وللاسف دى مش اول مشكله تقف قصاد مهندسين التوكيل و احد ملاك العربيه يوصل لحلها
وده يوضح سبب كرهى لفنيين التوكيل

وعلى العموم انا ااسف على خروجى عن النص
وبالنسبه لكلمة عيل صغير
ربما عيل صغير مخه يوزن 4 عقول رجال كبار منافقين
وشكرا

[mahmoud_magdy]

شكرا يا بشمهندس رامي عالموضوع
تسلم ايدك والله
انا مستني الموضوع من امبارح والحمد لله نزل

انا مع استاذ اسامه وبشمهندس عمرو في الاسئله بتاعتهم

ايمن :- لو تعرف حد من العاملين في بروتون ماليزيا اسألو السؤالين دول يمكن عنده اجابه

رامي بك انا فهمت منك كل حاجه بس تفتكر لو عملت اللي حضرتك قلت عليه مش هبوظ حاجه (مليش في الميكانيكا نهائيا)

[Mustafa_Farouk]

السلام عليكم،

ما شاء الله موضوع جامد جداً وربنا يجازيك كل خير على المعلومات الجميلة جداً دي. مع اني تهت في النص شوية بس فرحان جداً بيه.

أنا برضو عايز أفهم النقطه بتاعة أبو مريم واسامة.

[momopersona]

اعتقد ان الموضوع ده مش مضر للتيل خالص
طالما رجلشت صح عالشعره وماخلتش الفرامل دايسه يعنى التيل مش لامس الطنبوره كده
وبالتالى نفس الهلك على التيل هو هو بس الفرق انك الاول كنت بتدوس مسافه بعدين تبدأ تستخدم التيل
لكن دلوائتى مابتدوسش المسافه دى

واعتقد لو ميكانيكى اللى عمل الرجلاش ده يبئى افضل عشان هايعرف يظبطها على الشعره احسن مننا (الا الماهرين اللى فينا طبعا)

[Ahmed.Ali]

ربنا يسامحنا جميعا يا رب
استاذ احمد
انا لو والدى بيشتغل فى اى مكان فى العالم ومابيتقيش الله فى الناس مش هازعل لو اتشتم
يعنى ايه ان واحد يشتكى من نفس العيب 3 او 4 مرات ويمشى بالعربيه بنفس العيب لمدة سنه على اساس ان المهندسين المختصين بيقولو ان فرامل بروتون كده وان مالهاش حل

وفى الاخر يطلع الحل بالبساطه دى
ويعنى ايه انهم ممكن يبئو سبب فى موت اشخاص بسبب اهمالهم وعدم معالجة العيوب
بالذمه دى مش حاجه مستفزه جدا
وعلى العموم انا ااسف على خروجى عن شعورى بالطريقه دى بس بجد الموضوع على قد ماهو مفيد جدا على قد مانرفزنى جدا وكرهنى فى المهندسين الماهرين اللى فى التوكيل
حتى ولو كان والدى منهم
وللاسف دى مش اول مشكله تقف قصاد مهندسين التوكيل و احد ملاك العربيه يوصل لحلها
وده يوضح سبب كرهى لفنيين التوكيل

وعلى العموم انا ااسف على خروجى عن النص
وبالنسبه لكلمة عيل صغير
ربما عيل صغير مخه يوزن 4 عقول رجال كبار منافقين
وشكرا

لو عربيتك مختلفه عن اي عربيه تانيه في مصر او ماليزيا يبقي دا عيب و تقصير من المهندس و حتي لو المهندس مقصر ميتشتمش لان دا عيب و والدك لو مهندس و غلط عيب اني اشتموا لانه راجل اكبر مني و ليه احترامه و الخطاء يحاسب عليه
انا مبنفيش ان فرامل البروتون مختلفه ودا مش عاجبني بس انا اشتريتها وهي كدا و انا عارف انها كدا و انقذتني كتير اوي وهي كدا لو في تعديل عليها يبقي نشكر الي عدل مش نشتم الي بيعمل شغله

رامي باشا انا اسف اني خرجت الموضوع عن سياقه بس كان لازم اخد موقف

بالمناسبه لو عرفت عيل مخه يوزن 4 عقول يبقي العيب في الميزان

[Ahmed.Ali]

شكرا يارامى على المجهود
بس يفضل سؤال طارح نفسه
ايه السر فى التصميم الى مخلى الدواسة مشورها بعيد
وليه عملينها كدة ؟
اكيد فى سبب علمى من وجه نظر بروتون ده الى محتجين نعرفه ان امكن
ومستنين نشوفك علشان نجرب الفكرة
وجزاك الله خيراً

+111 انا مقتنع ان في سبب بس اتمني ان حل رامي يكون صح