خايف

[Moi]

السلام عليكم

اخوانى الكرام
انا محتاج جداً لنصيحة اخوية منكم لوجه الله عشان مش عارف اخد قرار
يمكن بعضكم يعرفنى هنا، عشان انا بقالى فترة ناوى اجيب عربية جديدة وكنت كلمت كذا اخ فضل هنا، وعلى راسهم ايمن ربنا يكرمه

انا كنت بدأت رحلة البحث بالساجا واللوجان
بس بعد ما شفتهم الاتنين، قررت اشوف حاجة تانية اكبر
وانا فى معرض الرواش بتفرج على الساجا، شفت البيرسونا 2010 ودخلت دماغى جامد
وقررت اشتريها الاسبوع اللى بعديها على طول

بس طبعاً قبل ماشترى كان لازم اسأل عن العربية، وخصوصاً انها بقالها فترة فى السوق ومش مجهولة زى الساجا
المهم بعد بحث واستقصاء، وسؤال اناس اللى (بيفهموا فى العربيات)، وبحث على النت على المنتدى هنا ومنتديات اخرى، طلعت بالاتى:
العربية زى الفل وجميلة جداً ومافيش حد جابلى فيها (فى العربية نفسها) عيب واحد، بالعكس الكل بيشكر فيها وسمعتها انها تستاهل تمنها فعلاً
المشكلة ان مافيش واحد يوحد ربنا سالته الا وقاللى ماتشتريهاش عشان خاطر التوكيل (او عشان خاطر سعر اعادة البيع المتدنى اللى سببه التوكيل برضه)
وهنا على المنتدى شكاوى مالكى البروتون من التوكيل (فى موضوع استاذ آمر) سببتلى الذعر ان لم يكن الهلع

خلاصة الموضوع العربية عجبانى جداً، وعايز اروح اجيبها امبارح قبل بكرة، بس الفكرة انى ماعنديش استعداد او وقت اطلااااااااااااااااااااااااااااااقاًَ انى اروح التوكيل حتى مرة فى الشهر، مش كل اسبوع مرتين! ظروف شغلى ماتسمحش خالص بكده ومش عايز وجع دماغ وخصوصاً انها عربية جديدة. وحتى عربيتى الحالية (موديل قديم 1986) مرايتها مكسورة بقالها اكتر من شهرين ومش فاضى انزل اغيرها رغم انها بتتباع عند بتاع قطع الغيار اللى تحت البيت على طول

انا عايز البرسونا وخايف منها
اعمل ايه؟

[mido_soliman]

بص انا زيك كدة بس انا نويت وقررت على الجين ان شاء الله بس فلوسى تكمل من واقع قرايتى فى كل المنتديات اكتشفت الاتى
1-العربيات الجديدة اى كان نوعها (قرف) ونصيب ممكن تطلع مفيهاش حاجة خالص وممكن يبقى فيها عيب او اتنين وكلة بيتصلح فى الصيانات لكن بامانة شديدة اقل عيوب ( ومينفعش نقول عليها عيوب لانها شوية طقطقات وتكاتك واصوات وهلاوس ) حجات عبيطة جدا حتى لو محطتهاش فى دماغك ومكنتش (محسوك اوى) كانت فى العربيات البروتون والله انا بقالى اكتر من شهرين ودلوقتى فى الصفحة ال 112 فى بروتون :)
2-كل التوكيلات فى مصر بلا استثناء خدمتها مش 5 ولا 4 نجوم وكلهم ملاك العربيات بيشتكوا منهم اذا كان عز ولا غبور ولا اى توكيل فى مصر لا تخلو الشكاوى منهم فمتحطش النقطة دى عائق لانها حتتعبك مع كل التوكيلات مش عز بس دة غير ان فى ناس مدايقة من عز وناس تانية مبسوطة جدا يعنى حتى مبدا التعميم مش موجود
3- استخير ربنا ودى المفروض تكون رقم واحد بس يمكن علشان انا مش محضر الكلام وعلى اساس الراحة والاقتناع جيب العربية ومتترددش وان شاء الله حتكون مبسوط
4-انا بستغرب من موضوع ان الكل خايف من سعر اعادة البيع يا جماعة المبدا ابسط من كدة بكتير هل اللى بيشترى عربية جديدة (تـــــــــاجر) ولا بنى ادم عادى حلمة عربية بيحبها وتعيش معاة ويعيش معاها بالحسنى ومبيهدلهاش علشان متبهدلوش ؟؟؟ لو تاجر حقولك خليك فى الكورى سوقة ناااااار بس متركبهاش لانها عربيات ورق وهبلة جرى ( مش كلة طبعا انا بتكلم على العربيات اللى سوقهم ماشى زى الفيرنا والكلام دة ومش عايزين حد يزعل مننا احنا بنحب كل العربيات بس بروتون اكتر ) لو عايز تشترى عربية تعيش معاك وتتمتع بيها يبقى متفكرش فى سعر اعادة البيع لانك ببساطة متعرفش بكرة فية اية دى حاجة بتاعة ربنا سبحانة وتعالى مش جايز البرسونا كمان سنة تكون العربية رقم واحد فى مصر (تقدر تحكم باة او لاء فى حاجة زى دى ؟؟؟ ) بيتهيالى مستحيل والا نكون بنفتى
5-اهم حاجة تكون مقتنع واقرا عنها كتير زى كدة وبردة لما تروح تعد فى العربية حتحس بيها وحتعرف اذا كانت هية دى اللى انت عايزها ولا لاء وفى النهاية انا طولت بس مش عايزك تخاف لان العربيات دى مش حتاخد حقها الا بالوقت وحتسبت انها مش محتاجة دعاية ولا اعلانات بس الصبرعليها لانها عن اقتناع مع انى لسة متملكتهاش بس انا كفاية عندى احساس الاعضاء الكرام اللى هنا بيها واللى فعلا حسيت انى واحد منهم لان كل واحد بيتكلم عن عربيتوا من حبة فيها حسيت ان الناس هنا زى حلاتى كدة بيتعاملوا مع عربياتهم على انها حد بيحس وبيتفاعل معاة وبيصاحبة ويحبة ويتكلم معاة زى ماكنت بعمل مع عزيزة(132 بتاعتى القديمة )واللى ناوى اجيبلها درة قريب :) تحياتى ليك ومتخافش

[mahmoud_magdy]

مستر ميدو كلامك جميل ومقنع للي عاوز يشتري عربيه جديده ايا كان نوعها مش بس بروتون

احب ازود كمان ان المعامله في التوكيل بتتغير من حين لاخر
على سبيل المثال :- ضغط الشغل في التوكيل بيسبب كروته في الشغل من الفنيين لذلك تلاقي واحد في ايام الضغط وهما السبت والخميس واحيانا الاحد تلاقيه خارج مش مبسوط من بطئ في الاداء مش كل حاجه بتتصلح المقابله بتاعت مهندس الاستقبال بتفرق من شخص لاخر وهكذا

شغل الفنيين مستواه كويس ولو الاداره شدت عليهم شويه بيطلعوا شغل هايل في وقت قياسي نسبة لضغط الشغل اللي عندهم
واذا غاب القط العب يا فار
يعني اذا غابت الاداره في يوم من الايام اعرف ان الفنيين بيطلعوا شغل متوسط او تحت المتوسط

استخير ربنا سبحانه وتعالى
وان شاء الله هتوصل لقرار مناسب
ومتخافش من العربيه ساعة الاستلام تمم عليها كويس اوي اوي اوي
واي عيوب بتتصلح في صيانة الالف شرط البعد عن ايام الضغط
وان شاء الله ميكونش فيها عيوب (عن نفسي عربيتي اسلمتها من غير عيوب والحمد لله)
وان كان فيها عيب ظاهر هيدايقك متستلمش واستنى عربيه خاليه من العيوب وان كان عاجبهم
ده فلوس مش ببلاش
ربنا يدلك على اللي فيه الخير ان شاء الله
شكرا

[khpopo]

بص انا زيك كدة بس انا نويت وقررت على الجين ان شاء الله بس فلوسى تكمل من واقع قرايتى فى كل المنتديات اكتشفت الاتى
1-العربيات الجديدة اى كان نوعها (قرف) ونصيب ممكن تطلع مفيهاش حاجة خالص وممكن يبقى فيها عيب او اتنين وكلة بيتصلح فى الصيانات لكن بامانة شديدة اقل عيوب ( ومينفعش نقول عليها عيوب لانها شوية طقطقات وتكاتك واصوات وهلاوس ) حجات عبيطة جدا حتى لو محطتهاش فى دماغك ومكنتش (محسوك اوى) كانت فى العربيات البروتون والله انا بقالى اكتر من شهرين ودلوقتى فى الصفحة ال 112 فى بروتون :)
2-كل التوكيلات فى مصر بلا استثناء خدمتها مش 5 ولا 4 نجوم وكلهم ملاك العربيات بيشتكوا منهم اذا كان عز ولا غبور ولا اى توكيل فى مصر لا تخلو الشكاوى منهم فمتحطش النقطة دى عائق لانها حتتعبك مع كل التوكيلات مش عز بس دة غير ان فى ناس مدايقة من عز وناس تانية مبسوطة جدا يعنى حتى مبدا التعميم مش موجود
3- استخير ربنا ودى المفروض تكون رقم واحد بس يمكن علشان انا مش محضر الكلام وعلى اساس الراحة والاقتناع جيب العربية ومتترددش وان شاء الله حتكون مبسوط
4-انا بستغرب من موضوع ان الكل خايف من سعر اعادة البيع يا جماعة المبدا ابسط من كدة بكتير هل اللى بيشترى عربية جديدة (تـــــــــاجر) ولا بنى ادم عادى حلمة عربية بيحبها وتعيش معاة ويعيش معاها بالحسنى ومبيهدلهاش علشان متبهدلوش ؟؟؟ لو تاجر حقولك خليك فى الكورى سوقة ناااااار بس متركبهاش لانها عربيات ورق وهبلة جرى ( مش كلة طبعا انا بتكلم على العربيات اللى سوقهم ماشى زى الفيرنا والكلام دة ومش عايزين حد يزعل مننا احنا بنحب كل العربيات بس بروتون اكتر ) لو عايز تشترى عربية تعيش معاك وتتمتع بيها يبقى متفكرش فى سعر اعادة البيع لانك ببساطة متعرفش بكرة فية اية دى حاجة بتاعة ربنا سبحانة وتعالى مش جايز البرسونا كمان سنة تكون العربية رقم واحد فى مصر (تقدر تحكم باة او لاء فى حاجة زى دى ؟؟؟ ) بيتهيالى مستحيل والا نكون بنفتى
5-اهم حاجة تكون مقتنع واقرا عنها كتير زى كدة وبردة لما تروح تعد فى العربية حتحس بيها وحتعرف اذا كانت هية دى اللى انت عايزها ولا لاء وفى النهاية انا طولت بس مش عايزك تخاف لان العربيات دى مش حتاخد حقها الا بالوقت وحتسبت انها مش محتاجة دعاية ولا اعلانات بس الصبرعليها لانها عن اقتناع مع انى لسة متملكتهاش بس انا كفاية عندى احساس الاعضاء الكرام اللى هنا بيها واللى فعلا حسيت انى واحد منهم لان كل واحد بيتكلم عن عربيتوا من حبة فيها حسيت ان الناس هنا زى حلاتى كدة بيتعاملوا مع عربياتهم على انها حد بيحس وبيتفاعل معاة وبيصاحبة ويحبة ويتكلم معاة زى ماكنت بعمل مع عزيزة(132 بتاعتى القديمة )واللى ناوى اجيبلها درة قريب :) تحياتى ليك ومتخافش

+111
كلام ميه ميه ... اهلا بيك فى العائله
ربنا يوفق

[afr80]

كلام 100 100 يا شباب هي دي طريقة التفكير المضبوطة، محدش عارف بكره مخبي ايه، و اللي بيشتري عربية جديدة مش بيبقى ناوي يبعها قبل من 5 لـ 10 سنين، و محدش عارف ايه اللي هيتغر بكره.

, صلي استخره و توكل على الله

[ahmad alshaaer]

استخير الله وده نصيب لو عملت ايه انا قبل ماشتري الجن 2 بتاعتي كنت رايح خلاص اجيب صني او النترا او لانسر بوما او لانسر قرش لقيت الجن 2 كسبت وسط كل ده والحمد لله معايا بقالها سنتين وماظهرش اي عيوب جوهريه واللي ظهر منها اتعمل في الضمان وعلى فكره ماشاء الله تبارك الله المالتي فانكشن ماغيرتوش وشغال لحد دلوقتي وعلى فكره العربيه ماشاء الله تبارك الله عامله معايا دلوقتي في سنتين 80000 كم وزي الفل ومبسوط بيها جدا وعلى فكره مش عارف اركب عربيه غيرها حاليا وربنا يديلك الخير احنا وانتم ان شاء الله تحياتي

[Moi]

جزاكم الله خيراً على ردودكم واهتمامكم

بص انا زيك كدة بس انا نويت وقررت على الجين ان شاء الله بس فلوسى تكمل من واقع قرايتى فى كل المنتديات اكتشفت الاتى
1-العربيات الجديدة اى كان نوعها (قرف) ونصيب ممكن تطلع مفيهاش حاجة خالص وممكن يبقى فيها عيب او اتنين وكلة بيتصلح فى الصيانات لكن بامانة شديدة اقل عيوب ( ومينفعش نقول عليها عيوب لانها شوية طقطقات وتكاتك واصوات وهلاوس ) حجات عبيطة جدا حتى لو محطتهاش فى دماغك ومكنتش (محسوك اوى) كانت فى العربيات البروتون والله انا بقالى اكتر من شهرين ودلوقتى فى الصفحة ال 112 فى بروتون :)
2-كل التوكيلات فى مصر بلا استثناء خدمتها مش 5 ولا 4 نجوم وكلهم ملاك العربيات بيشتكوا منهم اذا كان عز ولا غبور ولا اى توكيل فى مصر لا تخلو الشكاوى منهم فمتحطش النقطة دى عائق لانها حتتعبك مع كل التوكيلات مش عز بس دة غير ان فى ناس مدايقة من عز وناس تانية مبسوطة جدا يعنى حتى مبدا التعميم مش موجود
3- استخير ربنا ودى المفروض تكون رقم واحد بس يمكن علشان انا مش محضر الكلام وعلى اساس الراحة والاقتناع جيب العربية ومتترددش وان شاء الله حتكون مبسوط
4-انا بستغرب من موضوع ان الكل خايف من سعر اعادة البيع يا جماعة المبدا ابسط من كدة بكتير هل اللى بيشترى عربية جديدة (تـــــــــاجر) ولا بنى ادم عادى حلمة عربية بيحبها وتعيش معاة ويعيش معاها بالحسنى ومبيهدلهاش علشان متبهدلوش ؟؟؟ لو تاجر حقولك خليك فى الكورى سوقة ناااااار بس متركبهاش لانها عربيات ورق وهبلة جرى ( مش كلة طبعا انا بتكلم على العربيات اللى سوقهم ماشى زى الفيرنا والكلام دة ومش عايزين حد يزعل مننا احنا بنحب كل العربيات بس بروتون اكتر ) لو عايز تشترى عربية تعيش معاك وتتمتع بيها يبقى متفكرش فى سعر اعادة البيع لانك ببساطة متعرفش بكرة فية اية دى حاجة بتاعة ربنا سبحانة وتعالى مش جايز البرسونا كمان سنة تكون العربية رقم واحد فى مصر (تقدر تحكم باة او لاء فى حاجة زى دى ؟؟؟ ) بيتهيالى مستحيل والا نكون بنفتى
5-اهم حاجة تكون مقتنع واقرا عنها كتير زى كدة وبردة لما تروح تعد فى العربية حتحس بيها وحتعرف اذا كانت هية دى اللى انت عايزها ولا لاء وفى النهاية انا طولت بس مش عايزك تخاف لان العربيات دى مش حتاخد حقها الا بالوقت وحتسبت انها مش محتاجة دعاية ولا اعلانات بس الصبرعليها لانها عن اقتناع مع انى لسة متملكتهاش بس انا كفاية عندى احساس الاعضاء الكرام اللى هنا بيها واللى فعلا حسيت انى واحد منهم لان كل واحد بيتكلم عن عربيتوا من حبة فيها حسيت ان الناس هنا زى حلاتى كدة بيتعاملوا مع عربياتهم على انها حد بيحس وبيتفاعل معاة وبيصاحبة ويحبة ويتكلم معاة زى ماكنت بعمل مع عزيزة(132 بتاعتى القديمة )واللى ناوى اجيبلها درة قريب :) تحياتى ليك ومتخافش

شكراً يا ميدو باشا على الرد الكافى الشافى ده
بس انا حابب انى اوضح شوية حاجات لو تسمحلى

طبعاً اولاً وبلا جدال و لا نزاع ولا اى حاجة تانية صلاة الاستخارة دى رقم واحد، بس الحديث بيقول ايه؟ بيقول : ما خاب من استخار ، وما ندم من استشار، وهو ده اللى بحاول اعمله: انى استشير

ثانياً انا مش معترض والله على اى حاجة فى العربية، حتى لو طلع فيها عيوب ولا حاجة لاقدر الله عشان ده بيبقى رزق (وقرف زى ماحضرتك قلت)، وان كان من حقى برضه لما اشترى عربية زيرو انها تكون سليمة 100% بس ماعلينا عشان احنا فى ام الدنيا (وابوها كمان )

ثالثاً بقى سعر اعادة البيع، بص هو بالنسبة لى انا مش حجيب عربية عشان ابيعها طبعاً، واصلاً العربية القديمة بتاعتنا عندنا بقالها 24 سنة ومكملة
بس هى النقطة، لو فلنقل السؤال، هو انا ليه مش بشترى سيفيك ولا كرولا ولامازدا M3؟
طبعاً عشان ماقدرش على تمنها دلوقتى،
طيب هو مش ممكن ربنا يفتح عليا واقدر اكمل تمنها فى فترة قريبة (خلال 5 سنين مثلاُ) وعشان اقدر اشتريها لازم ابيع اللى معايا؟
مافيش حاجة بعيدة على ربنا:؛ قول يا رب
طيب ليه لازم اخسر فيها اكتر من اللى ممكن اخسره فى عربية نوع تانى موديل نفس السنة؟
حضرتك بقى اللى ترد - انا مش عارف
اتمنى بس النقطة تكون وضحت ليه الناس بتهتم بسعر اعادة البيع

رابعاً بقى ودى اهم نقطة فى رايي (عشان كده حطتها فى الاخر )
موضوع التوكيل
هى النقطة يا سيدى الفاضل انه ماينفعش ومش مقبول ولا يجوز ومابصحش ابدا الخ... ان العميل يروح التوكيل بمشكلة فى عربيته يطلع بمشكلتين وتلاته، ولا انه يسيب شغله واكل عيشة ويقطع نفسه بقى للتوكيل ومهندسينه: تعالى بكرة، لأ تعالى الاتنين الجاى طيب سيب العربية بايته كمان يوم لأ عوضك على الله خلاص!
حضرتك بس بص بصه سريعة كده على شكاوى العملاء فى الموضوع المتثبت: بذمتك ده كلام يرضى ربنا؟ مشكلة فى فردة الفرامل الشمال مش عايزه تتحل بقالها سنة وشوية؟! العضو afr80 احتاج يروح التوكيل 4 مرات وياخد اجازة من الشغل يوم ويتاخر يوم ويستاذن بدرى يوم عشان يضبط زوايا العربية؟!!!!!!!! ده اللى انا فاكره دلوقتى وماخفى كان اعظم، اعتقد ان الموضوع مش موضوع خميس ولا سبت ولا اى يوم نعرفه فى الاسبوع، ده atitude توكيل ما يستحقش النعمة اللى هو فيها على رأى احد الاعضاء، وانا الصراحه ماعنديش وقت اروح الصيانة الدورية اصلاً غير بالعافية، يعنى اى مشكلة فى العربية حتتركن جنب البيت وارجع اقول من فات قديمه تاه.

عرفت بقى انا خايف ليه؟
اسف طولت عليك وانت اصلاً مالكش ذنب فى الموضوع بس ده فعلاً من حرقة دمى من اللى بيحصل ومن ضيقى بالتوكيل من قبل ماتعامل معاه رغم حبى للعربية (من قبل ما تعامل معاها برضه )
على فكرة انا كتبت مشاركة فى موضوع الشكاوى ده عشان نعمل حملة لنزع التوكيل من غير مستحقيه، ياريت اعرف رأيك
شكراً جداً لاهتمام ووقت حضرتك

السلام عليكم

[Moi]

استخير الله وده نصيب لو عملت ايه انا قبل ماشتري الجن 2 بتاعتي كنت رايح خلاص اجيب صني او النترا او لانسر بوما او لانسر قرش لقيت الجن 2 كسبت وسط كل ده والحمد لله معايا بقالها سنتين وماظهرش اي عيوب جوهريه واللي ظهر منها اتعمل في الضمان وعلى فكره ماشاء الله تبارك الله المالتي فانكشن ماغيرتوش وشغال لحد دلوقتي وعلى فكره العربيه ماشاء الله تبارك الله عامله معايا دلوقتي في سنتين 80000 كم وزي الفل ومبسوط بيها جدا وعلى فكره مش عارف اركب عربيه غيرها حاليا وربنا يديلك الخير احنا وانتم ان شاء الله تحياتي

كلام 100 100 يا شباب هي دي طريقة التفكير المضبوطة، محدش عارف بكره مخبي ايه، و اللي بيشتري عربية جديدة مش بيبقى ناوي يبعها قبل من 5 لـ 10 سنين، و محدش عارف ايه اللي هيتغر بكره.

, صلي استخره و توكل على الله

+111
كلام ميه ميه ... اهلا بيك فى العائله :y_hi_3[1]:
ربنا يوفق

مستر ميدو كلامك جميل ومقنع للي عاوز يشتري عربيه جديده ايا كان نوعها مش بس بروتون

احب ازود كمان ان المعامله في التوكيل بتتغير من حين لاخر
على سبيل المثال :- ضغط الشغل في التوكيل بيسبب كروته في الشغل من الفنيين لذلك تلاقي واحد في ايام الضغط وهما السبت والخميس واحيانا الاحد تلاقيه خارج مش مبسوط من بطئ في الاداء مش كل حاجه بتتصلح المقابله بتاعت مهندس الاستقبال بتفرق من شخص لاخر وهكذا

شغل الفنيين مستواه كويس ولو الاداره شدت عليهم شويه بيطلعوا شغل هايل في وقت قياسي نسبة لضغط الشغل اللي عندهم
واذا غاب القط العب يا فار
يعني اذا غابت الاداره في يوم من الايام اعرف ان الفنيين بيطلعوا شغل متوسط او تحت المتوسط

استخير ربنا سبحانه وتعالى
وان شاء الله هتوصل لقرار مناسب
ومتخافش من العربيه ساعة الاستلام تمم عليها كويس اوي اوي اوي
واي عيوب بتتصلح في صيانة الالف شرط البعد عن ايام الضغط
وان شاء الله ميكونش فيها عيوب (عن نفسي عربيتي اسلمتها من غير عيوب والحمد لله)
وان كان فيها عيب ظاهر هيدايقك متستلمش واستنى عربيه خاليه من العيوب وان كان عاجبهم
ده فلوس مش ببلاش
ربنا يدلك على اللي فيه الخير ان شاء الله
شكرا

جزاكم الله خيراً على اهتمامكم وردودكم
موضوع ايام الضغط ده انا رديت عليه المشاركة اللى فاتت
انا حاسس انى انا اللى حيجيلى ضغط
طبعاً برضه مستنى ارائكم فى موضوع الحملة ده

شكراً