استفسار فنى بسيط

[estemalek]

يا رجالة
دى اول مشاركة ليا معاكم
احب اعرفكم بيا انا صاحب Sameh_loza و انا اللى اقنعته يشترى ويرا و زمانه بيدعى عليا ;)
انا عندى ويرا 2000 من 3 سنين ماشية عادى مفيش مشاكل خطيرة لغاية من شهر كدا بشغل التكييف شغال مفيش مشكلة بس طفيت التكييف لقيت العربية بتعلا و توطى بطريقة غريبة رحت لورشة اعرفها و حطها على الجهاز قالى دا TPS , IDlE قعد يلعب فى بوابة الانجكشن و شال تروس منها و قالى تمشى بيها كدا لحد ما اجيب بوابة و العربية ماشية كويس من يعدها باستثناء حاجتين لما اشغل التكييف صوت الماتور بيوطى شوية + العربية و هى باردة مش بتعلى علشان تسخن
السؤال هي وظيفة TPS , IDlE ايه؟ و فى اي مشكلة لو مشيت بيها كدا ؟؟؟
و شكرا

[sameh_loza]

يا بشمهندس نورت المنتدي الجميل
احب اقولك ياريت تنقل موضوعك عند الورشة وفي مهندسين استذة بمعني الكلمة عندس بشمهندس سمير عياد وبشمهندس ممدوح وغيرهم .
ومازلت ادعي عليك الله يسمحك

[mrsailor]

يا رجالة
دى اول مشاركة ليا معاكم
احب اعرفكم بيا انا صاحب Sameh_loza و انا اللى اقنعته يشترى ويرا و زمانه بيدعى عليا ;)
انا عندى ويرا 2000 من 3 سنين ماشية عادى مفيش مشاكل خطيرة لغاية من شهر كدا بشغل التكييف شغال مفيش مشكلة بس طفيت التكييف لقيت العربية بتعلا و توطى بطريقة غريبة رحت لورشة اعرفها و حطها على الجهاز قالى دا TPS , IDlE قعد يلعب فى بوابة الانجكشن و شال تروس منها و قالى تمشى بيها كدا لحد ما اجيب بوابة و العربية ماشية كويس من يعدها باستثناء حاجتين لما اشغل التكييف صوت الماتور بيوطى شوية + العربية و هى باردة مش بتعلى علشان تسخن
السؤال هي وظيفة TPS , IDlE ايه؟ و فى اي مشكلة لو مشيت بيها كدا ؟؟؟
و شكرا

وظيفة الايديل انه بيخلى العربية تبقى ثابتة و انت مش دايس بنزين ..يعنى تمسك سيلانسيه .. و لما بيهنج ممكن تنظفه و الطريقة الزملاء فى قسم الدايو شرحينها بالصور بطريقة بسيطة و ممتعة (كيفية تنظيف البوابة و الايديل) دا اسم الموضوع فى قسم الدايو .. اما ال tps فهو حساس متصل بالبوابة .. وظيفته انه لما تدوس بنزين البوابة بتفتح و الtps بياخد حركة البوابةو يترجمها لاشارة بيرسلها للكونترول بتاع الموتور علشان يغذى الموتور بكمية البنزين المناسبة لفتحة البوابة اللى الtps حسها .. و على فكرة لو حساس الايديل باظ منك ممكن تفصله لحد ماتروح للميكانيكى ينظف لك الحساس .. ( بس خلى بالك لانك لما بتفصله الموتور بيعلى قوى فبتستهلك بنزين و العربية ممكن تسخن منك) .. و معظم الاوقات بعد التنضيف بيرجع جديد .. و معظم الناس بينظفوه مرة كل شهر او شهر و نص .. لانه ممكن مايكونش بايظ بس لامم وساخة ..

[estemalek]

يا سامح النت نسيت الموبيل فى البيت ؟
كلمنى عايزك ضرورى

[ahmed_h_g]

فكيت التروس منها ليييييه
يعنى البوابه باظت ولا التروس ولا الحساس ولا ايه
دلوقتى عايز بوابه جديده ولا هتشتغل بالقديمه عادى .

[estemalek]

والله مش عارف اكمل كدا ولا ايه هيا ماشية كويس ماعدا حاجتين
1- لما بشغل التكييف الماتور بيوطى شوية
2- العربية و هيى باردة المفروض تعلى علشان تسخن و دا مبيحصلش
و ملاحظ ان استهلاك البنزين زى ما هو و يمكن احسن
المشكلة ان بوابة 2000 غير 2004 و 2005 فى شكل الفيشة و مكانها و خراطيم الهوا :(
على فكرة الراجل فك البوابة و نضفها ببنزين و مسدس هوا و جرب و منفعتشى علشان كدا فك التروس
للى بيحصل انه بعد ما يجرب و التروس راكبة بتشتغل شوية و بعدين التروس تركن

[ahmed_h_g]

خلاص كمل بيها عادى مش هيحصل حاجه
أدورلك على حاجه أستعمال ؟؟؟ متقلقش الحساب عند أستاذ سامح

[estemalek]

ربنا يخليك يا باشا ( بقولك بيدعى عليا تقولى الحساب عنده)

[sameh_loza]

خلاص كمل بيها عادى مش هيحصل حاجه
أدورلك على حاجه أستعمال ؟؟؟ متقلقش الحساب عند أستاذ سامح

انا ناقص مصاريف يالله بجملة الحساب بس
يا ابوحميد اعمله تخفيض كويس

[powerofhelll]

ممكن يتنظف و يركب

[mmmmgogommmm]

يا رجالة
دى اول مشاركة ليا معاكم
احب اعرفكم بيا انا صاحب Sameh_loza و انا اللى اقنعته يشترى ويرا و زمانه بيدعى عليا ;)
انا عندى ويرا 2000 من 3 سنين ماشية عادى مفيش مشاكل خطيرة لغاية من شهر كدا بشغل التكييف شغال مفيش مشكلة بس طفيت التكييف لقيت العربية بتعلا و توطى بطريقة غريبة رحت لورشة اعرفها و حطها على الجهاز قالى دا TPS , IDlE قعد يلعب فى بوابة الانجكشن و شال تروس منها و قالى تمشى بيها كدا لحد ما اجيب بوابة و العربية ماشية كويس من يعدها باستثناء حاجتين لما اشغل التكييف صوت الماتور بيوطى شوية + العربية و هى باردة مش بتعلى علشان تسخن
السؤال هي وظيفة TPS , IDlE ايه؟ و فى اي مشكلة لو مشيت بيها كدا ؟؟؟
و شكرا

يقال ان الموتورال1500 بتاع الويرا هو الميتسوبيشى4g15 ودة هو نفسة اللى راكب فى الاكسنت الانجكشن والفيرنا الفيفا وموتور الفيرنا الفيفا والاكسنت موجود استيراد خارج استعمال ممكن تشترى اى قطعة منة اعمل بحث فى النت على4g15 هتتاكد من كلامى

[estemalek]

كلامك صح تماما بس اللانسر البطة و الاكسنت 1500 اللى بتنزل مصر كربراتير و صعب جدا تلاقى منهم استيراد انجكشن :(
هدور عموما

[mmmmgogommmm]

كلامك صح تماما بس اللانسر البطة و الاكسنت 1500 اللى بتنزل مصر كربراتير و صعب جدا تلاقى منهم استيراد انجكشن :(
هدور عموما

مساء الخير يا صديقى الاكسنت ال1300 كاربرتير اما الاكسنت ال1500 انجكشن وموتورها موتور الفيفا وشكرا على اهتمامك وانا متابع معاك