خبر جديد و هام لكل البروتنية

[afr80]

السلام عليكم ورحمة الله وبركاته
الخبر هو ان توكيل اباظة بيحاول يأخذ مركة بروتون من عز العرب، و ان فى وفد ماليزي جاي عن قريب للتفاوض.

المصدر: واحد زميلي لسة مستلم العربية(Proton Saga 2010)و مرخصها النهارده، كنت نصحته بان العربية دي احسن من اللوجان و لما جاه وشاف عربيتي عجبتوه، فكلم التوكيل و قالوله ان التسليم بعد نص مايو، فسأل واحد اسمه/ احمد مرسي فى توكيل اباظة فقاله انها موجودة عندهم، وفعلا اشتراها و السعر 67000 اوتوماتك (ارخص من التوكيل نفسه)، وقالوه ان فى مفاوضات علشان يخدو الماركة دي من عز علشان مع شوية اهتمام هيغزو بها السوق المصري.


.

[malta]

بجد الخبر ده يعنى اكيد لو عاوز اشتريها اجيبها من اباظة دلوقت لو حصل الموضوع ده يبقى خبر الموسم

[fadynabil]

!!!!! معقول

[yasoxp]

يارجاله ياريت حد يأكد الكلام ده ويشوف التفاصيل اه بالضبط

انا حاجز العربيه والمفروض هنستلم اخر مايو ولو ده اكيد يبقى الافضل نلغى الحجز وخصوصا ان الفرق 3 الاف جنيه مش شويه

[yaseenmohamed]

67000 ؟؟؟؟؟؟؟
ده أنا بقالي فتره متابع الاسعار في المعارض
1 - مش موجوده
2 - السعر 70000 - 71000 لما تيجي

[mnabil1980]

خبر مثير فعلا.. ونفسى بروتون ماتكونش اتخلت عن فكرة التصنيع فى مصر.

[ahmed_h_g]

ياريييييييييييييييييييييت .

[A. Ibrahim]

مش حلو
ما العن من سيدي اللي ستي

[ehab49]

!!!!! معقول

[Abokartona]

موضوع غريب جدا...انا اول ما قريته جبت رقم اباظة من الدليل فرع المهندسين و سالتهم ..قالولى الكلام دا مش مظبوط..و ان هم توكيل لماركة بيجو فقط......فهل من الممكن تقولنا مكان الفرع اللى احبك اشترى منه الساجا او اسم الشخص اللى باعله العربية او حتى تليفونه؟

[yasoxp]

موضوع غريب جدا...انا اول ما قريته جبت رقم اباظة من الدليل فرع المهندسين و سالتهم ..قالولى الكلام دا مش مظبوط..و ان هم توكيل لماركة بيجو فقط......فهل من الممكن تقولنا مكان الفرع اللى احبك اشترى منه الساجا او اسم الشخص اللى باعله العربية او حتى تليفونه؟

+1111111111111111111111

[MohabSaeed]

مش حلو
ما العن من سيدي اللي ستي

بالظبط ....هو وجيه اباظه عمل ايه مع بيجو مبيعات بيجو فى النازل !

+ الى اعرفه ان وجيه اباظه وكيل لبيجو بس و مش بيوزع ماركات تانيه ...

[ahmedfathy77]

يا سيدى الفاضل عيلة اباظة اصلا تخلت عن ادارة توكيل بيجو واصبح فيه ادارة تانية هى اللى ماسكة توكيل بيجو فى مصر بنسبة اسهم كبيرة جدا ممكن على ما اتذكر تكون تخطت 50 % الخبر ده من زمان وقريت تفاصيه كلها فى ملحق السيارات فى اخبار اليوم فلو كان نفسهم فى توكيل كان هم اولا بتوكيلهم ولا ايه .

[MaZaGAngeE]

كل شيء ممكن في البلد دي

[ahmad alshaaer]

فعلا وهو يعني أباظه هو اللي ملاك

ربنا يرحمنا