ايه احلى لون فى ال gen2

[amrgen]

انا كل الالوان عجبانى وفعلامش عارف اختار
بس انا اقرب الى الاسود او الازرق الغامق
فايه رايكم

[mino]

الالوان الغامقة حلوة بس مشكلتها في اي خدش بيبان فيها
انا عربيتي بترولي قريبة للكحلي البصمة بتبان خصوصا لو لسة مغسولة

[ecybrarian]

النحاسي هو أحسن الألوان من وجهة نظري

[TAG_Turbo0]

النحاسى وبعدين الابيض بس مشفتش أبيض فى مصر

[limo]

الفيرانى حلو عليها اوى

[amrgen]

الالوان الغامقة حلوة بس مشكلتها في اي خدش بيبان فيها
انا عربيتي بترولي قريبة للكحلي البصمة بتبان خصوصا لو لسة مغسولة

انا قصدى بالازق اللى هو اللون بتاعك بحبه جدا
بس انا خايف عشان العربيه لمه مبتبقاش مغسوله بيبقى شكله مش حلو
وبرضه الاسود بيبان عليه اى حاجه اى خربوش

انا شايف اللون النحاسي اكتر لون عملى لكن مش بحبه اوى
ولا ايه رايكم

وشكراااااااا على الردود يارجاله

[fahd_628]

انا رأى الأسود اكتر لون بحبة عليها

[tmz9111]

أن أحب الاسود

[Karim_Monir]

النحاسي رائع فعلا
وكل الالوان الغامقة ما تنفعش في مصر الا لو هاتشيل البواب في الشنطة وجردل مية معاه عشان كل ساعة ينزل يغسلهالك
ولما تركن ينزل يقفلك جنبها عشان الاطفال(وده مسمى يطلق على الفئة العمرية فقط) لكنهم في الحقيقة مش اطفال هايخلوهالك لوحة سريالية
الابيض هايكون وهمي عليها
ومش عارف بتخيل العربية دي بالابيض اللؤلؤي بتاع الصني يكون خرافة عليها
والابيض عامة مع جنط محترم خاصة ان الابيض بيبان فيه اي ترويش
وكمان الاحمر والاصفر لانها عربية سبور ودي الوان العربيات الاسبور

[tutankhamoun]

أكثر لون بيعجبني فيها
الأزرق الغامق جدا
و الأزرق الزهري
و فعلا الأبيض عليها خرافة ( شوفتها في انجلترا )
النحاسي
و الأسود يتذيل قائمتي ( لا أحبه عليها اطلاقا )

[amrgen]

شكرا على الردود الجميله
وانا حختار بين الازرق والنحاسى عشان الاسود مبيستحملش
وكمان لان ال A/tقليل قوى دلوقتى فالالوان المتاحه قليله
وشكلى قريبااااا هنضم للبروتون جروب ان شاء الله

[tutankhamoun]

دي شوية صور لألوان الجين 2


























دي الصور اللي قدرت أجمعها دلوقتي
علشان الأستاذ عمرو يختار براحته و كأنه في معرض

[amrgen]

استاذ tutankhamoun
انا شاكر جدا لحضرتك ولتعبك معايا
وكنت عايز اسال هى العربيه تستاهل كام دلوقتى كسعر
يعنى لو اشترتها على 88000 يبقى كويس ولا استنى 2008
ويبقى فرق سنه فى سعر اعادة اليبع
شكرااااااا

[tutankhamoun]

الموضوع ده حسب الشخص

أنت لما بتيجي تبيع بعد كدا مش فرق الموديل هو اللي بيفرق قوي
إنما حالة العربية و العداد ......... الخ

يبقى لو حضرتك عايز تنتظر موديل 2008 ممكن تنتظره لو كان هناك تغيير في المحرك كتحديثه و هو ما سمعته
أما لو المحرك هو هو و لا يوجد أي تغيير ...... فأتكل على الله ووفر كام ألف هاتدفعهوم في الموديل الجديد
و اللي هاتدفعه زيادة دلوقتي هاتخسره لما تيجي تبيع برضه
و ما تحسبهاش بالطريقة دي علشان ما تتعبش نفسك
و ربنا يباركلك و يوفقك لأختيار مناسب
بس رأيي بلاش أوتوماتيك
لأني لا أحبه أطلاقا ......... و ليس لدي أي معلومات عن اداء الجين 2 الأوتو

[amrgen]

msh bt7bo leh ya basha da 7ata more7 gdannnn