خبطه في باب الجين تو

[BlackBerry]

تابع^:

....* مش عيب ان الواحد يتعلم ويحسن من سواقته, سوقها في اماكن زحمتها قليله او اماكن جانبيه لحد ما تحفظ ابعاد العربيه كويس والاساسيات, ونصيحه اخويه حاول تجيب اي حاجه تذبحها للعربيه وتفرقها على الغلابه او اي جمعيه خيريه قريبه منك وإقرا دعاء الفدو وانت بتذبح..

[Mohamed.Kader]

يسلم فمك :ta_clap[1]:

100% يا صديقي .


الاخ الكريم عمرو,

انا من اسبوعين تقريبا عملت موضوع كتبت فيه تقريبا نفس كلامك...الموضوع باختصار يا سيدي..يوم ماتش البارسا الاخير يوم ما خسروا من اسبوعين...كنت راكن في كافيه بتفرج على الماتش مع صحابي عادي..من زحمة العربيات واحد ابن حلال كان مش عارف يخرج بعربيته خبط وجرح كل العربيات اللي كانت حواليه ومن ضمنهم عربيتي انا...ايوه خبطلي الاكصدام الخلفي والعربيه واقفه مكانها وانا جوا في الكافيه اساسا ولا شفت دا الا بعد ما خرجنا وخلاص مروحين...الكل اتصدم من منظر العربيات كلها متخبطه...وكل دا والسياره كانت عامله 400 كيلو بس..فنعم, الحسد موجود والغشم ايضا موجود, وعملت موضوع هنا وسالت واستشرت الاعضاء الكرام وقالوا سيبها تاخد العين شويه وبعدين اعملها وفعلا من يومها وانا سايبها, تجريجه خفيفه في الاكصدام من ورا تحت الفانوس الشمال...عادي يعني...سيبها شويه وابقى اعملها في صيانه ال 5000ولا 10...اذا مش كانت مضايقه في فتح الباب او اي حاجه تاني زي ما الاعضاء كتبوا...وعموما شوماخر لما كان هنا من كم سنه, قال اللي يعرف يسوق في مصر يقدر يسوق في اي مكان في الدنيا ودي حقيقه ومش اشاعه والفيديو موجود على يوتيوب ولو لقيته هانزله...قول قدر الله وما شاء فعل والحمدلله انها جت في الحديد.

وتقدر تاخد لفه في القسم هنا وهاتشوف ان فيه اعضاء سقف عربياتهم اطبق من قعدة الاطفال عليهم في الشارع فقول الحمدلله :) وربنا يصربنا ويصبرهم.

تحياتي,

تابع^:

....* مش عيب ان الواحد يتعلم ويحسن من سواقته, سوقها في اماكن زحمتها قليله او اماكن جانبيه لحد ما تحفظ ابعاد العربيه كويس والاساسيات, ونصيحه اخويه حاول تجيب اي حاجه تذبحها للعربيه وتفرقها على الغلابه او اي جمعيه خيريه قريبه منك وإقرا دعاء الفدو وانت بتذبح..

السلام عليكم
هي مش حرب علشان عضو يرصلوا حبة كلام وعضو تاني يقولوا يسلم فمك:b4_388::b4_388::b4_388: بس هو دا اللي مضيع الدنيا أننا لازم نلاقي أي شماعة نعلق عليها مشكلنا والمشكلة فينا صاحب الموضوع نفسوا مذكرش إن كان غلطان ولا حد اللي خبطتة معناها أنوا مقتنع باللي عملة غلط بالعكس اللي حولية هما اللي خسروا لأن مش ذنبهم مشكال الأخرين
والأخ اللي بيقول أني بأنبوا أو مش عارف أية لأ طبعا أنا الأستاذ عمرو قلتلوا خسارة هضيع ذهوة العربية الزيرو فالتعليم محدش أتعلم من غير خساير وكان الكلام في أنوا يشوف حد يساعدوا فالتعليم بمدرسة سواقة أو أي صديق لية عندوا وقت وإستعداد يعلموا خاصة بعد أما كان متخيل أنها ممكن تتوصف من منتدى
وعلى العموم أنا أصلا ضد المشاركات في موضوع مش مجدية

[mido_soliman]

السلام عليكم
هي مش حرب علشان عضو يرصلوا حبة كلام وعضو تاني يقولوا يسلم فمك:b4_388::b4_388::b4_388: بس هو دا اللي مضيع الدنيا أننا لازم نلاقي أي شماعة نعلق عليها مشكلنا والمشكلة فينا صاحب الموضوع نفسوا مذكرش إن كان غلطان ولا حد اللي خبطتة معناها أنوا مقتنع باللي عملة غلط بالعكس اللي حولية هما اللي خسروا لأن مش ذنبهم مشكال الأخرين
والأخ اللي بيقول أني بأنبوا أو مش عارف أية لأ طبعا أنا الأستاذ عمرو قلتلوا خسارة هضيع ذهوة العربية الزيرو فالتعليم محدش أتعلم من غير خساير وكان الكلام في أنوا يشوف حد يساعدوا فالتعليم بمدرسة سواقة أو أي صديق لية عندوا وقت وإستعداد يعلموا خاصة بعد أما كان متخيل أنها ممكن تتوصف من منتدى
وعلى العموم أنا أصلا ضد المشاركات في موضوع مش مجدية

اولا متشكر جدا على اسلوبك الراقى فى التعبير عن ردى عليك (عضو يرصلو حبة كلام)يرصلو اية يا استاذ هوة احنا فى قهوة دة مكان كلة ناس بتفهم وتعرف تتكلم وتتناقش بكل هدوء واحترام دة اولا
ثانيا ودة الاهم برضة مش عارف لية الموضوع دة انت محملنا فية ذنب ان احنا قلنا للراجل سيبها تاخد العين (مش عارف الموضوع دة مازمك لدرجة كبيرة محسسنى بردة ان الراجل خبطك انت لية مش عارف)
ثالثا اتمنى فعلا انك متشاركش فى مواضيع غير مجدية لان فعلا فى حلقة مفقودة انت مش قادر تستوعبها او احنا اللى مش قادرين نفهم سبب ضيقك دة وتحياتى

[Mohamed.Kader]

اولا متشكر جدا على اسلوبك الراقى فى التعبير عن ردى عليك (عضو يرصلو حبة كلام)يرصلو اية يا استاذ هوة احنا فى قهوة دة مكان كلة ناس بتفهم وتعرف تتكلم وتتناقش بكل هدوء واحترام دة اولا
ثانيا ودة الاهم برضة مش عارف لية الموضوع دة انت محملنا فية ذنب ان احنا قلنا للراجل سيبها تاخد العين (مش عارف الموضوع دة مازمك لدرجة كبيرة محسسنى بردة ان الراجل خبطك انت لية مش عارف)
ثالثا اتمنى فعلا انك متشاركش فى مواضيع غير مجدية لان فعلا فى حلقة مفقودة انت مش قادر تستوعبها او احنا اللى مش قادرين نفهم سبب ضيقك دة وتحياتى

لأ حلو:b4_388::b4_388::b4_388: هتنازل لسياتك عن كل المواضيع اللي مش هشارك فيها ومتأكد أنك قدها

[mido_soliman]

لأ حلو:b4_388::b4_388::b4_388: هتنازل لسياتك عن كل المواضيع اللي مش هشارك فيها ومتأكد أنك قدها

تعليقى الوحيد (ربنا يهدى الجميع)
ومتشكر جدا على ثقتك الغالية واكيد حكون قدها وعند حسن ظنك كمان فى الرد على اى حد احس انة مش فاهم او مش عايز يفهم حاجة

[Ayman_52]

صلوا عالنبى يارجالـه ... مافيش حاجه مستاهله , كلنا اخوان

وربنا يعوض عليك ا/عمرو ... وفى الاخر الخبطات والتجريحات نصيب ومكتوب , ربنا يعوض عليك

[amrmahamad]

يا جماعه انا خبطت مرتين غلطه مني وتلات مرات من الناس مثلا واحد يشورلي ويقولي عدي اجي اعدي يروح ماشي هوه كمان
اخرها امبارح كنت عند اقناطر وممرعرضه مترين 3 عربيات عاوزين يعدوا ف نفس الوقت وانا جاي اتحرك والمنطقه موت وواحد علي يميني والتاني علي شمالي ولقيتا واحد مصمم وجاي من الجنب وراح خبط وانا موش عارف اروح في اي اتجاه تاني
عموما انا كنت عاوز اعرف اعملهم بره ولا في التوكيل وهل بره او جوه حيبقي الرش نفس الللون وحيتكلف كام
ممكن يجماعه تردوا عليه

[hobaz]

قدر الله وماشاء فعل....

[BlackBerry]

السلام عليكم,

الاخ الكريم محمد قادر,

تعلم فليس المرء يولد عالما , ولا تكن صلبا فتكسر ولا لينا فتعصر..كن وسطيا يا صديقي...فالنصيحه في العلن فضيحه..


عمرو, سيبها الوقتي, في التوكيل سالت القطعه ب 250 جنيه..او تجيب كود اللون من حوض الموتور وتعمله برا في مكان كويس..


تحياتي

[amrmahamad]

اجيبه ازاي من حوض الموتور واما اجيب كده اروح فين واعمله عند مين
وهيبقي نفس اللون ولالا

[BlackBerry]

اجيبه ازاي من حوض الموتور واما اجيب كده اروح فين واعمله عند مين
وهيبقي نفس اللون ولالا

هاتلاقيه تحت الموتور من الجنب, وسيب العربيه تكون بارده لانها هاتكون مولعه نار..لو نزلت هاصور لك مكان الكود بالظبط ان شاء الله عشان يكون اوضح...بالنسبه لكود اللون فنعم اللون هايكون نفسه بالظبط لانه خلط كمبيوتر...الاهم هو الشخص اللي هايعمل لك سمكره لو فيه حاجه محتاجه وهايرش..ان الرش يكون كويس وبضمير عشان مش يعمل حبيبات الخ..عموما اخونا الكبير العقيد خالد عضو هنا ويوجد اعلان للمحل الخاص به في الحرفيين http://www.nilemotors.net/Nile/118993-a.html

احسبه عند الله بانه انسان مخلص, وهايعمل معاك الواجب وزياده كفايه اننا من نفس المنتدى, ولو تعرف اي شخص تاني محترف ممكن تروح له وهو هايطلع لك كود اللون من الحوض وهايعمل لك الموضوع دا كله..وانتبه..سعر التوكيل 250 للقطعه يعني الاكصدام مثلا يعتبر قطعه واحده..لو برا قالوا لك اكتر من نص المبلغ دا رايي تعملها في التوكيل احسن اهو على الاقل يكون معاك فواتير انك عاملها في التوكيل عشان لو جيت تبيعها مستقبلا او اي حاجه...عموما مش هاتفرق مجرد وجهة نظر.

تحياتي

[amrmahamad]

اكونلك شاكر جدا ليك لو صورتهولي بسي قولي تتعمل بكام بره التوكيل

[amrmahamad]

ردود يارجاله

[wisambasha]

اكونلك شاكر جدا ليك لو صورتهولي بسي قولي تتعمل بكام بره التوكيل

طب ما تصورلنا انت الخبطة ونشوفها وممكن نقولك تكلفة تقييمية لحجم الخبطة لو حد فاهم
او تحط الصور في موضوع العقيد خالد ونشوف هايقول ايه