اشتريت الساجا ورخصت

[midosalah]

مبروووك ربنا يديك خيرها ويكفيك شرها

[asoliman123]

الي الزميل malta
شكرا لتهنئتك الرقيقه
الحقيقه لما كنت باخد قرار الشراء كنت بفكر في حاجتين الناس اجمعت عليهم بالنسبه للعيوب
1- ارتفاع اسعار قطع الغيار
2- عدم تواجدها بكثره
لكن الحقيقه امام امكانيات الموتور والاداء العالي وكمان الكماليات الكتير وكمان الشكل الجميل والارتفاع عن الارض وحاجه مهمه كمان بالنسبه ليا على الاقل انها مش تاكسي (ميزه وعيب للبعض)
اخدت القرار وانا بصراحه كنت بقارن بينها وبين اللوجان لاني حاليا دي امكانياتي
وحاجه كمان العربيه من جوه واسعه
ولو في اي حاجه تانيه انا في الخدمه يا باشا

[vsaga]

الف الف مبروك يا ريس وربنا يكفيك شر الطرق يارب وعقبالى اما اجبها ان شاء الله .. بس انت جبتها منين ؟؟؟ انا لافيت على معارض كتير اتفرج عليها ملاقتهاش وقوللى مفيش عرض ليها غير فى فرع الصحرواى .. ياريت لو تعرفنى جبتها منين وبكام.

[asoliman123]

زي ما قلتلك في التوبيك بتاعك من اوتو ماجد -مدينه نصر وهي مانيوال ب 64000

[osamafarouk]

الف مبروك يا باشا ورنبا يبارلك فيها ويكفيك شرها
عايزين بقي اول باول التقارير عن العيوب قبل المميزات هه
ياريت ترفع لنا صور كمان

[asoliman123]

استهلاك البنزين

طبعا انا بعد ما استلمت العربيه كان التانك تقريبا فاضي فاول حاجه بعد ما استلمت روحت البنزينه فولت العربيه ز كان العداد مستلمه تقريبا عامل 50 كم.النهارده الصبح بعد ما قربت اوصل الشغل لقيت اللمبه نورت . طيب العداد عامل كام دلوقتي ؟!! 350 كم يعني خلص بعد 300 كم المهم دخلت المحطه وقلت للراجل فول , لقيتها فولت ب 31 لتر . طيب السوال بيقول علل؟
هو سعة التانك كام بالظبط لان كان في زميل كاتب 40 وكمان كده معدل الاستهلاك كويس ولا ايه الكلام وللحقيقه انا طريقي كل يوم زحمه رايح جاي . ايه راي زملائنا العزاء في الموضوع ده.
وان شاء الله تتوالى التقارير كل ما اعرف حاجه جديده

[vsaga]

والله ياريس انا خبرتى فى العربيات مش اوى انا لسة جديد واول عربية هاركبها هى الساجا اللى هاشتريها دى ان شاء الله
بس متهايلى 31 لتر يدوك 300 كيلو ده استهلاك كويس وخصوصا بيقولوا ان اى عربية فى الاول بتسحب بنزين كتير عشان لسة بتلين
يعنى لو قولنا انك بتعمل 100 كيلو فى اليوم يعنى كل تلات اايام تفول تانك يعنى هاتفول مثلا مرتين فى الاسبوع والتفويلة بتقول انها 31 لتر وقول اللتر ب 1.75 يعنى التفويلة بتكلف 54 جنيه فى مرتين فى الاسبوع يعنى قول 100 جنيه يعنى فى الشهر تدفع بنزين 400 جنيه ده لو انت بتعمل 100 كيلو فعلا كل يوم
متهايلى كده كويس لو العربية فعلا بتسحب كتير فى التليين وبعد التليين لو سحبها قل ووصلت انك تعمل بنزين ب 350 جنيه فى الشهر يبقى متهايلى كده حلو مش كتير
وكل ده وانت كمان بتقول ان طريقك كله زحمة يعنى على اعلى معدل استهلاك بنزين
متهايلى كده استهلاك البنزين للساجا تمام..
ربنا يباركلك فيها كمان وكمان

[vsaga]

ريس كنت عايز اسالك بس ايه نظام الكاسيت والسماعات
الصوت حلو ونقى ولا لما بتعلى الصوت السماعات بترن ؟؟؟
والف شكر ياريس

[mo7hamedemad]

ريس كنت عايز اسالك بس ايه نظام الكاسيت والسماعات
الصوت حلو ونقى ولا لما بتعلى الصوت السماعات بترن ؟؟؟
والف شكر ياريس

الصوت تمااااااااااااااااام
ولا فية زنة ولا فية رنة ولا حتى ماسيدج (دى طبعا هزار اتمنى تقبلها)بس الصوت الحمد لله عن تجربة حلو اوى الحمد لله حتى ولو جبتة على اعلى درجة نقى جدااااااااااااااااااااا
اتمنى اكون افدتك ولو عايز حاجة تانى انا ف الخدمة

[mo7hamedemad]

طبعا انا بعد ما استلمت العربيه كان التانك تقريبا فاضي فاول حاجه بعد ما استلمت روحت البنزينه فولت العربيه ز كان العداد مستلمه تقريبا عامل 50 كم.النهارده الصبح بعد ما قربت اوصل الشغل لقيت اللمبه نورت . طيب العداد عامل كام دلوقتي ؟!! 350 كم يعني خلص بعد 300 كم المهم دخلت المحطه وقلت للراجل فول , لقيتها فولت ب 31 لتر . طيب السوال بيقول علل؟
هو سعة التانك كام بالظبط لان كان في زميل كاتب 40 وكمان كده معدل الاستهلاك كويس ولا ايه الكلام وللحقيقه انا طريقي كل يوم زحمه رايح جاي :i_angr1[1]:. ايه راي زملائنا العزاء في الموضوع ده.
وان شاء الله تتوالى التقارير كل ما اعرف حاجه جديده

مبدئيا التانك 40 لتر بس بالنسبة للمبة جرب مرة تانى واستنى متمولش الا لما اللمبة تنور وشوف هيديلك كام
هوة الى انا اعرفة(نظرا لان اللمبة منورتش معايا خالص)انها بتنور لما يكون ناقص ف العربية حوالى 5 لتر تقريبا فممكن تكون بتنور ع 9 لتر جرب تانى وابقى طمنا ولو فى حاجة غلط ابقى قولهم عليها ف صيانة الالف
ربنا معاك ويوفقك ويديك خيرها ويبعد عنك شرها
ولو ف حاجة تانى انا ف خدمتك

[mo7y]

لمبة البنزين بتنور عند حوالي 8 لتر تقريباً

[vsaga]

الف شكر يارررررررررررررررررررريس