طلب مساعده ضروريه بجد

[midoelbadawi]

اولا احب اسلم ع كل اعضاء المنتدى الجامد اوى

انا ناوى اشترى جين 2 2010 اتو ماتيك العربيه دى ماشاء الله عليه
عجبانى اوى اوى وشكلها الخارجى يجنن والداخلى روعه
صح ولا انا غلطان

بس انا عاوز اعرف اكتر خصم ممكن اخده عليه يبقى كام طبعا سعرها 90900
وتكون منين من عز العرب ولا؟؟؟؟؟؟؟

وهل عز العرب اتحسن ولا؟؟؟
واحلى لون فيها ايه معلش ياريت الصور من بره وجوه

معلش طولت بس اعزرونى انا لازم اعرف كل حاجه عنها صح ولا وهى ايه عيوب الجين 2 2010

[jisso82]

الله يسلمك
مبروك مقدما و تجيبها على خير إن شاء الله و انت صح طبعا
أكتر خصم دلوقتى أعتقد اللى يفيدك فيه Ayman52
و تكون من عز العرب فرع الصحراوى
هو أحسن من زمان طبعا و يعتبر متوسط مقارنة بالتوكيلات اللى فى السوق
و أحلى لون ده متوقف على ذوقك طبعا بس رأيى الأسود فاجر عليها لو هتستحمل عيوبه و الميتال جراى جامد موت فيها بس عيبه إنه ابتدى ينتشر عليها أوى
طول براحتك يا باشا احنا تحت أمرك و عيوب الجين هتلاقيها بأمانة فى المواضيع المثيتة فوق و عموما هى باختصار عفشة ناشفة نسبيا عشان رياضية و عشان الثبات و الباور تقيل شوية لنفس الأسباب و بعض عيوب تقفيل بسيطة ممكن تظهرلك و ممكن لأ زى المالتى فنكشن بتاع الدركسيون يعلق أو بعض أصوات فى العربية مش مضرة و لا حاجة بس بتزعج بعض الناس مقارنة بإنها عربية جديدة. و دى عيوبها باختصار.

[khpopo]

الله يسلمك
مبروك مقدما و تجيبها على خير إن شاء الله و انت صح طبعا
أكتر خصم دلوقتى أعتقد اللى يفيدك فيه Ayman52
و تكون من عز العرب فرع الصحراوى
هو أحسن من زمان طبعا و يعتبر متوسط مقارنة بالتوكيلات اللى فى السوق
و أحلى لون ده متوقف على ذوقك طبعا بس رأيى الأسود فاجر عليها لو هتستحمل عيوبه و الميتال جراى جامد موت فيها بس عيبه إنه ابتدى ينتشر عليها أوى
طول براحتك يا باشا احنا تحت أمرك و عيوب الجين هتلاقيها بأمانة فى المواضيع المثيتة فوق و عموما هى باختصار عفشة ناشفة نسبيا عشان رياضية و عشان الثبات و الباور تقيل شوية لنفس الأسباب و بعض عيوب تقفيل بسيطة ممكن تظهرلك و ممكن لأ زى المالتى فنكشن بتاع الدركسيون يعلق أو بعض أصوات فى العربية مش مضرة و لا حاجة بس بتزعج بعض الناس مقارنة بإنها عربية جديدة. و دى عيوبها باختصار.

+111 هيثم قام بالواجب
ربنا يوفق

[powerofhelll]

خليك في اللون الازرق توحفه ملهوش حل

[midoelbadawi]

الف شكر يارجاله بس ممكن حد يورين الون ده الميتال جراى على الجين 2 انا معرفوش معلش صورة ليه مشكورن

[hossamkoshy]

الون sweet orange جميل جدااااااااااااااا

[ayman_83]

ربنا يتمملك علي خير وانا كمان بس انا محتار اجيبها دلوقتي ولا اجيب 2011 عشان ممكن ينزلو فيها مثبت السرعه ومحتار في الالوان برضه الاخ jisso82 ايه هي عيوب الاسود

[jisso82]

ربنا يتمملك علي خير وانا كمان بس انا محتار اجيبها دلوقتي ولا اجيب 2011 عشان ممكن ينزلو فيها مثبت السرعه ومحتار في الالوان برضه الاخ jisso82 ايه هي عيوب الاسود

يا راجل عيوب الأسود؟؟؟؟!!!!!!!!!!!!!!!!!!!!
بص يا سيدى هو وهمى على الجين و بيديها شراسة أكتر بمراحل من اللى باينة عليها و انا بصراحة لو كنت جبت جين كنت طبعا جبتها سودا وش بس
الأسود على الرغم من شياكته إلا إنه محتاج السايس بتاعك يبقى راكب معاك فى العربية عشان يلمعها كل إشارة فى الأول كنت معتقد الناس بتهرج و بتببالغ لما كانت بتقول كده بس ركبت عربية نوبيرا سودا لمدة أسبوع علمتنى الأدب ده غير التجريح مش بيبان ده بيعمل إعلان بس المشكلة الرئيسية ربنا يبعد عنك التجاريح طبعا عو إن العربية ما بتظهرش بشياكة الأسود اللى انت شايفه عليها أكتر من 10 دقايق أو ربع ساعة بالكتير بعد التنظيف و بعد كده ما بتشوفش العربية

[jisso82]

هو للأسف أنا عربيتى مش جين هى برسونا بس ميتال جراى برده عموما ناس قليلة اللى شايفة إن فيه فرق فى درجة اللون بين الجين و البرسونا بس كده كده ده هيقربلك الدنيا شوية

http://www.nilemotors.net/Nile/88694-1500-1000-a.html

[midoelbadawi]

الف الف الف الف شكر

[mikology]

بس مفيش ميتال جراى فى التوكيل دلوقتى - اللى متاح اسود - فضى - برتقالى - ازرق زهرى - لبنى فاتح