الخوف الرهيب من البروتون وعر العرب

[ahmedfathy77]

السلام عليكم ورحمة الله وبركاته

اعتقد ان عدم اقبال اصحاب المعارض عليها على الرغم من تعاملهم مع موديلات اقل كتير و عربيات لها توكيلات فيها مشاكل برضه ان العربية اصلا على الرغم انها مستوردة من ماليزيا وبيتطبق عليها نفس جمارك الفئة السعرية وضرائب المبيعات الا ان سعرها فى مصر تقريبا اقرب ما يكون لسعرها فى الخارج وده معناه ان هامش الربح بتاعها مش كبير اوى زى عربيات تانية توكيلاتها عاوزة تكسب وتزود هامش ربح اكبر وبتلاقى فيه فرق كبير بين سعرها فى بلادها وسعرها فى مصر وبالتالى ربح التوكيل والموزع المعتمد والمعرض بيكون اكبر على الرغم انها ممكن تكون عربيات اقل من الجين 2 بكتير ده غير ان عمر ما حد يعتقد ان كترة الدعاية لاى ماركة او توكيل الزبون مش بيشيل تمنها وهو بيدفع تمن العربية يعنى كله على قفا الزبون زى ما بنقول فاعتقد ان سياسة توكيل عز العرب هو الاقتصاد فى الدعاية باكبر شكل ممكن وده بيساعد على تخفيض تمن العربية مقابل قيمتها وامكانياتها اللى الكل بيجمع عليه .

عدم الدعاية سلاح ذو حدين بيقلل تمن العربية من ناحية بس مش بيشجع ناس كتير مش بتثق الا فى الاعلانات فى شراها بس برضه بيخلى اللى عاوز يشتريها ده واحد فعلا بيحب العربية ومقتنع بيها وعارف انه راكب عربية امكانياتها لو فى توكيل تانى اكثر استغلالا تمنها ممكن يزيد فيه 10 الى 15 % على سبيل المثال .

استخر الله وتوكل على الله اسال ودور وشوف العربيات والتوكيلات التانية وان شاء الله ربنا يهديك للخير

سلامى للجميع

[Tarek Gen 2]

بص هو انا بشهادة ايمن و مهاب تقريبا اكتر عضو فى نايل موتورز طلعوا عين اللى جابونى فى التوكيل
بس بصراحة انا حاببهم كا ناس بغض النظر عن كام واحد كدة بس انا شايفهم لذاذ و بيحاولوا يعملوا حاجة و طول منتا معاك حق بيحاولوا معاك ديما يرضوك
و الاعتراف ان فى حاجة بس هما مش قادرين يعملوها افضل نوعا ما من عدم الاعتراف ان فى حاجة اصلا زى ما بيحصل فى غبور و منصور وكمان تيوتا و عن تجارب شخصية

و الجين تو زى البطيخة يا هتشتريها و تطلعى تمام 100 % و ده بنسبة 80 % ان شاء الله
يا هيطلع فيها عيب او عيبن تقفيل و هيروحوا فى اول صيانة ان شاء الله
انا بس لية ظروف و مش مقياس رغم انى شفت كتير بس والله صدقنى احسن بكتير
و استمتاعاك بالعربية هيغلب مشاكلك و زهقك من حاجات معينة ده ان حصل يعنى
و ربنا يكرمك و يديك خير اللى هتشتريها اياً كان هيا ايه ان شاء الله

[momopersona]

اصحاب المعارض على قدر بسيط من الحق
يعنى لما تاخد عربيه من معرض ويطلع فيها عيب تقفيل اول ماستلمتها بتحدف ولا فى صوت هوا مثلا هاتروح فين ؟؟؟؟؟
اكيد هاترجعلو بيها وتقرفو فى عيشتو غيرهالى وكده والعربيه زيرو وكده
وهو اساسا مكسبه فيها الفين جنيه مثلا لان الوكيل بيديهاله غاليه وبيديله اسوء عربيات موجوده ويخلى الكويسين يبيعهم هو
وبالتالى بيجيلو انطباع ان العربيه مشاكلها كتير والتوكيل مش حلو وبيعها تقيل مش زى باقى الماركات
وهو بينصح لله سواء لمصلحته الخاصه او لمصلحة العميل (من وجهة نظره)

لكن لما يبيع كيا ولا هيونداى بيكسب كتير لان التوكيل بيديهالو بأسعار حلوه وتقفيلهم كويس والزبون بياخودها ومايرجعش لان المشاكل اللى بتظهر بتظهر مع الزمن وبيعالجها فى التوكيل او مايعالجهاش بئا
وكمان هايبيعها بسرعه فبالتالى المكسب كبير لانه بيشترى تانى ويبيع
فبياخد انطباع ان كيا وهيونداى 10/10

وفعلا استاذ طارق ليه حق
الجين تو عامله زى البطيخه ياتطلع كويسه ياتطلع مليانه مشاكل
واتكرر الموقف ده قدامى كتيييييييييييير
وفعلا اعادة بيعها مش حلوه بردو

لكن فى المقابل مزايا كتييييييييييييييييير صاحب المعرض مش بيشوفها هو بالنسباله عربيه فيها مشاكل ولا لا قطع غيارها ايه وبتتباع بسهوله ولا لا لانه (فكر تاجر مش ركيب)
وشكرا

[khpopo]

بعد تجربتي لتوكيلين عز العرب ومنصور
اقدر اقول ان عز العرب احسن بمراحل كبيرة اوي
ده كفاية ان غبور ومنصور بيستخفو بعقول العملاء اذا حد اشتكى من بعض الاصوات عارف هيقولو ايه؟؟
(مفيش اصوات ده بيتهيقلك) وعن تجربة مريرة سابقة والله مع الافيو

+111
عن تجربه برضه ...العربيه هاتعجبك ومش هاتندم اهلا بيك
ربنا يوفق

[jisso82]

الكلام ده سمعته للأسف من معارض كتير و واضح إن فيه مشكلة بين رجال البيع فى المعارض و العربية دى بالذات و بعدين مشكلة رجال البيع إنهم بيسوقوا دايما بمبدأ ماشى عليه 99% من الشعب المصرى (من خاف سلم) و خاصة فى سلعة زى العربية فبكل بساطة يقوللك على اللى يعرفه أحسن من اللى ما يعرفوش لأنه من الأساس مش الشخص الللى عنده خبرة و مدقدق فى العربيات و فاهم عشان يحكم أو يقارن. للأسف أغلبهم دى بالنسبة لهم مجرد وظيفة داخلينها لا بخبرة و لا بخلفية تعليمية مناسبة فبيدوا رأيهم بشكل شخصى بحت و موقعهم بس اللى بيخللى باقى الناس تسمع كلامهم و تصدقه و أقلها تلاقى الزبون بيقول فى نفسه يعنى هو الراجل مش عايز يبيع ده بينصحنى بعربية أرخص يعنى عمولته فيها هتبقى أقل. و مابيفكرش فى المبدأ الأقوى فى الشراء بالذات (اسأل مجرب) و على الرغم من إن دى أول عربية زيرو ليا فمش هبقى قادر أقارن بين عز و أى توكيل تانى إلا إنى بشكل كبير مش متضايق من معاملته أو عندى مشاكل حقيقية معاه بالعكس لحد دلوقتى الحمد لله الدنيا ظريفة ومريحة حتى مقارنة باللى بسمعه فى توكيلات تانية.
استخير و ربنا يوفقك للقرار السليم إن شاء الله بس أنا بأكدلك لو العربية دى مالهاش وكيل فى مصر من الأساس كنت هجيبها برده

[yaseenmohamed]

حضرتك روح اسأل في معرض علي اسبرانزا مثلا a113
وشوف قصايد الشعر اللي حيقولهالك في العربيه دي (ده لو اعتبرناها عربيه)
أعتقد كلامي مش محتاج شرح
وربنا يوفق

[dreslam]

مافيش فايده.بروتون ماركه مظلومه جداجدا بوكيلها لكن العربيه لو مش حلوه ماكانتش عملت المبيعات دي كلها.بروتون عربيات محترمه في مصر محتاجه وكيل فاضيلها يهتم بيها وساعتها مبيعاتها حتبقى اعلى المبيعات.بروتون اساسا لسه عندها كتير وبتتطور فلازم يشوفو حل في وكيلها بقى

[تامر.محمد]

السلام عليكم ورحمة الله وبركاته

اعتقد ان عدم اقبال اصحاب المعارض عليها على الرغم من تعاملهم مع موديلات اقل كتير و عربيات لها توكيلات فيها مشاكل برضه ان العربية اصلا على الرغم انها مستوردة من ماليزيا وبيتطبق عليها نفس جمارك الفئة السعرية وضرائب المبيعات الا ان سعرها فى مصر تقريبا اقرب ما يكون لسعرها فى الخارج وده معناه ان هامش الربح بتاعها مش كبير اوى زى عربيات تانية توكيلاتها عاوزة تكسب وتزود هامش ربح اكبر وبتلاقى فيه فرق كبير بين سعرها فى بلادها وسعرها فى مصر وبالتالى ربح التوكيل والموزع المعتمد والمعرض بيكون اكبر على الرغم انها ممكن تكون عربيات اقل من الجين 2 بكتير ده غير ان عمر ما حد يعتقد ان كترة الدعاية لاى ماركة او توكيل الزبون مش بيشيل تمنها وهو بيدفع تمن العربية يعنى كله على قفا الزبون زى ما بنقول فاعتقد ان سياسة توكيل عز العرب هو الاقتصاد فى الدعاية باكبر شكل ممكن وده بيساعد على تخفيض تمن العربية مقابل قيمتها وامكانياتها اللى الكل بيجمع عليه .

عدم الدعاية سلاح ذو حدين بيقلل تمن العربية من ناحية بس مش بيشجع ناس كتير مش بتثق الا فى الاعلانات فى شراها بس برضه بيخلى اللى عاوز يشتريها ده واحد فعلا بيحب العربية ومقتنع بيها وعارف انه راكب عربية امكانياتها لو فى توكيل تانى اكثر استغلالا تمنها ممكن يزيد فيه 10 الى 15 % على سبيل المثال .

استخر الله وتوكل على الله اسال ودور وشوف العربيات والتوكيلات التانية وان شاء الله ربنا يهديك للخير

سلامى للجميع

كلام تمام و لا غبار عليه

[mody2008taher]

اشكركم على تفعالكم مع الموضوع وانا روحت احجزها بس ما لقيتش اللون الاحمر وهاستنى الدفعه اللى جايه لو خد بعرف هاتيجى امتى ياريت يقولى

[Ayman_52]

اشكركم على تفعالكم مع الموضوع وانا روحت احجزها بس ما لقيتش اللون الاحمر وهاستنى الدفعه اللى جايه لو خد بعرف هاتيجى امتى ياريت يقولى

فى دفعه على اول شهر 6 -ان شاء الله- , واظن ان هيكون فيها اللون الاحمر بس باعداد قليله , حاول تضغط على الراجل اللى حاجز معاه يسلمك منها لو جه فيها لون احمر يعنى .


والـف الف مبروووووووك , وتسلم على الف خير -ان شاء الله-

تحيـــــــــــــــاتــى

[samehelsergany]

الف مبروك و ان شاء الله تستلم على خير
و اطمن العربية باسم الله ما شاء الله ملهاش حل ، انا سوقتها مرة مشوار طويل و دائري و تكييف و العربية كاداء و ثبات و امان و استجابة مفيش كلام
و عشان اطمنك اكتر التوكيل مش بالسوء اللي بنسمع عنه اخويا لسه جاي من صيانة الالف و الناس هناك متعاونة جدا و كل الملاحظات اتحلت و كانت ملاحظات صغيرة جدا
توكل على الله و ان شاء الله تستلم على خير و يباركلك فيها

[mody2008taher]

طب ممكن يا استاذ ايمن تقولى ااقدر اخد خصم اد ايه اصل هما حاسبوهالى ب 90000 يا ترى كده كوبس ولا ممكن تظبتنى بخصم احسن

[Tarek Gen 2]

طب ممكن يا استاذ ايمن تقولى ااقدر اخد خصم اد ايه اصل هما حاسبوهالى ب 90000 يا ترى كده كوبس ولا ممكن تظبتنى بخصم احسن

لا فى تظبيط احسن من كدة
اصلا الخصم من 3500-2000
و استنى تأكيد ايمن
وانا جايب ب 88 و نص من العجوزة مش تبع خصم نايل موتورز خالص ده معرفة بس فاكيد ينفع ان شاء الله

[mody2008taher]

استاذ ايمن انا مستنى ردك يا ريت ترد عليا انا عارف انك ما بتتأخرش عن حد يا ريت ترد فى موضوع الخصم اللى قولته لحضرتك

[Ayman_52]

استاذ ايمن انا مستنى ردك يا ريت ترد عليا انا عارف انك ما بتتأخرش عن حد يا ريت ترد فى موضوع الخصم اللى قولته لحضرتك

+111

لا فى تظبيط احسن من كدة
اصلا الخصم من 3500-2000
و استنى تأكيد ايمن
وانا جايب ب 88 و نص من العجوزة مش تبع خصم نايل موتورز خالص ده معرفة بس فاكيد ينفع ان شاء الله

بس اللى انا اعرفه هو ا/محسن صالح -مدير مبيعات بروتون- كلمه وقوله انك من طرف -ايـمـن- وهو هيضبطلك الموضوع

ودا رقمه 0105119209

وربنا يوفقك وتستلم على الف خير ان شاء الله

واحنا تحت امرك فى اى استفســـار

تحيــــــــــــــــاتــى