تقييم الجين 2 بعد 1400 كم على العداد

[tutankhamoun]

تقييم الجين 2 بعد 1400 كم

عند البداية أي أول 100 كم السيارة كانت ثقيلة جدا في الحركة في أول غيار و تاني غيار و بعدين بتكون عادية جدا يعني مش أداء عربية 1600 خالص و الموضوع ده كان مضايقني جدا

و لكن ........... كشر الأسد عن أنيابه

مع الاستخدام المتواصل بدأ المحرك في علو الاداء و نعومة و استجابة سريعة خصوصا بعد أول 1000 كم

السيارة الآن ما شاء الله و لا حول و لا قوة إلا بالله

طلقة ............ فعلا سيارة رياضية بكل ما تحويه الكلمة من معنى

قوة في الأداء .......... سرعة استجابة .......... اتزان ليس له مثيل

المحرك الخاص بالسيارة من نوع

DOHC

و هذه النوعية من المحركات تمتاز بقوة الأداء و الاستجابة على السرعات العالية

يعني تجميع العربية على السرعات العالية ممتاز و خصوصا فوق 3000 لفة في الدقيقة لهذا المحرك يعني الأر بي ام يكون فوق 30 و أنت تحس أن العربية بتجرك و تتحايل عليك علشان تجري و بتقولك دوس بنزين خليني أجري

الاتزان و الثبات

لم أشعر بهذا اتزان و ثبات إلا في السيارات المرسيدس و البي ام

استهلاك الوقود

استهلاك السيارة للوقود يعتبر ممتاز جدا على محرك 1600 سم مكعب

فتانك السيارة يحتوي على 50 لتر بنزين من نوع 92 يستطيع أن يقطع مسافة من 650 إلى 700 كم بدون تشغيل التكييف

على سرعة 90 كم في الساعة و لا تزيد عن ذلك و مع كل زيادة يقل عدد الكيلومترات المقطوعة نظرا لزيادة استهلاك البنزين عند السرعات الأعلى من 90

كماليات السيارة

الكاسيت رهيب ...... ماركة محترمة و صوت نقي جدا و يعيبه أنه لا يدعم الأم بي ثري

تكييف جبار و قوي

زجاج كهرباء للأربعة أبواب

سنتر لوك ممتاز و من مميزاته أنك تتحكم في فتح أي من الأبواب و تمنع فتح الأبواب نهائيا أو تترك فتحها إذا أردت للركاب

الصالون من الداخل

كراسي ممتازة ............ عملية و مريحة و جميلة

تابلوه ذو خامات عادية

أوجه عدادات السرعة و الوقود و خلافه ... جميله جدا

عجلة التوجيه -دريكسيون – جميلة و بها أزرار للتحكم في الكاسيت ويمكن التحكم تخفيضها أو تعليتها حسب طولك و حسب هواك

نظام التوجيه الآلي – الباور – ناعم و لكن زاويته إلى حدا ما ضيقة للحفاظ على الاتزان و الثبات

السيارة من الخارج

صاج محمل و ثقيل

قوة تشعر بها عندا تلمس صاج السيارة

شكل جميل و حديث و يميل إلى الشبابي

العفشة و أجهزة التعليق

ناعمة و ثابتة في نفس الوقت

يعني مش ناعمة خالص و مش ناشفة اطلاقا

يعني متحسش بالمطبات و برضه اتزانها فظيع

شنطة السيارة

شنطة ما شاء الله واسعة على عكس شكل السيارة الخارجي الذي يوحي بضيق الشنطة

إمكانية طي الكراسي الخلفية على مراحل

يعني الكنبة الخلفية مقسمة على ثلاثة و يمكنك طي ما تريد و ترك مساحة لراكب أو راكبين إذا أحتجت لذلك

عوامل الأمان في السيارة

السيارة بها 2 وسادة هوائية و أحزمة أمان

بالنسبة لعيوب التقفيل التي ظهرت في الموديلات السابقة لموديل 2007 لم تظهر أي منها معي بحمد الله

و نحمد الله و نشكره على ذلك

[mido777]

ربنا يباركلك فيها يا باشا

وتحليل اكثر من رائع لعربية ممتازة
انا كنت ح اجيبها قبل الألنترا بس سعر اعادة بيعها هو اللى مكنش مشجعنى لانى بغير كتير

[mohamed ibiza]

gen 2 is a perfect car lotus eclipse motor is full of power i know that it is stable but stability in ur mind may be different from another mind of another person my friend wants it but he run too fast too fast i mean 200 220 do u think it will be stable on this speed and say to us plz the speed that u get it and found it stable when u reached this speed






















IBIIIIIIIIIIIIIIIIIIIIIIIIIIIIIIIIIIIIIIIZZZZZZZZZ ZZZZZZZZZZZAAAAAAAAAAAAAAAAAAA FOR EVER

[fahd_628]

شكرا يا باشا على التقييم الجميل دة و ربنا يباركلك فى العربية و منتظرين كل شوية تقيمات زى دية :)

[tutankhamoun]

gen 2 is a perfect car lotus eclipse motor is full of power i know that it is stable but stability in ur mind may be different from another mind of another person my friend wants it but he run too fast too fast i mean 200 220 do u think it will be stable on this speed and say to us plz the speed that u get it and found it stable when u reached this speed






















IBIIIIIIIIIIIIIIIIIIIIIIIIIIIIIIIIIIIIIIIZZZZZZZZZ ZZZZZZZZZZZAAAAAAAAAAAAAAAAAAA FOR EVER

أنا وصلت لسرعة 180 و أقصى سرعة للسيارة 190 كم / س ...........
و العربية كانت متزنة جدا و عملت بيها كام حركة كدا من بين عربيات نقل
لأني طلعت جربتها الساعة 3 بالليل لأني مش بتاع جري فقلت أحسن ميعاد بالليل علشان الخطر يقل و علشان لا أضايق أحد على الطريق
بس معلش يا أخي
فوق 120 و في مصر و في ظل جودة الطرق الموجودة يعتبر خطر جدا حتى لو راكب بي أم دبليو

و الاتزان اللي أنا أقصده أنك مثلا في سيارة تانية تحس أن العربية سريعة
و لكن في الجين 2 تبص على العداد تلاقيه مثلا عند 130 و تحس أنك ماشي على 80 بس

[tutankhamoun]

ربنا يباركلك فيها يا باشا

وتحليل اكثر من رائع لعربية ممتازة
انا كنت ح اجيبها قبل الألنترا بس سعر اعادة بيعها هو اللى مكنش مشجعنى لانى بغير كتير

شكرا يا اخي على دعائك و ربنا يبارك فيك أنت كمان
و صدقني الواحد يمتع نفسه و يجيب اللي في نفسه أحسن ما تشتري عربية للزبون اللي هايشتري منك بعد كدا
و السيارة الألنترا أكثر من رائعة و من أكثر ما يعبجني في هيونداي و ربنا يبارك لك فيها و يباك فيك

شكرا يا باشا على التقييم الجميل دة و ربنا يباركلك فى العربية و منتظرين كل شوية تقيمات زى دية :)

العفو يا فهد باشا
و شكرا على الدعاء و ربنا يبارك فيك و عقبالك إن شاء الله
و بإذن الله كل 1000 كم سأضع تقييم شامل لأداء السيارة
و اللي آخرني أول 1000 كم أنتظاري لتجربة أداء السيارة بعد ما تعدي 1000 كم
;) ;)

[ahmedhamed]

ما شاء الله و لا حول و لا قوة إلا بالله
ربنا يباركلك فى العربية و يبعد عنك شرها
انا معايا فيرنا و بخلص اجراءات بيعيها عشان اشتري جين 2 2008 إن شاء الله
كلامك و كلام الأعضاء عنها طمني أوي
لكم جزيل الشكر

[Anti_virus_abdo]

شكراا يا باشا علي التقييم الجميل ده و ربنا يباركلك فيها :)

[wildwest100]

ما شاء الله و لا حول و لا قوة إلا بالله
ربنا يباركلك فى العربية

[Hossam_Hassan]

يا ريت يا توت يا اخويا تقييمك لمركز الخدمة لو كنت اتعاملت معاه

[tutankhamoun]

يا ريت يا توت يا اخويا تقييمك لمركز الخدمة لو كنت اتعاملت معاه

حتى اﻵن هما كويسين ............ حتى يثبت العكس
بس بصراحة أسمع من ناس كتير كان معاهم موديلات 2005 و 2006
أنهم كان عندهم مشاكل في بعض الأشياء في التقفيل و تم حلها بكل سلام و بدون اي مشاكل
و الرئيس الإقليمي لمصر بيتابع كل حاجة و كل شكوى لو بعت أي شكوى و بيهتم بيها قوي
و كل الناس إللي قابلتهم في التوكيل قالوا أنهم كويسيين

[tutankhamoun]

ما شاء الله و لا حول و لا قوة إلا بالله
ربنا يباركلك فى العربية و يبعد عنك شرها
انا معايا فيرنا و بخلص اجراءات بيعيها عشان اشتري جين 2 2008 إن شاء الله
كلامك و كلام الأعضاء عنها طمني أوي
لكم جزيل الشكر

أحمد باشا
ربنا يوفقك و يباركلك في بيع الفيرنا إن شاء الله و يوفقك في شراء الجين 2
و أشتري و أنت حاطط في بطنك بطيخة صيفي إن شاء الله

[QUOTE] شكراا يا باشا علي التقييم الجميل ده و ربنا يباركلك فيها [/
QUOTE]

العفو ياباشا و ربنا يبعد عنا فيروساتك :D
و شكرا على الدعاء لي ......... و ربنا يبارك فيك أنت كمان

ما شاء الله و لا حول و لا قوة إلا بالله
ربنا يباركلك فى العربية

شكرا ياباشا يا عم ويالد ويست و ربنا يبارك فيك أنت كمان

[yasserayad]

ربنا يباركلك فيها يا باشا

وتحليل اكثر من رائع لعربية ممتازة

+1000000000000

[grandh135]

بصراحة انت يا أخى توت عامل شعبية كبيرة هنا للسيارة جين 2وانا ايضا بأفكر اشتريها من خلال ثقتى برأيك و اطلاعى على مواصفات السيارة وامكاناتها المتعددة وسعرها المعقول بالنسبة لكماليات كثيرة ..وفعلا يبقى الوكيل وقطع الغيار لو معقولين يبقى تمام التمام

[grandh135]

......و صدقني الواحد يمتع نفسه و يجيب اللي في نفسه أحسن ما تشتري عربية للزبون اللي هايشتري منك بعد كدا .........كلمة اعجبتنى يا توت باشا معك حق...مش كل حاجة فى حياتنا تبقى بمنظور تجارى ..لكن ممكن تبقى سيارة ممتعة واعادة بيعا معقول احيانا