بعشق الجين 2 وخلاص اسبوع واستلمها ، ، ، وعايز رأيكم ضرورى

[akaremgen2]

السلام عليكم

بقالى حوالى سنتين بحلم اجيب الجين 2 دلوقتى لحمد لله خلاص كلها اسبوع واشتريها بس من شهر وانا عينيا بدأت تزوغ على عربيتين تانين هما الانترا و المتريكس لأسباب معينة وهى:-

1- ان الجين 2 عربيه شبابيه مش عائليه مع العلم انى عندى عائله والحمد لله (زوجة وثلاث اطفال) بس سنى 30 سنه (قصدى من الكلام ده حجم الشنطة فقط لكن الصالون كبير طبعاًُ)
2- التوكيل ( عز العرب ) مقرنتاً بغبور فأن غبور طبعاً لا غبار عليه وهذا بناء على ما قرائته فى المنتدى
3- سعر اعاده البيع ومشكله ان سعرها بينزل كتير

بالرغم من علمى عن الفرق الشاسع فى الامكانيات والتقنيات العاليه وعومل الامان الغير موجوده الا فى سيارات فئتها السعريه مختلفه تماماً والشكل الخارجى الرائع للجين 2

ارجو الافاده علشان استقر بقا
(عاشق لجين 2)

[د.محمود صلاح]

اولاً مبروك انضمامك لنايل موتورز ان شاء الله تفيد وتستفيد

وواضح حبك للجين تو من اسمك في المنتدى ومن حلمك بيها

ولو جيبت حاجة غيرها هتزعل وتتضايق وتتحسر

وطالما توكلت على الله فلا تتردد

[mido_soliman]

انا استوقنى كلمة غبور لا غبار علية بناء على ما سمعت تقصد اية ؟؟؟
دة مفيش ورقة فى الموقع كلة هنا بتشكر فية ؟
يباشا الجين وتوكل على الله انا زيك تمام وبعد دراسة مستفيضة استقريت عليها خلاص وكلها ايام وان شاء الله انزل احجزها لكن اللى ماخرنى انى حجيبها قسط بس مش اكتر
على فكرة انا استخرت ربنا وبردة من طول فترة الدراسة كانت عينى بتروح على كام عربية ومنهم الجراند بونتو لكن بعد الاستخارة لحد الان وانا مقتنع ومرتاح للجين بردة تحياتى

[Raul_7]

واضح إن دي أول مشاركة لحضرتك في القسم, أهلا بيك.

أحب اقولك إني كنت حابب الجين 2 جدا, بس لما جت دخلت القسم هنا وشفت الناس ومشاركاتهم... حبيتها أكتر.

وبصراحة حاولت أفكر في عربيات تانية وقرأت عنها, لكن برده شايف الجين 2 صفقة رابحة جدا.

ولو حضرتك عندك مشاكل مع الشنطة, ممكن تشوف ال Persona هي تعتبر جين 2 سيدان.

تحياتي ليك.

[M.almaghraby]

توكل علي الله و جيبها

[Abo.Mayyam]

البيرسونا هتبقى مناسبقة أكتر لحضرتك .... عشان الشنطة أوسع وال كراسى كلاسيك (عادية مش سبور زى بتاعت الجين2)

وبالنسبة للتوكيل ...كويس وفى طريقه إالى التقدم إن شاء الله

وأخيرا متنساش الإستخارة وربنا يوفقك للخير إن شاء الله

وألف ألف مبروك مقدما

[midosalah]

انا كمان استوقفتنى كلمة غبور لا غبار عليه
منتدى الهوينداى على طول يقولو يغور غبور الكلمة بقراها كتير هناك

[RedBull_30]

الجين 2 تستاهل اكتر من سعرها بس ربنا يحفظك من اهمال التوكيل بحس انه لعنة بتنزل على مالكي العربية دي التوكيل مهمل بالفطرة

[khpopo]

اولاً مبروك انضمامك لنايل موتورز ان شاء الله تفيد وتستفيد

وواضح حبك للجين تو من اسمك في المنتدى ومن حلمك بيها

ولو جيبت حاجة غيرها هتزعل وتتضايق وتتحسر

وطالما توكلت على الله فلا تتردد

+111
ربنا يوفق

[mohamedhamam]

مقدماً ألف مبروك و ربنا يديك خيرها و يكفيك شرها

[powerofhelll]

لو الشنطه عمالك مشكله ممكن تشوف البرسونا نفس الشكل بشنطه

[jisso82]

1000 مبروك مقدما و ربنا يوفقك للى فيه الخير إن شاء الله و عموما التوكيل مش أسوأ من غبور بالعكس اسأل الناس اللى اتعاملت مع الاتنين و هما هيقولولك الفرق. بصرف النظر عن عوامل الأمان و الكماليات اللى أعلى فى الجين بمراحل عن العربيتين اللى حضرتك بتتكلم عليهم ضيف على الإلنترا إن صاجها أضعف و ثباتها أقل من الجين و على الماتريكس إن شاسيهها ضعيف و استهلاك البنزين فيها تهريج و الكلام ده من أصحاب العربيتين مش اجتهاد منى و بالنسبة لجزئية عربية عائلية فممكن تجيب برسونا بدل من الجين لأنها بتدى الطابع العائلى أكتر و شنطتها ماشاء الله ما تقلش عن الالنترا و صالونها أعلى من صالون الجين فبيديك إحساس بالوسع و فى الآخر بتتمتع بنفس الديزاين الجميل و نفس عوامل الأمان و الكماليات أما بخصوص سعر إعادة البيع فطبعا هى ش هتتقارن بالالنترا أو بالماتريكس اللى هما من أحسن العربيات اللى بيعملوا سعر إعادة بيع كويس فى مصر بس ليا ملاحظتين أولا إن ماشاء الله مع انتشار الجين و البرسونا دلوقتى و انتشار قطع غيارهم بره التوكيل بدأ سعر إعادة ببيعهم يتحسن بقوة ملحوظة و مازال باستمرار و تقدر حضرتك تقارن بين أسعارها مستعملة من سنة واحدة و دلوقتى عاملة إزاى أما الملاحظة التانية فهى إن حضرتك بتتكلم فى عربية زيرو مش مستعملة يعنى بالعربى هتخسر هتخسر لو عزت تبيع ده غير إن أوبشن البيع ما ينفعش يكون أول حاجة بتفكر فيها و انت بتشترى زيرو. آسف لو كنت طولت عليك و أتمنى لك يا رب تاخد قرار سليم و عن اقتناع و تدعيلنا ما تدعيش علينا

[chinamikaneko]

get the gen 2 and u,ll never regret it beleive me i got it just tow days befor i can,t explain to u how it,s great