تيل الفرامل الامامي بالتوكيل غير اصلي

[RedBull_30]

يا جماعه انا عربيتي جين2 مو 2008 بحالة ممتازة عاملة تقريبا 44 الف ك وخرجت من الضمان لان ظروف عملي لا تسمحلي بدخولي الصيانة بشكل منتظم .. في النهاية روحت مرة اربط العفشة وكانت مفاجأة ان لقيت مهندس جديد موافق يدخلني وانا جاي متاخر ولقيته جاي وبيقولي ان الطنابير الامامية محتاجة تتخرط وطبعا كمان محتاج تيل امامي . طبعا رفضت لان عارف حالة الطنابير كويس وعارف انها بحالة ممتازة بس للاسف اشتريت من التوكيل التيل الامامي اللعين.. على فكرة مش اصلي والله لان الاصلي شركة بوش لقطع الغيار هي اللي عملاه . بعد الف كيلو من تركيب التيل خارج التوكيل ومعاناة من سماع اصوات غريبة مستمرة من الفرامل الامامية وجدت ان الطنبورة اصبحت بحالة مذرية وبعد مراجعتي لمدير توكيل الصحراوي القى عليا اللوم بان ركبت التيل خارج التوكيل مؤيدا رايه بانهم لهم طريقة معينة في تركيب التيل .. متهيئلي بيركبوه باديهم الشمال مش باليمين .. ولما سئلته ان تيل العربية الاصلي اللي نزل منها من بوش قالي اه ده ب 1300 جنيه .. صدقوني ده مش كلام سليم اللي بيقوله لان مفيش توكيل في مصر عنده نوعين من قطع الغيار للسيارة وكمان بفارق السعر ده وقالي لو عاوزه موجود عندي. يا جماعه انا محروق دمي جدا واقسم بالله لظروف شغلي ما كنت هسكت .. يا ريت لو حد عنده نفس المشكلة يعرفني حصل معاه ايه. على فكرة انا من اسكندرية وروحت مركز الصيانة التابع لعز العرب في اسكندرية وملقتش عنده التيل البوش اللي قالي عليه انه ب 1300 .. كمان انا متاكد انهم بيخرطو الطنابير اللي بحاله كويسة عشان محدش يوجع دماغهم بعد كده ويقوله التيل بهدلي الطنبورة ويبقى غطى عيب التيل من الاول بخرط الطنبورة ومحدش يعرف يشتكيه .. عاوز برضو اقول حاجة اخيرة ان صفة التيل النضيف هو بعد احتكاكه بالطنبورة بيخرج منه البودرة السودة او الهباب اللي بيبقى على الجنط من برة ده بيبقى اكبر دليل ان التيل نضيف لكن التيل بتاع التوكيل مش بيخرج منه البودرة او الهباب ده بالعكس بياكل اكل في الطنابير.. انا عربيتي خارج الضمان لكن انا اشتريت من عندهم قطعة غيار وهي تيل الفرامل وهي قطعة مش اصلية وطبعا معايا الايصال وبفكر والله من وقت للتاني ان اشتكيهم في مكتب حماية المستهلك .....

[momopersona]

انا معاك فى كل اللى بتقولو وديه تعتبر فضيحه

وفى اكتر من واحد فى المنتدى الطنابير باظت عنده فى اول 20 او 15 الف كيلو وده دليل كافى على سوء نوع التيل او الطنابير كمان
وطبعا كله بيغيره فى الضمان الله اعلم الطنابير بتتخرط ولا بتتغير
طب بعد انتهاء الضمان ان شاء الله هانغير طنابير كل 20 او مثلا 30 او حتى 40 الف كيلو ؟؟؟؟؟؟؟
وثمنها فى التوكيل فوق ال 2000 جنيه !!!

وكمان ياريتها جت على كده
ده ضمان الطنابير اصبح 30000 كم فقط مش 60000 زى باقى العربيه

ياترى فى حل للمواضيع او الفضيحه دى ؟؟؟؟؟؟

[Raul_7]

معلش هو خرط الطانابير ده بيعمل ايه ؟

[momopersona]

بيقصر عمرها وبيقلل كفاءة الفرامل
وكمان ممكن لو تم خرطها اكثر من مره انها تكسر والفرامل تسيب

[RedBull_30]

خرط الطنابير ده حل وهمي بيلجأ ليه صاحب الطنبورة المتضررة وهو انه بيشيل الطبقة المتعرجة من على سطح الطنبورة ويحاول يوصلها لانسب طبقة مستوية وده مستحيل ولو اخدت بالك هتلاقي الطنبورة وهي جديدة سطحها املس ناعم بيلمع ومن المستحيل انها تكون بالمواصفات دي بعد خرطها بالعكس بتبقى خشنة وده هيكون بعده ان اي تيل هيركب مش هياخد عمره الافتراضي الطبيعي يعني هيخلص بسرعه لانه بيحك في طبقة خشنة

[Ayman_52]

هو فعلا التيل اللى فى التوكيل مش زى اللى بينزل فى العربيه , واظن ان كل الناس عارفه الكلام دا ... والتوكيل مش قايل حاجه تانيه

من سنه ونص بالضبط ماكانش فيه اى شكوى من التيل دا ... بس من سنه تقريبا فى اتفاقيه بتمنع استخدام ماده معنيه فى التيل لانها ماده مسرطنه والتعويض عنها بماده اخرى (وهى دى اللى بتعمل المشاكل دى)

مشكلته ان نسبه النحاس فيه كبيره ودا احيانا بياثر عالطنابير وبيخليها تتأكل , والتوكيل بعت مرات عديده لبرتون ماليزيا المشكله دى , وجه وفد من هناك وشافوا المشاكل بعنيهم وخدوا عينات من الحاجات دى ... والمفروض انهم بيحسنوا فيه حاليـا

وعشان كده لما حد بيركب التيل فى التوكيل وبياثر عالطنابير بيغيروها على طول .

والتيل الغالى دا التوكيل جابوا بناءا على طلبات بعض الافراد , وهو بالفعل موجود فى فرع القاهره وشفته قبل كده

-----------------

حضرتك ليه خرجت برا الضمان ؟؟؟

[RedBull_30]

انا خرجت برة الضمان بسبب شغلي انا مضيف جوي ومش متواجد بشكل دائم واجازاتي بتبقى بحساب شديد.. انا في النهاية عاوز اقول حاجة ان اي توكيل سيارات في العالم وده اللي انا اتعودت عليه ملزم بانه يوفر قطعة الغيار الاصلية وليست البديلة الرديئة .. يا استاذ التيل اللي علبته باللون الازرق والابيض مش معروف هاويته غير انه مكتوب عليه ماليزيا كمان مدير التوكيل فرحان بان علبة التيل محكمة والتيل من جوا مغلف بكيس من البلاستيك السميك .. عارف ان الموضوع ده لو اخد شكل قانوني اسم عز العرب ده مش هنلاقيه في اي مكان يخص البروتون وهيتاخد منه وفي كتير في بلدنا بيشمشمو على الامور دي .. انا عرفت ان توكيل ميتسوبيشي مهدد بانه يتاخد منه بالرغم ان في فرق كبير في مصداقية التعامل مع السيارات .. على فكرة انا شرحت قبل كده ان في خاصية بتعرفنا بسهولة ان التيل اللي ركب اصلي ولا لا وهي بتلاقي في بلاك باودر على الجنط ويا سيدي الفاضل الجنط عندي بيفضل نضيف لفترات طويلة ومش بشوف عليه الكلام ده ولو طلعت على مركز حماية المستهلك هيدخل في الموضوع خبراء وهيبان الحق فين .. مدير التوكيل بتاع الصحراوي بيقولي ان التيل بيفضل في الجمارك مدة اسبوعين للكشف عليه وبيعتبر ان بكده اخد شهادة الجودة ومحدش يعرف يراجعه ويقوله انت اخطأت . انا ان شاء الله هفضاله عن قريب بس اتمنى ان يكون فاكرني لانه حرق دمي بالحل اللي عرضه عليا وهو ان يخرط الطنابير وهيعملي ديسكاونت على الخرط

[RedBull_30]

وعشان كده لما حد بيركب التيل فى التوكيل وبياثر عالطنابير بيغيروها على طول .

والتيل الغالى دا التوكيل جابوا بناءا على طلبات بعض الافراد , وهو بالفعل موجود فى فرع القاهره وشفته قبل كده

-----------------

حضرتك ليه خرجت برا الضمان ؟؟؟

[Ayman_52]

انا عارف ان حضرتك مضايق , ومضايق من اللى حصل

بس صدقنى التيل دا ماليزى وبروتون هى اللى باعته النوع دا للتوكيل

و التوكيل بيشتكى منه وبروتون ماليزيا هى اللى متأخره فى الحل , وبنفسى كان معانا فى المقابله بتاعتنا مدير قطع غيار بروتون ماليزيا وكان شايف شكاوى الاعضاء من التيـل

وبخصوص البلاك بودر اللى حضرتك بتتكلم عليه , مش بيظهر عندك لان زى ماقولت لحضرتك التيل دا فيه نسبه نحاس عاليه ولو حضرتك شفته هتلاقيه ناشف وهو دا اللى بيخلى البودر دا مش بينزل بكتره زى البوش

ربنا يباركلك فى جينا ويكفيك شر الطريق ويحفظهالك يارب

تحيـــــــــــــــاتــى

[momopersona]

انا ان شاء الله اول مافضى من الامتحانات ناوى اشتغلهم بردو فى كام حاجه كده حارقين دمى ومن حقى
وناوى اطلب تعويضات ماديه كبيره على بعض المشاكل اللى مابتتحلش عندى وكمان المعارف موجوده والموضوع هايمشى بسهوله جدا ان شاء الله

[RedBull_30]

استاذ ايمن ليه خبراء بروتون يجو مصر هنا ويشوفو مشاكل التيل مش هو المفروض ان التيل ده طالع من مصانعهم او مفوضين مصانع لقطع الغيار زي التيل الاصلي اللي نازلة بيه اللي من بوش .. بتاع بوش ده بقى بروتون وضعت معايير معينة لبوش عشان تصنعه او ممكن بوش نصحت بروتون بيه وفي النهاية بعد تجربة السيارة ككل ملهوش ضرر لكن العلبة الابيض وازرق دي بجد تحرق الدم.. يا اخي التوكيل ده مكان يخنق مع انه واسع وبلاحظ فيه تصنيف الناس واللي مصاحب ده عشان يمشيله اموره واللي بيجيب شاي للموظف ده واللي بيهزر مع الموظفة دي بجد مكان خنقني بتمنى بجد اي حد عنده حاله مشابه عشان ندعم بعض بس بشرط ما يكونش خرط الطنابير لانهم كتوكيل هيبطل دعوة المشتكي بان الطنبورة متضررة بالاصل بس في النهاية انا هشتكي التوكيل بانه بيبع قطعة غيار تؤثر على سلامة قائد السيارة ومن معه .. استاذ ايمن انا بتحدى ان بروتون ماليزيا متعرفش حاجة عن موضوع التيل ده وعلى فكرة الموضوع ده لو اتاخد فيه موقف بجد هتظهر حجات كتير اكبر منه معاه .. عفوا للاطاله

[Ayman_52]

لما كنت بتكلم مع م/خيرى -مدير قطع غيار فى بروتون ماليزيا- كان بيقولى ان نفس نوع التيل دا بيتصدر لبقيه الدول ومافيش منه الشكوى الجامده دى غير فى مصر

وماكانش مقتنع بالشكاوى اللى مهندس/امر بيبعتها ليهم ... عشان كده المهندس/امر طلب منهم انهم يجيوا بنفسهم يشوفوا المشاكل قدامهم

الموضوع مش تحدى , حضرتك تقدر تبعت صورة العلبه لبروتون ماليزيا وتسألهم هل دا هو التيل اللى بيبعتوه , ولا التوكيل بيضحك علينـا وبيبيع تيل مش سليم؟؟


وربنا يوفقك ويباركلك فى جينـا يارب

تحيــــــــــــــاتــى

[Tarek Gen 2]

انا عارف ان حضرتك مضايق , ومضايق من اللى حصل

بس صدقنى التيل دا ماليزى وبروتون هى اللى باعته النوع دا للتوكيل

و التوكيل بيشتكى منه وبروتون ماليزيا هى اللى متأخره فى الحل , وبنفسى كان معانا فى المقابله بتاعتنا مدير قطع غيار بروتون ماليزيا وكان شايف شكاوى الاعضاء من التيـل

وبخصوص البلاك بودر اللى حضرتك بتتكلم عليه , مش بيظهر عندك لان زى ماقولت لحضرتك التيل دا فيه نسبه نحاس عاليه ولو حضرتك شفته هتلاقيه ناشف وهو دا اللى بيخلى البودر دا مش بينزل بكتره زى البوش

ربنا يباركلك فى جينا ويكفيك شر الطريق ويحفظهالك يارب

تحيـــــــــــــــاتــى

حد يقتل الواد ايمن ده
حبيبى يا ايمووووووون

[M.almaghraby]

فعلا موضوع التيل دا محير جدا و مخليني خايف جدا و محبط......

[momopersona]

انا رأيى ان الاخطر من موضوع التيل والطنابير هو نظام الفرامل المميت ده اساسا
اللى فيه عيب واضح جدا فى الماستر العمومى وهو طول المدى او هروب الفرامل
وده عيب خطير صعب التكيف نعاه بالاخص لو بتسوق اكتر من عربيه