العفشة

[eng.m7md.ali]

السلام عليكوم
معلش ياجماعة انا بقالي كام يوم بسأل كتير بس بصراحة انا خلاص زهقت
ركزو معاية






هو ليه العفشة لما كانت العربية زيرو انعم من دلوقتي مع اني بظبط الضغط علطول 28 ورة وقدام وبقيت احس في المطبات ان التابلوه هيقع في حجري وطبعا بحس بدب وتخبيط واصوات غريبة

هل عفشة الجين 2 غير عفشة الواجا ولا الاتنين زي بعض؟؟

معلش انا اسالتي كتير بس ارجوكو استحملوني

شكرا

[msallam]

ضغط العربية المفروض أمام 31 وخلف 28
وهتلاقي الكلام ده مكتوب على الباب بتاع السائق من جوه

لكن أنا كمان عايز أعرف عفشتها زي الجين 2 ولا ايه الأخبار؟

[msafa]

هو انا سمعت ان عفشة الواجا ناشفة شوية بس مش للدرجة دي طبعا
انا سألت مهاب (استاذ واجا قديم) قاللي انها مش ناشفة جدا زي ما بيقولو رغم ان المساعدين عندو غاز

انت ظبط زوايا و ربط عفشة و فضي الكاوتش و خليه نيتروجين و ان شاء الله كل حاجة تبقى تمام

[momopersona]

عفشة الجين والواجا واحده

بوص يا سيدى بالنسبه للاصوات فانا معاك فيها ورأيى ان عفشة بروتون اداءها رياضى لكن مليئه بالعيوب
ومن الاخر كده ماستحملتش مصر

تعتبر ضعيفه نسبيا ومابتستحملش الطرق الغير ممهده نهائيا ولا دريفتات الشباب
وطبعا فيها عيوب خامات على تصميم بالاخص العفشه الاماميه
زى عيب علبة الدريكسيون اللى اتشهر باسم كارفور نويس (عيب تصميم) وزى بعض الاصوات اللى بتروح عند غسيل العفشه ب wd40 (عيب خامات)
وغير بعض الاصوات اللى بتظهر مع الاستخدام فى طرق متعجرفه

بالنسبه للخشونه ممكن تكون بسبب ان الكاوتش تااكل فامتصاصه للمطب اصبح اقل

وبالنسبه للضغط ال28 قدام المفروض كل مالضغط بيقل العفشه بتنعم يعنى المفروض كده العربيه تبئا انعم عندك من الطبيعى !!!

انا اعتقد ان الموضوع مش مرتبط بانها نعمت او خشنت
هو مرتبط بانك كنت سعيد بالعربيه وهى زيرو فحاله نفسيه خليتك ماتشوفش العيوب ومع الوقت العربيه بقت بالنسبه لك عاديه فبدأت تلاحظ العيوب.
للاسف بروتون عربية سفر وطرق سريعه ومش كويسه داخل المدينه

[eng.m7md.ali]

عفشة الجين والواجا واحده

بوص يا سيدى بالنسبه للاصوات فانا معاك فيها ورأيى ان عفشة بروتون اداءها رياضى لكن مليئه بالعيوب
ومن الاخر كده ماستحملتش مصر

تعتبر ضعيفه نسبيا ومابتستحملش الطرق الغير ممهده نهائيا ولا دريفتات الشباب
وطبعا فيها عيوب خامات على تصميم بالاخص العفشه الاماميه
زى عيب علبة الدريكسيون اللى اتشهر باسم كارفور نويس (عيب تصميم) وزى بعض الاصوات اللى بتروح عند غسيل العفشه ب wd40 (عيب خامات)
وغير بعض الاصوات اللى بتظهر مع الاستخدام فى طرق متعجرفه

بالنسبه للخشونه ممكن تكون بسبب ان الكاوتش تااكل فامتصاصه للمطب اصبح اقل

وبالنسبه للضغط ال28 قدام المفروض كل مالضغط بيقل العفشه بتنعم يعنى المفروض كده العربيه تبئا انعم عندك من الطبيعى !!!

انا اعتقد ان الموضوع مش مرتبط بانها نعمت او خشنت
هو مرتبط بانك كنت سعيد بالعربيه وهى زيرو فحاله نفسيه خليتك ماتشوفش العيوب ومع الوقت العربيه بقت بالنسبه لك عاديه فبدأت تلاحظ العيوب.
للاسف بروتون عربية سفر وطرق سريعه ومش كويسه داخل المدينه

شكرا على ردك وهي فعلا ممكن تكون الحالة النفسية هيا السبب بس خليني اجرب WD 40 وان شاء الله خير

[eng.m7md.ali]

ضغط العربية المفروض أمام 31 وخلف 28
وهتلاقي الكلام ده مكتوب على الباب بتاع السائق من جوه

لكن أنا كمان عايز أعرف عفشتها زي الجين 2 ولا ايه الأخبار؟

انا بعملو 28 علشان تبقى انعم بس للاسف تقريبا متفرقش

هو انا سمعت ان عفشة الواجا ناشفة شوية بس مش للدرجة دي طبعا
انا سألت مهاب (استاذ واجا قديم) قاللي انها مش ناشفة جدا زي ما بيقولو رغم ان المساعدين عندو غاز

انت ظبط زوايا و ربط عفشة و فضي الكاوتش و خليه نيتروجين و ان شاء الله كل حاجة تبقى تمام

انا كنت لسة عامل صيانة ال 10000 واكيد ربطو العفشة بس هجرب حوار النيتروجين وان شاء الله خير
ده انا حتة كنت ناوي اجيب جنوط 17 بس كدة انا غيرت رأيي

[momopersona]

بس خلى بالك انا خوفت اعملها عشان ال wd40 بيبوظ الجلد والكاوتش فخوفت على جلب المقصات
ممكن جربها فى السوست والمساعدين بس

[powerofhelll]

ظبط 31 قدام و 28 في الخلف

[ehab49]

الموضوع ان شوارع عين شمس مش شوارع عادية اصل ان ساكن فية والعربية معيا واجا 2007 صحيح بس مش لدرجة ان بحس بدربكة او التابلو ه هيتخلع من مكانة ..........بس جرب عربية تانية في الشوارع بتاعت عين شمس وانت هتشوف العجب اصل معي شاهين كمان شوف ان بحس لان ماشي في جبل مش شوارع والمفروض مسفلت ام بالنسبة الي لصوت الي في الجانب الشمال في الخلف علي فكرة الحل بسيط جدا حضرتك تروح لاي عفشجي وتخلية يبطن الحزام الحديد الخاص بالتنك اسفل العربية لان كان هو دة الصوت كان عند ي والحمدلله راح . واديك خلصت من صوت من الاصوات الي عندك ومش هتكلف اكتر من 10ج.

[MohabSaeed]

السلام عليكوم
معلش ياجماعة انا بقالي كام يوم بسأل كتير بس بصراحة انا خلاص زهقت
ركزو معاية


هو ليه العفشة لما كانت العربية زيرو انعم من دلوقتي مع اني بظبط الضغط علطول 28 ورة وقدام وبقيت احس في المطبات ان التابلوه هيقع في حجري وطبعا بحس بدب وتخبيط واصوات غريبة

هل عفشة الجين 2 غير عفشة الواجا ولا الاتنين زي بعض؟؟

معلش انا اسالتي كتير بس ارجوكو استحملوني

شكرا

يا باشا المنتدى معمول علاشان كلنا نفيد بعض فا أسأل براحتك

اولا عن تجربه احسن و افضل ظبط للكاوتش هو انك تظبطه على الرقم المكتوب فى قايم الباب ...و افضل طريقه لظبط الكاوتش بالمقياس الرقمى ... و ده لقيته فى محطات امارات مصر .. مش عارف بقى هل موجود فى اماكن تانيه ولا لا .

- عفشه الجين 2 " شبه " عفشه الواجا ... لكن مختلفين عن بعض .

- انا عندى الجنط 16 بوصه ... يعنى اكبر كمان من الى عندك و مع كده شايف العفشه معقوله ... يعنى بالمقارنه بعربيات تانيه ركبتها ... زى السيراتو الجديده , النيو اكسنت , انشف من الواجا بالرغم من انه الواجا كثبات و اتزان افضل .

[powerofhelll]

سبحان الله وبحمده سبحان الله العظيم

[eslamkasem]

يا باشا انا معيا الواجا 2009 نفس العيوب العفشه ناشفه واصوات علبة الدكسيون وفعلا بتحس بتزيق لزيز اوي بص نصيحة علي صوت الكاسيت خليه علي 14 وامشي وخلاص ومش هتسمع اي اصوات والله انا بعمل كدا بجد فعلا والله انا عمري محسيت اني راكب عربية زيرو اصلا منه لله الي كان السبب وخلاني افكر في الوجا الله يسمحه بقي هيييه دونيا والحمد لله علي كل حال

[mo7hamedemad]

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[emaksoud]

معقولة !!
عفشة البروتون سيئة لهذه الدرجة دا انا كنت فاكر انها من نقاط القوة فى سيارات البروتون
انا كنت بافكر فبل ان اشترى النيسان صنى انى اشترى الواجا او البرسونا والذى جعلنى اغير رايى هو خوفى من توكيل عز العرب لكن مسالة عيوب صناعة فى عفشة البروتون فهذا ما لم اكن اتخيله
رجاء من الاخوة الافاضل التوضيح هل المكتوب فى هذا الموضوع هى عيوب فردية واجهت الاخوة اصحاب الموضوع ام سمة عامة بسيارات البروتون
وشكرا

[mido_soliman]

معقولة !!
عفشة البروتون سيئة لهذه الدرجة دا انا كنت فاكر انها من نقاط القوة فى سيارات البروتون
انا كنت بافكر فبل ان اشترى النيسان صنى انى اشترى الواجا او البرسونا والذى جعلنى اغير رايى هو خوفى من توكيل عز العرب لكن مسالة عيوب صناعة فى عفشة البروتون فهذا ما لم اكن اتخيله
رجاء من الاخوة الافاضل التوضيح هل المكتوب فى هذا الموضوع هى عيوب فردية واجهت الاخوة اصحاب الموضوع ام سمة عامة بسيارات البروتون
وشكرا

اخى الكريم لا تقلق العيوب فردية ولا توجد عيوب صناعة فى سيارات بروتون وااكدلك ذلك لان معظم من يقول ان عندة عيب فى علبة الدريكسيون لم يثبت ذلك بالكشف فى التوكيل وانما هو اجتهاد منهم ليس الا اتمنالك دوام الصحة والعافية ولا تصدق كل ما يقال احيانا كثيرة الحالة النفسية السيئة التى يكون عليها مالك السيارة ايا كانت من عيب حدث بها او موقف ما من الممكن جدا ان يجعلة ثائرا او غاضبا او رد فعلة يكون مبالغ فية عن الواقع تحياتى