إحذروا التعامل مع النادي جروب

[privilege]

إخواني بالمنتدي
السلام عليكم ،،،

أقدم لكم نصيحة وعلى مسئوليتى الكاملة
إحذروا التعامل من محل إسمه
((( النادي جروب )))
لإستيراد قطع الغيار الكوري والياباني
عنوانه : 19 شارع يوسف صبري ابو طالب _ متفرع من شارع جمال عبدالناصر
مدينة الحرفيين - السلام

صاحب المحل يدعي : الحاج شريف

هذا المحل يبيع قطع غيار معدومة الصلاحية وصاحبه يعلم ذلك وبينصب على الزبائن

انا شخصيا أحد ضحاياه
لذلك أحببت أنبه جميع الأعضاء بالمنتدي حتي لا يكونوا من ضمن ضحاياه

[Tarek Gen 2]

ربنا يعوض عليك
وجزاك الله خيرا

[RedBull_30]

طب ده محل بسيط.. تعمل ايه بقى في التوكيل اللي عنده قطع غيار رديئة و تؤثر على سلامة الناس.. المكسب السريع بدون الاخذ في الاعتبار سلامة الناس والحفاظ على اموال الاخرين بقى هدف لناس كتير في بلدنا

[msafa]

طبعا انا بحترم رأيك بس يا ريت تحكيلنا ايه اللي حصل عشان نحكم

[A. Ibrahim]

شكرا لنقل التجربه و لكن انا لما بشتري حاجه مستعمله ببقي عامل حسابي علي انه 50% الحاجه هتترمي لانها مستعمله و شكلاها لا يدل ابدا علي تشغلها

ولكن ربنا يعوض عليك

[kojo2010]

يا ريت تحكلنا ايه اللى حصل علشان نعمل حسبنا و احنا بنشترى من الحرفيين عموما

[د.محمود صلاح]

ماذا حدث ,, ممكن تفاصيل أكثر

[powerofhelll]

شكرا بارك الله فيك

[yaseenmohamed]

شكرا لحضرتك ...بس يا ريت شويه توضيح

[أبومعاذ]

هو كان في واحد زميل معانا هنا أخد من عنده جنوط مستعملة ومشتكاش منهم ياريت توضح شوية سبب الشكوى

[ahmed_h_g]

ياريت السبب ضرورى

[MohabSaeed]

إخواني بالمنتدي
السلام عليكم ،،،

أقدم لكم نصيحة وعلى مسئوليتى الكاملة
إحذروا التعامل من محل إسمه
((( النادي جروب )))
لإستيراد قطع الغيار الكوري والياباني
عنوانه : 19 شارع يوسف صبري ابو طالب _ متفرع من شارع جمال عبدالناصر
مدينة الحرفيين - السلام

صاحب المحل يدعي : الحاج شريف

هذا المحل يبيع قطع غيار معدومة الصلاحية وصاحبه يعلم ذلك وبينصب على الزبائن

انا شخصيا أحد ضحاياه
لذلك أحببت أنبه جميع الأعضاء بالمنتدي حتي لا يكونوا من ضمن ضحاياه

طيب ممكن نعرف ايه قطعه الغيار الى حضرتك اشتريتها و معدومة الصلاحيه ؟

طب ده محل بسيط.. تعمل ايه بقى في التوكيل اللي عنده قطع غيار رديئة و تؤثر على سلامة الناس.. المكسب السريع بدون الاخذ في الاعتبار سلامة الناس والحفاظ على اموال الاخرين بقى هدف لناس كتير في بلدنا

يا باشا انا رديت عليك فى الموضوع الاساسى http://www.nilemotors.net/Nile/151344-a-2.html بخصوص التيل و اكدتك ان واحد صاحبى جايب نفس التيل الى فى التوكيل ده من ماليزيا ... من مركز قطع غيار بروتون الاصليه .

طبعا ده مايمنعش ان التيل نوعيته ناشفه ... لكن مش بيهدد السلامه باى شكل من الاشكال غير انى مركبه فى عربيتى و ماشى بيه 18 الف كيلو .

شكرا لنقل التجربه و لكن انا لما بشتري حاجه مستعمله ببقي عامل حسابي علي انه 50% الحاجه هتترمي لانها مستعمله و شكلاها لا يدل ابدا علي تشغلها

ولكن ربنا يعوض عليك

احمد باشا كلام مظبوط 100 % ...

فى اى عربيه قطع الغيار الاستيراد الاستهلاكيه زى العفشه و الفرامل .... مستحيل تتجاب استيراد , لانها بتكون منتهيه من قبل ماتركب .

الموتور و الفتيس ... بيبقى انتا و حظك ولازم تكشف عليهم كويس و بضمان تجربه .

فوانيس و صاج و اكصدامات مافهش اى مشكله و لو فيهم عيب بيبقى ظاهر .

[Ahmed Samy]

اعتقد من الواجب ان حضرتك تذكر سبب هجومك على المحل

و الا هايكون مجرد هجوم لأي سبب لا نعلمه ...ولن يكون مقنعا

[privilege]

إخواني بالمنتدي ...
السلام عليكم ،،،
بداية أشكركم على تواصلكم ، ومروركم الكريم
بعض التفاصيل عن ماحدث معى ، كالتالى
أنا عندى المساعد اليمين ضرب زيت ، فسافرت إلى القاهرة طبعا علشان فى بلدى مفيش قطع غيار لا جديد ولا إستيراد
فملقتش مساعدين جديد خالص فى جميع المحلات التى تتعامل فى قطع غيار الجين 2
وكانت الإجابة إل سمعتها فى نفس اليوم والتى تكررت حوالى 30 مرة تقريبا ( لسة آخر قطعة طالعة )
والكل أجمع على نفس السعر الجوز الأمامى جديد ( 890 جنيه )
ففى واحد قالى طب روح أطلع على الحرفيين إلحقهم قبل ما يقفلوا ممكن تلاقى هناك جديد بس قليل ، وهناك أكيد فى إستيراد
فمكذبتش خبر وطلعت على الحرفيين كانت حوالى الساعة 6.30 م كنت بالحرفيين بعد عذاب بلف من الساعة 10.30 ص
دورت على الجديد ملقتش
فقلت اشوف الإستيراد وانا بداخلى رافض الفكرة بس مضطر
لاقيت كثير بس المساعد لا يباع لوحده يباع بالبطاحة وبالسوستة الجوز بـ 1300 جنيه
قلت اجيبهم وأخلص كانت الساعة بقت حوالى 9.30 م وانا لسه هركب وهسافر لبلدى ( المنيا بالصعيد )
أنا ركبت المساعدين ومسكت الدائرى ولقيت الصوت زي ما كان فى الأول قلت أركن وأنزل أشوف في إيه لاقيت الإثنين ضاربين زيت
فرجعت تاتا تاتا لغاية الراجل إل اشتريت منه وبقوله حصل معاى كذا وكذا فراح قالى بتوعى طلع راجل جدع جدا ورجعلى الفلوس
فبقوله طب أنا محتاج دلوقتى مساعد يمين قلى الإثنين إل أنا أديتهم ليك آخر إتنين
شوف فى محلات تانى هتلاقى فيهم

فمن التعب قلت كده أتعامل فى حاجة ساقعة وكام قطعة بسكوت أصل مبحبش أكل المطاعم إل شكلها غريب
المهم لاقيت نفسى قدام محل صاحبنا إل إدانى مقلب مية مية
بطلب منه المساعدين فراح قلى انا عندى طقم على بعضة ( الأربعة ) عفشة إنما إيه رياضية بتاعة الجين 2 بس مية مية

مكذبتش خبر قلتلة بكام قلى بـ 4000 ج عملت نفسى مفتح وقلت أفاصل معاه المهم من هنا إلى هنا بقت 3900 جنيه
ركبتهم على طول مستنتش أدى لنفسى حتى فرصة أفكر أو أتصل حتى على المهندس إل أنا بتعامل معاه
وقلت لنفسى يا واد ده عربيتك هتبقى أحسن عربية جين 2 فى مصر

بصراحة وصلت بيهم لغاية المنيا وأنا طول الطريق بقنع نفسى أن العربية مية مية
لغاية اول مطب فى بلدى ولقيت العربية بتحك قلت علشان العفشة الرياضية خلت العربية أوطى من الأول
قلت هخلى بالى بعد كده من المطبات

ثانى يوم لقيت السوست بتزييق قلت لأ أنا اطلع على المهندس أشوف ايه الحكاية لاقيت الطقم كله بيجيب زيت
بتصل على الراجل صاحبنا إل سكنى مقلب مية مية راح قلى بالنص ما دام الحاجة طلعت خارج المحل أنا مش مسئول عنها

يعنى انا مكملتش حتى أربع وعشرين ساعة بخلاف إنى جبت شوية طلبات تانية منه لعربية أخرى وكلهم ملهمش لازمة تماما

آدى إل حصل والله على ما أقول شهيد

[privilege]

وأحب أضيف توضيح

انا لست من قاطعى الأرزاق ، ولست ممن يحبون الهجوم على الآخرين
وتحذيرى السابق ليس لقطع التعامل مع أحد البائعين ولكن تحذير فى حالة الشراء منه ... بمعنى إل بده يشترى منه ياخد باله أكثر وخاصة فى حالة إذا كان مضطر

يعنى حتى مبدأى فى الحياة
(( صل من قطعك ، واعط من حرمك ، وأعف عن من ظلمك ))

ولكنى لا أحب الغشاشين لأن الغشاش ينطبق عليه الحديث الشريف (( من غشنا فليس منا ))


___________
اللون الأحمر مخصص للمشاركات الإدارية
برجاء مراجعة القواعد
مشرف عام.3