إحذروا التعامل مع النادي جروب

[msafa]

اولا فداك اي فلوس و محدش كان يقصد حاجة في حقك احنا بس عاوزين تفاصيل

بس بجد حرام اللي حصل ده يعني تخسر 2000 جنيه ن الهوا..

طب ليه مروحتش التوكيل طالما انت ممكن تدفع مبلغ زي ده

[د.محمود صلاح]

حضرتك كنت ذهبت للتوكيل أفضل ...

[أبومعاذ]

رايي متسكتش على حقك وتاخد اتنين تلاتة من اصحابك وتروحله تاخد منه فلوسك

[MohabSaeed]

شكرا لحضرتك على التوضيح .

بالطريقه ديه يبقى انسان معدوم الضمير فعلا و اشكرك على تحذيرك.

بس اسمحلى اعتب عليك ... تمن المساعد الواحد الاصلى فى التوكيل 580 جنيه " امامى " ... يعنى الاتنين ب 1200 جنيه + ان معاه ضمان .

عموما كلنا ياما اتعلمنا و بنتعلم و لعل و عسى الموضوع يكون تحذير للناس انها ماتقعش فى نفس الفخ .

فى حاجه زى كده دايما اسأل على قطع الغيار فى التوكيل و شوف سعرها كام و قارن بسعرها بره .... لان من خلال اكتر من تجربه سعات التجار عموما و تجار الاستيراد خصوصا بيفتكرو علاشان العربيه مش منتشره اوى انهم ماسكين السوق و بيقولو ارقام خرافيه فى قطع الغيار على اساس انها عندهم بس .... و ساعات بيقنعوك ان الى فى التوكيل مضروب ... طبعا كلام بياعين اهبل .

* نقطه مهمه جدا للجميع.... تحت اى ظرف محدش تشترى اى قطع غيار للعفشه استيراد علبه دركسيون , مقصات ,مساعدين ,.... ثق بنسبه 90 % انها بايظه و بترمى فلوسك فى الارض .... الكلام ده لاى نوع عربيه .

[elassar2010]

ربنا يعوض عليك

[homos99]

جزاك الله كل خير