موضوع جديد عن الكنترول يونت والحساسات

[ramyar]

هنتكلم مع بعض عن وحده التحكم في عربياتا
الي خلانا اختار الموضوع ده انه شيق جدا كمان صادف صديقي مشكله في عربيته الجين2 وتم تغير اليونت باخري
الكنترول يونت عباره عن عقل مدبر بيدير شئون السياره المختله
وهو عباره عن كارتات الكترونيه معقده وبيكون مكانها في سيارات بروتون داخل مقصوره القياده وطبعا لازم اقول مقصوره لان عربياتنا تعتبر من السيارات الفارهه نظرا لما تتمتع بيه من رفاهيه وامكانيات وتكنولوجيا المهم مكان اليونت اسفل منتصف التابلوه وخلف وحده تحكم التكيف تعالوا نشوف مكانها بي الصور










كده بعد ما عرفنا مكان اليونتياريت المره الجايه نبص عليه ونسلم عليه بس من بعيد لبعيد

نيجي بقي لتركيبه الداخلي بيتكون من ram . rom prom .eprom
ram معناها read only memory يعني عليها البيانات بيتم قرائتها فقكط ولا يمكن تعديلها
rom معناها random memory ودي ذاكره عشوائيه بمعني ان البيانات الي عليها متغيره
prom معناها programablr read only memory ودي قابله للبرمجه ولاكن مره واحده يعني بيتم ادخال البيانات عليها مره واحده وايضا دي الوحده الي عليها بيانات الاتشك ولمبه الاتشك ولو باظت بيتم تغير الكنترول ككل
eprom معناها earsable programable memory
ودي يمكن برمجتها اكسر من مره لاكن بشرط مسح البيانات الاوليه اولا لان مساحتها بتكون 16 بايت

كده خصنا الكنترول يونت
نيجي للمهم
تعالوا نشوف استرتيجه عمل الوحده والاجهزه الملحقه و منظومه اتخاذ القرارات وتسلسل السلطه
هنشوف الصور الاول


طبعا الصوره موضحه البيانات الوارده للكنترول والبيانات الخارجه منه



الصوره مبسطه جدا بتبين نقل المعلومات من الحساس الي اليونت ومن اليونت الي وسائل التحكم المختلفه والي هنا هيا الرشاش



طبعا الصوره مش محتاجه شرح
من الحساسات الي اليونت ومن اليونت الي الخانق الي هوا بوابه دخوا الهواء الي الموتور








الصوره توضح تسلسل السلطه

كده خلصنا
تعالوا نشوف ايه موضوع الحساسات
نبتدي بحساس درجه الحراراه هشرح طريقه شغله مع اليونت وبعد كده نفس الطريقه مع باقي الحساسات
الحساس بيكون راكب في وش السلندر ووظيفته قياس درجه الحراراه وارسال الاشاره للكنترول
يعني نلاحظ اول ما بندور العربيه لاول مره في اليوم بنلاقي ان الار بي ام رافع علي 1100 لفه وده لان الحساس بيستعر درجه حراراه مياه التبريد والي لازم ترتفع درجه حرارتها لدرجه التشغيل الامن الموصي بها فيقوم الحساس بارسال البانات للكنترول ويقوله الحق المياه بارده والموتور بارد يرد الكنترول ويقول ماتقلقش يامعلم هظبطلك الدنيا فبيقوه الكنترول بفتح الخانق قليلا وزياده نسبه البنزين المحقون للمساعهد في رفعدرجه الحراره
ولو لاحظنا ان بمجرد تشغيل العربيه بيرتفع درجه الحراراه تدريجيا وبطريقه ملحوطه وبتقل الار بي ام تدريجيا الي ان تصل درجه الحراراه الي 85 درجه مئويه ودي درجه الحراراه المثلي فهنلاقي ان الار بي ام نزلت ال 900 لفه
كده خلصنا
نيجي بيق للحساسات التانيه
حساس الشكمان وده مكانه في فرن الشكمان اول ما نفتح الكبوت هنشوفه وادي صورته




وده وظيفته تحسس نسبه غازات العادم وقياس نسبه ذرات البنزيت الغير تامه الاحتراق وارسال الاشاره للكنترول وهنا الكنترول بيقوم بتحليل البيانات المرسله اليه ومطابقتها بي البيانات المخذنه عليه واتخاذ القرار اما بتقليل او بزياده فتحه الرشاش بما يتناسب مع البيانات وذلك للاستفاده من كميه البنزين واكتمال الحريق داخل الموتور


حساس الكرنك
وعندنا في بروتون الحساس ده مكانه تحت العربيه تعالوا نشوف مكانه





وده وظيفته ارسال اشاره للكنترول بعدد لفات عمود الكرنك عشان علي ضوء عدد لفات الكرنك والكامه بيقوم الكنترول بظبط ميعاد ارسال الشراراه للبوجيهات

حساس الكامه

وده مكانه في وش السلندر تحت الفبره الي في الموتور تعالوا نشوف مكانه


حساس التكيف وده بيحس بدرجه حراراه الفريون وايضا مرتبط معاه درجه حراراه مياه التبريد وعند بدايه تشغيل التكيف بيتم طغط الفريون داخل الكباس والي بدوره بيرفع درجه حراراه الفريون وايضا بيزيد الحمل علي الموتور هنا الاشارات ترسل الي الكنترول وبدوره بيثبت عدد لقات الموتور يعني يخلي الموتور يقدر علي معالجه انخفاض القدره اثناء زياده الحمل وايضا بيقوه بتشغيل المروحه الثانيه الموجوده علي الردياتير وذلك للحفاظ علي درجه حرارا الموتور ضمن الحدود الموصي بهل وللاسف مش عارف مكنه عشان كده مقدرتش اصوره


حساس الاكسجين وده مكانه في مانفولد الهواء وده بيقيس كثافه الهواء ونسبه بخار الماء وايضاء نسبه احتواء الهواء علي الاكسجين وبيعاير الكنترول نسبه البنزين التي سيتم حقنها علي ضوء كميه الاكسجين وذلك للحد من استهلاك البنزين والاستفاده القصوي من الطاقه المتولده من الاحتراق
تعالوا نشوف الاخ ده مكانه فين




حساس عدد لفات الموتور طبعا ده مختلف عن الحساس بتاع الكرنك لاكن في نفس المكتان لاكن من فوق يعني لو فتحنا الكبوت وبصينا عليه هنلاقيه راكب بجوار الفتيس وللعلم الفتيس الاوتوماتك ليه حساس عدد لفات الموتور وايضا ليه كنترول يونت مخصوص بيه عشان عمليات الكيك داون هنتكلم عليه وعن مكانه بعد ما يرد عليا صديقي الماليزي
المهم وظيفه الحساس الخاص بي الار بي ام
تشغيل عداد الار بي ام وايضا ارسال اشارات تتطابق معع قراءات حساس الكرنك
تعالوا نشوفه



حساس التسقيف
وده الي بيرسل الاشارات للكنترول عند الضغط بصوره تسارعيه علي دواسه البنزين وهنا بيقوه الكنترول بتعديل توقيت الشراره وتوقيت الرشاشات بما يتناسب مع السرعه المطلوبه وفي الحاله دي بيكون الاشارات من حساس الكرنك والكامه وحساس الاكسجين وايضا حساس الصفح
لان لو اخدنا بالنا هنلاقي اننا في بروتون عند بدايه الحرق علي العربيه بنسمع تسقيفه خفيفه وبتختفب فب تانيه نتيجه معالجه الكنترول يونت للوضع

طيب تعالوا نشوف الكنترول يونت بيتحكم في ايه
اولا الرشاشات


الصوره بتوضه مجموعه الرشاشات علي الانفولد وطبعا للي مايعرفش هيا رشاش لكل سلندر




الصوره توضح كميه النزين المحقونه والتي تختلف باختلاف السرعه

نيجي للجزي الاهم الي الكنترول يونت بيتحكم فيه وهوا الخانق او البوابه بي البلدي
ودي عندنا في بروتون بتشتغل بي الكهرباء
ومكانها لو بصينا عليه هنلاقيه في اخر فلتر الهواء عباره عن وحده بتشتغل علي فرق الامبير المتولد من دواسه البنزين والني ايضا بتشتغل كهرباء

[ramyar]

صور البوابه



كده خلصت الموضوع اي استفسار انا تحت امركم ومستني رايك يا معلم يا ......؟؟

[BlackBerry]

بارك الله فيك...موضوع حلو, والاحلى انك بتعرفنا على دهاليز السياره...استمر

ملاحظه صغيره بخصوص الرام والروم, يبدوا انك قمت بعكسهم بالخطأ.

تحياتي لك

[mido_soliman]

موضوع هايل ونتمنى المذيد من التفوق والابداع بس عندى رجاء معلش ياريت تجمع مواضيعك كلها فى موضوع واحد وان شاء الله حيتثبت لما له من فائدة كبيرة لان مواضيعك كدة بتضيع والمجهود دة حرام بصراحة

[ghabbour]

مجهود كبير مشكور علية و فائدة كبيرة للجميع

[aapaap855]

10000000000000000000000

[mo7hamedemad]

مشكوووووور والله يعطيك الف عافيه

[aboalm]

هايل اكتر من رائع و نرجو المزيد إن أمكن

[mohaelbadry130]

هــــــــــــــــــــايـــــــــــــــــــــــــــ ــــل

[Raul_7]

تسلم ايدك, إنت 100 100 واللهِ ومواضيعك تمام.

[elmadawy]

بصراحه مجهود رائع تشكر عليه

[Mohamed.Kader]

السلام عليكم
الله ينور يا هندزة شرح متوقع من دكتور ذيك ومجهود تشكر عليه

[ahmed_h_g]

الله ينور عليك يا أستاذ رامى
ياريت تكمل الموضوع يا باشا الواحد أول ما أبتدى يندمج لقيت الموضوع خلص
تحياتى .

[ahmed_h_g]

أبعت رساله للأدراه أطلب فيه تبديل كلمة ram & rom مع الأحتفاظ بباقى الجمله كما هى
مش مشكله غلطه بسيطه لكن الباقى تماااااام

[midosalah]

ramy tol 3omrak brince