عايز رايكوا موضوع عجيب في الجين 2 اتحكالي

[techno]

في واحد مش صحبي قوي و مش عارف نظامة ايه هوه واحد صاحي صاحبي بقول انوا كان معاه جين2 لمده 3 شهور و كان ماشي علي 40 او 60 و نزل في حفرة في الطريق او بلاعة المهم بيقول ان المقص اليمين و الكبالن و الكوتش و الجنط ادمروا و الجنظ اتكسر علشان المونيوم مش حديد نفسي اعرف ده صح و لا غلط بس انا مش مقتنع ارجوا الافاده من اهل الخبرة و صحيح قال كمان ان فرده الكوتش و الجنط في عز العرب عاملين 1900 جنيه و انوا عمل الكلام ده كلوا في التوكيل ب 8000 او 9000 جنية و ان العربيه زبالة و كماليات زبالة و حاجات كده ارجوا الافاده و اسف للتطويل عليكوا

[casper1500]

مش عارف و الله , بس اعتقد ان العربية من ناحية الصلابة كويسة اوى و الله اعلم
بردة يا ريت حد يفدنى في الموضوع ده كنت سايق من كام يوم و لقيت جين تو قدامى الشكمان بتاعها عمال يسقط جامد و عامل خط طول الطريق وراه هو ماشي يا ريت حد يعرفنى ده ايه لانى فعلا ناوى اشتريها لكن مقلق من الكلام دة

[techno]

و انا برضه مقلق و عايز اجبها

[tutankhamoun]

بسم الله
العربية مع واحد صاحبي بقاله أكثر من 65 ألف كيلو و بقالها معاه سنتين و مفيش أي مشاكل غير بعض المشاكل البسيطة جدا الللي بتظهر في أي عربية تانية
يعني مثلا راح غير سلك فرامل اليد بعد 30 ألف ...... الحمالة بتاعة الزجاج كانت ضعيفة برضه راح غيرها في التوكيل داخل الضمان ....
و بعدين أنا شايف حاجة مهمة جدا
معظم اللي راكبين الجين 2 شباب .......... و ما أدراك ما الشباب ؟؟؟ سواقة طبعا زي الزفت و فاكرين نفسهم على حلبة فورميلولا وان
المهم المقصود من كلامي هات أي عربية راكبها شباب و شغالة 100 % زي واحد هادئ في سواقته !!!!!!
عايز بقى أضيف حاجة مهمة جدا
الجين 2 من ناحية الصلابة ......... تحدث بلا حرج ........ من اﻵن إلى العام القادم
العفشة بتاعتها ما شاء الله جميلة و متزنة جدا مع وجود نعومة تجعلك لا تشعر بالمطبات
فرامل تقول نعم دائما بمجرد النداء عليها و بأداء عالي كأنها الجني الخاص بمصباح علاء الدين و تقول شبيك لبيك سيارتك وقفت بين أيديك :D
الجين 2 بتتباع في انجلترا و استراليا .......... هل تظن أن هذه الدول بتهزر عندما يتعلق الأمر بالأمان ؟؟؟؟
-----------------------
عيب مهم للجين 2
تشترك الجين 2 في عيب مهم مع أي عربية 1600 سم مكعب
و هو استهلاك البنزين العالي داخل الميدنة .............. أما على الطرق السريعة فلا تشعر إلا بقوة السيارة الجبار و استهلاك عادي جدا للبنزين
------------------------
يبقى نصيحة
قيادة كثير داخل محبوبتنا القاهرة الكبرى ذات الشوارع الفارغة من السيارات و السائقين الصبورين جدا و المؤدبين جدا ..... بلاش أي عربية 1600

أما لو السيارة للسفر دائما أو استخدام على الدائري أغلب الوقت يبقى ماشي هات 1600
--------------------
و صدقني موضوع البنزين ده مهم جدا و أنا متغاظ جدا إن الجين 2 منزلش منها في مصر 1300 مع أنهم منزلين نسخة في انجلترا ذات محرك 1300
-----------------
نرجع للموضوع ( أنا شكلي قايم على الصبح و بقول يا رغي ) سامحوني يا جماعة
صلابة السيارة ليس عليها أي كلام و لو كلامي عن موضوع البنزين غير مؤثر مع حضراتكم يبقى أتكلوا على المولى عز و جل و هاتو الجين 2 تحفة العصر الحديث في رأيي :)

[Moh]

لو حد يعرف أي عربيه ممكن تعدي على بلاعــة مفتوحة وتتطلع سليمة ... ياريت يقولي

[grandh135]

انت بتقول السسيارة وقعت فى حفرة .....كويس انها طلعت بالخسائر دى ..الامر يتوقف على عمق الحفرو وهل حواف الحفرة حادة ام مائلة وكذلك سرعة السيارة وقتها ..انت بتتكلم على حادث مش اداء طبيعى للسيارة...لاتنزعج من مثل هذه الاخبار

[eng_mkhalaf]

لو حد يعرف أي عربيه ممكن تعدي على بلاعــة مفتوحة وتتطلع سليمة ... ياريت يقولي

هامر وتوكل على الله :-)

تشترك الجين 2 في عيب مهم مع أي عربية 1600 سم مكعب
و هو استهلاك البنزين العالي داخل الميدنة .............. أما على الطرق السريعة فلا تشعر إلا بقوة السيارة الجبار و استهلاك عادي جدا للبنزين

مهمة قوى النقطة دية وأنا بعانى منها طحن فى عربيتى الجديدة - القديمة كانت 1400 وكانت موفرة خالص لكن دية بلاعة

الجين 2 بتتباع في انجلترا و استراليا .......... هل تظن أن هذه الدول بتهزر عندما يتعلق الأمر بالأمان ؟؟؟؟

+100000

[TAG_Turbo0]

بس يا عم تيكنو صاحب صاحبك ده ممكن يكون وقع قلا بلاعة أو حفرة كبيره شوية
فطبيعى ان الكلام الى بتأوله ده حصل بس ده طبيعى وممكن يحصل فى أى عربية تانيه مش عيب فى الجين تو
العربيه جميله جدا وجامده جدا وأحسن من حجات كتير جداً

[mohamed el hussien]

طبعا ان مش حاضيف حاجة
اكتر من الاخوة قالوها

بس انا عامل 50 الف بالعربية وبقالها اكتر من سنة ونصف
وانا مستلم العربية دي اول دفعة
وعمر ما حصل معايا الكلام دة

وطبعا الموضوع كلة يتوقف علي الحفرة اللي لبسها

[fahd_628]

اكيييد يا جماعة اى عربية ممكن يحصل فيها كدة دة شكلة لبس فى بلاعة محترمة غطاها مسروق كالعادة و اى عربية لو كانت وقعت فيها كان حيحصل كدة

[techno]

انا يا جماعة ناوي اجيب جين2 إن شاء الله السنة الجاية العربية داخلة دماغي و محششة فيها :) و مش عايزة تتطلع انا عاينت عربيات كتير بس مفيش غيرها في دماغي انا عايز حاجة بسعر معقول و امكانيات حلوة خصوصا انها لما تيجي هتاخد مشاوير عسل من القاهرة ل6 اكتوبر كل يوم غير سفريات و كده اصلي هخطب السنة الجاية عقبالكم جميعا و انتوا اكيد عارفين توضيب الشقة و الحاجة اللي بتتعبا في العربية علشان الشقة فهل هيا حمالة قاسية يا شباب و لا ايه اخبارها ارجوا الافاده و معلش استحملوني شوية عريس جديد بقي :) اسف للاطالة

[أبومعاذ]

انا اعرف واحد دخل في بلاعة بعربية بونتو و التوكيل قاله تتكلف من 8-10 الاف ج

[mohamed el hussien]

توكل علي الله
وهات الجين

هي من ناحية الاستخمال بتستحمل اووي
(حمالة قاسية )

[ams]

لو حد يعرف أي عربيه ممكن تعدي على بلاعــة مفتوحة وتتطلع سليمة ... ياريت يقولي

بيجو 305 موديل 80 العجلة الامامية اليسرى وقعت فى بلاعه بس كنا ماشيين على 5 كم\ساعه حاجة كده . ولاد الحلال شالو العربيه من عند العجله ومشينا عادى و محصلش حاجه للعفشه او للعجله

[tmz9111]

اكيييد يا جماعة اى عربية ممكن يحصل فيها كدة دة شكلة لبس فى بلاعة محترمة غطاها مسروق كالعادة و اى عربية لو كانت وقعت فيها كان حيحصل كدة

100+++++++++++++++