ويرا كامبرو

[TAG_Turbo0]

أزيكو يا شباب
والله ليكو وحشة
بس معلش الشغل فى الامارات مش مخلي الواحد يعرف ياخد فنسة

نيجي باه لموضوعنا
انتو طبعا عارفين اني معايا ويرا 1.3 موديل 2004
العربية تعتبر جديده مكملتش 30 ألف كيلو متر مبتتركبش تأريبا انا مسافر وبابا شغله أدام البيت
المشكله بأه ان الواحد لما جه الامارات وساق العربيات الكبيره هيتعب أوي فى 1300
انا كنت عايز أعرف ايه امكانية اني اسقط موتور الجين تو فى الويرا هل ينفع ولا لأ؟
لو مينفعش هل موتور الواجا القديم يمشي؟
وهيكلف كام الحوار ده؟
وممكن يتعمل فين؟
بس كده

وربنا يسهل وأعرف أدخل المنتدي اليومين الجايين دول انا فاضي الى حد ما
انا مفتقد المنتدي جدا وبأيت حاسس اني غريب فيه
بسم الله ما شاء الله المنتدي كبر أوي
ربنا يزيد ويبارك

[TAG_Turbo0]

ايه يا شباب محدش فكر يعمل الحوار ده أبل كده ولا محدش عارف
على العموم انا مش نازل مصر أبل شهر تسعه
يارب حد يرد أبل ما أنزل أجازه

:)

[TAG_Turbo0]

يا ريت حد من الرجاله يقولى بس الموضوع ده هيكلف كام تأريبا وفى حد ميكانيكي كويس فاهم فى البروتون
لأنه من الواضح ان الموضوع متعملش أبل كده وانا مش عايز أخاطر وأبوظ العربية
انا ابيعها زى ماتجيب كده وخلاص واجيب حاجه جديده تكون شديده شويه

[eng.m7md.ali]

يا ريت حد من الرجاله يقولى بس الموضوع ده هيكلف كام تأريبا وفى حد ميكانيكي كويس فاهم فى البروتون
لأنه من الواضح ان الموضوع متعملش أبل كده وانا مش عايز أخاطر وأبوظ العربية
انا ابيعها زى ماتجيب كده وخلاص واجيب حاجه جديده تكون شديده شويه

حمد الله على السلامة
انت ممكن تشوف موتور ميتسوبيشي ميفيك او تنزل الحرفيين هتلاقي انصاص جين 2

[memo_p910]

ما ينفعش نهائيا والا هاتضطر انك تغير في قواعد الموتور ووصلات الفتيس وشوية لعب في الكهربه وده حرام مادام عربيتك نظيفه ولم تستهلك كثيرا وأقرب موتور ليها هوا ماتور ميتسوبيشي المايفيك ده اقرب حل ليها بس ماشفتش حد ركبه على ويرا قبل كده

عموما لو فكرت تبيع قولي وربنا يوفقك للصالح

[momopersona]

طب ماتسقط موتور ويرا 1500
موتورك 74 حصان انما موتور ال 1500 90 حصان
اكيد هاتحس بفرق وهايبئا سهل جدا تركيبه لانه نفس القواعد وكله

وبردو موتور الواجا بينزل فيها فى بعض البلاد وهايبئا حكايه عليها لانه عزمه عالى اوى على ار بى ام واطى وهايبئا على عربيه خفيفه روعه
بس اسأل فنى فى دى الاول لانى مش متأكد

[TAG_Turbo0]

أولا متشكر أوي يا رجاله على الاهتمام

حمد الله على السلامة
انت ممكن تشوف موتور ميتسوبيشي ميفيك او تنزل الحرفيين هتلاقي انصاص جين 2

ما ينفعش نهائيا والا هاتضطر انك تغير في قواعد الموتور ووصلات الفتيس وشوية لعب في الكهربه وده حرام مادام عربيتك نظيفه ولم تستهلك كثيرا وأقرب موتور ليها هوا ماتور ميتسوبيشي المايفيك ده اقرب حل ليها بس ماشفتش حد ركبه على ويرا قبل كده

عموما لو فكرت تبيع قولي وربنا يوفقك للصالح

موضوع موتور متسوبيشي ده صعب علشان القانون الجديد مينفعش يركب غير موتور من نفس الشركه المصنعه للسياره يعني لازم موتور بروتون
ولو فكرت ابيع هقولك أكيد يا ميمو على رأى المثل الجار أولى بالشفعه

طب ماتسقط موتور ويرا 1500
موتورك 74 حصان انما موتور ال 1500 90 حصان
اكيد هاتحس بفرق وهايبئا سهل جدا تركيبه لانه نفس القواعد وكله

وبردو موتور الواجا بينزل فيها فى بعض البلاد وهايبئا حكايه عليها لانه عزمه عالى اوى على ار بى ام واطى وهايبئا على عربيه خفيفه روعه
بس اسأل فنى فى دى الاول لانى مش متأكد

مش حاسس انه هيكون فى فرأ كبير بين 1500 و 1300
وهو الحل ممكن يكون فى موتور الواجا او اني اشترى حاجه عاليه وخلاص على العموم شكرا مره تانيه يا رجاله ولما احدد ميعاد النزول ممكن اخلى حد من أصحابي يسأل فى الحرفيين هل موتور الواجا يركب على الويرا ولا لأ