غسيل وتشحيم

[Eng. Rafy Samy]

صباح الخير يا شباب
كنت عاوز رأيكم وخبرتكم ونصيحتكم في موضوع غسل حوض الموتور وعسل الموتور وتشحيم الموتور.
1- فين افضل مكان محترفين في اسكندرية
2- ايه الممنوعات والاحتياطات
3- هل في مواد معينة تستخدم لغسل الموتور وتشحيمة - وهل هي متوفرة في البنزينة ولا لازم اشترها من برة
4- ما هي خطوات الغسيل والتشحيم بالترتيب
5- في حالة حصل اي حاجة غلط لاقدر الله ايه الخطوات المتبعة لتصحيحها وتفادي اي خسائر كبيرة

تقبلوا تحياتي وفائق احترامي

[eng.m7md.ali]

متابـــــــــــــــــــــــــــــــــع

[afr80]

السلام عليكم ورحمة الله وبركاته
شوف يا باشا على حد علمي ان العربيات الجديدة مبتتغسلش فى البنزينة بالطريقة العادية (الماء و الجاز) و ده بسبب و جود الحاساسات و الشرائح الإكترونية، علشان كدا بينضفوها بالهواء، بس انت ممكن تروح تسأل فى محطة esso اللى فى سموحة اما المركز الطبي، انا كنت شوفت عتدهم خدمة تنظيف كميائي و لمما سألت قالي ان تنظيف الموتور و تلميعه بـ50 جنيه، و انت ممكن تعدي و تسأل برده، مع تحياتيز

[tamermagdi]

السلام عليكم ورحمة الله وبركاته
التشحيم يا باشا فى العربيات القديمة خالص الحديث مفيهوش تشحيم إلا لو انا غلطان. و التشحيم كان للعفشه مش للموتور

الغسيل بلاش ميه خالص فى العربيات الجديثة. زمان فى العربيات القديمة كانت المشكله فى الإسبراتير يجيله مايه وكان اخره معاك بتفكه وتنشفه ويرجع زى الفل. إنما دلوقتى لو الميه لمست اى جزء إليكترونى و الا إنت و الا الكهربائى هيعرف المشكله فين أصلاً وهتدخل نفسك فى متاهات.
إنت يا عم تنضف العربية بالهواء فى البنزينه أو لو عندك بلاور حلو وتلبس الشورت اللطيف وتحط عربيتك تحت البلكونه ومعاك كام قماشه وفرشه وتديها حملة نظافه بمزاج و تستمتع. وربنا يكفيك شر التراب ويكفيك شر حاجه تبوظ من الميه فى التنظيف :)

[Eng. Rafy Samy]

السلام عليكم ورحمة الله وبركاته
شوف يا باشا على حد علمي ان العربيات الجديدة مبتتغسلش فى البنزينة بالطريقة العادية (الماء و الجاز) و ده بسبب و جود الحاساسات و الشرائح الإكترونية، علشان كدا بينضفوها بالهواء، بس انت ممكن تروح تسأل فى محطة esso اللى فى سموحة اما المركز الطبي، انا كنت شوفت عتدهم خدمة تنظيف كميائي و لمما سألت قالي ان تنظيف الموتور و تلميعه بـ50 جنيه، و انت ممكن تعدي و تسأل برده، مع تحياتيز

أ/ afr80 الف شكر على ردك واهتمامك
بالنسبة للغسيل الكيماوي هل ليه اي اضرار على الخراطيم او البلاستيك ... بصراحة انا ساعات بقلق من الاختراعات المصرية الغريبة ... من كام يوم واحد جاري كان بيقولي انه غسل الموتور باصابون السائل فقط من غير مياه وبقى بيلمع وبينصحني اجربة.. طبعاُ انا مستحيل اعمل كده.. فكنت عاوز اعرف رأي الخبراء في الموضوع ده
على العموم انا حروح واسال واشوف ايه النظام في esso وربنا يسهل
تقبل تحياتي

السلام عليكم ورحمة الله وبركاته
التشحيم يا باشا فى العربيات القديمة خالص الحديث مفيهوش تشحيم إلا لو انا غلطان. و التشحيم كان للعفشه مش للموتور

الغسيل بلاش ميه خالص فى العربيات الجديثة. زمان فى العربيات القديمة كانت المشكله فى الإسبراتير يجيله مايه وكان اخره معاك بتفكه وتنشفه ويرجع زى الفل. إنما دلوقتى لو الميه لمست اى جزء إليكترونى و الا إنت و الا الكهربائى هيعرف المشكله فين أصلاً وهتدخل نفسك فى متاهات.
إنت يا عم تنضف العربية بالهواء فى البنزينه أو لو عندك بلاور حلو وتلبس الشورت اللطيف وتحط عربيتك تحت البلكونه ومعاك كام قماشه وفرشه وتديها حملة نظافه بمزاج و تستمتع. وربنا يكفيك شر التراب ويكفيك شر حاجه تبوظ من الميه فى التنظيف :)

سيبك انت اهم حاجة الشورت اللطيييف ...
على فكرة انا فعلاً بعمل كده - اضرب الشورت وازازة بيبسي دايت - والمكنسية بالكهرباء - ومنظف المفروشات - وملمع الطابلوه - وجيركن مياه علشان الدواسات - وجلانس علشان الزجاج من جوة وانزل على العربية كأني بحميها لحد لما بتبرق ولا كأنها جديدة وبلاقي 70% من الجيران بيتفرجوا عليا من البلاكونات
بس انا عاوز انظف الحوض والموتور كمان لاني من يوم ما اشتريتها وانا عمري ما جيت جمب المنطقة دي - عاوز اقولك ان شحم المصنع لسه موجود في حوض الموتور.. وانت عارف المثل اللي بيقول " من برة هلا هالا ومن جوة........."

تقبل تحياتي

[tamermagdi]

وبلاقي 70% من الجيران بيتفرجوا عليا من البلاكونات :y_hi_3[1]:

دول بيحسدوك والله
فيه بيت شعر للإمام الشافعى بيقول " ما حك جلدك مثل ظفرك فتول أنت جميع أمرك"
:)

[mo7hamedemad]

انا شايف ان غسيل الماتور يفضل يكون كل 10000 ك ويكون الغسيل فى التوكيل
ولو انت عايز تغسل برة كان فى مغسلة عارض علية استاذ كريم منير فى
شباب مجتهد يا ريت نساعدهم في مشرعهم غسيل سيارت
وبالتوفيق

[powerofhelll]

في الفوم بتاع الموتور
جيبه و شورت حلو و عيش حياتك بلاش ماء خالص

[tamermagdi]

في الفوم بتاع الموتور
جيبه و شورت حلو و عيش حياتك بلاش ماء خالص

أيه الفوم بتاع الموتور ده و بيتجاب منين؟

[Egypt200x]

أ/ afr80 الف شكر على ردك واهتمامك
بالنسبة للغسيل الكيماوي هل ليه اي اضرار على الخراطيم او البلاستيك ... بصراحة انا ساعات بقلق من الاختراعات المصرية الغريبة ... من كام يوم واحد جاري كان بيقولي انه غسل الموتور باصابون السائل فقط من غير مياه وبقى بيلمع وبينصحني اجربة.. طبعاُ انا مستحيل اعمل كده.. فكنت عاوز اعرف رأي الخبراء في الموضوع ده
على العموم انا حروح واسال واشوف ايه النظام في esso وربنا يسهل
تقبل تحياتي



سيبك انت اهم حاجة الشورت اللطيييف ... :m_yes[1]:
على فكرة انا فعلاً بعمل كده - اضرب الشورت وازازة بيبسي دايت - والمكنسية بالكهرباء - ومنظف المفروشات - وملمع الطابلوه - وجيركن مياه علشان الدواسات - وجلانس علشان الزجاج من جوة وانزل على العربية كأني بحميها لحد لما بتبرق ولا كأنها جديدة وبلاقي 70% من الجيران بيتفرجوا عليا من البلاكونات :y_hi_3[1]:
بس انا عاوز انظف الحوض والموتور كمان لاني من يوم ما اشتريتها وانا عمري ما جيت جمب المنطقة دي - عاوز اقولك ان شحم المصنع لسه موجود في حوض الموتور.. وانت عارف المثل اللي بيقول " من برة هلا هالا ومن جوة........." :u_thin1[1]:

تقبل تحياتي

موضوع جميل قوي وألف شكر على المعلومات الحلوه دي

[afr80]

أيه الفوم بتاع الموتور ده و بيتجاب منين؟

انت تاخد بعضك و تروح كارفور و تدخل على قسم السيارات فى الهايبر، هتلاقى هناك فوم لتلميع الموتور و واحد تاني للكاوتش و فى كمان واكس و مزيل خرابيش و حجات كتير قوي انت روح وبص، و لو جبت فوم المتور متنساش تنضفو بالهواء قبل الاستخدام. و يا رب اكون افدتك، مع تحياتي

[M.almaghraby]

غسيل الموتور بالمية والصابون عادي جدا فمواتير البروتون بس اعملها كل 3 شهور و خلاص....

[tamermagdi]

انت تاخد بعضك و تروح كارفور و تدخل على قسم السيارات فى الهايبر، هتلاقى هناك فوم لتلميع الموتور و واحد تاني للكاوتش و فى كمان واكس و مزيل خرابيش و حجات كتير قوي انت روح وبص، و لو جبت فوم المتور متنساش تنضفو بالهواء قبل الاستخدام. و يا رب اكون افدتك، مع تحياتي

شاكرين يا فندم على المعلومات القيمه دى :)