صفارة بعد تغيير التيل

[eng.m7md.ali]

السلام عليكم
يلجماعة انا عندي صوت صفارة طول ما انا ماشي والصوت بيعلى كل ما السرعة تزيد وانا لسة مغير التيل الامامي
تفتكرو يكون من ايه؟

[powerofhelll]

التيل لسه بيطبع

[r2tarek]

السلام عليكم
يلجماعة انا عندي صوت صفارة طول ما انا ماشي والصوت بيعلى كل ما السرعة تزيد وانا لسة مغير التيل الامامي
تفتكرو يكون من ايه؟

وعليكم السلام

فى شى فى كلامك مش واضح ( الصفره بتطلع لما بتدوس فرامل و لا شغال على طول من غير فرامل) ؟

أولا بتطلع لما بدوس فرامل فقط ده شى عادى مفيش خوف منه الفرامل بطبع وبتروح بعد فتره

ثانيا بتطلع على طول دى مشكله كبيره لازم تروح تكشف على الفرامل بسرعه لان ده نتيجه احتكاك بين التيل

والطنابير وده ممكن يعمل مشكله كبيره فى الطنابير


وأن شاء الله كل حاجه ترجع زى الاول

[zkralla]

ممكن كمان يكون التيل عاوز يتنضف (يكون دخل فيه ميه مش نضيفه من الارض مثلا ) ما بتخدش اكتر من ربع ساعه
طبعا ده لو الصفاره ما ظهرتش بعد تغيير التيل مباشرتا يعنى لازم تكون مشيت شويه

[eng.m7md.ali]

متشكر للردود يا جماهة
الصفارة بتطلع طول ما انا ماشي من غير ما ادوس فرامل وبتزيد لو كنت عامل مشوار كبير لكن لو ممشيتش كتير بالعربية يبقى مفيش صوت ظاهر

[eng.m7md.ali]

ايه يا بروتوناوية ياجمدين مفيش حد عايز يفدني ليه؟

[r2tarek]

متشكر للردود يا جماهة
الصفارة بتطلع طول ما انا ماشي من غير ما ادوس فرامل وبتزيد لو كنت عامل مشوار كبير لكن لو ممشيتش كتير بالعربية يبقى مفيش صوت ظاهر

أيه نوع التيل المستخدم ؟

[eng.m7md.ali]

أيه نوع التيل المستخدم ؟

اسف على التاخير
التيل نوعة ريمسا الاسباني وانا غيرت امامي بس

[fer3on]

انا كان عندى نفس المشكله التيل الى فى التوكيل مش اصلى انا جبت تيل تانى بعديها ب اسبوع من محل فى شارع دمشق فى مصر الجديد اسمو المدينه انا جربت الى ب 190 طلع صوط غريب بعد شهر و الى ب 130 شغال تمام جرب و انشاء الله هتدعيلى

[eng.m7md.ali]

للاسف الصوت طلع صوت بلية العجلة الشمال قدام وبصراحة مش عارف اعمل ايه وايه السبب انها تبوظ ونمش عارف هل تتغير في الضمان ولا لا