موزع ساجا بروتون

[mahmoud_n_z]

تمام ياريس على البركه
بس ليه شحنات جديدة هو كان قايلى انه عنده غير اللى انا حجزتها عنده اتوماتيك فضى وحمراه فضى ولا انت عايز لون تانى

بص يا سيدي العملية وما فيها اني شوفت عنده عربيه اوتوسيلفر وحيده عنده
بس حسيت ان العربيه كذا واحد جربها قبلي
ولمحت صامولة مرميه في أرضية العربية مش عارف إذا كانت مفكوكة منها ولا لأ
القصد اني قولت اخليني في السليم واستني الدفعة اللي جاية احسن ولا ايه ؟

[vsaga]

اه لا تمام مدام ده هايخليك مطمن وممكن تستنى وتشوف الدفعه الجديدة امتى وربنا يحفظنا من شر الطرق

[mahmoud_n_z]

اه لا تمام مدام ده هايخليك مطمن وممكن تستنى وتشوف الدفعه الجديدة امتى وربنا يحفظنا من شر الطرق

السلام عليكم

أستاذ سامح رد عليا امبارح وقالي ان فيه دفعة جديدة نازلة علي يوم 7/10 وهتكون فيها معظم الألوان
فإن شاء الله يومين وهروحلو علشان ادفع عربون للعربية.

انت رحت دفعت عربون ولا لسة ؟ و العربون ده بيبقي حوالي كام يعني ؟ خمسة كويس؟

[vsaga]

معلش ياباشا انا لسة انا مخدتش بالى غير دلوقتى
انا الحمد لله استلمت اول امبارح من عند سامح ورخصت وكله تمام الحمد لله ماعدا بس ان صحيت الصبح لاقيت واحد وخدها بشلة كده فى الشنطة يالا خير
العربون انا اديته الف
بس وانت بتستلم خد معاك ناس عشان تعمل اتشيك على كل حاجة قبل ما تطلع وتتأكد من رقم الموتور ورقم الشاسيه قبل ماتطلع ومبروك مقدما

[mahmoud_n_z]

ألف ألف مبروك يا ريس وربنا يحرسهالك من ولاد ال--- حلال

معلش الخربوش ده علشان يخزي العين والحسد

والله انا مش عارف اروح للمعرض لحد دلوقتي علشان كنت مسافر في شغل ولسة راجع إمبارح

عامة ربنا يسهل واحاول اروحله قبل 7/10 إن شاء الله

وربنا يستر عند الأستلام ميكنش فيه عيوب مخفية

علي فكرة ... الترخيص كلفك كام كدة؟؟

[vsaga]

صلاة استخارة واتكل على لله
ولازم سواء هاتشترى من اى مكان تاخد معاك جاهابزه السيارات يعنى خودلك كده تلاتة اربعه صحابك معاك بيفهموا كويس جدا فى العربيات عشان يشيكوا على كل حاجة والموتور ويشوفوا العفشة والدهان وتبقى مطمن انا عملت كده لان انا مليش فى العربيات خالص واول عربية ليا هى دى
بالنسبة للترخيص كله على بعضه وطبعا بالرش عشان تخلص وتنجز عشان بتلاقى طوابير كله كلفنى حوالى 1300 تلات سنين
خد معاك 1500 احطياتى
وعلى البركة والف مبروك مقدما وربنا يحفظنا من شر الطرق
نصيحة اخيرة لو معاك تكمل وتجبها اتوماتيك هاتها لان الصراحة السواقة فى مصر بتجيب الشلل فالاتوماتيك هايرحك كتير

[mahmoud_n_z]

ألف شكر علي النصيحة

وعامة انا ناوي من الأول اجيب اوتوماتيك لأني زهقت فعلا من السواقة القطاعي بتاعة شوارعنا
وربنا يسهل بإذن الله وتكون كويسة حسب ظني فيها