Tweet
السلام عليكم ورحمة الله و بركاته علي أحلي أصدقاء..
بداية لا تتضايقوا لو طولت عليكم, أنا معايا ال جين 2 موديل 2008 وعاملة دلوقتي 38600 كم ودايما بعمل الصيانات الدورية فب توكيل الصحراوي وآخر صيانة كانت 30000 وكان زيت توتال 5000 كم يعني أنا كنت متأخر حولي 3600 كم عن معاد الصيانة , أنا بحكلكم بالتفصيل الممل علشان الإستفادة
وانا ماشي بالعربية الصبح رايح شغلي في أمان الله من الرماية إلي المعادي عن طريق الدائري فجأة لاقيت العربية بطلت مني وأنا متعود دايما أكون مشغل التكييف , رحت مدي فلاش لأني كنت في نص الطريق وفضلت مروحة التكييف شغالة حوالي 10 دقايق لحد ما المؤشر رجع تاني للطبيعي قبل ال90 بشرطة , طبعا ما صدقأت رحت مدور العربية علشان أوسع الطريق وركنت علي جنب لأن كمان الحرارة والمؤشر ارتفع لل130 درجة,
أتصلت علي طول بالتوكيل وكلمتني الم/ داليا وقولتلها دي حالة طارئة لازم آجي التوكيل النهاردة بس لازم في ونش يجي علشان يشيل العربية , اليم ده كان الأربعاء , سبت العربية راكنة عند السلام الدولي ورحت الشغل وفضلت وراهم لحد ما الراجل بتاع الونش كلمني و كانت الساعة 10 بالليل روحتله علي طول وحمل العربية وراح بيها التوكيل, يم الخميس كلمني الم / محمد عبد الهادي مشكورا وهو شخصية محترمة جدا وقاللي يا فندم إحنا هنشيك علي العربية وهتلبعك بالأخبار وده طبعا بعد ما حكتله اللي حصل بالضبط
روحتلهم التوكيل يو م السبت وقابلت الم/ محمد وقالي كان الردياتير مخنوق ودورة التبريد مش شغالة وكمان الردياتير كان بينقط , المهم هما غيروا الردياتير وخرطوا وش السليندر وعملت كمان صيانة ال 40000 كم
الحقيقة كل التكلفة كانت عليهم بالونش والله لأنها طبعا في الضمان وكانت مشكلة فنية
الم/ محمد قالي إحنا جربناها والعربية زي الفل , طبعا الصيانة ب 1200 جنيه ال 40000 كم وغيرت فلتر التكييف ب 186 جنيه , و العربية الحمد لله دلوأتي زي الفل , كل الشكر للم/ محمد عبد الهادي و الم/ داليا
أنا طبعا كنت زعلان جدا لأن العربية معايا من سنتين ودي أول مشكلة تحصل و الحمد لله علي كل حال
لكن حاليا العربية بتوصل للمعدل الطبيعي للسخونة في أقل من 5 دقائق مع إنها كانت الأول قبل المشكلة بتوصل في أكتر من 10 دقائق معرفش بقي دا كدا طبيعي ولا إيه
أنا آسف جدا جدا إني طولت بس حبيت أنقل التجربة
ونصحتي في الآخر لأصدقائي إن محدش يتأخر عن معاد صيانته الدورية أبدا.
بداية لا تتضايقوا لو طولت عليكم, أنا معايا ال جين 2 موديل 2008 وعاملة دلوقتي 38600 كم ودايما بعمل الصيانات الدورية فب توكيل الصحراوي وآخر صيانة كانت 30000 وكان زيت توتال 5000 كم يعني أنا كنت متأخر حولي 3600 كم عن معاد الصيانة , أنا بحكلكم بالتفصيل الممل علشان الإستفادة
وانا ماشي بالعربية الصبح رايح شغلي في أمان الله من الرماية إلي المعادي عن طريق الدائري فجأة لاقيت العربية بطلت مني وأنا متعود دايما أكون مشغل التكييف , رحت مدي فلاش لأني كنت في نص الطريق وفضلت مروحة التكييف شغالة حوالي 10 دقايق لحد ما المؤشر رجع تاني للطبيعي قبل ال90 بشرطة , طبعا ما صدقأت رحت مدور العربية علشان أوسع الطريق وركنت علي جنب لأن كمان الحرارة والمؤشر ارتفع لل130 درجة,
أتصلت علي طول بالتوكيل وكلمتني الم/ داليا وقولتلها دي حالة طارئة لازم آجي التوكيل النهاردة بس لازم في ونش يجي علشان يشيل العربية , اليم ده كان الأربعاء , سبت العربية راكنة عند السلام الدولي ورحت الشغل وفضلت وراهم لحد ما الراجل بتاع الونش كلمني و كانت الساعة 10 بالليل روحتله علي طول وحمل العربية وراح بيها التوكيل, يم الخميس كلمني الم / محمد عبد الهادي مشكورا وهو شخصية محترمة جدا وقاللي يا فندم إحنا هنشيك علي العربية وهتلبعك بالأخبار وده طبعا بعد ما حكتله اللي حصل بالضبط
روحتلهم التوكيل يو م السبت وقابلت الم/ محمد وقالي كان الردياتير مخنوق ودورة التبريد مش شغالة وكمان الردياتير كان بينقط , المهم هما غيروا الردياتير وخرطوا وش السليندر وعملت كمان صيانة ال 40000 كم
الحقيقة كل التكلفة كانت عليهم بالونش والله لأنها طبعا في الضمان وكانت مشكلة فنية
الم/ محمد قالي إحنا جربناها والعربية زي الفل , طبعا الصيانة ب 1200 جنيه ال 40000 كم وغيرت فلتر التكييف ب 186 جنيه , و العربية الحمد لله دلوأتي زي الفل , كل الشكر للم/ محمد عبد الهادي و الم/ داليا
أنا طبعا كنت زعلان جدا لأن العربية معايا من سنتين ودي أول مشكلة تحصل و الحمد لله علي كل حال
لكن حاليا العربية بتوصل للمعدل الطبيعي للسخونة في أقل من 5 دقائق مع إنها كانت الأول قبل المشكلة بتوصل في أكتر من 10 دقائق معرفش بقي دا كدا طبيعي ولا إيه
أنا آسف جدا جدا إني طولت بس حبيت أنقل التجربة
ونصحتي في الآخر لأصدقائي إن محدش يتأخر عن معاد صيانته الدورية أبدا.
Comment