سؤال: هلى الفيميه او العازل الحراري يتعارض مع السخان الخلفي

[msafa]

ازيكم يا شباب

كنت عايز اعرف هو الفيميه او العازل الحراري بيعمل مشكلة مع سخان الزجاج الخلفي
انا بروح اسكندرية كتير يوم صد رد و السخان مهم جدا لأني برجع بالليل


يا ري الناي اللي عاملاه تقولنا




والف شكر مقدما

[2faster]

معلش

بس السخان ده معمول عشان بلاد بره الدنيا بتبقي تلج فبيستخدم

لازاحة الثلج من ع الازاز


لكن في مصر ملوش اي استخدام


واستني ردود باقي الاعضاء

[ahmed_h_g]

تصدق سؤال جميل
أنا مستنى الرد .

[hobaz]

انا كنت عايز اسأل في النقطة ده برده.....
في انتظار الردود....

[msafa]

معلش

بس السخان ده معمول عشان بلاد بره الدنيا بتبقي تلج فبيستخدم

لازاحة الثلج من ع الازاز


لكن في مصر ملوش اي استخدام


واستني ردود باقي الاعضاء

هقوللك حاجة
روح اسكندرية في وقت مش صيف و اقف شوية عل كوبري ستانلي، او روح كارفور بالليل هتلاقي العربية كلها بالازاز كلها مش مندي هو غرقان مية و مهما تمسح هييجي تاني و السخان افضل حل، و الازاز الامامي بشغل النكيف و اخليه يطلع الهوا من فتحة قدام الازاز و تشغله سخن هتلاقي الندى راح

انا ان شاء الله احتمال اركب فيميه خفيف او عازل حراري فعاوز اعرف هل السخان ممكن يسيحه ولا لأ

بس كده

[msafa]

تصدق سؤال جميل
أنا مستنى الرد .

ابو حمببببد
صورتك دي اللي في التوقيع، كده شكلي هقولك يا باشمهندس

انت على فكرة نسيتني في موضوع كتالوج الويرا

[ahmed_h_g]

ابو حمببببد
صورتك دي اللي في التوقيع، كده شكلي هقولك يا باشمهندس

انت على فكرة نسيتني في موضوع كتالوج الويرا

هههههههه
معلش أنا مش ناسيك ولا حاجه والله يا أستاذ محمد
هدورلك عليه تانى

[msafa]

هههههههه
معلش أنا مش ناسيك ولا حاجه والله يا أستاذ محمد
هدورلك عليه تانى

اتا على فكرة بنكشك بس عشان ليك وحشة

يا شباب، الموضوع الاساسي عن الفيميه
محدش ينسى

[r2tarek]

[QUOTE=msafa;3872806851]ازيكم يا شباب

كنت عايز اعرف هو الفيميه او العازل الحراري بيعمل مشكلة مع سخان الزجاج الخلفي
انا بروح اسكندرية كتير يوم صد رد و السخان مهم جدا لأني برجع بالليل


يا ري الناي اللي عاملاه تقولنا




والف شكر مقدما [/QUOT

تركيب الفاميه على سخان الزجاج الخلفى مشكله كبير لان درجه الحراره الناتجه هتخلى السخان يلزق فى الفاميه وبتالى لما تجى تشيل الفاميه فى اى وقت هيطلع السخان معاه لانهم هيكون جزء واحد وانا لاحظت الموضوع ده فى عربيات كتير وحل الموضوع ده انك تركب الفاميه من الخارج على الزجاج الخلفى وعلى فكره كل الشركات المتخصصه فى الفاميه بتعمل كده بتركب الفاميه الخلفى من الخارج علشان السخان

وشكرا

[ahmed_h_g]

أنسوا يا جماعه محدش يكتب تعليق أو مشاركه بخصوص الفاميه
هههههههههه
على فكره أنا عامل فاميه فى اللوح الخلفى غير قابل للخدش درجة 01 ومفكرتش فى الموضوع ده خالص وخايف أجرب يبوظ
مستنى الرد ومحدش يرد

[msafa]

تركيب الفاميه على سخان الزجاج الخلفى مشكله كبير لان درجه الحراره الناتجه هتخلى السخان يلزق فى الفاميه وبتالى لما تجى تشيل الفاميه فى اى وقت هيطلع السخان معاه لانهم هيكون جزء واحد وانا لاحظت الموضوع ده فى عربيات كتير وحل الموضوع ده انك تركب الفاميه من الخارج على الزجاج الخلفى وعلى فكره كل الشركات المتخصصه فى الفاميه بتعمل كده بتركب الفاميه الخلفى من الخارج علشان السخان

وشكرا

اولا تيجي ان شاء الله بالف سلامة

بجد الف شكر على التوضيح وان شاء الله هركب العازل من برة.
انا فعلا لقيت واحد حصل معاه الموضوع ده، تخيل بدور في جوجل لقيته وداني على نايل موتورز
عشان احنا بس منتدى جامد بالناس المحترمين اللي فيه و الله

http://www.nilemotors.net/Nile/14727-a.html

ده الموضوع اللي لقيته عن حد لما شال الفيميه و ركبه السخان باظ، يبقى كده ي حلين:

اننا منشلش الفيميه او العازل الحراري
اننا نركبه من برة



Case Closed

[أبومعاذ]

اللي بيحصل إن أثناء تركيب أو خلع الفيميه اللي بيركبه بيبقى شغال بكتر وهو دا اللي ممكن يبوظ السخان الخلفي (إن يحصل قطع في السلوك) لكن غير كدا معتقدش في تعارض

[msafa]

اللي بيحصل إن أثناء تركيب أو خلع الفيميه اللي بيركبه بيبقى شغال بكتر وهو دا اللي ممكن يبوظ السخان الخلفي (إن يحصل قطع في السلوك) لكن غير كدا معتقدش في تعارض

الف شكر لمرورك الكريم