أشترى دلوقتى ولا أستنى

[hanykd]

السلام عليكم ورحمة الله وبركاته

أولا :-
احب أحييكم على التعاون الملحوظ فى منتدى البروتون هنا

ثانيا:-

أنا كنت ناوى أشترى جين تو اليومين دول, بس بعض الأصدقاء قالولى إستنى شويه لما 2011 تنزل, ربما يكون فى تغيرات أو تعديلات

السؤال دلوقتى هل فى حد عنده معلومات إذا كان موديل 2011 حيكون فى تعديل أو فيس ليفت أو أى شىء من هذا النوع؟؟؟

ياريت اللى عنده أى معلومات يفيدنى بيها نظرا لأن الفلوس بالفعل بدأت فى التطاير كالعادة

بارك الله فيكم

أخوكم فى الله هانى

[ramyar]

استني ايمن وهوا يفيدك

[hanykd]

استني ايمن وهوا يفيدك

السلام عليكم ورحمة الله

ألف شكر على الرد
وفى إنتظار الأخ أيمن

[Raul_7]

أنا كنت محتار زيك, بس صلّيت استخارة وجبت 2010, الفكرة كلها إن أيمن قال في موضوع تاني إنهم في ماليزيا لسة مانزلوش الموديل الجديد بدركسيون شمال, لسة يمين بس, وغالبا مش هينْزل عندنا السنة الجاية, غالبا ممكن يبقى السنة اللي بعدها.

زي بالضبط ال facelift الحالي, حصل في 2008 ونزل عندنا ابتداء من 2009.

تحياتي.

[RedBull_30]

الصبر جميل .. وباذن الله لو صبرت كام شهر مش هتيجي عليك لحظة تشعر فيها انك تسرعت وده في الاخر بيرجع لمدى احتياجك للعربية نفسها في الوقت الحالي.. انا اشتريت عربيتي في شهر 8 2008 وبعد شهور بسيطة نزلت ال 2009 وكانت فيها كل المواصفات اللي كنت بتمناها زي ال mp3 وكمان امكانية فتح الشنطة من المفتاح والاسبويلر ده غير ان الكشافات الامامية معتمة .. بس انا يعتبر ما استعجلتش لاني كنت محتاج العربية اوي في الوقت ده

[hanykd]

السلام عليكم ورحمة الله

هو فعلا أنا مش مستعجل على الشراء
عشان كدة كنت بسأل أشترى ولا استنى

وفعلا اللى خايف منه إن العربية ينزل فيها اى تعديل فى 2011
وساعتها أبقى كاره العربية الللى معايا

أخوك فى الله هانى

[Tayer]

لو مش مستعجع أستنى لأول السنه و شوف الدنيا فيها أيه
لو مستعجل أشترى ولا تتردد

[ayman_83]

انا نفس حكايتك بالظبط بس انا مستني اشوف 2011 ممكن يكون في تغير لانه 2009 زي 2010 بالظبط باكيد هيكون في تغير ومش هنخسر حاجه لما نستني ولو نزلت هي هي يبقئ نجيب 2010 عادي ساعتها مش هنندم