فيه حاجة غربية......!!!!

[tamer_aj]

السلام عليكم و رحمة الله وبركاته.

إخواني الأعزاء مالكي بروتون, خصوصا الوحوش منهم أرجو الإفادة (الفاتين يمتنعون),

عندي حاجة مش مظبوطة في العربية حاسس إن سحبها مش مظبوط وبعدين بقت بتسقف علي طول في الحركة من الثبات....!!!!!

كنت معتقد إن ده من تأثير الثرموستات اللي كانت متشالة, لكن بردو بعد ما ركبت العربية مش مظبوطة,

ولما قولتلهم في التوكيل علي موضوع التسقيف وأنا خارج من التوكيل يوم الأحد بعد ماركبت الثرموستات, تفاجأت إن المهندس قال للفني عالي الدبرياج...!!!!!!

لكن طبعا ده أي بطيخ, ورجعته تاني لما روحت,

فأرجو من إخواني وحوش بروتون يفيدوني ده ممكن يكون من إيه (بنزين سئ- بوجيهات- ولا إيه بالظبط)

علما بأن العربية عاملة دلوقتي 12500 كم,

ولكم جزيل الشكر.

[ramyar]

بنزين سئ شوف العربيه فيها بنزين قد ايه وافتكر اخر مره حطيت بنزين امتي والموضوع ده ظهر معاك امتي

[DR_EMAD]

حدث معي نفس الموقف من قبل .. وكان بسبب بنزين سئ من محطة بنزين سيئة
وانتهت المشكلة بعد أن استخدمت بنزين جيد في المرات التالية

[A. Ibrahim]

حدث معي نفس الموقف من قبل .. وكان بسبب بنزين سئ من محطة بنزين سيئة
وانتهت المشكلة بعد أن استخدمت بنزين جيد في المرات التالية

و ده الاساس جرب كده كمان ال 95 و شوف الدنيه ايه و يا ريت مع مشوار 80 - 100 كم سفر

[ahmed_h_g]

بنزين مضروب

[tamer_aj]

أولا, ربنا يكرمكم علي الردود,

الموضوع بصراحة بدأ من أسبوعين تقريبا أو شهر كنت فولت من إمارات داندي مول...!!!! وكانت مفاجأة ليا لآني كنت مقتنع إنها بنزينة جيدة جدا, لكن للآسف اللي حصل,

وإستنيت لما فضي التنك تقريبا, لحد لما لمبة البنزين نورت, وبعدين رجعت للبنزينة اللي أنا مدعود عليها, وهي موبيل الخليفة المأمون,

وفولت بعدها كذا مرة ولكن المشكلة لسة قائمة,

فهل ممكن يكون بردو بنزين موبيل فيه مشكلة؟!!!!!!

وعلي فكرة أنا طالع بالعربية مرسي مطروح إن شاء الله يوم الخميس, فا لو فيه أي نصايح ياريت تقولولي.

وأعمل إيه عشان أعرف سبب المشكلة.

[momopersona]

عندى نفس المشكله و جربت بنزين 95 ومافيش فايده

اعتقد ممكن تكون فلتر البنزين اتسد وعايز يتغير او الكهرباء عايزه تتظبط
هاعمل صيانه واقولك ايه اللى حصل ان شاء الله

[dodo1812]

انا برضو عندى نفس المشكلة وحسيت بدة فى عربيتى رغم انها جديدة اشتريتها اخر مارس 2010 وهى بيرسونا مو 2009 وبرضو مش عارف ممكن يكون اية السبب يا ريت لو حد وصل لحاجة يقولى واكون شاكر جدا مع العلم انى فى مرسى مطروح وعلى طول بحط بنزين 92 من بنزينات مختلفة.

[midosalah]

ايه ده انا ملاحظ ان فى كذا حد عنده نفس المشكلة

[abdoumahros]

ان شاء الله الموضوع بسيط

عاده سبب المشكله دي بيكون البنزين او دايره الحقن نفسها ولكن الافضل انك تكشف علي العربيه بجهاز كشف الاعطال وهوا هايحدد العيب فين وعموما مدام دي مشكله لسه جديده تبقا موش عيب اساسي في العربيه
وده معناه انه ليه ان شاء الله حل

[أبومعاذ]

ممكن اللي عنده المشكلة دي يجرب يحط منظف رشاشات ويحط معاه بنزين 92 من بنزينة نضيفة زي توتال أو أمارات مصر ويجرب ويقولنا

[powerofhelll]

ممكن يكون البنزين فيه ماء استني شويه كده و فول تاني و جرب

[ahmedgalwash]

عندي نفس المشكلة و ان شاء الله أجرب منظف الرشاشات و البنزين و ارد عليك مع العلم ان العربيه لسه 1600 كم