لهواة تغير فوانيس الــ Gen2

[Mohamed.Kader]

السلام عليكم
أنبارح كنت في زيارة لمحل أولاد علام بشتري شوية حجات كانت (زرار إزاز الباب الخلفي=70 جنية) وكمان سألت على شوية حجات من باب العلم بالشئ
*بلية شداد سير كاتينة=250 جنية
*سير الكاتينة = 150 جنية
*تيل فرامل نوع جديد أسمة (هاي تيك)=100 جنية كوري
*بلية العجل الأمامي(الموجودة حول الكوبلن داخل سرة العجلة) = قالي لازم تتفك لانها بتختلف من عربية لعربية (بس أنا مظنش) المهم سعرها هيكون عادي والحمد لله في حدود 70:80 جنية لأنا عادية جدا لها رقم وبتجيبوا من أي حد بتاع قطع غيار برقمها من غير ما تذكر كلمة السر (بروتون أو جين 2)
*طبة الوسائد الهوائية الموجودة فالطارة اللي تحتها الكلاكس كانت عندي من الدوس على الكلاكس بدأت تتقطع بس عرفت أنها ما بتتغيرش غي مع الوسائد الهوائية ربنا مايقدرش ودي أكيد هتبقى غالية بس كام معرفش
*طقم مساعدين أمامي 1200 جنية كوري
*طقم العوازل اللي حوالين الأزاز فالباب من جوة مع الــ (Side Panel) والتانية اللي فوش الباب من فوق مع الأزاز
ودي بقى الغريبة (إستيراد الـ 2 بــ 400 جنية وفالتوكيل فحدود 300:320 جنية)
*مجموعة تحكم الإزاز الكاملة الــ 4 زراير فموديل 2007 بــ 350 جنية
*عند واحد فالشارع بتاعوا لقيت واحد يتاع فرش سألتوا على تبطين الطارة جلد (ذي الانسر والــ BMW) مع فرق الخامات والجودة طبعا قالي بـ 200 جنية
نيجي بقى لعنوان الموضوع الأستاذ محمد صاحب المحل عرض عليا عرض بفوانيس جديدة فالتقسيمة بتاعت اللمبات اللي جواها وعرض عليا يشتري اللي عندي ويدخلهم فالجداد وقاللي الجداد دول تيواني سعر الـ 2 بــ 1100 جنية ولو هدخل الي معايا فيهم هدفع 600 جنية فوق الفوانيس القديمة (الفوانيس اللي معايا أصلية بتاعت العربية وسلام) هوا قدرهم بـ 500 جنية
ملاحظاتي على الفوانيس الجديدة
*شكلها جميل جدااااااا بس للاسف مجربتهاش على الرغم أنوا عرض عليا يوصلي واحد ويجربوا بس أنا اللي مكانش عندي وقت ومش مستعد للإستثمار الجامد دا
*حاسيت أن خامتهم ضعيفة مقارنة بالأصليين اللي معايا
*سعرهم مبالغ فية شوية
*أحنا مش خالصين بقطع الغيار العادية الطبيعية بتاعت العربية لما نجيب فانوس مخصوص ذي دا ويتشرخ ولا يتكسر ندور على التاني فين ولا نمشي بعين وعين ولا ندور تاني على قديمو (دي وجهة نظر+نسبة عدم إطمئنان للشارع)







أتمنى أكون أفدتكم

[أبومعاذ]

شكرا يا باشا على المعلومات الجامدة

[Tayer]

نصيحه أوعى تفرط فى فونيسك أشترى لو عايز بس متبعش

[hossamkoshy]

معلومات رائعه الف الف شكر

[midosalah]

اوعى تبيع فوانيس الفابريقة وشكرا على الخبر

[jisso82]

100 شكر ليك على المعلومة و فعلا زى ما بيقوللك باقى الأعضاء ما تستغناش عن فوانيس الفابريقة

[hanyetsh]

شكلهم جميل

[brashy101]

مشكور يا زعييييم

[engahmedsamy]

اشتري و سيييب الاصلي عند حضرتك

[XXXMEMOXXX]

شكرا على المعلومات المفيده

نصيحه أوعى تفرط فى فونيسك أشترى لو عايز بس متبعش

+1

[MaGiC]

شكرا على الموضوع بس على فكره الفانوس الليد الاحمر ده سعرو في اسكندريه من 750 لي 850 تيواني السعر الي قلك عليه ده خيالي اوي

[ahmed_h_g]

الطقم ده عامل 850 جنيه حاليا" وموجود فى محل مكه فى شارع دمشق
شوف الموضوع ده عملته من فتره وناس كتير أشترت منه

http://www.nilemotors.net/Nile/147734-a.html

بلاش تتصرف فى الأصلى

[x512]

اللي يفرط في الفانوس الفابريقه يفرط في حاجات كتيير ثم زي ما حضرتك قولت محدش ضامن ممكن يشرخ ولا يتكسر من اقل خبطه و بعدين هو شكله حلو اه بس هيضيع شخصيه العربيه يعني لو واحد شاف العربيه من ورا معتقدش انو هيعرف ان دي جين

[densfog]

الله ينور ياباشا ..... افاده جامده بصراحه .... بارك الله فيك

[member]

هوا المحل ده فين يا باشا؟