شهادة حق

[Tarek Gen 2]

انا معايا نيسان صني بس بجد نفسي اجرب العربية ده من كتر الكلام عليها وشكلها المميز

اللى معاه العربية دى يحمد ربنا
و اللى معهوش خليه منكاد كدة ولا هنعبره

بهزر طبعا عربيتى تحت امرك
احنا هنا فى بروتون اسرة فى بعضينا و نعمل من اجل اعلاء كلمة الوطن

[Tarek Gen 2]

تسلم يا طارق باشا على التوبيك المحترم ,, وربنا يحببك فيها اكتر ,, لسه هتوصل لمراحل تانيه من العشق مع جينا ,, ربنا يباركلك فيها ويبعد المشاكل
تحياتي

يا مسهل يا رب و ان شاء الله يباركلنا كلنا فيها

أخيرا الحمد لله حد قال كلمة حق فى العربية بعد كل مواضيع الشكاوى اللى عدت. شكرا ليك يا طارق و ربنا يباركلك فى عربيتك

ربنا يكرمنا كلنا و زى ماحنا فالحين اوى فى الشكاوى لازم نفلح برضه فى الحاجات دى

[x512]

فعلا رأي حيادي و سليم ....بروتون لو انتهي فيها عيوب التقفيل و مسكها توكيل محترم هتنتشر اكتر مالسيراتو و اللانسر

[PinKawY]

فعلا حب العربية تحبك (جامدة) وعلي فكرة لو علي الكماليات انت ممكن تخلي الجين من جوه تحفة بس شوية مصاريف..أنا حاسس اني هابيع هدومي علشان أكمل وأجيب العربية دي:b4_444:
ملحوظة:بطبيعة شغلي في ميدان التحرير أنا كنت بشوف جين 2 كل شهر مرة مثلا دلوقتي بشوف كل يوم 3 أو 4 عربيات...هو الانتشار ده كويس ولا ايه (أصلا حابب العربية من عدم انتشارها وتميزها وامكانياتها)

[khaledmontero]

استاذ طارق .. بما انك معاك سيراتو و جين تو .. ممكن تقولنا ايه هى اهم الفروق بين الاتنين مع الاخذ فى الاعتبار ان الاتنين مش نفس الفئة بس ولو مقارنة ع الماشى يبقى كتر خيرك .
زى الثبات - استهلاك البنزين - العفشة - التسارع - قوة الصاج ..

[Tarek Gen 2]

استاذ طارق .. بما انك معاك سيراتو و جين تو .. ممكن تقولنا ايه هى اهم الفروق بين الاتنين مع الاخذ فى الاعتبار ان الاتنين مش نفس الفئة بس ولو مقارنة ع الماشى يبقى كتر خيرك .
زى الثبات - استهلاك البنزين - العفشة - التسارع - قوة الصاج ..

ثيات = جين
استهلاك بنزين = جين جين جين
العفشة = اعتقد الاتنين او الجين اعلى بشوية صغيرة كدة بس السيراتو انشف بكتير
التسارع = على الغيارات الاولانية سيراتو بفرق ملحوظ لكن على السرعات الكبيرة الجين و السيراتو برضه بس الجين اعلى
قوة الصاج = الجين بكتييييييييييييييييييييييييييييييير
الخامات و الوسع و الفخامة و الشكل الداخلى و الجودة و الاعتمادية و اعادة البيع و تقفيل و تنوع و حاجات كتير للسيراتو و مننساش ان كلها كماليات و شكليات لكن ميكانيكا صاج و اساسيات جين و السيراتو كويسة جدا برضه بس جين تكسبببببب
بس كفاية ان [OVERLINE]التميز [/OVERLINE]و ركوب حاجة مش مع حد فى الجين تو

[khaledmontero]

ثيات = جين
استهلاك بنزين = جين جين جين
العفشة = اعتقد الاتنين او الجين اعلى بشوية صغيرة كدة بس السيراتو انشف بكتير
التسارع = على الغيارات الاولانية سيراتو بفرق ملحوظ لكن على السرعات الكبيرة الجين و السيراتو برضه بس الجين اعلى
قوة الصاج = الجين بكتييييييييييييييييييييييييييييييير
الخامات و الوسع و الفخامة و الشكل الداخلى و الجودة و الاعتمادية و اعادة البيع و تقفيل و تنوع و حاجات كتير للسيراتو و مننساش ان كلها كماليات و شكليات لكن ميكانيكا صاج و اساسيات جين و السيراتو كويسة جدا برضه بس جين تكسبببببب
بس كفاية ان [OVERLINE]التميز [/OVERLINE]و ركوب حاجة مش مع حد فى الجين تو

100/100 مقارنة موضوعية
وربنا يباركلك فى الاتنين

[ABODYGOUDA]

الحمد لله معايا العربيه

[Tarek Gen 2]

يا جماعة انا بحمد ربنا تانى انى اختارت صح
انا كنت هجيب نيو اكسنت او ريو او جين تو و جين الجين الحمد لله
امبارح ماشى انا و والدتى و والدى و اختى و ماشين 80 تقريبا و عربية ماشية جمبى بس قدامة ب 3 متر تقريبا عجلته اتكسرت و لفت منه العربية و بقينا عملين زى حرف التى كدة و فرملت و ال اى بي اس اشتغل و ربنا نجانى فى اقل من 5 متر وقفت العربية بعد ما كنا هنتكل بس الحمد لله على حياة اهلى قبلى و على اختيارى الصح الحمد لله اى عربية تانى كان زمانها رشقت فى العربية التانية دى بس الحمد لله

[amr1973]

الحمد لله على سلامتك و سلامة الاسرة و جينا الجميلة

[ahmad alshaaer]

انا اسمى طارق اشتريت الجين تو شهر ابريل اللى فات عن اقتناع كامل و حب
بعد حوالى اسبوع تحول الحب ده لامتعاض و خنقة بسبب عيوب ظهرت فى عربية جديدة زيرو
وكانت مكن زجاج امامى تيل فرامل بيصفر كاسيت بيقفل و يفتح لوحده و حاجااات كتيييير
بدون دخول فى تفاصيل تم علاج معظم الحاجات دى فى التوكيل بفضل الله ثم ايمن ثم المهندس المحترم أأمر ثم اخيرا فنيين التوكيل :c_laugh[1]:
باستثناء المهندس سيد و شهرته هى كدة :n_no[1]:
و رجعت احبها تانى مع بعض التحفظات :u_thin1[1]:
و بعدين سافرت بيها و هنا بقى حبتها اكتر من اى وقت
يا جماعة انا مش بتاع جرى و غرز و كدة :s_thum1[1]:
بس انا قولت اجرب كلام الناس عن العربية و النتيجة
كنا 5 فى العربية السرعة 190 مع التكييف ثبات مع التجاوز او التغريز مع العلم انى ماشى طول الطريق كدة لحد ما وصلت الحمد لله
استهلاك بنزينها عالى لو انت مزودها انما لو ماشى بسواقة عادية ار بى ام ميزيدش عن التلاتة استهلاك معقول جدا
و اللى زعلان يجى يشوف السيراتو واللى عملاه فية
بجد العربية دى تحفة ميكانيكيا و ينقصها بعض الحاجات عشان تبقى تحفة فى كل حاجة
الخلاصة من وجهة نظرى
العربية دى فى فئتها و فئة اعلى منها بشوية كمان مالهاش زى و احسن من كل دول
فيها بعض العيوب زى التقفيل - جودة الخامات الداخلية - الدهان الخارجى ضعيف جدا
لكن مميزاتها كتيرة مش هاقولها عشان الكل عارفها :f_eyeb1[1]:
و ده كله مينتقصش حاجة من العربية لانه مفيهوش مشكلة مؤثرة على العربية نفسها
و اخيرا الحمد لله انه وفقنى لشراء العربية دى و احيانا شعرت بالندم للحظات كدة لكن دلوقتى الندم ده كله تحول لاحترام للاسد الماليزى ده
انا بقالى كتير شايف ان الناس هنا معظمها بتشتكى فقلت انوع انا و اشكر فيها بقى
و نصيحة للمقبل على شراء العربية دى لو انت مش حاببها متشترهاششششش اطلاقاااااااا مطلقااااااااا :u_thin1[1]:
و لو بتحبها اعمل حسابك ان فى مشكلة هتطلعلك بنسبة كبيرة لكن هتروح بمنتهى السهولة
اللى معاه العربية دى يحمد ربنا
و اللى معهوش خليه منكاد كدة ولا هنعبره :pointiy2[2]::pointiy2[2]:

كلاااااااااااااااااااااااااااااام سلييييييييييييييييييم 100 %

عن تجربة سنتين


تحياتي

[A. Ibrahim]

كلام موزون و حيادي جدا
و يا ريت الناس كلها تعرف ان ديه عربيه ب 90 الف مش مرسيدس و فراري فيها مميزات كتيره و عيوب بردوا و مفيش حاجه كامله

[PinKawY]

الحمد لله علي سلامتك انت واسرتك..ربنا يحفظ الجميع