حل صوت التزييق

[hos012]

السلام عليكم
الاخوي الافاضل انا معي عربية بيرسونا ودائما فى صوت تزييق فى الشنطة كنت اروح التوكيل يعملوها على ما سمعت بشكارتون فانا مش رايح التوكيل تاني وعايز اعرف فين مكان الجزء اللى يتحط عليه الشكرتون علشان يمنع التزييق

[tutankhamoun]

المنطقة الخلفية فيها أحتمال أن يطلع صوت تزييق من اذرع الشنطة و دي ترش عليها wd40
الأحتمال التاني و هي كليبسات الكراسي الخلفية و هي دي اللي بيلفوه عليه شيكرتون علشان تمنع صوت الأحتكاك ما بين الحديدتين .

بس هو ليه حضرتك مش عايز تروح التوكيل تاني ؟؟؟
لو لسة العربية جديدة ..... لازم تروح التوكيل علشان تحفط حقك في الضمان ... علشان لو ما روحتش التوكيل فترة كبيرة و حاجة حصلت .... التوكيل هايقولك معرفكش و ليهم حق .... أدام العربية بتتصلح برة أو بتتعمل صياناتها برة .... أزاي يضمنوا أن الحاجة اللي أنت بتطالب بها مش عيب صنايعي خارج التوكيل ( ربنا لا يقدر حدوث حاجة من دي و لكن لحماية حقوقك )

[hos012]

والله يا اخي العربية حاليا عملة 55 الف كيلو يعني حتطلع من الضمان عند 60 الف وانا من محافظة السويس وكنت اعمل الصيانة لحد 50 الف بالتوكيل بس المشوار صعب من السويس وثقيل فعلا فانا شوفت بالسويس ميكانيكي بيربط عافشة وينظف ولو لا قدر الله فيه حاجة فى الماتور مش حاجي جنبه الا بالتوكيل
بس المشكلة صوت التزييق اللى من الكرسي الخلفى ومش عارف لا انا ولا الميكانيمي مكانه فين علشان نلف عليه شكرتون

[waleedfesal]

برضه انا زيك مابحبش مشوار التوكيل
عشان كده باروح كل عشرين الف بس لان دى اللى بتبقى فيها الصيانات المهمه

و بالنسبه لموضوع صوت التزيق اللى فى الكنبه الخلفيه
دا حضرتك لما بتفتح الكنبه مع الشنطه الخلفيه
فى كلبسين بترفعهم لفوق وبعدين تفتحها
وهو عباره عن بنز حديد بيدخل جوه اطار حديدى اخر
الاحتكاك بينهم هو اللى بيعمل صوت التزيق دا
فحضرتك هاتلف الشيكرتون على الاطار الحديدى دا
وان شاء الله مش هتلاقى الصوت تانى
لكن بتكرر العمليه دى كل فترة لان الشيكرتون بيتاكل وتعوز تركب غيره
وبالتوفيق وابقى طمنا عملت ايه

[hos012]

تسلم يا اخي الف شكر والله كثر الف خيرك

[mido_soliman]

55 الف كيلو وعندك 24 مشاركة كدة انا ازعل منك قوام عايزين تقرير ال 50000 وانطباعاتك عن العربية والمميزات والعيوب اللى واجهتك بسرررررررررررررررررررعة
تحياتى وربنا يباركلك فيها