التيل بدأ يصفر في الساجا

[marsguy]

السلام عليكم ورحمة الله وبركاته،،،


أنا معايا ساجا أوتوماتيك من شهر 1 اللي فات وعامله 6900 كيلو.

ظهرت مشكله من حوالي 3 أسابيع كده، التيل اللي قدام يمين بيصفر جامد أوي الصبح بدري بس أول أما أمشي بالعربيه، لكن يادوب 5 دقائق مشي بالعربيه ومش بيصفر تاني.


يا ترى مممكن يكون إيه ده؟ وهل معقوله إن التيل يكون خلص والعربيه لسه ما عملتش 7 ألف كيلو؟

مع العلم إني سواقتي هاديه جداً

شكراً

[vsaga]

انا معاك ياريت نعرف ايه السبب ؟؟؟؟؟؟؟؟

[أبومعاذ]

ما تبص عليه بنفسك يا محمد بس صعب أوي يخلص على 7000 أقل واجب 15000

[Mohammmed]

ممكن الصبح بيعمل كدا علشان بيبقى فيه ندى على التيل ولحد ما ينشف الصوت بيفضل موجود ولو عايز تتطمن اكشف عليه مش هياخد وقت يعنى ولا مجهود

[mo7hamedemad]

احجز صيانة وروح التوكيل فى الكشف المجانى واقولهم على النقطة دى وشوف انت بتشتكى من اية وقولهم علية

[amr1973]

اخى العزيز الموضوع ببساطة ان التيل اصلا كان بيعمل من مادة الاسبستوس و حاليا تم تحريم هذه المادة فى دخولها فى الصناعه و بالتالى لم يعد يم استخدامة حاليا و بالتالى تم استبدالة بمادة اخرى هيا التى تؤدى الى حدوث الصفارة بعد فترة نظرا لتاكل التيل و بالطبع هاتلاقى بواقى التاكل بين الطنابير و عشان الصفارة تروح كل اللى حضرتك هاتعملة انك هاتصول عند اى واحد عنده كمبروسور و هاتفك العجل الخلفى و هاتلافى طبة كاوتش صغيرة اوى هاتشيلها و تدخل ضغط الهواء جوة الطنابير و تنضفها كويس و الصفارة ان شاء الله هاتروح على فكرة الموضوع اتعمل فى عربية اسبيرانزا و بقيت تمام التمام

[misho502]

فكره هايله

اخى العزيز الموضوع ببساطة ان التيل اصلا كان بيعمل من مادة الاسبستوس و حاليا تم تحريم هذه المادة فى دخولها فى الصناعه و بالتالى لم يعد يم استخدامة حاليا و بالتالى تم استبدالة بمادة اخرى هيا التى تؤدى الى حدوث الصفارة بعد فترة نظرا لتاكل التيل و بالطبع هاتلاقى بواقى التاكل بين الطنابير و عشان الصفارة تروح كل اللى حضرتك هاتعملة انك هاتصول عند اى واحد عنده كمبروسور و هاتفك العجل الخلفى و هاتلافى طبة كاوتش صغيرة اوى هاتشيلها و تدخل ضغط الهواء جوة الطنابير و تنضفها كويس و الصفارة ان شاء الله هاتروح على فكرة الموضوع اتعمل فى عربية اسبيرانزا و بقيت تمام التمام

فكره هايله
ياريت تجربها و تقولنا النتيجه ايه؟

[Abouelwafa]

يا ترى مممكن يكون إيه ده؟ وهل معقوله إن التيل يكون خلص والعربيه لسه ما عملتش 7 ألف كيلو؟

مع العلم إني سواقتي هاديه جداً

شكراً

أنا عربيتي Gen2 2010 والتيل خلص معايا على 10000كم. تخيل؟!! ولما رحت التوكيل كان ردهم إن ده الطبيعي وإن التيل من 10000 إلى 15000 ومتقارنش عربياتنا بعربيات تانية

ما تبص عليه بنفسك يا محمد بس صعب أوي يخلص على 7000 أقل واجب 15000

أنا أخويا معاه النترا 2008 عاملة 45000 والتيل متغير على 35000 والجديد لسه فيه 60% حسب التقرير بتاع آخر صيانة

[amr1973]

اخى العزيز التيل مش خلص و لا حاجة كل الموضوع نضافة فقط زى ما وضحت لك قبل كده انا كنت فاكر كده فى الاسبرانزا و كانت عاملة 20000 الف كم