ايه رأيكو فى الجين 2

[basemsaeed]

العربيه بسم الله ماشاء الله في راي انها ممتازه وعجباني , والحمد لله ان الواحد اتوفق وجبها,, وممكن تشوف في راي اني منحاز ليها ومش حيادي ,, بس ده لاني حابب فعلا العربيه دي وعاجبني كل مافيها ,, واكيد لو ماكنتش مقتنع بيها اكيد ماكنتش جبتها ..
بالنسبه للعيوب ,, زي ما الاخوه اتفضلوا وشرحوا ,, مشاكل التقفيل ممكن تكون موجوده ,, يعني صوت تكته ,, تزيقه ,, مكنه ازاز تعلق ..هكذا ,,,, الفكره في كده مش معناها انها لازم تظهرلك ((الحمد لله مافيش اي مشاكل تقفيل ظهرت معايا )) بس المقصود ان حضرتك تكون مهيئ نفسك بحيث انها لو ظهرت مش تكره العربيه وتتخنق منها , خصوصا ان الواحد بيكون جايب العربيه لسه زيرو ومش بيطيق يسمع اي حاجه غريبه , وان شاء الله بيكون في حل للمشاكل دي ..

المميزات .. انا في راي انها كتييره وده اللي بيغطي على اي مشاكل بتظهر وتخلي الواحد يستحملها ,, بداية من الشكل المميز بالنسبالي الى الان انا شايفه انه مازال ثوري ومميز جدا,مع انه موجود من فتره في السوق , قيمة العربيه مقابل سعرها من اهم مميزتها لو قارنت اي عربيه في السوق بالامان اللي فيها تقريبا مافيش غير النيسان الصني ,, لكن هايونداي انا شايف انها مبالغ جدا في اسعرها طبعا لان غبور بيفضي العربيه بطريقه مستفزه .. (الالنترا اوسع طبعا في الداخل من الجين تو )
بالنسبه للماتور وسحبه , مرضي جدا
الثبات ومش هتكلم عليه كتير لانه معروف للكل ,, طبعا كماليتها كتيره ودي ميزه

التكييف ,, اقل من الياباني بكل تاكيد ,, لكنه قايم بوظيفته تمام ,, ومافيش اي مشاكل معاه في الحر

الاستهلاك انا ماحسبتهاش بالظبط كام عشان اقول لحضرتك ارقام ,, بس في كذا موضوع شارح الاستهلاك بالتفصيل , اخرهم موضوع البشمهندس مصطفى ,, وموضوع الاستاذ توت فيه شرح تفصيلي
الخلاصه في استهلاك البنزين على حسب سواقة حضرتك لو هاديه ومتزنه هيكون الاستهلاك مرضي جدا ,, لكن لو في جري وسرعات وحرق هيكون عالي ,, افضل نقل على rpm 3000 وسرعه تكون في حدود الـ90 بيكون ده اقل استهلاك بنزين ..

يارب اكون افدت حضرتك ,, وربنا يوفقك للاختيار الافضل

واسف على الاطاله

تحياتي

شكرا يا باشا على الرد,و عربية حضرتك مانيوال ولا اتوماتيك؟؟
و يا باشا طول براحتك ميهمكش

[Raul_7]

حضرتك أنا إن شاء الله مسافر الساحل يومين كده وبعدين هاعمل إن شاء الله تقرير عن صيانة ال 1000 وعن العربية كمجمل.

انتظرونا..

[TrickyAhmed85]

شوف يا أبو باسم عشان ماتحيرش نفسك كتير هقوللك على لمحة بسيطه كده

نظرا لإنى بمر بظروف كده ومحتاج كاشات فأنا هبيع عربيتى و هقسط ان شاء الله جين 2 برضو أو بيرسونا اليجانس لما تنزل ان شاء الله

وده لإنى فعلا بحب العربيات دى وهما بجد بجد محترمين والعربيات دى بجد تتقارن بالسيراتو وانت طالع

وياريت لو حد عنده فكره عن الموديلات اللى هتنزل فى 2011 يبعت يا جماعة

ولو فيها رزاله حد عارف حاجه عن مركز الصيانة اللى هيفتحوة فى شيراتون ده ؟؟

شكراااااااااااااا

[elmadawy]

[
أنا معايا 2008 أوتو - العربية ماشاء الله مش مزعلانى خالص عاملة 60 ألف لحد دلوقتى ومشفتش منها حاجه وحشه

بس هيا عفشتها ناشفة سنه وصوت الموتور عالى سنه بس مش مزعج هوا بس موتورها كده

علي فكرة انا معايا نفس الموديل 2008 اتوماتيك وفعلا كان صوت الماتور عالي بس بعد ما غيرت زيت العربية وفي التوكيل مش خارج التوكيل وهو زيت فيسكو صوت الماتور اصبح صوته اقل بكثير من قبل معلش الموضوع ال انا بتكلم فية خارج عن نساق الموضوع الاصلي بس حبيت اضيف حاجه لكل الزملاء وشكرا

[Abouelwafa]

شكرا لرد حضرتك يا استاذ ابو الوفا

و طبعا انا عارف ان الزيرو لازم تبصله من كل ناحية,و انا عاوز عربية تعيش معايا و تكون كويسة و فيها كماليات كويسة برده

بالنسبة لموضوع انى بسوق من زمان,فانا فعلا بسوق من زمان و كان معايا بردوا كانشيل و لادا قبل كده و بعدها جبت افيو و بعد كده محتار بقى بين الالنترا و الجين2
بس العربية مختلفة فى ايه بقى؟؟؟؟و ايه الاختلاف الكبير اللى ححسه؟؟؟
بس انا اجربها فين؟؟؟هو التوكيل عامل test drive ؟؟؟انا شوفتها فى المعرض بس بش عارف حسيت ان الناقل المانيوال غريب شوية,تحس و العربية ممورة ان مثلا على التالت و كمان لما جربت انقل مثلا بالناقل حسيت انو تقيل شوية ولا هو بيبقى مرن بعد ما الواحد يدور العربية و ممكن اكون كنت مهيس
بس بفكر ان لو حجيب عربية حجيبها اتوماتيك اريح

و ان شاء الله لو حجيبها تبقوا تقوليلى ان شاء الله على الخصم و كفاية انى اكون فى الجروب الجميل ده المتعاون

العربية مختلفة،

بمعنى إنك لو بتتكلم مثلاً عن الهدوء والعزل بتاع العربية فالعربية صوت موتورها عالي، أعلى من الكوري والياباني.

لو بتتكلم عن جودة الخامات والتقفيل فهي متوسطة وأيضاً أقل من الكوري والياباني.

بالنسبة للثبات فحدث ولا حرج، ثبات ممتاز لكن ده جاي على حساب حجات تانية زي نعومة الدريكسيون ودرجة البور (لفة ونص فقط - في ناس بتقول عليه نص بور ودي حاجة أنا نفسي إتفاجئت بيها بعد ما إشتريتها - يعني لازم تكون عامل حسابك وتوسع لنفسك لو فيه دوران ضيق شوية)

وسائل الأمان موجودة بس - عن نفسي - مش هحكم عليها لأن - ربنا يكفينا وإياكم الشر - ماجربتش الـ air bags وبالنسبة للفرامل - من ناحية إختلافها - فمشوارها طول ومحتاجة دوسة تقيلة شوية مش زي الإلنترال مثلاً - على الشعرة مع إنها بدون ABS. كذلك الـ ABS بتاعها مختلف تماماً عما كنت أعرفة من ABS قبلها، لما بيشتغل بتحس إن فيه حاجة بتكحت في الأرض زي ما يكون فيه حديد بيحك في بعضه تحت رجلك. ولما سألت، قالولي " ماتقارنش عربياتنا بعربيات تانية، عربياتنا مختلفة"

الكيك دون بتاع العربية مش بيسعف قوي - بحس إن العربية لسه بتبدأ تفهم أنا عاوز إيه وبعدين تبدأ تعزم
كذلك سحب العربية في أول 100 مش قد كده (من 0 إلى 100 في 12.5) بس بعد كده بتفتح
ٌٌٌٌٌٌ
مشكلتها الكبيرة هي وكيلها، مش مهتم بيها - ولا بأى نوع من إللى عنده - مع إنه معاه توكيلات لأكبر وأشهر العربيات في العالم. فممكن قطع الغيار تكون مش متواجده وممكن تكون غالية - ساعات سعر مغالى فيه - ومثال على كده تيل الفرامل وأنا بشتريها سألت على قطع الغيار فقالولي 250 جنية قلت شغال بعد كده عرفت إنه 330 جنية علشان ثمن التركيب والضريبة، قلت مايهمش، كله علشان خاطر عيون جينا، رحت أركب التيل (على فكرة خلص في 10000 كم) لقيته بـ 1330 جنيه ولو حاولت تتكلم مع أى حد، أنت عارف الرد "ماتقارنش .........................."، ده غير المعاملة إللى ممكن متريحش كتير من الناس (أنا مثلاً )

لو جيت تحسبها بحيادية هتلاقي إن العربية إللى زيها وفيها إمكانياتها فارقة عنها مش أقل من 20,000 جنيه بس كل واحد بيحسبها من وجهة نظره وفيه واحد مش عاوز عوامل امان زي (ABS + Air bags) بس المهم عنده عربية ناعمة وإستهلاك بنزين كويس ومعاملة حلوة و .... ففي الآخرهي شروة وإنت ودماغك (إللى صدعنهالك )

ده على فكرة رأيي الشخصي وتجربتي الشخصية - ويعلم الله إني نقلتها بحيادية شديدة وأرحب بالإختلاف قبل الموافقة

[basemsaeed]

حضرتك أنا إن شاء الله مسافر الساحل يومين كده وبعدين هاعمل إن شاء الله تقرير عن صيانة ال 1000 وعن العربية كمجمل.

انتظرونا..

تروح و ترجع بالسلامة ان شاء الله

[basemsaeed]

شوف يا أبو باسم عشان ماتحيرش نفسك كتير هقوللك على لمحة بسيطه كده

نظرا لإنى بمر بظروف كده ومحتاج كاشات فأنا هبيع عربيتى و هقسط ان شاء الله جين 2 برضو أو بيرسونا اليجانس لما تنزل ان شاء الله

وده لإنى فعلا بحب العربيات دى وهما بجد بجد محترمين والعربيات دى بجد تتقارن بالسيراتو وانت طالع

وياريت لو حد عنده فكره عن الموديلات اللى هتنزل فى 2011 يبعت يا جماعة

ولو فيها رزاله حد عارف حاجه عن مركز الصيانة اللى هيفتحوة فى شيراتون ده ؟؟

شكراااااااااااااا

شكرا لردك يا احمد
بس فعلا الواحد حيران لانه عاوز يجيب الاحسن

[basemsaeed]

[
أنا معايا 2008 أوتو - العربية ماشاء الله مش مزعلانى خالص عاملة 60 ألف لحد دلوقتى ومشفتش منها حاجه وحشه

بس هيا عفشتها ناشفة سنه وصوت الموتور عالى سنه بس مش مزعج هوا بس موتورها كده

علي فكرة انا معايا نفس الموديل 2008 اتوماتيك وفعلا كان صوت الماتور عالي بس بعد ما غيرت زيت العربية وفي التوكيل مش خارج التوكيل وهو زيت فيسكو صوت الماتور اصبح صوته اقل بكثير من قبل معلش الموضوع ال انا بتكلم فية خارج عن نساق الموضوع الاصلي بس حبيت اضيف حاجه لكل الزملاء وشكرا

شكرا للاضافة

[basemsaeed]

العربية مختلفة،

بمعنى إنك لو بتتكلم مثلاً عن الهدوء والعزل بتاع العربية فالعربية صوت موتورها عالي، أعلى من الكوري والياباني.

لو بتتكلم عن جودة الخامات والتقفيل فهي متوسطة وأيضاً أقل من الكوري والياباني.

بالنسبة للثبات فحدث ولا حرج، ثبات ممتاز لكن ده جاي على حساب حجات تانية زي نعومة الدريكسيون ودرجة البور (لفة ونص فقط - في ناس بتقول عليه نص بور ودي حاجة أنا نفسي إتفاجئت بيها بعد ما إشتريتها - يعني لازم تكون عامل حسابك وتوسع لنفسك لو فيه دوران ضيق شوية)

وسائل الأمان موجودة بس - عن نفسي - مش هحكم عليها لأن - ربنا يكفينا وإياكم الشر - ماجربتش الـ air bags وبالنسبة للفرامل - من ناحية إختلافها - فمشوارها طول ومحتاجة دوسة تقيلة شوية مش زي الإلنترال مثلاً - على الشعرة مع إنها بدون ABS. كذلك الـ ABS بتاعها مختلف تماماً عما كنت أعرفة من ABS قبلها، لما بيشتغل بتحس إن فيه حاجة بتكحت في الأرض زي ما يكون فيه حديد بيحك في بعضه تحت رجلك. ولما سألت، قالولي " ماتقارنش عربياتنا بعربيات تانية، عربياتنا مختلفة"

الكيك دون بتاع العربية مش بيسعف قوي - بحس إن العربية لسه بتبدأ تفهم أنا عاوز إيه وبعدين تبدأ تعزم
كذلك سحب العربية في أول 100 مش قد كده (من 0 إلى 100 في 12.5) بس بعد كده بتفتح
ٌٌٌٌٌٌ
مشكلتها الكبيرة هي وكيلها، مش مهتم بيها - ولا بأى نوع من إللى عنده - مع إنه معاه توكيلات لأكبر وأشهر العربيات في العالم. فممكن قطع الغيار تكون مش متواجده وممكن تكون غالية - ساعات سعر مغالى فيه - ومثال على كده تيل الفرامل وأنا بشتريها سألت على قطع الغيار فقالولي 250 جنية قلت شغال بعد كده عرفت إنه 330 جنية علشان ثمن التركيب والضريبة، قلت مايهمش، كله علشان خاطر عيون جينا، رحت أركب التيل (على فكرة خلص في 10000 كم) لقيته بـ 1330 جنيه ولو حاولت تتكلم مع أى حد، أنت عارف الرد "ماتقارنش .........................."، ده غير المعاملة إللى ممكن متريحش كتير من الناس (أنا مثلاً )

لو جيت تحسبها بحيادية هتلاقي إن العربية إللى زيها وفيها إمكانياتها فارقة عنها مش أقل من 20,000 جنيه بس كل واحد بيحسبها من وجهة نظره وفيه واحد مش عاوز عوامل امان زي (ABS + Air bags) بس المهم عنده عربية ناعمة وإستهلاك بنزين كويس ومعاملة حلوة و .... ففي الآخرهي شروة وإنت ودماغك (إللى صدعنهالك )

ده على فكرة رأيي الشخصي وتجربتي الشخصية - ويعلم الله إني نقلتها بحيادية شديدة وأرحب بالإختلاف قبل الموافقة

اولا شكرا يا ابو الوفا على الحيادية فى الرد
ثانيا حستفسر منك على كل نقطة
بالنسبة للعزل بتاع العربية يعنى جوه العربية كويس ولا جيد ولا ممتاز؟؟بغض النظر عن صوت الماتور
بالنسبة للباور انا لما قريت هنا الموضوعات فى الجروب,لقيت انهم قايلين انها باور بس باور زيت بش كهرباء زى الالنترا و ده بيبقى اتقل شوية لكن بش نص باور,هل انت حسيت ان الباور ده نص باور ولا مثلا كان ضغط هواء الاطارات بش مضبوط؟؟؟و لما سألت لما رحت المعرض قالولى ان الدريكسيون باور
و بالنسبة لحكاية الدوران الضيق دى بش فاهمها كويس,انا اعرف انى لو حوسع لدوران ضيق معنى كده حجتين لاما العربية كبيرة و محتاج ان تاخدها على الواسع,لاما القطر بتاع العربية كبير,فتاخد اللفة بوسع
بالنسبة للفرامل ,انت قصدك بطول مشوار الفرامل انك لازم تدوس شوية على الدواسة عشان تبدا تفرمل معاك,يعنى قصدك فيه جزء فاضى فى الاول؟؟؟؟
و ال ABS ماله بيعمل كده ليه معاك؟؟؟حاجات بتحك؟؟؟ممكن ساعتها كان التيل عندك وصل لاخره؟؟؟؟
الكيك داون بش قد كده قصدك؟؟مع ان فيه ناس هنا فى المنتدى فى بعض المواضيع ان الناقل و الماتور بيفهموا انت عاوز ايه
الله اعلم بس انا بتناقش معاك على اللى قريته و بش عاوزك تزعل منى فى حاجة
بالنسبة لسعر التيل اللى انت كاتبه,هل هو سعر التيل الواحد ولا الاتنين؟؟؟انا قصدى على السعر 1330 جنيه
معلش كنت عاوز اعرف المعاملة ازاى يعنى؟؟؟؟
انا عشان كده محتار يا ابو الوفا من المقارنة,بس الواحد برده بيفكر فى عوامل امان تسعف وقت الخطر,ربنا يكفينا شر الحوادث
و يا ابو الوفا متقولش كده,صدعت ايه بس؟؟؟انت كتر خيرك بجد على الكلام ده و الحيادية دى,ربنا يكرمك بجد

[XXXMEMOXXX]

شكرا يا باشا على الرد,و عربية حضرتك مانيوال ولا اتوماتيك؟؟
و يا باشا طول براحتك ميهمكش

مانيوال

[TrickyAhmed85]

اولا شكرا يا ابو الوفا على الحيادية فى الرد
ثانيا حستفسر منك على كل نقطة
بالنسبة للعزل بتاع العربية يعنى جوه العربية كويس ولا جيد ولا ممتاز؟؟بغض النظر عن صوت الماتور
بالنسبة للباور انا لما قريت هنا الموضوعات فى الجروب,لقيت انهم قايلين انها باور بس باور زيت بش كهرباء زى الالنترا و ده بيبقى اتقل شوية لكن بش نص باور,هل انت حسيت ان الباور ده نص باور ولا مثلا كان ضغط هواء الاطارات بش مضبوط؟؟؟و لما سألت لما رحت المعرض قالولى ان الدريكسيون باور
و بالنسبة لحكاية الدوران الضيق دى بش فاهمها كويس,انا اعرف انى لو حوسع لدوران ضيق معنى كده حجتين لاما العربية كبيرة و محتاج ان تاخدها على الواسع,لاما القطر بتاع العربية كبير,فتاخد اللفة بوسع
بالنسبة للفرامل ,انت قصدك بطول مشوار الفرامل انك لازم تدوس شوية على الدواسة عشان تبدا تفرمل معاك,يعنى قصدك فيه جزء فاضى فى الاول؟؟؟؟
و ال abs ماله بيعمل كده ليه معاك؟؟؟حاجات بتحك؟؟؟ممكن ساعتها كان التيل عندك وصل لاخره؟؟؟؟
الكيك داون بش قد كده قصدك؟؟مع ان فيه ناس هنا فى المنتدى فى بعض المواضيع ان الناقل و الماتور بيفهموا انت عاوز ايه
الله اعلم بس انا بتناقش معاك على اللى قريته و بش عاوزك تزعل منى فى حاجة
بالنسبة لسعر التيل اللى انت كاتبه,هل هو سعر التيل الواحد ولا الاتنين؟؟؟انا قصدى على السعر 1330 جنيه
معلش كنت عاوز اعرف المعاملة ازاى يعنى؟؟؟؟
انا عشان كده محتار يا ابو الوفا من المقارنة,بس الواحد برده بيفكر فى عوامل امان تسعف وقت الخطر,ربنا يكفينا شر الحوادث
و يا ابو الوفا متقولش كده,صدعت ايه بس؟؟؟انت كتر خيرك بجد على الكلام ده و الحيادية دى,ربنا يكرمك بجد

بعد إذن استاذ أبو الوفا

بالنسبة للعزل أنا شايف إنو جيد وليس ممتاز

الباور مش تقيل ولا حاجه لو مظبط مقاس الهوا هتلاقيه أقرب للخفيف بس لو بتركن هتحس انو تقيل شويه لكن على الطريق أنا شايق تقله ده ميزه مش زى الإلنترا مثلا باورها خفبف جدا وده على سرعه عاليه وموقف مفاجئ ورد فعل قوى ممكن لا قدر الله يؤدى لحاجات خطيرة

الدوران مش ضيق ولا حاجه بالعكس معقول أوى بالنسبة لحجم العربية انا كتير بلف فى شوارع ضيقة وبجيبها على مرتين

بالنسبة لدواسة الفرامل هيا فيها حوالى 3 سم كده قوة الفرامل فيهم ضعيفة الى متوسطة وهتحس بيها على السرعات المنخفضه 90 أو أقل لكنلو انت على 100 فما فوق بتحس ان مفيش استجابه فى الكام سنتى دول نظرا للسرعه

ال abs عندى زى الفل مفيش مشاكل

استجابة العربية للكيك داون فوق 90 ك أو 2500 أر بى إم ممتازة لكن تحت ال 90 فعلا بحس العربيه بتاخد ثانيه أو اتنين عشان تفهمك

التيل بقا بجد سعره نكته يعنى ايه 1330 ده, انا حصل معايا كده فى الأول وبصراحه استغليته فكبرت وبقيت بغير التيل بره هتوفر كتير, الطقم كامل أنضف نو ماليزى ب 250 جنيه من الدوليه موتورز فى السابع وممكن تجيبه من شارع دمشق بأقل من كده

وفى الأول والأخر ربنا يوفقك للأصلح

[Abouelwafa]

اولا شكرا يا ابو الوفا على الحيادية فى الرد
ثانيا حستفسر منك على كل نقطة
بالنسبة للعزل بتاع العربية يعنى جوه العربية كويس ولا جيد ولا ممتاز؟؟بغض النظر عن صوت الماتور

ساعات بحس إن في صوت هواء جوا العربية فوق ال80ـكم وفي بعض الأحيان (أنا غالباً بكون مقفل الشبابيك ومشغل التكييف وعامل circulation علشان مايجيش هواء من بره) لما بعدي في دخان ممكن أشمه جوا العربية

بالنسبة للباور انا لما قريت هنا الموضوعات فى الجروب,لقيت انهم قايلين انها باور بس باور زيت بش كهرباء زى الالنترا و ده بيبقى اتقل شوية لكن بش نص باور,هل انت حسيت ان الباور ده نص باور ولا مثلا كان ضغط هواء الاطارات بش مضبوط؟؟؟و لما سألت لما رحت المعرض قالولى ان الدريكسيون باور
و بالنسبة لحكاية الدوران الضيق دى بش فاهمها كويس,انا اعرف انى لو حوسع لدوران ضيق معنى كده حجتين لاما العربية كبيرة و محتاج ان تاخدها على الواسع,لاما القطر بتاع العربية كبير,فتاخد اللفة بوسع

بغض النظر عن خفة أو ثقل الباور (طبعاً أثقل من الالنترا لأنه زيت مش كهرباء) بس قطر الدوران بتاع العربية واسع حبتين فلازم في كتير من الأحيان تجيب الدوران على مرتين

بالنسبة للفرامل ,انت قصدك بطول مشوار الفرامل انك لازم تدوس شوية على الدواسة عشان تبدا تفرمل معاك,يعنى قصدك فيه جزء فاضى فى الاول؟؟؟؟

فيه جزء فاضي في الأول زائد إنك لازم تكون دوستك ثقيلة شويه وإلا هتحس إنها ضعيفة (جرب النترا وبعدين جربها وهتحس بفارق رهييييييب)

و ال ABS ماله بيعمل كده ليه معاك؟؟؟حاجات بتحك؟؟؟ممكن ساعتها كان التيل عندك وصل لاخره؟؟؟؟

التيل ماكانش فاضي ولما تسأل في التوكيل، إنت عارف الرد

الكيك داون بش قد كده قصدك؟؟مع ان فيه ناس هنا فى المنتدى فى بعض المواضيع ان الناقل و الماتور بيفهموا انت عاوز ايه
الله اعلم بس انا بتناقش معاك على اللى قريته و بش عاوزك تزعل منى فى حاجة
ليه بس كده، زعلتي منك زعل إيه بس يا راجل. بص على الإقتباس الموف إللى جاى وأنت تفهم قصدي إيه

بالنسبة لسعر التيل اللى انت كاتبه,هل هو سعر التيل الواحد ولا الاتنين؟؟؟انا قصدى على السعر 1330 جنيه
معلش كنت عاوز اعرف المعاملة ازاى يعنى؟؟؟؟

ده سعر المجموعة إللى قدام فقط، أما بالنسبة للمعاملة فممكن تستنبطها من مشاركات الشباب

انا عشان كده محتار يا ابو الوفا من المقارنة,بس الواحد برده بيفكر فى عوامل امان تسعف وقت الخطر,ربنا يكفينا شر الحوادث
و يا ابو الوفا متقولش كده,صدعت ايه بس؟؟؟انت كتر خيرك بجد على الكلام ده و الحيادية دى,ربنا يكرمك بجد

بعد إذن استاذ أبو الوفا

بالنسبة للعزل أنا شايف إنو جيد وليس ممتاز

ده إللى أنا قصدته

الباور مش تقيل ولا حاجه لو مظبط مقاس الهوا هتلاقيه أقرب للخفيف بس لو بتركن هتحس انو تقيل شويه لكن على الطريق أنا شايق تقله ده ميزه مش زى الإلنترا مثلا باورها خفبف جدا وده على سرعه عاليه وموقف مفاجئ ورد فعل قوى ممكن لا قدر الله يؤدى لحاجات خطيرة



الدوران مش ضيق ولا حاجه بالعكس معقول أوى بالنسبة لحجم العربية انا كتير بلف فى شوارع ضيقة وبجيبها على مرتين

بالنسبة لدواسة الفرامل هيا فيها حوالى 3 سم كده قوة الفرامل فيهم ضعيفة الى متوسطة وهتحس بيها على السرعات المنخفضه 90 أو أقل لكن لو انت على 100 فما فوق بتحس ان مفيش استجابه فى الكام سنتى دول نظرا للسرعه



ال abs عندى زى الفل مفيش مشاكل

ياريت تقولي إيه إللى بيحصل بالظبط لما بيشتغل(إزاي بتعرف إنه إشتغل وبتحس بإيه). ممكن يكون أنا عندي فيه مشكلة. بس برضه رد التوكيل إن ده الطبيعي بتاعه. فلوا ماكانش الـ ABS بتاعك زي بتاعي بالظبط يبقى أكيد في حد فينا عنده مشكلة

استجابة العربية للكيك داون فوق 90 ك أو 2500 أر بى إم ممتازة لكن تحت ال 90 فعلا بحس العربيه بتاخد ثانيه أو اتنين عشان تفهمك



التيل بقا بجد سعره نكته يعنى ايه 1330 ده, انا حصل معايا كده فى الأول وبصراحه استغليته فكبرت وبقيت بغير التيل بره هتوفر كتير, الطقم كامل أنضف نو ماليزى ب 250 جنيه من الدوليه موتورز فى السابع وممكن تجيبه من شارع دمشق بأقل من كده

بس لما تغير التيل بره ده مش هيطلعك من الضمان. وطبعا لو الطنابير حصل فيها حاجة حتى لو عيب صناعة إحنا إللى هنلبسها يا معلم

وفى الأول والأخر ربنا يوفقك للأصلح

إنا وإياكم
والله المستعان

[TrickyAhmed85]

بالنسبة لل abs

لما بدوس جامد على الأخر على دواسة الفرامل بلاقى الدواسه بلاقى الدواسة طريت تحت رجلى كإنك بتظبط هواها وبسمع صوت تكتكة كإن حتجه بتفتح وتقفل بس بسرعه أوى وبحس بالتكتكه دى فى رجلى وأنا دايس على الدواسه

[TrickyAhmed85]

قصة التيل والفرامل

أنا دلوقتى عامل 60 ألف يعنى كده كده انا برا الضمان وحتى لو انا فى الضمان وغيرت بره معتقدش ان يطلعنى من الضمان أو ممكن يطلع الجزء ده بس يعنى مثلا لو غيرت التيل برا يبقى الطنابير بس اللى خرجت , يعنى مثلا المساعدين أو حاجه فى التكييف أو كهربا أو حاجه فى الموتور ايه علاقتها بالتيل

طبعا ده تخمينى

وبينى وبينك أنا حسبت الفرق هلاقى نفسى بدفع كتير فى عشان أضمن حاجات احتمالية انها تبوظ قليلة بإذن الله وحتى لو باظت بفرق السعر ده أو أقل منو هغيرها

طبعا تفكيرى ده مجنون شوية بس انا شايف ان مفيش داعى للمغالاه فى الصرف على العربية

[Abouelwafa]

بالنسبة لل abs

لما بدوس جامد على الأخر على دواسة الفرامل بلاقى الدواسه بلاقى الدواسة طريت تحت رجلى كإنك بتظبط هواها وبسمع صوت تكتكة كإن حتجه بتفتح وتقفل بس بسرعه أوى وبحس بالتكتكه دى فى رجلى وأنا دايس على الدواسه

ده الـ ABS المظبوط. مجرد تكتكة تحس بيها تحت رجليك وهوه ده غللى كان بيحصل في البداية بس بعد كده بقت حشرجة

قصة التيل والفرامل

أنا دلوقتى عامل 60 ألف يعنى كده كده انا برا الضمان وحتى لو انا فى الضمان وغيرت بره معتقدش ان يطلعنى من الضمان أو ممكن يطلع الجزء ده بس يعنى مثلا لو غيرت التيل برا يبقى الطنابير بس اللى خرجت , يعنى مثلا المساعدين أو حاجه فى التكييف أو كهربا أو حاجه فى الموتور ايه علاقتها بالتيل

طبعا ده تخمينى

وبينى وبينك أنا حسبت الفرق هلاقى نفسى بدفع كتير فى عشان أضمن حاجات احتمالية انها تبوظ قليلة بإذن الله وحتى لو باظت بفرق السعر ده أو أقل منو هغيرها

طبعا تفكيرى ده مجنون شوية بس انا شايف ان مفيش داعى للمغالاه فى الصرف على العربية

على فكرة، لما غيروا لي التيل في الـ10,000 غيروا الطنابير ضمان لأن التيل الأصلى اللى كان راكب - واللى المفروض إنه بـ 1300 جنية - بوظها