دا توكيل ولا وكالة البلح ؟

[eng.m7md.ali]

انا شايف يا جماعه ان فيه ناس حظها في الامور دي بيبقى حلو وفي ناس بيبقى حظها وحش وانا منهم وده شيء يزعل اكيد .. كتير مننا هنا اشتكو من عيوب تعبتهم في تصليحها داخل التوكيل وفي نفس الوقت مع ناس كتير تانية كانت الامور بسيطة وبتتحل بسلاسة مع الغير.. اللي اقصده ان العيب اللي يظهر ويتحل مع واحد يبقى يتحل مع 1000 لانه توكيل وصاحب الموضوع اللي اهدره له وقته عنده حق في انه مش حابب يروح ومعاه حد لانه حاجز وله حق في فترة الضمان ورايح ومسلم امره لله ثم للتوكيل اللي هو اكيد كان واثق فيه.. انا بحس هناك ان فيه محسوبيات وفيه تصنيف للناس .. زي ما قالك كده ان لو واحد دخل جوا الورشة ممكن يجبوه من جوا زي العيل الصغير .. انا عندي مفتاح درجات الانارة الامامية بيعلق وروحتلهم مرتين ويزبطوه ويعلق تاني لدرجة انه ممكن يفصل اضائة الطبلو كلها والامر ده مش من المفروض انه يكون صعب على التوكيل ... يعني اودي العربية لمين؟ في النهاية اقصد ان اي توكيل في مصر المفروض اغلبية الناس اللي بتتعامل معاه تبقى مجتمعه على حاجة واحدة ضده وهي مثلا اسعاره المرتفعه . . مش قطع غيار غير اصليه زي تيل الفرامل اللي مش عارف ازاي بيبيعه ومبهدل بيه طنابير العربيات اللي مركباه او وقتنا المهدر لان التوكيل المفروض يكون سريع او جودة صيانته مش وقت تروح تلاقي عربيتك بعد ما ربط العفشة مشدودة ومرة تانية تلاقيها مش قد كده على حسب بقى صحة العامل .. انا في رايي ده توكيل على ما تفرج..

حسبي الله ونعم الوكيل فيهم بجد انا معاية الوصولات من اول صيانة ال 1000 ولحد ماروحت اخر مرة والعربية عاملة 13000 وكلو فيها نفس المشاكل وبردو مش عارفين يحلوها

[MASERATI]

السلام عليكم و رحمة الله و بركاته

أولا ألف مليون مبروك لكتب الكتاب و الزواج و ان شاء الله ربنا يباركلك و يرزقك الزرية الصالحة ان شاء الله .

بالنسبة للمهندس الظريف أبو دم خفيف اللى بيقولك ( قارن العربية بأى عربية شاهين ) فأنا لو كنت واقف كنت قولتله بكل بساطة , أن أنا عندى عربية شاهين اس 1400 مو 1997و بعمل فيها اللى ما يتعمل و مطلع تربنتين أبوها و سواء كانت قليلة ولا كتييييييرة , فهى مفيهاش العيوب دى خالص و لو كان فيها العيوب دى, فأى واد بلية عند أهيف صنايعى كان صلحها بضافر صابع رجله الصغير , بس يا خسارة , أنا مكنتش موجود .

قال قارنها بعربية شاهين قال

و شكرا ليكم كلكم واحد واحد

مازيراتى كواتروبورتيه

--------------
ممنوع الكتابه باللون الاحمر حيث انه مخصص للمداخلات الاداريه فقط , تم تغيير اللون
برجاء قراءه قواعد المنتدى

مشرف القسم , ب8
04:25am 10/7/2010