المساعد الخلفي يسار باظ خلاص

[nedaloo]

مساء الفل لاحلى بروتوناوية
المساعد الخلفي شمال عندي باظ و بيعمل تخبيط مع الطرق الترابية والمطبات والعربية بقت واطية 5 سم من اليسار كشفت عليها في التوكيل وقال المهندس لازم المساعدين الخلفيين يتغيروا مع بعض بصراحة انا مش قادر اغيرهم حاليا عشان الميزانية وانا سألت محل خارج التوكيل مختص بقطع بروتون استيراد وقال سعر المساعد الواحد مايوازي 300 جنيه انا استغربت من السعر ده وحسب كلام صاحب المحل ان المساعد جديد معقول السعر ده مقارنة مع سعر التوكيل ! وينفع ان امشي بالعربية بدون ما اغير المساعد البايظ ولا ده خطر وليه تأثيرات ؟

[abo3bdolrahman]

الأحسن إنك تغيرهم هوا المساعدين بتوعها يابانى بس مش فاكر الماركة إيه بس دى اللى التوكيل كان بيركبها فى الواجا ممكن تكون اللى فى محل قطع الغيار صينى أو تايوانى لو تايوانى ماشى لكن صينى لأ

[ramyar]

الماركه byd وعلي فكره انتا ممكن تكشف علي المساعد المستعمل بنفسك وتعرف حالته

[abo3bdolrahman]

هيا لو المساعدين اللى راكبة عندك هيا اللى كانت العربية جاية بيها فهيا فعلا كده عاوزة تتغير أنا كانت ضربت معايا بردوا بس بعد 5 آلاف كم و غيرتها فى الضمان ساعتها بس بمساعدين خدمة شاقة مجانا و كانت هيا اليابانى دى و اللى إتفكت بردوا كانت يابانى و هيا إسمها kyb و يابانى و الحمد لله كويسة معايا لحد دلوقتى

[ahmed_h_g]

متمشيش بالمساعدين كده علشان لو قدر الله أخدت حفره على سرعه ممكن تعملك شرخ فى الركبه أو فى الشنطه
بلاش خليك فى السليم

[أبومعاذ]

مادام مفيش اماكانية مادية حاليا يبقى غير المساعد البايظ بواحد استيراد مؤقتا لحد ما تغير الاتنين لما ربنا يسهل بس سعر المساعد الاستيراد كدا غالي أوي المفروض ميعديش 200ج

[nedaloo]

ياجماعة المساعد اللي ب 300 جديد مش مستعمل وقال صاحب المحل انه اصلي معقول الكلام ده