ايه يارجالة عندى مشكله مقلقانى فى الساجا

[vsaga]

انا معايا ساجا مانيوال لسة يدوب بقالها معايا عشر ايام وعامل بيها 400 كيلو
المشكله :
هى ان الار بى ام بيعلى بسرعه اوى وبيوصل ل 3 بسرعه فى كل النقلات وصوت الموتور يعلى
يعني مثلا الرابع بيجب معايا 80 واذا زودت عن كده صوت الموتور يعلى ويبقى عايز يروح للخامس
يعنى بحس ان العربية نقصها نقلة نسيوا يحطوها ولا ايه
تانى حاجة الدبرياش بتاعها عالى والعالى ده بيخلى الواحد كتير رجله تسيب فى العربية تبطل
معلش يارجالة انا لسة جديد فى العربيات ومفهمش اى حاجة
فكنت عايز اعرف برضه هو لما رجلى تسيب والعربية تبطل ده غلط كده على العربية
وبرضه كنت عايز اعرف لو مثلا فى سهوة كده الار بى ام سرحت ووصل منى لاعلى من 3 ده برضه غط على الموتور ؟؟؟
واخر حاجة بقى الفتيس بحس ساعات كده بيعصلج وتقيل .
والف شكر لكل الشباب

[mo7hamedemad]

اولا بالنسبة لل ان الار بى ام بيعلى بسرعة والصوت بيعلى جامد دة فى فترة التلين وعلى العموم بعد التليين ابقى فتح ماتورك والصوت هيختفى انا عملت كدة وجبت بالعربية 170 وطبعا فى صوت بس مش الصوت الى ممكن انت تتخيلة لو جبت 170 دلوقتى

ثاينا بالنسبة لمشكلة الدبرياش بكرة هتتعود عليها ولو مش مريحاك قولهم فى صيانة ال 1000 وهمة هيعملهولك

ثالثا موضوع ان العربية تبطل طالما هى مش علطول ونادر يبقى مفيش مشكلة وبعدين كل دة عشان انت بس رجلك لسة مخدش على الدواسات ولسة درجة حساسية رجلك ع الدبرياج ع العموم بكرة هتتعود وكل حاجة هتبقى تمام بس انت حاول تمشى بالعربية كدة ولما تجيب ال 700 هتلاقى كل حاجة بييييييييييييس ومش عايز تغير حاجة

رابعا بالنسبة للسهوة وموضوع ان الار بى ام يعلى منك عن 3 دة مفهوش مشكلة طالما هى قليل بس انا هقولك ع حاجة انا عن نفسى عملتها فى اول 500 كيلو انا كنت بنقل ع 2ونص تانى 500 كيلو بنقل على 3

خامسا موضوع الفتيس قولهم علية وهمة هيعملهولك هى بس بتبقى فى الاول وبتروح لوحدها

سادسا الشكر لله وحدة
تحياتى محمد عماد

[vsaga]

الف الف الف شكر ياباشا
معلش اصل لسة جديد فى السواقة ودى اول عربية فمعنديش اى خلفية عن اى حاجة
الف شكر ياريس

[A.Saad]

مبروك العربية
ياريت تنقل اقل من كدة طالما فى الاول
يعنى 2500 مثلا
وارجع للكتالوج برده

[vsaga]

فعلا يارجالة انتوا شباب جامدة لما بدأت انقل من بدرى الشوية حسيت ان العربية ماشية مستريحة اكتر واهدى
وياريت لما اروح التوكيل يظبطولى موضوع الفتيس ده واستهلاك البنزين لحسن انا بمشى كل يوم مشوار بتاع 60 كيلو وتقريبا بفول مرتين كل عشر ايام وغير لسة كمان الدعم هايتشال يعنى بعد كده هانركب عجل

[mo7hamedemad]

مرتين فى الاسبوع فى 60 كيلو فى اليوم يبقى كويس اوى يعنى مثلا

لو قلنا انك بتخرج 4 مرات بس فى الاسبوع
يبقى 4 فى 60 = 240
فى 2 = 480
واكيد انت بتفول اقل من 35

يعنى ال 35 لتر يعملو 480 كيلو


يعنى اللتر بيعمل 14 كيلو تقريبا ودة معدل ممتااااااااااااااااااااااااااااز لعربية لسة فى التليين

خلى بالك انا حاسب على اقل الاشياء وانت ممكن تمشى اكتر من 4 ايام فى الاسبوع وممكن تكون بتفول افل من 35 لتر وسعتها العملية هتبقى بتعمل معاك معدل حلو اووووووووووى

[mostafashokry]

انا معايا ساجا مانيوال لسة يدوب بقالها معايا عشر ايام وعامل بيها 400 كيلو
المشكله :
هى ان الار بى ام بيعلى بسرعه اوى وبيوصل ل 3 بسرعه فى كل النقلات وصوت الموتور يعلى
يعني مثلا الرابع بيجب معايا 80 واذا زودت عن كده صوت الموتور يعلى ويبقى عايز يروح للخامس
يعنى بحس ان العربية نقصها نقلة نسيوا يحطوها ولا ايه
تانى حاجة الدبرياش بتاعها عالى والعالى ده بيخلى الواحد كتير رجله تسيب فى العربية تبطل
معلش يارجالة انا لسة جديد فى العربيات ومفهمش اى حاجة
فكنت عايز اعرف برضه هو لما رجلى تسيب والعربية تبطل ده غلط كده على العربية
وبرضه كنت عايز اعرف لو مثلا فى سهوة كده الار بى ام سرحت ووصل منى لاعلى من 3 ده برضه غط على الموتور ؟؟؟
واخر حاجة بقى الفتيس بحس ساعات كده بيعصلج وتقيل .
والف شكر لكل الشباب

'طبعا الاستاذ محمد عماد قام بالواجب بس انا هضيف معلومة إن فيه أرتباط وثيق بين علو الدبرياج و عصلجة الفتيس , يعنى لازم تظبط رجلك مع النقلة و الف مبروك العربيه

[vsaga]

محمد عماد انت استاذ
هو انا كمان بخرج بيها 60 كيلو فى خمس ايام عشان الشغل يعنى كل يوم ماعدا يومين اجازة
يارب ياريس يقل كمان معدل الاستهلاك بعد ال 5000 كيلو لان انت عارف احنا داخلين على ايام البنزين فيها هايبقى بالجرام بعد كده
والف شكر ليك يا باشا

مصطفى باشا :الله يبارك فيك , فعلا ياريس كلامك مظبوط هو المشكله ان دى اول عربية ليا وانا كمان لسة جديد فى السواقة وادينى مع الوقت بدات اظبط رجلى عليه ..