استفسارات عن ويرا 1300 موديل 2005

[elshorbagy]

السلام عليكم,

اشتريت ويرا 1300 موديل 2005 من حوالي أسبوع. العربية حلوة ماشاء الله بس كان عندي كام سؤال كده محتاج مساعدة فيهم:

1. اضاءة تابلوه العدادات واطية نوعا ما هل هي كده ولا محتاج اغير حاجة.
2. التكيف حاسس انه مش قوي زي مثلا بتاع الصني مثلا. فهل فمثلا اغير له الفريون عشان يبقى كويس ولا هو كده طبيعي.
3. في زرار صغير مرسوم عليه لمبة تحت الدريكسيون من الناحية الشمال, شغلته بس مافيش حاجة نورت. فده خاص بايه؟
4. صوت الموتور بيعلى عند سرعة 100 مثلا اعتقد ان ده طبيعي في البروتون.
5. كنت عاوز اعرف ال 1300 دي تساوي كم حصان ومعدل التسارع من 0 ل 100 لاني مش معايا الكتالوج بتاعها لكن العربية ماشاء الله بتسحب بسرعة مش ميتة.

[mmmmgogommmm]

هات الغىار الخامس على90 وهى صوتها هيهدى

[mmmmgogommmm]

حوالى 75 او79 حصان

[mrwho1982]

الزرار اللي تحت التابلوه ده بيعلي ويوطي النور العالي والواطي

بالنسبة للتكييف جرب تبص علي فلتر الهوا هو يعمل حوالي 70 جنيه

دي سرعاتي

1 20

2 40

3 80

4 100

5 120 وانت طالع

وغيرت بوجيهات لو انت لسه ماغيرتش

ولو احتجت حاجة قول الناس هنا زي الفل

وللعلم اغلبة قطع الغيار هيونداي اكسيل ولانسر 99

ومبروك علية العربية

[ahmed_h_g]

السلام عليكم,

اشتريت ويرا 1300 موديل 2005 من حوالي أسبوع. العربية حلوة ماشاء الله بس كان عندي كام سؤال كده محتاج مساعدة فيهم:

1. اضاءة تابلوه العدادات واطية نوعا ما هل هي كده ولا محتاج اغير حاجة.
2. هتلاقى لمبه أو لمبتين فى التبلوه عايزين يتغيروا
3. التكيف حاسس انه مش قوي زي مثلا بتاع الصني مثلا. فهل فمثلا اغير له الفريون عشان يبقى كويس ولا هو كده طبيعي.
4. لا التكييف ممتاذ مش ضعيف ولا حاجه
5. أكشف عليه ممكن يحتاج تزويد فقط
6. في زرار صغير مرسوم عليه لمبة تحت الدريكسيون من الناحية الشمال, شغلته بس مافيش حاجة نورت. فده خاص بايه؟
7. المفتاح ده خاص بموتور الكشاف الأمامى وليس التبلوه

1. صوت الموتور بيعلى عند سرعة 100 مثلا اعتقد ان ده طبيعي في البروتون.
2. على حسب الغيار
3. لو الصوت زايد أتأكد من فلتر الهواء راكب كويس
4. كنت عاوز اعرف ال 1300 دي تساوي كم حصان ومعدل التسارع من 0 ل 100 لاني مش معايا الكتالوج بتاعها لكن العربية ماشاء الله بتسحب بسرعة مش ميتة.
5. الموتور 74 حصان بس أنا شايف انه أكتر من 80 حصان
6. أدخل هنا هتعرف كام معلومه هيفيدوك
7. http://www.nilemotors.net/Nile/154286-a.html
8. بالنسبه للتسارع من 0 الى 100 فى حوالى 14 ثانيه
9. أهلا" بيك فى عائلة بروتون وربنا يباركلك فى العربيه الجميله ويرا

[mrwho1982]

بعد اذنك يا استاذ احمد هو الزرار بتاع النور ده بايظ عندي هو يعمل كام جديد ومنين

[sameh_loza]

اهلا بيك في عائلة بروتون الويرا

[elshorbagy]

المفتاح ده خاص بموتور الكشاف الأمامى وليس التبلوه

معلش ممكن توضيح اكتر.

و هي ايه العربيات الفي نفس فئتها؟

وشكرا للردود وربنا يبارك فيكم

[ahmed_h_g]

معلش ممكن توضيح اكتر.

و هي ايه العربيات الفي نفس فئتها؟

وشكرا للردود وربنا يبارك فيكم

أقول لحضرتك فكرة المفتاح ده ايه بس معلش هكتبلك بالعاميه علشان أعرف أوضح أكتر
حضرتك لو ركب معاك 3 أفراد فى الكنبه الخلفيه أكيد العربيه هتوطى من الخلف وهتعلى من الأمام
لو جربت وشغلت النور الأمامى هتلاقيه عالى وبيعاكس اللى جاى فى المقابل
هوه ده بأه فكرة المفتاح ده
انك لو حصل معاك الموقف ده تقدر بالمفتاح تنزل الكشاف بنسبه معينه علشان تقدر تشوف واللى قدامك يقدر يشوف برضه
بس أهم حاجه تتأكد ان الكشافات اللى عندك الأصليه اللى راكب فيها موتور

[elshorbagy]

بس أهم حاجه تتأكد ان الكشافات اللى عندك الأصليه اللى راكب فيها موتور

اتأكد ازاي طيب؟

و هي ايه العربيات الفي نفس فئتها؟

[elshorbagy]

سؤال كمان والويرا بتاخد بنزين ايه 90 ولا 92 ؟

[msafa]

امفتاح جبته من اولا علام ب 100 جنيه و مكنتش اعرف اساسا ان عندي موتور في الفوانيس و كنت كتبته في الموضوع ده:

http://www.nilemotors.net/Nile/155229-a.html

[sameh_loza]

سؤال كمان والويرا بتاخد بنزين ايه 90 ولا 92 ؟

تحياتي لحضرتك اولا
كتالوج الويرا بيقول ان العربية بتاخ بنزين اوكتين 91 يعني اللي هو في بلادنا بنزين 92 هو بالفعل انسب نوع بنزين للويرا

[elshorbagy]

تحياتي لحضرتك اولا
كتالوج الويرا بيقول ان العربية بتاخ بنزين اوكتين 91 يعني اللي هو في بلادنا بنزين 92 هو بالفعل

شكرا لك اخي الفضل
وتحياتي لك وللجميع