سؤال لكل البروتوناويه و بالأخص لرامى منفضلكم

[Tayer]

أنا رايح صيانه الألف أن شاء الله يوم الأربعاء القادم
الحكايه كلها أنى سمعت عن زيت فيسكو و قررت أشتريه رحت بنزينه الأمرات العلى الصحراوى لأانها جنب شغلى
و أشتريت فيسكو 3000 ب 115 بلبل
و كان مكتوب عليه 20w- 50
زى ما الكاتلوج بيقول
و تردت اوى و أنا بجيبو عشان كنت عايز أجيب فيسكو 5000
المهم رجعت البيت أعت أقلب فى الموضيع على نايل موتورز لقيت رقم المهندس محمد كلمته قولتله مين أحسن قالى ال 5000 و هو راجل محترم جدا الصراحه
المهم رحت نازل عشان أغيره و كانت الموفجأه فيسكو 5000 مكتوب عليه (5w-40)
رحت كلمته تانى و أنا هناك قالى عادى و أعد يفهمنى بس الدنيا كانت زحمه أوى و مفهمتش أوى
المهم رحت جايب ال فيسكو 5000
المهم رجعت دلوقتى بضور فى قسم بروتون لقيت المعلم رامى شارح الموضوع ده قبل كده ربنا يخلينا ليه و يخليه لينا
السؤال دلوقتى مين الأحسن فى صيانه الألف و ليه ؟
فيسكو 5000 (5w-40) ولا فيسكو 3000 (20w- 50)?
رااااااااااااااااااااااااااااااامى

[أبومعاذ]

انا بستعمل 3000 وشغال معايا زي الفل

[Osama.shihata]

ياترى فرق معاك يا بشمهندس يا ابو مريم يا غالى

[Raul_7]

متابع...ويا ريت كمان شرح مفصل لل w الكتير ديه يا أستاذ رامي.

[Tayer]

راااااااااااااااااااااااااااامى
أستدعاء عاجل

[msafa]

فيسكو 5000 لزوجته اقل و ده مناسب للعربيات الجديدة و تكون بتعمل كيلومتراج كتير في فترة قليلة
مع الوفت لما كبس الموتور بيقل بنحتاج نحط زيت لزوجته اعلى عشان يملى الفراغات بشكل افضل
ال 5000 ده تخليقي زي شل هيلكس الترا و موبيل 1 بس فيسكو بيقعد فترة اطول بتوصل ل 20000 على حسب ما قال م. محمد
ال 3000 بيقولو ان نصف تخليقي بس دلوقتي سمعت انه معدني بالكامل

انا على فكرة بحط ال شل هيلكس التر التخليقي المكافئ لفيسكو 5000 و شغال معايا كويس و مهدي صو العربية و كله تمام

[M.almaghraby]

انا حاطط 5000

[أبومعاذ]

ياترى فرق معاك يا بشمهندس يا ابو مريم يا غالى

حبيبي والله يا أستاذ اسامة ...مش هشوفك بقى ولا ايه؟ بالنسبة للزيت هو مخلي صوت العربية أهدى ونزلت الزيت ال3000 كان عامل في العربية 12000كم وكانت حالته ممتازة وسعره 115ج يعني زيت ممتاز وموفر جدا وانا فضلت ال3000 عن ال5000 عشان الزيت ميفضلش في العربية فترة طويلة

[Tayer]

موضوع اللزوجه الأقل ده عيزيين نتأكد منه يا جماعه
هيكون أحسن فى صيانه الألف ولا لأ ؟

[M.almaghraby]

بص

حط توتال بتاعهم ال 5000 في صيانة الالف و ال 5000 احسن

بعد كدا دوس تخليقي

[Tayer]

يا جماعه أنا عايز كلام علمى و مش عايز أغير نوع الزيت
الهحطه لحد ماموت

[ramyar]

اسف علسي التاخير يا فندم لاكن والله لظروف الشغل
بص ياسيدي اللزوجه بتعتمد علي درجه الحراره يعني 5 والزيت سخن في درجخ حراره التشغيل الي بتتراوح ما بين 80 الي 90 وال 20 في بدايه التشغيل وبيكون حراره الزيت زي درجه حراره الجو ويستحسن في بدايه عمر السياره استخدام زيت w 5 :20

[Tayer]

شكرا يا رامى على أهتمتمك
أنا رجعت فيسكو و أشتريت الأمرات 10000
فيسكو 5000 (5w-40)
api sl
أما الأمرات( 5w-50)
api sm
الأمرات أحسن و الapi أعلى كمان

[ramyar]

علي فكره انا في صيانه ال 1000 حطيت زيت من الي في التوكيل لاكن 5000 كيلو بس
وفي صيانه ال 5000 غيرت وحطيت موبيل xhp وفي صيانه ال 10000 ان شاء الله هغير اما موبيل 1 او شيل لان سامع عن شل كلام كويس جدا وفي الاخر الزيوت المعدنيه كلها واحد والاختلاف فقط في الاضافات لاكن الزيوت التخليقيه افضل

[Tayer]

رامى أسأل قبل متغير من زيت معدنى لزيت تخليقى
أنا سامع والله أعلم أنو غلط من كام موضوع فى المنتدى
أنما ممكن تغير من تخليقى لمعدنى عادى 0ده القرأته )
و بالتأكيد التخليقى أحسن و لعمر موتور أطول
لكن التغيير من زيت لزيت كتير فى حد زاته مش كويس على الموتور